Тропари, кондаки и величания - 24 декабря 2025
Тропарь преподобного Даниила Столпника
Терпения столп был еси,/ ревновавый праотцем, преподобне,/ Иову во страстех, Иосифу во искушениих,/ и Безплотных жительству/ сый в телеси, Данииле, отче наш,/ моли Христа Бога спастися душам нашим.
Кондак преподобного Даниила Столпника
Якоже звезда многосветлая, ты, возшед, блаженне, на столп,/ мир просветил еси преподобными делы твоими/ и тьму прелести отгнал еси, отче./ Темже молим тя:/ и ныне облистай в сердцах раб твоих незаходящий свет разума.
Тропарь Никону Сухому, Печерскому, в Ближних пещерах
Бога Благаго возлюбив, / иноческое приял еси житие / и, добре в нем подвизався, / пленен был еси половцы, / имиже много мучим, крепкодушне Никоне, / благодатию Христовою свободился еси от них невидимо, / и ныне во Свете пребывая неприступнем, / моли спастися нам, твою память почитающим.
Кондак Никону Сухому, Печерскому, в Ближних пещерах
Первомученику подобяся, / о мучителе твоем молился еси / и, избавив того от смерти, привел еси ко Христу, / преподобномучениче Никоне славне, / темже, с первострадальцем зря Христа одесную Отца, / молися о нас, да не пребудем вне чертога Христова.