Акафист Пресвятой Богородице в честь иконы Ее «Умиление» (Псково-Печерская)

В иконографической традиции Православной Церкви есть несколько типов икон Пресвятой Богородицы. Один из основных называется Умиление (по-гречески “Елеусса”).

На такой иконе Божия Матерь держит на руках Божественного Младенца. Христос прижимается щечкой к щеке Матери. Пресвятая Дева смотрит на Сына с любовью и умилением.

Есть и другой тип икон Пресвятой Богородицы, также называемый “Умиление”. На них Богородица изображается без Богомладенца, со скрещенными на груди руками и молитвенно склоненной головой.

К типу “Умиление” относится несколько иконографий Богородицы: “Умиление Псково-Печерская”, “Умиление Новгородская”, “Умиление Смоленская”, а также такие известные образы как Владимирская, Феодоровская, Почаевская и многие другие. Но наиболее известная икона, которая сразу вспоминается любому православному христианину – это “Умиление Серафимо-Дивеевская”. Этот извод как раз без Младенца Христа.

История иконы “Умиление Псково-Печерская”

Псково-Печерская икона Божией Матери была написана в 1521 году иноком Арсением Хитрошем. Является списком с чудотворной Владимирской иконы. В 1529-1570 годах была принесена в Псково-Печерский монастырь и с тех пор не раз являла Пресвятая Богородица Свою помощь через эту икону. Особенно прославилась икона исцелениями слепоты, паралича и других болезней. Как гласит летопись, чудеса по молитве получали даже иноверцы. Также не раз спасал чудотворный образ монастырь и город Псков от захвата иноплеменниками. Псково-Печерский монастырь - одна из немногих обителей, где молитва никогда не прекращалась, даже в советское время. Чудотворная икона сохранилась в этом монастыре до наших дней.

История иконы “Умиление Серафимо-Дивеевская”

Эта икона была келейным образом преподобного Серафима Саровского. В житие святого говорится, что в молитве перед ней преподобный Серафим отошёл в небесные обители.

Согласно преданию, святой старец нашёл икону в Саровском лесу. Первые упоминания об этом образе встречаются в записях 1815 года, когда преподобный Серафим окончил свой подвиг затворничества.

Посетители старца вспоминают что он исповедовал перед этой иконой людей. Также перед образом постоянно теплилась лампадка, елеем из которой преподобный помазывал приходящих к нему.

Преподобный Серафим Саровский завещал чтобы после его кончины образ хранили монахини основанного им Серафимо-Дивеевского женского монастыря. Ещё при жизни он часто ободрял насельниц обители такими словами: “Поручаю вас этой Небесной Царице и оставляю Ей на попечение”.

Однажды он призвал к себе начальницу обители и дал ей тысячу рублей, повелев устроить на эти средства “келью для Госпожи Пречистой”. На эти средства в Троицком храме был устроен придел, в котором икона находилась до 1927 года.

Икону украсили серебряной с позолотой ризой. Позднее, после прославления преподобного Серафима Саровского, император Николай II принёс в дар Серафимо-Дивеевскому монастырю золотой киот для этой чтимой иконы. Из жемчуга и самоцветов на киоте выложили лучи, которые расходились от главы Пресвятой Богородицы.

В 1927 году Серафимо-Дивеевская обитель была закрыта. С Божией помощью последней настоятельнице обители, игумении Александре, удалось сохранить монастырские святыни. После освобождения из-под ареста, игумения Александра с несколькими монахинями поселилась в Муроме. Затем хранительницей иконы была Мария Баринова, а через некоторое время образ попал к Святейшему Патриарху Пимену. Последний передал святыню на хранение протоиерею В. Шаповальникову.

В 1991 году, икону, увенчанную самоцветным окладом, вместе с другими вещами Серафима Саровского, передали патриарху Алексию II. С того момента и по настоящее время икона находится во Владимирской Патриаршей церкви в Чистом переулке. В дни празднования образа, 1 и 10 августа, а также 22 декабря, икону приносят на Богослужение в Елоховский Богоявленский собор для поклонения верующих.

