Акафист святой праведной старице Матроне Московской
- о здравии, исцелении различных болезней телесных и душевных;
- о создании семьи, желании вступить в брак (скором замужестве, женитьбе);
- при бездетности, желании родить ребенка;
- о благополучном протекании беременности и родов;
- о сохранении семьи, счастье в любви;
- об избавлении от алкоголизма, наркомании, блуда и других страстей;
- о помощи учащимся, успешной сдаче экзаменов, поступлении в вуз;
- при финансовых трудностях, в поиске работы, жилья.
При жизни блаженная Матрона Московская помогла многим людям советом и своими молитвами. Она продолжает помогать верующим и после кончины. Лучший способ молитвенно обратиться к ней – прочесть акафист.
- Расписание
- Чудеса
- Житие
- Акафист
Свято-Троице Серапионова мужская пустынь
вторник , в 13:30 (по Москве)
вторник , в 13:30 (по Москве)
Святая старица – одна из самых известных и почитаемых православных святых нового времени. Имевшая от рождения дар чудотворения, она еще до кончины своей стала известна как молитвенница и подвижница во славу Божию.
Вся ее жизнь стала примером великого духовного подвига любви, терпения, самоотречения и сострадания. Современники запомнили ее очень светлой, ласковой, с тихим голосом. Никогда не жаловалась, принимая все, выпавшее на ее долю, как даваемое от Бога.
В самых разных жизненных ситуациях, проблемах, скорбях и испытаниях:
• при тяжелой болезни;
• при уходе мужа;
• при несчастной любви;
• при устройстве личной жизни;
• при потере работы;
• при финансовых трудностях;
• об исцелении от пьянства;
• о сохранении семьи;
• о помощи в решении материальных проблем;
• о благополучии в учебе.
Святой блаженной матушке Матронушке молятся о зачатии и рождении детей, об их благополучии. И каждого обращающегося к ней за помощью Матронушка укрепляет в вере, учит доверять Господу и полагаться на Его волю.
Блаженная Матрона Московская прославилась праведной жизнью и многочисленными чудесами, совершенными по ее молитвам ко Господу. И сегодня тысячи людей обращаются к ней с просьбами о помощи в различных житейских невзгодах. Незадолго перед смертью Матронушка говорила: «Все, все приходите ко мне и рассказывайте, как живой, о своих скорбях, я буду вас и видеть, и слышать, и помогать вам».
Поэтому обращайтесь к праведной старице в любой проблеме, если таковая возникла.
Матронушка Московская была слепой при жизни, но это не мешало ей помогать людям, избавляя их от разных заболеваний и проблем. Она была избрана Богом и наделена особым даром, который проявляется даже после ее смерти. Совершенно неважно, где именно обращаться к святой. Например, это можно делать в монастыре, где покоятся мощи Матроны, в любом действующем храме, а также у себя дома – святая услышит в любом случае. Самое важное – искренние слова, которые должны идти от чистого сердца.
Двое или более верующих договариваются молиться об исполнении аналогичного прошения одному и тому же святому. Важно, чтобы они молились в одно время. Тогда молящиеся станут духовно ближе друг к другу, несмотря на километры, разделяющие их.
Найти со-молитвенников трудно. Можно попросить знакомых молиться вместе, можно попробовать найти тех, кто молится святому в интернете. Гораздо проще – присоединиться к тем, кто уже молится тому или иному святому, тогда вы сэкономите массу времени на поиски людей с той же проблемой, согласных читать молитву. Как это сделать?
Для этого надо найти храм, в котором проводится молитва по соглашению - чтение акафистов тому или иному святому и передать туда записку с именами тех, кому нужна молитвенная помощь. Молиться можно и нужно не только за себя, но и за своих близких - родителей, супругов, детей, друзей. После того как передали имена в храм, нужно узнать расписание и читать выбранный акафист в положенный день и час у себя дома. В храме в это же время будут молиться перед иконой Господа, Божией Матери или святого, к которому обращен акафист. Если по каким-то причинам вы не можете прочитать акафист в положенное время, надо прочесть сразу, как получится. В современном мире, благодаря интернету и мобильным приложениям, можно молиться почти в любой обстановке - в транспорте, поездке, если уж так сложились обстоятельства.
Главное что надо помнить, прося у Бога и святых о чем-то, что Господь смотрит на сердце человека, его веру и стремление исправить свою жизнь согласно заповедям Божиим. Поэтому, если просимое дается не сразу, нельзя отчаиваться и роптать на Бога, но продолжать молиться и уповать на Промысл Божий.
Акафист блаженной старице Матроне Московской
Кондак 1
Избранной Богом от младенческих пелен и даром прозорливости, чудотворения и исцеления благодатию Духа Святаго одаренной, блаженной старице Матроне, нетленным венцем от Господа на Небеси увенчанной, соплетаем и мы, православнии, на земли венец похвальный из песней духовных, ты же, блаженная мати, приими сие от наших сердец благодарных, и яко имущая дерзновение пред Господем, от всяких нас бед, скорбей, болезней и козней вражиих избавиви, да с любовию поем ти:
Радуйся, блаженная старице Матроно, предивная чудотворице.
Икос 1
Ангел во плоти в рождестве твоем явилася еси на земли; аще и без телесных очес узрелася еси от всех, но Господь, умудряяй слепцы и праведных любяй, просвети духовная очеса твоя, да явишися предвидящая будущая, яко настоящая, и от всяких многообразных болезней страждущих исцеляющая. Мы же за сие зовем ти, мати, таковая:
Радуйся, от младенчества Богом избранная; радуйся, благодатию Духа Святаго от пелен осиянная.
