Акафист Нерукотворному образу Господа Иисуса Христа

Самым первым изображением Спасителя стал Его Нерукотворный Образ. Ценность его в том, что он создан чудом, по воле Самого Иисуса Христа и является точной копией Пречистого Лика и первой иконой в мире.

История Нерукотворного Образа

По преданию, правитель Едессы, Авгарь, страдал страшной болезнью - проказой. Узнав о Христе, Который в то время проповедовал в Иудее и совершал исцеления, Авгарь отправил к Нему своего слугу. Анания должен был просить Господа прийти в Едессу или же, хотя бы написать Его изображение, и принести своему повелителю. По некоторым источникам, Авгарь, зная о преследовании Христа иудеями, предлагал Ему убежище в своем городе.

Когда Анания нашел Спасителя, то Он был как обычно окружен огромной толпой народа. Слуга, будучи маленького роста, никак не мог увидеть Учителя и, тем более, пробраться к Нему. Тогда он влез на высокий камень и попытался с него рассмотреть Иисуса Христа, чтобы написать Его изображение.

Спаситель, зная о намерении Анании и о причине визита, соблаговолил чудесным образом помочь ему. Он повелел принести воды и убрус (полотенце), умылся и отер Лик убрусом. При этом на полотенце появилось Его изображение. Христос отдал слуге полотенце и письмо, в котором говорил, что не может прийти к Авгарю, так как Ему следует исполнить то, для чего Он пришел в мир. Также Господь обещал прислать к нему одного из Своих учеников.

Когда Авгарь получил изображение Лика Христова, то тут же исцелился от проказы. Только на лице его еще оставались следы недуга.

После Сошествия на апостолов Святаго Духа, в Едессу выпал жребий идти апостолу Фаддею, который Именем Господним и завершил исцеление Авгаря. Апостол также обратил правителя в христианство, а Образ Спасителя поместили в нише над городскими воротами, не месте стоявшего там ранее идола.

Позднее, один из потомков Авгаря стал идолопоклонником и хотел уничтожить святое изображение. Тогда городской епископ, спасая икону от безбожников, зажег перед ней лампаду и закрыл глиняной доской. Со временем об этом месте забыли.

В 544 или 545 годах Едессу осадили персидские войска под руководством царя Хозроя. Тогда епископ Евлавий увидел во сне Пресвятую Богородицу, Она указала на место, где был спрятан Образ, велела достать Его и сказала, что Образ спасет город от разорения. Епископ пошел на указанное во сне Богоматерью место и действительно нашел Образ Спасителя. При этом на глиняной доске, которой была закрыта ниша, появилось подобное изображение. По стенам города прошликКрестным ходом, неся Нерукотворный Образ и персы отступили.

В 630 году город попал под власть арабов, однако поклонение Образу продолжалось, и слава о Нем распространилась на Востоке.

С 843 года день празднования Нерукотворного Образа совпадал с Неделей Торжества Православия (первое воскресенье Великого поста).

В 944 году византийские императоры Константин Багрянородный и Роман I купили Нерукотворный Образ у Едессы. 16 августа состоялось его торжественное перенесение в Константинополь. Там икону поместили в Фаросском храме Богоматери. В память об этом событии 16 августа был установлен церковный праздник "Перенесение из Едессы в Константинополь Нерукотворного Образа (Убруса) Господа Иисуса Христа".

О последующей судьбе Образа есть несколько преданий. Одно из них гласит, что его украли крестоносцы во время их правления Константинополем в 1205-1262 гг. Однако корабль, на котором пытались увезти святыню, потонул во время плавания в Мраморном море.

Согласно другим преданиям, Нерукотворный Образ передали около 1362 года в Геную, где он до наших дней хранится в монастыре в честь апостола Варфоломея.

История создания акафиста

Акафист - один из жанров православной гимнографии. В переводе с греческого означает «неседален», то есть песнопение, которое исполняется стоя. Самый первый акафист посвящен Пресвятой Богородице. Он сохранился до сих пор и читается на вечернем Богослужении в Субботу Акафиста (вечером в пятницу пятой седмицы Великого поста). Позднее по этому образцу были составлены и другие акафисты. Гимнотворчество продолжается и до сих пор, так как прославляются новые святые.