Сделано много списков с чудотворной иконы. Один из списков отличается манерой письма. Он был освящен на месте праведной кончины преподобного Серафима Саровского и принесен в дар храму села Всегодичи Ковровского района.

Особенности иконографии “Серафимо-Дивеевская”

Исследования учёных историков и искусствоведов показывают, что икона была написана в середине восемнадцатого века. Ее иконописная традиция схожа со стилем иконы Пресвятой Богородицы “Остробрамская”, которую особенно почитают в Литве и на западе России. Однако образ Божией Матери “Умиление” отличается более строгим стилем письма. Если изображение нимба на “Остробрамской" иконе Божией Матери украшено полумесяцем и звёздами, то вокруг лика Пречистой Девы на иконе “Умиление” только надпись: “Радуйся, Невеста Неневестная”.

Икона отличается от других образов иконографического типа “Умиление” тем, что здесь Богоматерь изображена одна, без Младенца. Священник Павел Флоренский писал, что на этой иконе Божия Матерь изображена в момент архангельского приветствия. Скорее всего, икона “Умиление” Серафимо-Дивеевская является фрагментом иконы “Благовещения”. Автор письма неизвестен, так как раньше иконописцы часто скрывали свои имена из смирения. Написана икона на холсте, который укреплен на кипарисной доске.

О чем молятся

Перед образом Пресвятой Богородицы «Умиление» молятся о даровании веры, о помощи в различных нуждах, об избавлении от врагов, исцелении болезней.

Молятся перед иконой матери о своих детях, прося Матерь Божию защитить их зла, дурного влияния и сохранить верными Христу. Также Царице Небесной молятся о даровании ребёнка, о помощи в родах и воспитании. Можно молиться о благополучном замужестве, о даровании смирения, твердой веры и других добродетелей.

Икона «Умиление» очень распространена в православном мире. Она есть практически в каждом храме. Для сугубой молитвы можно заказать молебен. Молебен – это непродолжительное Богослужение, к основному последованию молебна которого могут прибавить чтение акафиста или чин малого освящения воды. Молебен можно совершать не только в храме, но и дома, на улице, в поле и т.д. Молебен совершается священником. А вот акафист может читать любой человек. Акафист – это песнопение, в котором восхваляется Господь, Матерь Божия, святые. В акафисте содержатся сведения о событии праздника или истории иконы, в честь которого он написан.

Акафист или молитву Пресвятой Богородице перед образом “Умиление” можно читать в любом месте и в любое время. Главное, чтобы молитва была искренней, идущей от всего сердца. И тогда Матерь Божия услышит и дарует просимое, если это будет нам полезно.

На иконе Божия Матерь изображается в молитвенной позе. Будем просить, чтобы и нам стяжать дар молитвы, необходимый каждому христианину.

Другие иконы Пресвятой Богородицы, называемые «Умиление»

Кроме Серафимо-Дивеевского образа есть ещё много икон типа «Умиление». Некоторые из них являются списками с келейной иконы преподобного Серафима, другие очень от неё отличаются иконографией. Но все они даны нам милостью Богородицы в знак того, что Царица Небесная не оставляет православных христиан.

Акафист Божией Матери перед Ее образом "Умиление" (Псково-Печерская)

Кондак 1

Избранней Заступнице рода христианского, покрывающей и спасающей люди правоверныя, иноком благоскорбящим Подательнице вечнаго радования, благодарственная от души восклицаем пения. Ты же, яко нарекшаяся Умиление, призри на ны милостивно и умиление нам даруй, да со дерзновением воспеваем Ти радостно:

Радуйся, Всеблагая Владычице, умиление и спасение наше.

Икос 1

Ангели и Архангели и множество сил небесных немолчно восхваляют Тя, Царицу всех и Владычицу. Ты же сподобила еси и нас бренными устнами воспевати дарованную Тобою радость в явлении чудныя Твоея иконы с предвечным Младенцем. Сего ради приими от нас похвалы сия:

Радуйся, Архангели певаемая; радуйся, Ангели славословимая.

