Собор славных и всехвальных 12-ти апостолов. Тропарь
Апостолов первопрестольницы/ и вселенныя учителие,/ Владыку всех молите/ мир вселенней даровати/ и душам нашим велию милость.
Тропарь апостола Фомы
Ученик Христов быв,/ Божественнаго собора апостольскаго сопричастник,/ неверствием бо Христово Воскресение известив/ и Того пречистую страсть осязанием уверив,/ Фомо всехвальне,// и ныне нам проси мира и велия милости.
Кондак апостолам
Камень Христос каменя веры прославляет светло,/ учеников преизрядна,/ и с Павлом весь дванадесяточисленный собор днесь,/ ихже память совершающе верно,// сих Прославльшаго прославляем.
Ин кондак славных и всехвальных 12-ти апостолов
Петра, вернии, каменя веры, похвалим/ и Павла Богомудраго,/ созывают бо всех праздновати верою,/ соборне вкупе вся дванадесяте, яко проповедники вере,// просяща грехов оставления.
Кондак апостола Фомы
Премудрости благодати исполнен,/ Христов апостол/ и служитель истинный/ в покаянии вопияше Тебе:// Ты мой еси Бог же и Господь.
Величание святому апостолу Фоме
Величаем тя, апостоле Христов Фомо, и чтим болезни и труды твоя, имиже трудился еси во благовестии Христове.
Тропарь святому Мартину Исповеднику, папе Римскому
Истинных повелений устне распространил еси, / зловерие низложил еси, Богомудре Мартине, / святителю всечестне, / поминай нас, угодниче Христов, / еже к Нему ходатайствы твоими, / да в мире устроиши живот наш.
Тропарь мучеников Антония, Иоанна и Евстафия Литовских
Иже земных, чести и славы отвергшеся,/ доблии и честнии страдальцы,/ веры ради крепко и мужественно муки претерпесте,/ на смерть себе вдавше за Живот всех — Владыку./ Темже и Христос преславно столпом облачным/ с Небесе вас озари/ и почестьми и венцы от Престола славы венча./ Со Ангелы Тому предстояще,/ молите спастися душам нашим.
Ин тропарь мучеников Антония, Иоанна и Евстафия Литовских
От корене неплодна, преблаженнии,/ возрастивше Православный веры ветви,/ первомучеником тезоименитии явистеся:/ злаго бо и нечестиваго князя ярости не убоястеся,/ повелевающа Христа отрещися./ Сего ради мученическия венцы приемше/ и со Ангелы Престолу Владычню предстояще,/ о нас молитеся, преблаженнии,/ православно чтущих святую память вашу.
Кондак мучеников Антония, Иоанна и Евстафия Литовских
Отеческую прелесть оставльше, святии,/ приведостеся Христови,/ всем души усердием стаете мужемудренно до смерти./ Темже и взясте победы почесть воистинну,/ о всех Владыку нашего непрестанно моляще.
Тропарь мучеников Антония, Иоанна и Евстафия Литовских
Иже земных, чести и славы отвергшеся,/ доблии и честнии страдальцы,/ веры ради крепко и мужественно муки претерпесте,/ на смерть себе вдавше за Живот всех — Владыку./ Темже и Христос преславно столпом облачным/ с Небесе вас озари/ и почестьми и венцы от Престола славы венча./ Со Ангелы Тому предстояще,/ молите спастися душам нашим.
Ин тропарь мучеников Антония, Иоанна и Евстафия Литовских
От корене неплодна, преблаженнии,/ возрастивше Православный веры ветви,/ первомучеником тезоименитии явистеся:/ злаго бо и нечестиваго князя ярости не убоястеся,/ повелевающа Христа отрещися./ Сего ради мученическия венцы приемше/ и со Ангелы Престолу Владычню предстояще,/ о нас молитеся, преблаженнии,/ православно чтущих святую память вашу.
Кондак мучеников Антония, Иоанна и Евстафия Литовских
Отеческую прелесть оставльше, святии,/ приведостеся Христови,/ всем души усердием стаете мужемудренно до смерти./ Темже и взясте победы почесть воистинну,/ о всех Владыку нашего непрестанно моляще.
Тропарь мучеников Антония, Иоанна и Евстафия Литовских
Иже земных, чести и славы отвергшеся,/ доблии и честнии страдальцы,/ веры ради крепко и мужественно муки претерпесте,/ на смерть себе вдавше за Живот всех — Владыку./ Темже и Христос преславно столпом облачным/ с Небесе вас озари/ и почестьми и венцы от Престола славы венча./ Со Ангелы Тому предстояще,/ молите спастися душам нашим.
Ин тропарь мучеников Антония, Иоанна и Евстафия Литовских
От корене неплодна, преблаженнии,/ возрастивше Православный веры ветви,/ первомучеником тезоименитии явистеся:/ злаго бо и нечестиваго князя ярости не убоястеся,/ повелевающа Христа отрещися./ Сего ради мученическия венцы приемше/ и со Ангелы Престолу Владычню предстояще,/ о нас молитеся, преблаженнии,/ православно чтущих святую память вашу.
Кондак мучеников Антония, Иоанна и Евстафия Литовских
Отеческую прелесть оставльше, святии,/ приведостеся Христови,/ всем души усердием стаете мужемудренно до смерти./ Темже и взясте победы почесть воистинну,/ о всех Владыку нашего непрестанно моляще.
Тропарь священноисповеднику Александру Орлову
Не убоявся страданий в жизни временней,/ ко Христу душу твою устремил еси,/ иерейское служение от Господа прием,/ даже до смерти сохранил еси верность Ему./ Священномучениче Александре,/ не забуди храм твой и паству твою:// моли спастися душам нашим.
Кондак священноисповеднику Александру Орлову
Апостольская словеса/ еже жити и умирати Господа ради/ в сердце твоем приемь,/ священномучениче Александре,/ темницу, узы и тяжкия скорби,/ по сих же и смерть за Христа мужественне претерпел еси,/ научив чада твоя пети радостно:/ жизнь моя есть Христос,// и смерть приобретение.