Любой акафист состоит из двенадцати кондаков и икосов. Каждый кондак (кроме первого) заканчивается словом «Аллилуия», что значит «Хвалите Бога». Икосы состоят из хайретизмов - хвалений, начинающихся словом «радуйся». Последний, 13 кондак акафиста читается трижды, затем снова повторяется первый икос и первый кондак и читается молитва.

Помимо общеизвестных акафистов, вроде Акафиста Пресвятой Богородице, Иисусу Сладчайшему, Святителю Николаю и дрих, существуют акафисты, предназначенные для келейного чтения. К ним относится и акафист Нерукотворному Образу Христа Спасителя. Написан он около 1996 года к 300-летию надвратного храма Нерукотворного Образа в Московском ставропигиальном Зачатьевском женском монастыре. Автор сочинения неизвестен, но возможно им является одна из насельниц обители. Акафист Нерукотворному Образу отличается от всех других. Так, его икосы состоят не из хвалебных восклицаний, а из прошений, начинающихся обращением «Господи». В целом этот акафист представляет собой не хвалебное песнопение, а скорее просительное или покаянное.

Когда читается акафист

Перед Нерукотворным Образом Господа нашего Иисуса Христа можно молиться при любых обстоятельствах, так как это обращение к Самому Богу. Господа просят о прощении грехов, исцелении телесных и душевных болезней, помощи и утешении в скорбях, об избавлении от греховных пристрастий и т.д.

Поскольку акафист Нерукотворному Образу предназначен для келейного чтения, читать его можно дома. А в храме можно при желании заказать молебен Спасителю с чтением акафиста Иисусу Сладчайшему.

Празднуется Нерукотворный Образ 29 августа по новому стилю, на следующий день после Успения Пресвятой Богородицы.

Акафист Нерукотворному Образу Господа

Кондак 1

Пречистому Твоему Образу покланяемся, Благий, просяще прощения прегрешений наших, Христе Боже, волею бо благоволил еси плотию взыти на Крест, да избавиши, яже создал еси, от работы вражия, тем с надеждою вопием Ти:

Господи Боже, Спасителю мой, прииди ко мне noгибающему и исцели болезни моя неисцельныя.

Икос 1

"Иисусе, Спасителю мой, – молил смиренно Авгарь князь Едесский, – прииди ко мне и исцели неисцельныя болезни моя, в нихже от многих лет стражду". Ему же подражая, и аз, пораженный гpexoвною проказою, мольбою вопию сице:

Господи мой, Господи, помилуй мя по велицей милости Tвoeй, и по множеству щедрот Твоих очисти беззаконие мое. Господи Спасителю мой, росою милости Твоей омый мя от беззакония моего, и от греха моего очисти мя. Господи, отврати лице Твое от грех моих и вся беззакония моя очисти. Господи, сердце чисто созижди во мне и дух прав обнови во утробе моей. Господи, не отвержи мене от лица Твоего и Духа Твоего Святаго не отыми от мене.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 2

Видя любовь и веру Авгаря Едесскаго, Господи, Ты писал еси ему "Блажен еси Авгарь, не видевый Мя и веровый в Мя. Аз пошлю ученика Моего и той исцелит тя и жизнь вечную подаст ти и сущим с тобою". Посли же, Господи, милость Твою и мне вопиющему: Аллилуиа.

Икос 2

Разум не постигает тайны, как Господь приложением к Божественному лику Своему убруса, изобрази на нем подобие Свое, посылаше оное к Авгарю, желание того исполняя. Сей же радости великой исполнься, поклонися образу Христову. Емуже и мы с благоговением днесь поклоняемся, с мольбою и верою зовуще:

Господи мой, Господи, устне моя отверзиши, и уста моя возвестят хвалу Твою, Господи мой, Господи, возврати ми радость спасения и Духом Владычным утверди мя. Господи, Тебе Единому согреших и лукавое пред Тобою сотворих, по милости Твоей пощади мя. Господи мой, Господи, Спасителю мой, призри на скорбь души моея и поспеши на помощь мне. Господи мой, Господи, услыши мя и от всех скорбей избави мя.