Радуйся, небесными силами возносимая и окружаемая; радуйся, славо преподобных и мученик.

Радуйся, верных чад Церкви несумненное радование; радуйся, иноком в подвизех поспешествующая и наставляющая.

Радуйся, Умиление нарекшаяся; радуйся, умиление просящим дарующая.

Радуйся, единая Надеждо наша; радуйся, Отрадо в смертный час.

Радуйся, непрестанно Сына Твоего умоляющая.

Радуйся, Всеблагая Владычице, умиление и спасение наше.

Кондак 2

Видяще небожители Тя, Всеблагую Матерь, непрестанно молящуюся пред Престолом Божиим за человеческий род, прославиша Господа, даровавшаго таковую Заступницу верным, хвалебною песнию: Аллилуиа.

Икос 2

Разум даровася верным, чудотворный лик Твой зрящим и чудеса Тобою изливающаяся, слагати песни и пения ко прославлению имене Твоего честнаго, Всеблагословенная. Ты же милостивно приими от нас похвалы сия:

Радуйся, чудо чудес православия; радуйся, возводящая нас на небо.

Радуйся, Милостивая, нас милующая; радуйся, Своим омофором от зла покрывающая.

Радуйся, Господь с Тобою и Тобою с нами; радуйся, вся воздыхания наша милостивно приемлющая.

Радуйся, в час скорби единая наша Отрадо; радуйся, грешных усердная Споручнице.

Радуйся, кающихся твердый столпе; радуйся, о падших слезы проливающая.

Радуйся, защищающая сирых и вдовиц.

Радуйся, Всеблагая Владычице, умиление и спасение наше.

Кондак 3

Сила Господня осени Тя и подвиже на помощь и заступление всем, к чудотворней иконе Твоей прибегающим и поклоняющимся ей. Видяще сие, людие с трепетом припадаша Ти и песнопояху Бога песнию: Аллилуиа.

Икос 3

Имущи древняя обитель Псково-Печерская Твой образ святый, Преблагословенная Богородице Дево, токи чудес источающий и обитель ограждающий от всякаго зла, исполнишася велия радости и утешения. Се бо Матерь Света крылома Своея Материнския любве ограждает ны, вопиющих умильно:

Радуйся, радосте наша пресветлая; радуйся, ликование верных сердец.

Радуйся, свет нам возсиявшая; радуйся, обитель милостию Твоею посетившая.

Радуйся, в залог любве икону Твою ей даровавшая; радуйся, яко тою иконою точатся исцеления.

Радуйся, обитель Свою охраняющая; радуйся, живущим в ней присная Помощнице.

Радуйся, иноков Мати чадолюбивая; радуйся, обетов иноческих страж неусыпный.

Радуйся, радость всему миру носящая.

Радуйся, Всеблагая Владычице, умиление и спасение наше.

Кондак 4

Бурею злочестивых нашествий одержимии, благовернии людие града Пскова, Тя чтуще и цельбоносную Твою икону «Умиление» приемши, воздвигша ту на стены града противу воев Баториевых. Ты же, чудо деющи, защитила град от смертоносных стрел вражиих и подвигла верных пети благодарне рожденному Тобою Богу: Аллилуиа.

Икос 4

Слышаша жителие града Пскова и всея страны Российския величие чудес Твоих, како явила еси их во испытании бывшим от воев зверонравных, прославиша Тя, великую Заступницу страждущих, пении сими:

Радуйся, скорби наша на радость претворяющая; радуйся, прибегающим к Тебе скоро помогающая.

Радуйся, града Пскова ограждение; радуйся, злую дерзость воев поправшая.

Радуйся, стены града охранившая; радуйся, от смертоносных стрел врага покрывшая.

Радуйся, теми люди Твоя возвеселившая; радуйся, надеждою православных снабдевшая.

Радуйся, крепосте наша и защищение; радуйся, благоуханная Цевнице Небеснаго Царя.

Радуйся, кроткая горлице мира.

Радуйся, Всеблагая Владычице, умиление и спасение наше.

