Загрузка...

Календарь Молитвослов Библия

Тропари, кондаки и величания - 15 декабря 2025

Тропарь пророка Аввакума
Пророка Твоего Аввакума память, Господи, празднующе,/ тем Тя молим:// спаси души наша.
Кондак пророка Аввакума
Возгласивый вселенней от юга пришествие Божие от Девы, Аввакуме богоглаголиве,/ и на Божественней стражи предстоянием/ слышания от светоносна Ангела/ Христово Воскресение возвестил еси миру,/ сего ради весело зовем ти:// радуйся, пророков светлая доброто.
Тропарь преподобному Афанасию, затворнику Печерскому, в Дальних пещерах

По имени своему за труды велия / и всегдашнее зде умерщвление плоти в затворе / безсмертную ныне на Небеси / жизнь наследовавый, / молим тя прилежно: / молися о нас, // яко да и мы тояжде сподобимся получити.

Тропарь мученице Миропии

Добромученице Миропие и Христа невесто нетленная,/ ныне Емуже предстоиши, прекрасная,/ раны носящи плоти,/ яко камни светлы и светообразны,/и в кровавую порфиру, яко царица, облеченная, преславная,/ умоли Его за ны,/; яже с любовию восхваляющия/ хвалы победными; и песньми твою Божественную страсть.

Кондак мученице Миропии

По имени, о страстотерпице Миропие,/ миро источаеши благодати чудес/ и пасеши всех, подобающих и взыскающих/ и верою и добродетелию прибегающих к ране твоей пречестней,/ яже держит прах твой.

Тропарь святому Стефану Урошу V, царю Сербскому

Юношески процвел еси/ во отечествии твоем, добротою украшен,/ и неправедную и безвременную смерть подъял еси,/ Уроше всечестне;/ царскаго корене плод сладок,/ аще и не во время созрев,/ в Господню житницу вселился еси/ и жалость велию сродству твоему оставил еси./ Молися о нас, творящих святую память твою.

Кондак святому Стефану Урошу V, царю Сербскому

Отрасли благородныя цвет прекрасный явился еси, Уроше всечестне,/ завистию бо убиен был еси от твоих присных,/ Божиим же Духом просвещен,/ святороднаго племене свят был еси/ и, мученическим венцем увязся,/ в чертозе Небеснем водворяешися./ Молися о нас, святе, творящих любовию память твою.

Тропарь священномученику Сергию Фелицыну

Воине Бога Вышняго, во дни гонения безбожного, жизнь свою за веру во Христа положив, служителю верный земли Подольския был еси, священномучениче Сергие, моли за нас Христа и Заступницу усердную, сохранитися от зла и тяжких обстояний.

Кондак священномученику Сергию Фелицыну

Верный служителю Бога Вышняго, добрый пастырю отче наш Сергие, Православныя веры защитниче и предивный молитвенниче, ты в сонме новомучеников Российских в Горних обителях пребываеши, молися за нас, грешных, да воздаст нам Господь велию милость.