Молитвы - 22 апреля 2025

О Пресвятая Дево, Мати Господа, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшнем Суде Сына Твоего явися нам милосердая заступница, да всегда поем, величаем и славим Тя, яко благую заступницу рода христианскаго, со всеми угодившими Богу. Аминь.

О, небесные граждане вышнего Иерусалима, преподобные отцы наши, светлые звезды пустыни Гареджийской, благоухание райское, облагоухайте церковь Иверскую молитвами и покровом вашим! Принявши от рук Подвигоположника мзду трудов наших, оградите своим покровом и словесное стадо ваше от нашествия невидимых врагов, попирающих и убивающих души верных чад православия! Отгоните от стада вашего нашествие нечестивых ересей и, предстоя Престолу всех Царя и Господа Иисуса, молитесь, да сподобит и нас предстательством вашим стоять одесную Его и вкупе с вами славословить Пречестиое и Великолепное Имя Отца и Сына и Святого Духа, ныне и присно и во веки веков. Аминь.