Тропарь на Великий Четверг
Егда славнии ученицы / на умовении вечери просвещахуся, / тогда Иуда злочестивый, / сребролюбием недуговав, омрачашеся, / и беззаконным судиям Тебе, Праведнаго Судию предает. / Виждь, имений рачителю, / сих ради удавление употребивша! / Бежи несытыя души, / Учителю таковая дерзнувшия: / Иже о всех благий, Господи, слава Тебе.
Кондак на Великий Четверг
Хлеб прием в руце предатель, / сокровенно тыя простирает, / и приемлет цену Создавшаго Своима рукама человека, / и неисправлен пребысть Иуда, раб и льстец.
Кондак преподобного Иосифа песнописца
Покаяния источник неисчерпаемый,/ утешения податель некончаемаго/ и умиления пучина еси, Иосифе,/ слезы нам подаждь покаяния Божественнаго,/ имиже утешение, зде плачущеся,/ обрящем от Бога,/ твоея помощи просяще, святе.
Кондак преподобного Иосифа
Покаяния источник неисчерпаемый,/ утешения податель некончаемаго/ и умиления пучина еси, Иосифе,/ слезы нам подаждь покаяния Божественнаго,/ имиже утешение, зде плачущеся,/ обрящем от Бога,// твоея помощи просяще, святе.
Тропарь преподобного Иосифа многоболезненного
Слез твоих теченьми пустыни безплодное возделал еси,/ и инее из глубины воздыханьми во сто трудов уплодоносил еси,/ и был еси светильник вселенней, сияя чудесы,/ Иосифе, отче наш,/ моли Христа Бога спастися душам нашим.
Кондак преподобного Иосифа многоболезненного
Многолетне страдая в болезнех,/ молитвою и обещанием восприятия иночества/ приял еси здравие от Бога,/ и, неленостно подвизався в Печерстей обители,/ наследил еси неболезненную и вечную жизнь,/ и исцелявши недуги чтущих тя,/ преподобне Иосифе, отче наш.
Тропарь преподобномученице Марии (Леляновой)
Агница Твоя Иисусе Мария./ утешение рабом Твоим в годину лютую явися,/ крепость веры и благочестия показавши,/ мучения претерпе от богоборцев./ Тоя молитвами яко милостив спаси души наша.
Кондак преподобномученице Марии (Леляновой)
Страдалице и благовестнице пречудная,/ молитвеннице за всех скорбящих и страждущих,/ преподобномученице мати Марие, /молися Господу Богу со всеми новомученики Российскими/ спасение нам даровати и помиловати души наша.
