И нравом причастник, / и престолом наместник Апостолом быв, / деяние обрел еси, Богодухновенне, / в видения восход, / сего ради слово истины исправляя, / веры ради пострадал еси даже до крове, / священномучениче Сильвестре, / моли Христа Бога / спастися душам нашим.
Правило веры и образ кротости, воздержания учителя, яви тя стаду твоему, яже вещей истина, сего ради стяжал еси смирением высокая, нищетою богатая, отче Тарасие, моли Христа Бога спастися душам нашим.
Православными догматы Церковь уяснив, и Христову, блаженне, честную икону почитати и покланятися всех научив, обличил еси иконоборцев безбожное веление. Сего ради вопием ти: о, отче, радуйся, мудре Тарасие.