Тропарь пророка Софонии
Пророка Твоего Софонии память, Господи, празднующе,/ тем Тя молим:// спаси души наша.
Кондак пророка Софонии
Явился еси светозарен Божественным Духом,/ пророче Софоние,/ Божие явление возгласив:/ радуйся зело, дщи Сионя Иерусалимова, проповеждь:// се Царь Твой грядет, спасаяй.
Тропарь преподобного Саввы Сторожевского
Пустыни явился еси доброе прозябение, преподобне:/ от юности бо изволил еси чистое житие, духовному твоему учителю последуя,/ и того учением ум к Небесным вперив,/ и стаду твоему премудр наставник показался еси;/ тем и Христос яко пресветла тя светильника чудесы обогати,/ Савво, отче наш,// моли спастися душам нашим.
Тропарь преподобного Саввы
Пустыни явился еси доброе прозябение, преподобне,/ от юности бо изволил еси чистое житие,/ духовному твоему учителю последуя,/ и того учением ум к Небесным вперив,/ и стаду твоему премудр наставник показался еси,/ тем и Христос яко пресветла тя светильника чудесы обогати.// Савво, отче наш, моли спастися душам нашим.
Кондак преподобного Саввы Сторожевского
Господним желанием распалився,/ страсти плотския воздержанием оттряс,/ Божественнаго света незаходимое светило явился еси,/ чудес лучами всех просвещаеши,/ притекающих к мощем твоим,// Савво преподобне, отче наш.
Кондак преподобного Саввы
Господним желанием распалився,/ страсти плотския воздержанием оттряс,/ Божественнаго света незаходимое светило явился еси,/ чудес лучами всех просвещаеши,/ притекающих к мощем твоим,// Савво преподобне, отче наш.
Тропарь преподобному Феодулу Цареградскому
В тебе, отче, известно спасеся, еже по образу,/ приим бо крест, последовал еси Христу/ и, дея, учил еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобне Феодуле, дух твой.
Кондак преподобному Феодулу Цареградскому
Царя тленнаго и скорогибнущия славы,/ мудре отче, изменил еси вечно пребывающими,/ от столпнаго же и прискорбнаго жития в Горнее и всерадостное взыде,/ превеличества славы Небесному Царю сцарствуя, Феодуле,/ моли непрестанно о всех нас.
Тропарь святому исповеднику Георгию Романово-Борисоглебскому
Основавый житие свое на камене веры, исповедниче святе Георгие, устоял еси во дние лютаго искушения, положил еси душу за Церковь, за други своя. Послужил еси многострадальному святителю афанасию, с ним же предстоиши ныне Престолу Божию, Христа Спаса молящи о спасении душ наших.