Господи Боже, Спасителю мой, прииди, ко мне погибающему и исцели болезни моя неисцельныя.

Кондак 3

Силою любве и радости преисполненный поклонися Авгарь Нерукотворенному образу Спасителя мира и, получив своих болезней исцеление, с верою воззва "Христе Боже, всяк уповающий на Тя не постыдится". Сим поучая и нас всегда уповати на милости Господни и пети Ему: Аллилуиа!

Икос 3

Имея любовь к падшему роду человеческому, Ты, Христе Боже, чрез единаго от учеников Твоих воззвал eси Авгаря от мрака гpеxoвного и просветил душу его светом истины Твоея. Воззови и меня от глубины греховныя, да и аз с плачем возопию Тебе сице:

Господи мой, Господи, даруй ми слезы умиления, да ими Тя умолю – очисти прежде конца вся моя npeгрешения. Господи, просвети мою душу светом Твоего Божественнаго познания, и введи мя по милости Твоей в Царство Твое. Господи мой, Господи, просвещение мое и Спаситель мой, к Тебе прибегох, научи мя творити волю Твою. Господи мой, Господи, Боже мой, вразуми сердце мое, и отжени от него искушение лукаваго, и настави мя на путь спасения. Господи мoй, Господи, не отрини убо моления моего и услыши мя, Твоею Благостию утверди сердце мое страхом Твоим.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 4

Буря страстей и треволнений житейских потопляет мя, и сердце, объятое ужасом смерти, вопиет Ти: Господи, несть помогающаго ми на земли, спаси мя, якоже древле Авгаря, и даруй купно с ним пети Ти: Аллилуиа.

Икос 4

Слыша, яко иудее ненавидят Тя, и хощут нечто злое содеяти Тебе, Господи, пишет Авгарь: "Аз молю: прииди ко мне и обитай со мною". Того любви подражая, и аз, восстав из глубины падения моего, дерзновенно молю Тя, Христе Боже, сице:

Господи Боже мой, вниди в дом души моея и пребуди неотлучен со мною грешным. Господи, Боже сердца моего, прииди и соедини мя с Тобою на веки. Господи мой, Господи, к Тебе прилепилась еси душа моя, прииди и радости исполни сердце мое.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 5

Благословен грядый во имя Господне – воспеваху древле дети еврейскии, встречая Господа в Иерусалиме. Мы же днесь, раскрывая двери сердец наших грядущему к нам Спасу, со умилением зовем: Аллилуиа.

Икос 5

Дивныя глаголы Ты рекл еси, Господи, всем погибающим: "Да не смущается сepдце ваше, и да не устрашается, веруяй в Бога, и в Мене веруйте и наследите Царство, уготованное вам от создания мира". Аз же, помышляя свое беззаконие, молю Тя, Блаже, утверди сердце мое и просвети ум мой, Тебе вопиющий:

Господи мой, Господи, призри на мя и просвети очи мои, да не усну в смерть. Господи мой, Господи, путеводя Израиля от земли фараоновой, настави мя на путь Твой, да пойду во истине Твоей. Господи Иисусе Христе, Сыне Божий, верую в Тя, помози моему неверию. Господи мой, Господи, да не яростию Твоею обличиши мене, и не удаляйся от мене за беззакония моя.

Господи Боже, Спасителю мой, прииди ко мне погибающему и исцели болезни моя неисцельныя

Кондак 6

Воззрети очима на образ Твой, Господи, не смею окаянный аз от лукавых моих деянии, но яко мытарь, стеня, взываю Ти: Боже, очисти мя грешнаго от фарисейскаго лицемерия и научи чистым сердцем пети милосердию Твоему: Аллилуиа.

Икос 6

Возсия в скорби моей утешительное слово Твое, Спасителю мой, еже рекл еси: "Не оставлю вас сиры, прииду к вам". Того ради аз, избегши темноту отчаяния, с надеждою на Твое человеколюбие прибегох к Тебе сице моляся:

Господи мой, Господи, Прибежите мое в беде и в скорби, не остави мя едина. Господи мой, Господи, безгрешный, с беззаконными вмененный, изми мя от рук ненавидящих мя. Господи мой, Господи, от поругания видимых и невидимых врагов сохрани мя. Господи мой, Господи, прости мя и приими мя, якоже блуднаго древле во объятия Твоя.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 7

Дивныя показал еси дела Твоя, Господи, в пречистем образе Твоем и чудности даровал утешение всем земнородным, научив их в скорбных обстояниях жизни прибегати к Твоему милосердию и пети Тебе с любовию: Аллилуиа.

