Любовию Христовою сердце твое уязвивый, евангельски Тому последовал еси: яко древний подвижник преподобием украсивыйся, славный насельник обители Богоматери у пещер Богом зданных явился еси, и, благодать духовную свыше приемый, подаеши верным исцеления, Симеоне богоблаженне, не престай молитися о чтущих тя.
Яко Божия любве зерцало, во обители Печерстей благодатно просветился еси, образ иноческаго жития показуя, трудолюбием и послушанием на высоту добродетелей востекл еси, темже, дары Духа Святаго от Господа почтенный, чудеса многа щедро источаеши, преподобне отче наш Симеоне, помози спастися душам нашим.
Во Иордане крещающуся Тебе, Господи, / троическое явися поклонение, / Родителев бо глас свидетельствоваше Тебе, / возлюбленного Тя Сына именуя, / и Дух в виде голубине, / извествоваше словесе утверждение. / Явлейся Христе Боже, / и мир просвещей, слава Тебе.
Явился еси днесь вселенней,/ и свет Твой, Господи, знаменася на нас,/ в разуме поющих Тя:/ пришел еси, и явился еси, - / свет неприступный.
Величаем Тя, / Живодавче Христе, / нас ради ныне плотию Крестившагося / от Иоанна / в водах Иорданских.