Кондак 5

Боготечную звезду, честную икону Твою, показала еси обители и веси Печерстей, Владычице Мира! К нейже, вернии, зряще и любовию ю лобызающе, взываем: буди нам щит и ограждение, да вопием Богу: Аллилуиа.

Икос 5

Видеша ближнии и дальнии, како Твой образ святый «Умиление» точит исцеления всем немощствующим, прибегоша к Тебе в скорбех и болезнех, и никто же от Тебе тощь и неутешен отъиде, и бысть во отраду Твой образ святый. Сего ради вернии благодарне зовут:

Радуйся, немощей наших отгнание; радуйся, смертоносных язв исцеление.

Радуйся, в бедах скорая Утешительнице; радуйся, бесов Прогонительнице.

Радуйся, града Печер украшение; радуйся, обители Печерския стено и ограждение.

Радуйся, иноков Небесная Игумение; радуйся, о добродетельном житии промыслительно пекущаяся.

Радуйся, в напастех стено нерушимая; радуйся, отчаянных грешников пристане.

Радуйся, недоумевающих разуме.

Радуйся, Всеблагая Владычице, умиление и спасение наше.

Кондак 6

Проповедницы быша чудеса от святыя иконы Твоея, Владычице, ибо слепии прозирают, болящии исцеления получают, сего ради вернии людие во множестве во обитель стекахуся, чающе получити милости Твоя, Всеблагая Царице небесе, лики своя со иноческими гласы совокупляху и в веселии зваху: Аллилуиа.

Икос 6

Возсия благодать Божественная чрез икону Твою чудотворную, Владычице, верою и любовию Тя Матерь Божию исповедующим, в нейже приемлюще и душевных недуг врачевание и к Царствию Небесному приобщение, смиренно возгласиша Ти сице:

Радуйся, не тела токмо, но и души спасительнице; радуйся, слезы чад Своих отирающая.

Радуйся, силу любве нам являющая; радуйся, безприютных вечный чертоже.

Радуйся, бездны греховныя бане; радуйся, чаше, омывающая совесть.

Радуйся, веры лучезарное сокровище; радуйся, надежды на спасение каменю.

Радуйся, адаманте Христовой любве; радуйся, скорбящим подательнице вечнаго радования.

Радуйся, покрове чистоты и девства.

Радуйся, Всеблагая Владычице, умиление и спасение наше.

Кондак 7

Хотяще оставити мир сей растленный, на святей горе боголюбезнии старцы преподобнии Марк и Иона подвизастася и обитель Святыя и Пречистыя Девы создаста, преподобный же игумен Корнилий образ Владычицы ту водвори, да вернии надежную Помощницу имут и взывают согласно: Аллилуиа.

Икос 7

Новую и преславную Твою икону «Умиление» видяще, на ограждение обители Псково-Печерския предпосланную, и радующеся вельми, боголюбивии иноцы и вернии людие возопиша прилежне:

Радуйся, славо пророков прекрасная; радуйся, благодатное небо.

Радуйся, в скудости пище обильная; радуйся, духовною радостию всех питающая.

Радуйся, в подвизе поста Помощнице; радуйся, печали всякия утоляющая.

Радуйся, злобная сердца умягчающая; радуйся, наша пред Сыном споручнице.

Радуйся, с Богом принесшая мир; радуйся, тайны от века явление.

Радуйся, цвете благоуханный девства.

Радуйся, Всеблагая Владычице, умиление и спасение наше.

Кондак 8

Странное и преславное чудо бысть Твой лик, Преблагословенная, верным с иконы сияющий: еще бо преподобный Корнилий пред образом Твоим моли Тя, да оградиши верных чад обители от всякаго зла, нас же научиши воспевати Всеблагому Богу, даровавшему нам Тебе, Матерь Свою: Аллилуиа.

Икос 8

Весь бе грехми отягчен и отчаян в своем житии кающийся грешник, в слезной молитве к Тебе прибеже, прося, да испросиши пред Сыном Твоим и Богом прощение грехов его, и восклицаше званьми сими:

Радуйся, кающихся грешников утешение; радуйся, грехов прощение.

