Загрузка...

Календарь Молитвослов Библия

Тропари, кондаки и величания - 22 февраля 2025

Тропарь святителя Тихона, патриарха Московского и всея Руси (прославление)
Апостольских преданий ревнителя / и Христовы Церкве пастыря добраго, / душу свою за овцы положившаго, / жребием Божиим избранного / Всероссийскаго Патриарха Тихона восхвалим / и к нему с верою и упованием возопиим: / предстательством святительским ко Господу / Церковь Русскую в тишине соблюди, / расточенная чада ея во едино стадо собери, / отступившия от правыя веры к покаянию обрати, / страну нашу от междоусобныя брани сохрани / и мир Божий людем испроси.
Ин тропарь святителя Тихона, патриарха Московского и всея Руси
В годину тяжкую Богом избранный / в совершенной святости и любви Бога прославил еси, / во смирении величие, в простоте и кротости силу Божию являя, / положил душу за Церковь, за люди своя, / исповедниче патриарше святе Тихоне, / моли Христа Бога, / Емуже сораспялся еси, / и ныне спасти землю Русскую и паству Твою.
Кондак святителя Тихона, патриарха Московского и всея Руси
Тихостию нрава украшен,/ кротость и милосердие кающимся являяй,/ во исповедании православныя веры и любве ко ГосподУ/ тверд и непреклонен пребыл еси,/ святителю Христов Тихоне./ Молися о нас, да не разлучимся от любве Божия,/ яже о Христе Иисусе, Господе нашем.
Тропарь святителю Иннокентию, епископу Иркутскому

Светильниче Церкве пресветлый,/ озаривый лучами доброт твоих страну сию,/ и исцеленьми многими притекающих к тебе с верою/ Бога прославивый,/ молим тя, святителю Иннокентие,/ ограждай молитвами твоими град сей// от всех бед и печали.

Кондак святителю Иннокентию, епископу Иркутскому

Непорочности соименнаго пастыря,/ проповедника веры в языцех Монгольских,/ славу и украшение Иркутския паствы/ любовию восхвалим, вси вернии:/ той бо есть хранитель страны Сибирския// и молитвенник о душах наших.

Тропарь мученику Никифору, из Антиохии Сирской

Мученик Твой, Господи, Никифор,/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.

Кондак мученику Никифору, из Антиохии Сирской

Любве союзом связався, Никифоре,/ разрушил еси яве злобу ненависти/ и мечем во главу твою усечен был еси,/ мученик Божественный воплощшагося Спаса,/ Егоже о нас моли, поющих славную память твою.

Ин кондак мученику Никифору, из Антиохии Сирской

Вперився, славне, Господнею любовию/ и Сего славный Крест на рамо взем, посрамил еси диаволи козни,/ пострадал еси даже до смерти/ и истины явился еси победоносец,// оружник и таинник Божия благодати.

Тропарь преподобному Панкратию Печерскому, в Дальних пещерах

Панкратие Богомудре,/ священниче Господень изрядне,/ и чудес многих самодетелю,/ молися Господеви,/ во еже спасти души наша.

Кондак преподобному Панкратию Печерскому, в Дальних пещерах

В постницех явился еси велик,/ во иереех же нарочит/ и в чудотворениях даре показася славен,/ священне отче Панкратие,/ тем тя чтим и ублажаем.

Тропарь преподобным Геннадию и Никифору схимонахам Важеозерским (Олонецким)

Яко светильницы пресветлии, Преподобнии отцы наша Геннадие и Накифоре, на брег Важеезера вселестеся и равноангельное житие в пустыне совершили есте. Отнюдоже и по смерти исцеления источаете, Дивнии чудотворцы Карельстии. Темже и мы, притекающие во Обитель вашу, Со умилением и любовию глаголем: молите Христа Бога спастися душам нашим.

Кондак преподобным Геннадию и Никифору схимонахам Важеозерским (Олонецким)

Мира красоту и яже в нем тленная Оставивше и все умное свое желание К Богу вперивше, Того Крест Нарамо взлемше дарование чудес От Христа прияли есте. И ныне Предстояще Святей Троице, поминайте нас, чад ваших, яже собрали есте мудрии. Сего ради вопием вам: радуйтеся Преподобнии Отцы наша Геннадие и Никифоре.

Тропарь священномученика Панкратия
И нравом причастник,/ и престолом наместник апостолом быв,/ деяние обрел еси, богодохновенне,/ в видения восход,/ сего ради слово истины исправляя,/ и веры ради пострадал еси даже до крове,/ священномучениче Панкратие,/ моли Христа Бога// спастися душам нашим.
Тропарь священномученика Панкратия, епископа Тавроменийского
Яко стрела огнезрачная,/ от Верховнаго послан был еси Тавроменийскому престолу/ уязвляти безбожных злочестие,/ верных же сердца просвещати,/ яже боговещанными твоими словесы в вере утвердив/ и течение совершив, пострадал еси до крове,/ священномучениче Панкратие,/ моли за вся, поющия память твою.
Кондак священномученика Панкратия
Светлая тавромениом, Панкратие,/ звезда показался еси/ и священнострадалец явился еси за Христа,/ Емуже ныне предстоя,// моли за чтущия тя, блаженне.
Тропарь заупокойный
Кондак заупокойный