Тропари, кондаки и величания - 25 августа 2025

Божественныя, вернии, и храбрыя/ ублажим супруги Христовы славныя,/ и похвалим, яко твердыя проповедники благочестию/ и суща рачители, Фотия и Аникиту,/ и песньми и хвалами венчаем.

Земли нашея Белоградския / новомученицы и исповедницы: / святителие Никодиме, Онуфрие и Антоние, / с вами же – иерее, диакони и миряне благочестивии, / в житии своем светом Христовым просиявшии, / за Негоже добре страдавшии и венчавшиися, / и ныне нас, во трудех и службах сущих, / предстательством своим вразумляющии и укрепляющии / ко возрождению и возвышению Православия! / Христа Бога молите / мир и благоденствие Отечеству нашему даровати / и душам нашим — велию милость.

Избранных святителей и мучеников Божиих / достойнии сонаследницы, / яко приявшии благодать победительную, / нам, ныне во странствии сущим / премудрость и силу от Господа испросите, / да благодарственно к вам взываем: / радуйтеся, земли Белоградския похвало и утверждение!