Загрузка...

Календарь Молитвослов Библия

Тропари, кондаки и величания - 29 мая 2025

Тропарь преподобному Ефрему Перекомскому, Новгородскому

От юности твоея весь Богови поработился еси, блаженне, и Того ради любве отечество и род оставил еси, в пустыню вселився, в нейже жестокое житие показав, и чудес дарования от Бога приял еси, Ефреме преподобне, моли Христа Бога, да спасет души наша.

Кондак преподобному Ефрему Перекомскому, Новгородскому

Ангельскому житию поревновав, преподобне, вся земная оставив, ко Христу притекл еси, и Того заповедьми ограждся, явился еси столп непоколебим от вражиих нападений. Тем зовем ти: радуйся, Ефреме, светило пресветлое.

Величание преподобному Ефрему Перекомскому, Новгородскому

Ублажаем тя, преподобне отче Ефреме, и чтим святую память твою, наставниче монахов и собеседниче ангелов.

Тропарь Вознесению Господню

Вознеслся еси во славе, Христе Боже наш, / радость сотворивый учеником / обетованием Святаго Духа, / извещенным им бывшим благословением, / яко Ты еси Сын Божий, Избавитель мира.

Кондак Вознесению Господню

Еже о нас исполнив смотрение,/ и яже на земли соединив небесным,/ вознеслся еси во славе, Христе Боже наш,/ никакоже отлучаяся,/ но пребывая неотступный,/ и вопия любящим Тя:\ Аз есмь с вами и никтоже на вы.

Величание Вознесению Господню

Величаем Тя, / Живодавче Христе, / и почитаем Еже на небеса, / с Пречистою Твоею плотию, / Божественное Вознесение.

Тропарь преподобного Феодора
Пустынный житель, и в телеси Ангел,/ и чудотворец явился еси, богоносе отче наш Феодоре:/ постом, бдением, молитвою небесная дарования приим,/ исцеляеши недужныя и души верою притекающих ти./ Слава Давшему тебе крепость,/ слава Венчавшему тя,// слава Действующему тобою всем исцеления.
Кондак преподобного Феодора
В дому Божии, яко финикс, процвел еси,/ плоды же добродетелей Господеви принесл пощением изрядным,/ отче преподобне,/ темже и ублажаешися,// яко Безплотных равностоятелен.
Тропарь мученику Вукашину Ясеновацкому

Новый Сербский страстотерпче, Вукашине Герцеговацкий,
Христа ради пострадавый в Ясеновац лагере.
Когда мучитель твой ножом тебя терзал,
Кротко отвечал еси ему: «Делай, чадо, дело свое!».
Ради жизни вечной муку претерпевый,
Моли, мучениче, Христа Бога, Спаса нашего
Спасти нас и род наш православный