Тропари, кондаки и величания - 12 марта 2025

Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, / сияя чудесы, Прокопие отче наш. / Моли Христа Бога спастися душам нашим.

Воинство тленное оставль,/ в нетленном ввоенился еси Христови,/ и оружием его крестным победив подземных ефиопов,/ победы венец от Христа, Тите, славно приял еси,/ Емуже молися даровати нам мир и велию милость.

Воина Христова храбраго,/ щитом преподобия обложшагося/ и воев невидимых крепко победивша,/ приидите, вернии, восхвалим,/ Тита крепкодушнаго и возопиим:/ прииди, святе, к нам и никтоже озлобит ны.