Тропари, кондаки и величания - 30 августа 2025
Тропарь преподобному Алипию, иконописцу Печерскому, в Ближних пещерах
Зраки изобразуя святых на дщицах,/ сих благодеяния спешно,/ яко искусен художник, всехвальне Алипие,/ написовал еси на скрижалех твоего сердца/ и сего ради, аки образ, благолепне украшен,/ священства благодатию, аки златом, обложился еси/ от Христа Бога и Спаса душ наших.
Кондак преподобному Алипию, иконописцу Печерскому, в Ближних пещерах
От юности Божественное в себе имея начертание,/ вдан был еси в научение иконнаго писания;/ и внегда небеси подобная Богородицы писашеся церковь,/ ты таможде пособствовал/ и видел еси Духа Святаго осияние,/ от Негоже приял еси чудес действо,/ яко иконы твоя чудотворяху,/ тем тя чтим и ублажаем, чудне Алипие.