Икос 7

Храм носяй телесный весь осквернен, множество содеянных мною лютых, трепещу страшнаго Суднаго дне и молю: покаяния отверзи ми двери, Жизнодавче, и яко Давид вопию Ти:

Господи мой, Господи, услыши моление мое, внемли молитве моей и помилуй мя. Господи Боже мой, Твой семь аз, вразуми мя и жива будет душа моя. Господи Боже мой, пастырю мой, заблудих, яко овча погибшая, взыщи раба Твоего и спаси мя. Господи мой, Господи, помилуй мя, исцели душу мою, яко согреших Тебе.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 8

Страшнаго дне пришествия Твоего ужасаюся, Христе, и трепещу, яко имый множество согрешений, но Ты, Милостивый Боже, прежде конца обрати мя, поющего Ти: Аллилуиа.

Икос 8

Весь был еси любовь к падшим человеком, о Иисусе, и даровал еси им образ Твой Святый, ясно глаголющий всем в скорби и печали сущим: "Приидите ко Мне, вси труждающиися и обремененнии, и Аз упокою вы". Сего ради погибающий, со дерзновением молю Тя, Христе, сице глаголя:

Господи мой, Господи, хранителю мой, сохрани мя от врагов, нападающих на мя. Господи мой, Господи, в вышних живый и на смиренныя призираяй, призри на мя грешнаго и буди отрадой моей. Господи мой, Господи, спаси мя, утопающаго в пучине житейских искушений. Господи мой, Господи, да не смущается сердце мое и да не устрашается во исповедании имени Твоего. Господи мой, Господи, приими мя, яко мытаря, яко Хананею помилуй, помилуй мя по милости Твоей.

Господи Боже, Спасителю мой, прииди ко мне погибающему, и исцели болезни моя неисцельныя.

Кондак 9

Вси языцы, приидите, с любовию и трепетом поклонимся пречистому образу Спасителя мира, избавльшему нас от работы вражия и благодарственно вопием Ему, Победителю смерти и ада: Аллилуиа.

Икос 9

Весь пораженный проказою греховною, недоумеваю, како есть достойно величати Тя, о Владыко многомилостивый, но верою сердечною исповедую Тя, истиннаго Сына Божия, смиренно стою пред образом Твоим Святым, сице моляся:

Господи Иисусе, Радосте моя, даждь ми, да возрадуюся о милости Твоей. Господи, Спасителю мой Преблагий, спаси раба Твоего от неверия и беззакония. Господи мой, Господи, Милость неизреченная, благодатию Твоею потреби гнев в сердце моем. Господи мой, Господи, чистота неописанная, чистоту сердца и ума даждь ми. Господи мой, Господи, одеяйся светом яко ризою, освяти мя, печалями житейскими омраченнаго.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 10

Господи мой, Господи, милосердый Спасителю мой, душу мою студными деяниями люте разслабленную воздвигни Божественным Твоим милосердием, якоже древле разслабленнаго при овчей купели, и на спасения стези настави ю, да поем Ти: Аллилуиа.

Икос 10

Царю Предвечный, Утешителю, Христе Истинный, очисти мя от всякия скверны, якоже очистил eси десять прокаженных и исцели мя, якоже исцелил еси сребролюбивую душу Закхея мытаря, да воспою Ти, сице глаголя:

Господи мой, Господи, недуги наша приемый и болезни понесый, исцели болезни сердца моего. Господи мой, Господи Иисусе, Помощниче мой, помози ми, яко изнемогает душа моя от скорби сея. Господи мой, Господи, очи давый слепому во еже видети, даждь ми око, да узрю кротость и терпение Твое. Господи долготерпеливый, избави душу мою от нечестиваго и спаси мя ради милости Твоея.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 11

Пение всеумиленное Тебе приносяща, и сокрушенным сердцем молящася, не презри мя, о Преблагий Владыко! Отврати убо лице Твое от грех моих! Но не отврати лица Твоего от раба поющаго Тебе: Аллилуиа.

