Загрузка...

Календарь Молитвослов Библия

Тропари, кондаки и величания - 25 декабря 2025

Тропарь святителя Спиридона
Собора Перваго показался еси поборник и чудотворец,/ богоносе Спиридоне, отче наш./ Темже мертву ты во гробе возгласив,/ и змию в злато претворил еси,/ и внегда пети тебе святыя молитвы,/ Ангелы, сослужащия тебе, имел еси, священнейший./ Слава Давшему тебе крепость,/ слава Венчавшему тя,// слава Действующему тобою всем исцеления.
Кондак святителя Спиридона
Любовию Христовою уязвився, священнейший,/ ум вперив зарею Духа,/ детельным видением твоим деяние обрел еси, богоприятне,/ жертвенник Божественный быв,// прося всем Божественнаго сияния.
Тропарь преподобному Ферапонту Монзенскому

Любовию Христовою, Богомудре, просветився и добродетельми,/ сожительствовал еси Василию блаженному,/ и, всякое наслаждение плотское возненавидев,/ в пустыню вселился еси,/ в ней же вельми подвизался еси в жизни сей временней,/ плоть умершвляя свою в пениих, и во бдениих, и в пощениих./ Темже и Христос даром чудес обогати тя,/ но поминай убо нас, чтущих пресветлую память твою,/ преподобне отче Ферапонте,/ и моли Христа Бога спастися душам нашим.

Кондак преподобному Ферапонту Монзенскому

Возложив себе Богу от юности, преподобне,/ Того паче всех возлюбив,/ и Тому от всея души любовию последовал еси,/ тленная и красная мира нивочтоже вменив, в пустыню вселився,/ в ней же добре подвизался еси противу невидимых врагов козней/ и, яко светозарное солнце, в концех Галическия земли возсиял еси,/ отонуду же, веселяся, прешел еси к Небесным обителем,/ и ныне со Ангелы Владычню Престолу предстоя,/ поминай нас, чтущих память твою, да зовем ти:/ радуйся, Ферапонте, отче наш.