Тропари, кондаки и величания - 05 сентября 2025
Тропарь мученику Луппу
Мученик Твой, Господи, Луппе во страдании своем венец прият нетленный от Тебе, Бога нашего; имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.
Кондак мученику Луппу
Звезда светлая явился еси непрелестная мирови, Солнца Христа возвещающи, зарями твоими, страстотерпче Луппе, и прелесть погасил еси всю, нам же подаеши свет, моляся непрестанно о всех нас.
Тропарь священномученику Иоанну Восторгову
Любовию к Богу распаляемь, / жизнь свою мученически за Христа и ближних положил еси, / сего ради венец правды от Него приял еси. / Моли Всеблагаго Бога, священномучениче Иоанне, Церковь Святую сохранити в мире // и спасти души наша.