Икос 11

Христе Свете истинный, просвещаяй и освящаяй всякаго человека грядущаго в мир, призри на мя, грешнаго и непотребнаго раба Твоего и исправи жизнь мою по заповедям Твоим, и душу мою освяти, да принесу Ти молитву сице:

Господи Иисусе Христе, Ты Свет мира, светом Твоим осияй мя. Господи мой, Господи, Ты источник жизни, даруй душе моей жизнь нетленную и утверди ю в заповедех Твоих. Господи Иисусе Христе, Ты Солнце правды, правдою Твоею согрей душу мою и озари ум мой. Господи мой, Господи, Ты наставник мой, научи мя творити волю Твою и любити Тя всем сердцем. Господи мой, Господи, Ты отверзл eси очи слепому, отверзи и мне двери покаяния и, яко щедр, очисти вся грехи моя.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 12

Благодатию Твоею всесильною, утверди сердце мое в вере, надежде и любви, даруй ми покаянием и неослабленным исполнением заповедей Твоих достигнуть Царствия Небеснаго, идеже с лики апостольскими воспою: Ти Аллилуиа.

Икос 12

Ты, Пастырю добрый, рекл еси всем, в скорби и печали сущим: "Друзи Мои, Аз иду ко Отцу Моему и Отцу вашему уготовити место вам, но паки прииду и возьму вас к Себе, аще заповеди Моя соблюдаете". Сему благоговейно внимая, дерзну и аз, погруженный в лютую скорбь, приступити к Тебе, сице моляся:

Господи мой, Господи, милосердый Спасителю мой, спаси мя погибающаго. Господи мой, Господи, отжени от мене тучи неверия, зла и вражды и Духом Твоим Благим настави мя на путь правды. Господи мой, Господи, утешение души моея, утеши мя в печали сущаго. Господи Боже мой, имене ради Твоего, оживи мя и правдою Твоею изведи из печали душу мою. Господи, Царю Пресильный, помяни мя, егда приидеши во Царствии Твоем.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 13

О, Премилосердый и Преблагий Господи Боже, Спасителю мой, пришедый в мир для спасения падшаго человека, не возгнушайся мене паче всех человек прегрешившаго и не отврати от мене лица Твоего, но призри на лютую скорбь и печаль души моея, исцели и утверди в свете истины и любве, да поем Ти: Аллилуиа!

О Спасе мой Премилосердый, пришедый в мир для спасения падшаго человека, взыщи мя погибаюшаго и благодатию Твоею душу мою освяти, тело очисти и жизнь исправи по эаповедем Твоим, да воспою Ти чистым сердцем: Аллилуиа.

О Спасе Moй Премилостивый, призри на раба Твоего, утопающаго в мори житейских искушений и бед, и, яко же древле Петра утопающа, спаси благодатию Твоею, освяти душу и утверди на стези заповедей Твоих, да чистым сердцем и усты вопию Ти с любовию: Аллилуиа.

(Этот кондак читается трижды. Затем читается 1-й икос и 1-й кондак)

Молитва

О, Преблагий Господи Иисусе Христе, Боже наш, Ты древле человеческаго естества Твоего лице, пресвятою водою смыв и убрусом отер, чудесно убо на том же убрусе изобразити Себе и Едесскому князю Авгарю во исцеление его от недуга послати благоволил еси. Се и мы ныне, грешнии рабы Твои, душевными и телесными недуги нашими одержими, лица Твоего, Господи, ищем и с Давидом во смирении душ наших зовем: не отврати лица Твоего, Господи, от нас и не отклонися гневом от рабов Твоих, помощник нам буди, не отрини нас и не остави нас. О, Всемилостивый Господи, Спасителю наш, изобрази Сам Себе в душах наших, да во святыни и правде жительствующе, будем сынове Твои и наследницы Царствия Твоего, и тако Тебе, Премилостиваго Бога нашего, купно со Безначальным Отцем Твоим и Пресвятым Духом славити не престанем во веки веков. Аминь.

Молитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.