Радуйся, всяку слезу отъемлющая; радуйся, солнце, согревающее люди.

Радуйся, отрадо, даруемая верным; радуйся, христиан Небесная Мати.

Радуйся, нераскаянных грешников исправление; радуйся, благоухание Небеснаго Царя.

Радуйся, молитве нас научающая; радуйся, помощь в бедах обильная.

Радуйся, страх нощный прогоняющая.

Радуйся, Всеблагая Владычице, умиление и спасение наше.

Кондак 9

Всяких сил ангельских превысшую Деву немолчно Тя хвалят наша сердца, Тя истинно чистейшую светлостей солнечных непрестанно величают. Ты же Ходатаица о нас буди в день Страшнаго Суда к Сыну Твоему и Богу, воспомяни тогда грешных моления и сподоби пети Богу: Аллилуиа.

Икос 9

Витий многогласных язык не возможет воспети достойно Твой сладостный лик, о Дево и Мати Владычице. Чудных Твоих даров и неизреченных красот умножение сердца исполняет умиления и дарует очесем источники слез, и подвизает вопити в сокрушении:

Радуйся, сердец росо умиления; радуйся, надеждо всех безнадежных.

Радуйся, всех правды лишенных прибежище; радуйся, демонов злых прогонительнице.

Радуйся, грозно бесом запрещаеши; радуйся, унылых духом востание.

Радуйся, яко вся возможна Тебе; радуйся, стропотных душ вразумление.

Радуйся, палице спящим сном греховным; радуйся, сладость всем, в горьких работах сущим.

Радуйся, всех скорбящих Радосте.

Радуйся, Всеблагая Владычице, умиление и спасение наше.

Кондак 10

Спасти хотящи верныя люди, явилася еси о них Предстательница пред Богом на стогнах града Пскова, милость Свою явльши, икону Твою чудотворную предпостави изряднее воем Баториевым. Людие же, чудо видяще, велиим гласом пеша Тебе: «Царице моя Преблагая!» и восклицаша Богу: Аллилуиа.

Икос 10

Стена еси иноком, Пречистая Дево, от вражиих козней, от бед, скорбей и напастей, Тебе бо вручи нас преподобнии Марк, Иона и Корнилий, бысть же ходатаица и праведная Васса. Сего ради смятенный наш дух возносим в смиренной мольбе, взывающе:

Радуйся, верных Твоих утверждение; радуйся, чад Своих любящая.

Радуйся, граде Царя, всеми прославляемый; радуйся, Церкве Святыя похвало и радование.

Радуйся, горних умов ликование; радуйся, неверных ко Христу приводящая.

Радуйся, Заступница наша усердная; радуйся, спасающая сущих в бедах.

Радуйся, нечестивых воев попрание; радуйся, добродетельми украшенная.

Радуйся, иноков ликование обильное.

Радуйся, Всеблагая Владычице, умиление и спасение наше.

Кондак 11

Пение хвалебное приносяще Ти, Всепетая, неудобства всякаго избавляемся. Твой образ честный усердно целующе, молим Тя: даруй нам веру несумненную, братолюбие и мир душам нашим ниспосли, да в мире и тишине вопием: Аллилуиа.

Икос 11

Светоприемная свеща была еси, Пречистая Дево, светом небесным озаряющи наш путь, и далече отступи от нас всякая неправда и беззаконие. Сего ради благодарственно вопием Ти:

Радуйся, свете немеркнущий жития нашего; радуйся, Лествице, возводящая к небесам.

Радуйся, облаче всесветлый; радуйся, скиние Небеснаго Царя.

Радуйся, рождшая Зиждителя вселенныя; радуйся, Тя бо блажат вси роди.

Радуйся, воспеваемая Херувимы и Серафимы; радуйся, дождю, орошающий благочестивыя души.

Радуйся, кладезю любве и милосердия; радуйся, грозная отмстительнице клянущихся всуе.

Радуйся, от клеветы нас избавляющая.

