Тропари, кондаки и величания - 22 декабря 2025
Тропарь праведной Анны
Жизнь рождшую во чреве носила еси, Чистую Богоматерь,/ богомудрая Анно./ Темже к приятию Небесному, идеже веселящихся жилище,/ в славе радующися, ныне преставилася еси,/ чтущим тя любовию/ прегрешений просящи очищение,// присноблаженная.
Тропарь святых праведных Богоотец Иоакима и Анны
Праведных Твоих, Господи, память празднующе,/ теми молим Тя:// спаси души наша.
Тропарь Зачатия праведной Анны
Днесь безчадия узы разрешаются,/ Иоакима бо и Анну услышав, Бог/ паче надежды родити тем яве обещавает Богоотроковицу,/ из Неяже Сам родися Неописанный, Человек быв,/ Ангелом повелев вопити Ей:/ радуйся, Благодатная,// Господь с Тобою.
Кондак праведной Анны
Прародителей Христовых память празднуем,/ тех верно просяще помощи,/ избавитися всем от всякия скорби, зовущим:// Бог наш с нами, сих прославлей, якоже благоволи.
Кондак святых праведных Богоотец Иоакима и Анны
Радуется ныне Анна,/ неплодства разрешившися соуз,/ и питает Пречистую,/ созывающи вся воспети/ Даровавшаго от чрева ея человеком// едину Матерь и Неискусомужную.
Кондак Зачатия праведной Анны
Празднует днесь вселенная/ Аннино зачатие,/ бывшее от Бога,/ ибо та породи// паче слова Слово Рождшую.
Тропарь на зачатие Пресвятой Богородицы
Днесь безчадия узы разрешаются, Иоакими бо и Анну услышав Бог, паче надежды, родити тем яве обещавает богоотроковицу, из неяже сам родися неописанный, человек быв, ангелом повелев вопити ей: радуйся благдатная, Господь с тобою.
Кондак на зачатие Пресвятой Богородицы
Празднует днесь вселенная Аннино зачатие, бывшее от Бога: ибо та породи паче слова Слово рождшую.