Тропари, кондаки и величания - 25 мая 2025
Тропарь праведного Симеона Верхотурского
Мирскаго мятежа бегая, все желание обратил еси к Богу,/ да в видения восход обрящеши горе,/ отнюдуже не уклонився в лукавствия сердца,/ но очистив душу и тело, приял еси благодать точити цельбы верным и неверным, притекающим к тебе, праведный Симеоне./ Темже, по данному ти дару, испроси у Христа Бога исцеление нам, болящим душевными страстьми, / и моли спасти души наша.
Кондак праведного Симеона Верхотурского
Мира суетнаго отверглся еси, да блага вечныя жизни наследиши,/ возлюбив незлобие и чистоту души и тела./ Снискал еси, еже возлюбил, свидетельствуют бо о сем гроб и нетление мощей твоих, и благодать чудотворения наипаче./ Точиши бо цельбы всем притекающим к тебе и непросвещенным, Симеоне блаженне, чудотворче предивный.
Тропарь священномученика Ермогена
Российския земли первопрестольниче/ и неусыпный о ней к Богу молитвенниче,/ за веру Христову и паству твою душу свою положив,/ страну нашу от нечестия избавил еси./ Темже вопием ти:/ спасай нас молитвами твоими,// священномучениче Ермогене, отче наш.
Тропарь священномученика Ермогена
Приспе день светлаго торжества,/ град Москва радуется,/ и с ним Русь Православная ликовствует/ песньми и пеньми духовными:/ днесь бо священное торжество/ в явлении честных и многоцелебных мощей/ святителя и чудотворца Ермогена,/ якоже солнце незаходимое, возсия светозарными лучами,/ разгоняя тьму искушений же и бед/ от вопиющих верно:// спасай нас, яко предстатель наш, великий Ермогене.
Тропарь святителям Московским
Первопрестольницы Российстии,/ истиннии хранителие апостольских преданий,/ столпи непоколебимии, православия наставницы,/ Петре, Алексие, Ионо, Филиппе и Ермогене,/ Владыку всех молите/ мир вселенней даровати// и душам нашим велию милость.
Кондак священномученика Ермогена
Темницею и гладом изнуряем,/ даже до смерти верен пребыл еси, блаженне Ермогене,/ малодушие от сердец людей твоих отгоняя/ и на общий подвиг вся призывая./ Темже и нечестивых мятеж низложил еси и страну нашу утвердил еси,/ да вси зовем ти:// радуйся, заступниче Российския земли.
Кондак святителям Московским
Во святителех благочестно пожисте/ и люди к богоразумию настависте,/ и добре Богу угодисте,/ сего ради от Него нетлением/ и чудесы прославистеся,// яко ученицы Божия благодати.
Величание
Величаем вас,/ святителие Христовы,/ Петре, Алексие, Ионо, Филиппе и Ермогене,/ и чтим святую память вашу,/ вы бо молите за нас// Христа Бога нашего.
Ин тропарь на прославление праведного Симеона Верхотурского
Мирскаго мятежа бегая, все желание обратил еси к Богу,/ да в видения восход обрящеши горе,/ отнюдуже не уклонився в лукавствия сердца,/ но очистив душу и тело, приял еси благодать точити цельбы верным и неверным, притекающим к тебе, праведный Симеоне./ Темже, по данному ти дару, испроси у Христа Бога исцеление нам, болящим душевными страстьми, / и моли спасти души наша.
Ин кондак на прославление праведного Симеона Верхотурского
Мира суетнаго отверглся еси, да блага вечныя жизни наследиши,/ возлюбив незлобие и чистоту души и тела./ Снискал еси, еже возлюбил, свидетельствуют бо о сем гроб и нетление мощей твоих, и благодать чудотворения наипаче./ Точиши бо цельбы всем притекающим к тебе и непросвещенным, Симеоне блаженне, чудотворче предивный.
Тропарь святителей Епифания и Германа
Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их/ в мире управи живот наш.
Кондак святителей Епифания и Германа
Священноначальник чудную двоицу восхвалим, вернии, по долгу,/ с Германом Божественнаго Епифания:/ сии бо попалиша безбожных языки,/ догматы премудрейшия возложше всем,/ православно поющим присно благочестия великое таинство.
Тропарь Недели о слепом
Кондак Недели о слепом