Тропарь мучеников
Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.
Ин кондак мучеников Карпа, Папилы диакона, Агафодора и мученицы Агафоники
Венченосцы явльшеся днесь в мире,/ премудрии, с Карпом Папиле,/ просвещаете всех,/ иже верою и веселием чтущих память вашу.
Кондак мучеников
Яко сокровище многоценное, Владыка,/ и источник, источающ токи исцелений,/ сущим на земли подаде мощи ваша,/ недуги убо отъемлющия страстей различныя,/ благодать же дающия душам непрестанно./ Темже согласно любовию// ваше, мученицы Божественнии, совершаем торжество.
Тропарь мучеников
Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.
Ин кондак мучеников Карпа, Папилы диакона, Агафодора и мученицы Агафоники
Венченосцы явльшеся днесь в мире,/ премудрии, с Карпом Папиле,/ просвещаете всех,/ иже верою и веселием чтущих память вашу.
Кондак мучеников
Яко сокровище многоценное, Владыка,/ и источник, источающ токи исцелений,/ сущим на земли подаде мощи ваша,/ недуги убо отъемлющия страстей различныя,/ благодать же дающия душам непрестанно./ Темже согласно любовию// ваше, мученицы Божественнии, совершаем торжество.
Тропарь мучеников Карпа, Папилы диакона, Агафодора и мученицы Агафоники
Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.
Кондак мучеников Карпа, Папилы диакона, Агафодора и мученицы Агафоники
Венченосцы явльшеся днесь в мире,/ премудрии, с Карпом Папиле,/ просвещаете всех,/ иже верою и веселием чтущих память вашу.
Тропарь Вениамину Печерскому, в Дальних пещерах
Добр купец бысть, Богомудре Вениамине, / богатство бо свое тленно раздав, / купил еси оным нетленное в Царствии небеснем, / в немже ныне тамошних благ наслаждаяся богатне, / проси нам мира и велия милости.
Кондак Вениамину Печерскому, в Дальних пещерах
Куплю житейскую, яко тщетную, оставль и шед, купил еси себе многоценный бисер, Христа, Емуже во иночестем образе труды и подвиги, безменством же и послушанием, преподобне Вениамине, благоугождая, приял от Него велию и богатую милость.
Тропарь святой великомученице Злате Мегленской
Агница Твоя, Иисусе, Злато, зовет велиим гласом: Тебе, Женише мой, люблю, и Тебе ищущи страдальчествую и сраспинаюся и спогребаюся крещению Твоему и стражду Тебе ради, яко да царствую в Тебе, и умираю за Тя, да и живу с Тобою; но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.
Кондак святой великомученице Злате Мегленской
Храм Твой всечестный, яко цельбу душевную обретше, вси вернии велегласно вопием ти: дево мученице Злато великоименитая, Христа Бога моли непрестанно о всех нас.
Величание святой великомученицы Златы Мегленской
Величаем тя, страстотерпице Христова Злато, и чтим честное страдание твое, еже за Христа претерпела еси.
Тропарь священномученику Фаддею, архиепископу Тверскому и Кашинскому
Хвала Богу и жертва живая житие твое, священномучениче Фаддее, явися. Постом, бдением и молитвою небесная дарования приим, многим добрый помощник и утешитель бысть. Пастырскою мудростию и тихостию нрава украшен, лукавства врагов Христовых препобедил еси. Слава Давшему тебе во страданиях крепость, слава, яко мученика, Венчавшему тя, слава Действующему Тобою всем исцеления.
Кондак священномученику Фаддею, архиепископу Тверскому и Кашинскому
Духа нeбoязни, силы, любвe и упования / дaдe Пacтырeнaчaльник ти, cвятитeлю Фаддee, / во страдании бo твоем благодарение Богу воздавал ecи / и в гoнeнииx cтpaждущих утешал ecи, глаголя: / нe унывайте, Христос бo с нами есть.
Кондак Божией Матери пред иконой Ее Иверской
Аще и в море ввержена бысть святая икона Твоя, Богородице,/ от вдовицы, не могущия спасти сию от врагов,/ но явилася есть Хранительница Афона/ и Вратарница обители Иверския, враги устрашающая/ и в Православней Российстей стране// чтущия Тя от всех бед и напастей избавляющая.
Кондак Божией Матери в честь иконы Ея Иверская
Совозсия днесь Свету Воскресения свет чистыя иконы Твоей,/ обоя весело торжествующе вопием:/ сохрани раб Твоих благодатию, Владычице.
Тропарь Божией Матери пред иконой Ее Иверской
От святыя иконы Твоея,/ о Владычице Богородице,/ исцеления и цельбы подаются обильно/ с верою и любовию приходящим к ней./ Тако и мою немощь посети/ и душу мою помилуй, Благая,// и тело исцели благодатию Твоею, Пречистая.
Тропарь Божией Матери пред иконой ее Иверской
Дерзость ненавидящих образ Господень/ и держава нечестивых безбожно в Никею прииде,/ и посланнии безчеловечно вдовицу,/ благочестно чтущую икону Богоматере, истязуют,/ но тая нощию с сыном икону в море пусти, вопиющи:/ слава Тебе, Чистая,/ яко непроходимое море плещи своя подаде,// слава правошествию Твоему, едина Нетленная.
Величание Пресвятой Богородице в честь иконы Ея "Иверская"
Величаем Тя, Пресвятая Дево, и чтим образ Твой святый, имже болезни наша врачуеши и души наша к Богу возводиши.
