Тропарь блаженного Симона, Христа ради Юродивого, Юрьевецкого
Яко воистинну гласа апостольскаго/ послушатель был еси, блаженне Симоне,/ Христа бо ради изволив имети буйство,/ в немже соблюл еси твоя к Богу добродетели, посреде молв некрадомы,/ терпением убо пачеестественным Христа подражав,/ посрамил еси льстиваго всю гордыню,/ тем и в лютых ранах,/ якоже древний Лазарь, в недра Авраамля преселился еси,/ идеже и ныне утешаяся, посещай град твой,/ почитающий любовию святую память твою.
Кондак блаженного Симона, Христа ради Юродивого, Юрьевецкого
Возгоревся рачением Горним,/ жестость вольнаго юродства паче всех сладких мира предпочел еси,/ отонудуже повинуся ти огнь,/ от егоже запаления град твой Юрьевец избавил еси,/ и воды немокренно, яко по суху, прешел еси,/ и хотящия быти предрекл еси,/ прославльшу тя тако Богу,/ к Немуже моляся и о нас,/ поющих тя, блаженне Симоне, поминай.
Тропарь апостола Симона Зилота
Апостоле святый Симоне,/ моли милостиваго Бога,/ да прегрешений оставление// подаст душам нашим.
Собор славных и всехвальных 12-ти апостолов. Тропарь
Апостолов первопрестольницы/ и вселенныя учителие,/ Владыку всех молите/ мир вселенней даровати/ и душам нашим велию милость.
Кондак апостола Симона Зилота
Известно премудрости учения в душах благочествующих положшаго/ во хвалении ублажим, яко богоглаголиваго, вси Симона:/ престолу бо славы ныне предстоит и со Безплотными веселится,// моляся непрестанно о всех нас.
Кондак апостолам
Камень Христос каменя веры прославляет светло,/ учеников преизрядна,/ и с Павлом весь дванадесяточисленный собор днесь,/ ихже память совершающе верно,// сих Прославльшаго прославляем.
Ин кондак славных и всехвальных 12-ти апостолов
Петра, вернии, каменя веры, похвалим/ и Павла Богомудраго,/ созывают бо всех праздновати верою,/ соборне вкупе вся дванадесяте, яко проповедники вере,// просяща грехов оставления.
Тропарь святителю Симону Печерскому, епископу Владимирскому и Суздальскому
Житий преподобных отец Печерских списателю известный,/ святителю Христов Симоне всеблаженне,/ молися прилежно с ними Христу Богу,/ да управит в мире живот наш/и в книги животныя да напишет ны,/ спасая души наша.
Кондак святителю Симону Печерскому, епископу Владимирскому и Суздальскому
Святительства одеждою,/ аще и достойне одеялся еси,/ обаче тем не возносяся,/ желал еси паче сметием пред враты Лавры Печерския поврещися,/ смиренномудре Симоне./ Темже, не аки сметие, врат вне,/ но, яко сокровище, внутрь святыя пещеры положен быти сподобился еси,/ и ныне на Небеси Господеви предстоя,/ молися о нас, чтущих тя.
Тропарь преподобному Симону Радонежскому
Кондак преподобному Симону Радонежскому
