Тропари, кондаки и величания - 28 февраля 2025

В тебе, мати, известно спасеся, еже по образу: / приимши бо крест, последовала еси Христу, / и деющи учила еси презирати убо плоть, преходит бо; / прилежати же о души, вещи безсмертней; / темже и со ангелы срадуется, преподобная Евфросиния, дух твой.

Вышнюю жизнь вожделевши получити, / дольнюю сладость тщательно оставила еси, / и самую себе смесила еси посреде мужей, краснейшая, / Христа бо ради Жениха твоего / о обручнице привременном небрегла еси.

Апостоле святый Онисиме,/ моли Милостиваго Бога,/ да прегрешений оставление/ подаст душам нашим.

Яко луча, возсиял еси вселенней,/ зарями сияя солнца, блаженне,/ всесветлаго Павла, мир просветившаго:/ темже тя почитаем,// Онисиме славне.