Загрузка...

Календарь Молитвослов Библия

Тропари, кондаки и величания - 29 января 2025

Тропарь апостола Петра
Рима не оставль, к нам пришел еси/ честными веригами, яже носил еси, апостолов первопрестольне./ Имже верою покланяющеся, молимся:/ твоими к Богу молитвами// даруй нам велию милость.
Тропарь апостолам

Апостолов первопрестольницы/ и вселенныя учителие,/ Владыку всех молите/ мир вселенней даровати// и душам нашим велию милость.

Собор славных и всехвальных 12-ти апостолов. Тропарь
Апостолов первопрестольницы/ и вселенныя учителие,/ Владыку всех молите/ мир вселенней даровати/ и душам нашим велию милость.
Кондак апостола Петра
Верховнаго и перваго апостолов,/ истины Божественнаго ученика,/ Петра великаго восхвалим/ и того верою целуем вериги,// прегрешений разрешение приемлюще.
Кондак апостолам

Твердыя и боговещанныя проповедатели,/ верх апостолов Твоих, Господи,/ приял еси в наслаждение благих Твоих и покой:/ болезни бо онех и смерть приял еси паче всякаго всеплодия,// Едине, сведый сердечная.

Кондак апостолов
Камень Христос каменя веры прославляет светло,/ учеников преизрядна,/ и с Павлом весь дванадесяточисленный собор днесь,/ ихже память совершающе верно,// сих Прославльшаго прославляем.
Ин кондак славных и всехвальных 12-ти апостолов
Петра, вернии, каменя веры, похвалим/ и Павла Богомудраго,/ созывают бо всех праздновати верою,/ соборне вкупе вся дванадесяте, яко проповедники вере,/ просяща грехов оставления.
Величание первоверховным апостолам Петру и Павлу

Величаем вас, / апостоли Христовы Петре и Павле, / весь мир ученьми своими просветившия / и вся концы ко Христу приведшия.

Тропарь блаженному Максиму Тотемскому

Непорочным священством Богови послужив, / посреде мирскаго мятежа юродство избрал еси, / взем бо крест, последовал еси Христу невозвратным помыслом / и, с любовию к Нему добродетельми приближаяся, / земная оставив, Небесная восприял еси, / блаженне Максиме, отче наш, / моли Христа Бога / сохранитися граду Тотьме невредиму / и спастися душам нашим.

Кондак блаженному Максиму Тотемскому

Божественному гласу последуя,/ возревновал еси наставляти паству свою/ не мудростию слова, но буйством жития безмятежнаго,/ непрестанными молитвами и слезными струями/ душу и тело омывая,/ воздушными стихиями плоть изнуряя,/ темже и по смерти чудесы тя Господь прослави,/ да с верою зовем к тебе:/ радуйся, Богомудре отче наш Максиме.