Радуйся, Всеблагая Владычице, умиление и спасение наше.

Кондак 12

Благодать Ти дана от Господа Своим святым покровом покрывати Церковь Православную от неверия, ересей и раскола, чад же верных Церкве миром ограждати и вразумляти на добродетели, да непрестанно славят Бога песнию: Аллилуиа.

Икос 12

Поюще Тя, Дева Всепетая, и чтуще чудотворную икону Твою «Умиление», во обители Псково-Печерстей сущую, радуемся по долгу, видяще Тя, Заступницу и Помощницу усердную всем, хотящим жати спасение и воспевати на всяк день:

Радуйся, Мати, Тебе мое моление; радуйся, крине удолия рая.

Радуйся, райския пищи приемнице; радуйся, сею пищею и нас питающая.

Радуйся, иноком благоскорбящим подательнице вечной радости; радуйся, праведных жен украшение.

Радуйся, краю благих желаний; радуйся, мученик всех дерзновение.

Радуйся, Церкве хоругве пречестная; радуйся, жития сокровище вечное.

Радуйся, свещниче веры златый.

Радуйся, Всеблагая Владычице, умиление и спасение наше.

Кондак 13

О Всепетая Мати, Царице небесе и земли! Иноков благая Вратарнице, верных покрове и умиление! Нынешнее приемши пение, от всякаго избави ны злаго обстояния и не лиши ны радости Царства Небеснаго, да вопием прилежно: Аллилуиа.

Этот кондак читается трижды.

Икос 1

Ангели и Архангели и множество сил небесных немолчно восхваляют Тя, Царицу всех и Владычицу. Ты же сподобила еси и нас бренными устнами воспевати дарованную Тобою радость в явлении чудныя Твоея иконы с предвечным Младенцем. Сего ради приими от нас похвалы сия:

Радуйся, Архангели певаемая; радуйся, Ангели славословимая.

Радуйся, небесными силами возносимая и окружаемая; радуйся, славо преподобных и мученик.

Радуйся, верных чад Церкви несумненное радование; радуйся, иноком в подвизех поспешествующая и наставляющая.

Радуйся, Умиление нарекшаяся; радуйся, умиление просящим дарующая.

Радуйся, единая Надеждо наша; радуйся, Отрадо в смертный час.

Радуйся, непрестанно Сына Твоего умоляющая.

Радуйся, Всеблагая Владычице, умиление и спасение наше.

Кондак 1

Избранней Заступнице рода христианского, покрывающей и спасающей люди правоверныя, иноком благоскорбящим Подательнице вечнаго радования, благодарственная от души восклицаем пения. Ты же, яко нарекшаяся Умиление, призри на ны милостивно и умиление нам даруй, да со дерзновением воспеваем Ти радостно:

Радуйся, Всеблагая Владычице, умиление и спасение наше.

Молитва

О Преблагословенная Дево Богородице Владычице! Мати всех страждущих и болезнующих сердцем! Страны нашея и града Защитнице! Обители Псково-Печерския красото и славо! Призри на нас смиренных, обремененных грехи многими, отягченных скорбьми и печалями и с сокрушением и слезами взирающих на пречистый лик Твой, в чудотворней иконе явленный. Сохрани от всякаго зла святую обитель сию, юже преподобный Корнилий со старцы Марком и Ионою Тебе вручи, и всех в вере и надежде подвизающихся в ней. Спаси и град сей, и вся люди, правоверно живущия и к Тебе прибегающия, от нашествия иноплеменных, от всякаго страха и труса, от мора и глада, от злых человек и всяческия скорби. Приникни к нам милосердием Твоим, яко ликом Твоим Божественным любезно приникла еси к ланите Богомладенца. Согрей нас дыханием Твоея любве и никогдаже отступай от нас, ни в сей жизни, ни в будущей, да, чающе Твою всесильную Материнскую помощь, сподобимся безбедно дойти вечныя жизни и прославляти Небеснаго Отца и Сына и Святаго Духа, в Троице славимаго Бога, во веки веков. Аминь.

Молитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.