Радуйся, дарованием чудотворения измлада наделенная; радуйся, премудростию от Бога свыше одаренная.
Радуйся, телесных очес лишенная, очесы душевными просвещенная; радуйся, паче зрящих и мудрецов века сего Богом умудренная.
Радуйся, блаженная старице Матроно, предивная чудотворице.
Кондак 2
Видяще иерей и людие предстоящии при крещении твоем исшедый из святыя купели столп аки пара и обоняюще благоухание велие в храмине при сем, познаша тя праведницу, дарованную от Бога на земли, и прославиша Бога, творящаго дивная и преславная в людех Своих, ангельскою песнию: Аллилуиа.
Икос 2
Разум имея свыше просвещенный, крестивый тя иерей Божий позна, яко чадо, крещаемое от него, есть сосуд Божия благодати, и тя младенца свята нарече. От нашего же усердия приносим ти похвалы сия:
Радуйся, чадо, Богом дарованное; радуйся от святыя купели благодатию Святаго Духа облагоуханная.
Радуйся, крестившим тя священнослужителем Божиим от рождения твоего святою нареченная; радуйся, крестом святым на теле твоем Богом запечатленная.
Радуйся, даром чудотворения от Бога прославленная на земли; радуйся, венцем неувядаемым от Господа увенчанная на Небеси.
Радуйся, блаженная старице Матроно, предивная чудотворице.
Кондак 3
Силою Вышняго в младенчестве святая со одра своего к иконам святым преношашеся, радующися, яко со други своими, и лепетом уст своих славящи Бога, навыкшаго из уст младенец совершати хвалу Себе, чистым сердцем поющи Ему: Аллилуиа.
Икос 3
Имущи от Бога дар прозорливости, от рождения лишенная телесных очес, духовными открытыми очесы предрекала еси людем будущая, яко настоящая, терпящи насмешки и поругания от родных и близких, слышащих сия; от верных же приими сицевая:
Радуйся, дивная прозорливице; радуйся, невидимых и далече сущих неложная предсказательнице.
Радуйся, пророческим дарованием от Бога наделенная; радуйся, даром сим многая утешавшая.
Радуйся, за исцеление болящих ничесоже от них взимавшая; радуйся, насмешки и укорение за сие без ропота терпевшая.
Радуйся, блаженная старице Матроно, предивная чудотворице.
Кондак 4
Буря недоумения и смятения обыде мя, како возмогу восхвалити и прославити житие святыя праведницы, аще не Господь, дивный во святых Своих, молитвами блаженныя старицы вразумит мя, да воспою Ему и аз за сие хвалебную песнь: Аллилуиа.
Икос 4
Слышавше людие от тебе, мати Матроно, предсказания о имеющих с ними в житии быти, стекахуся к тебе с недоуменьми, скорбьми и печальми своими и, утешение и совет благоразумен приимше, благодарным сердцем зовут ти:
Радуйся, заблуждений и недоумений наших добрая вразумительнице; радуйся, печалей наших утолительнице.
Радуйся, скорбей наших утешительнице; радуйся, благочестия учительнице.
Радуйся, благая безсребренице; радуйся, недугов всяческих прогонительнице.
Радуйся, блаженная старице Матроно, предивная чудотворице.
Кондак 5
Боготечная звезда явилася еси, мати блаженная Матроно, в стольном граде Москве, яко странница, не имущая зде пребывающаго града, с места на место иное преселялася еси, приносящи недоумевающим вразумление, страждущим ослабу, больным, исцеление, да благодарственно зовут Богу: Аллилуиа.
Икос 5
Видевше обильную реку чудес и исцелений, от тебе истекающую Божиею благодатию: хромым хождение, разслабленным и на одре лежащим исцеление, бесноватым от духов злобы освобождение, устремишася к тебе, мати, яко к источнику чудес неисчерпаемому, страждущии и болящии и напоишася обильно; утешеннии же и исцелении, умиленным сердцем возопиша тебе:
Радуйся, праведнице, от Бога нам низпосланная; радуйся, целительнице, вся недуги наша исцеляющая.
Радуйся, душеполезными советы нам помогающая; радуйся, вся наша сомнения и недоумения скоро разрешающая.
Радуйся, бесов от человек страждущих изгоняющая; радуйся, на путь правый, к Богу ведущий, наставляющая.
Радуйся, блаженная старице Матроно, предивная чудотворице.
Кондак 6
Проповедник святости и праведности жития твоего, блаженная, явися святый отец Иоанн Кронштадтский, повелевая верующим людем в храме разступитися и пропустити к нему юную отроковицу Матрону, именуя ю смену свою и осьмый столп России. И прославиша Господа слышавшии о сем, возглашающе Ему небесную песнь: Аллилуиа.
Икос 6
Возсияваше в сердцах неведущих Бога и грехи многими прогневляющих Его, молитвами твоими, свет благодати Божия, и, видяще чудеса, тобою совершаемая, обращахуся ко Господу, ублажающе блаженную старицу сими славословии:
Радуйся, чудесы твоими Бога прославляющая; радуйся, величие Бога и славу Его в них нам открывающая.
Радуйся, души неверующих к Богу обращающая; радуйся, сердца, неверием помраченная, светом Божиим просвещающая.
Радуйся, покаянию и заповедем Божиим нас научающая; радуйся, прославляти и благодарити за вся Господа нас вразумляющая.
Радуйся, блаженная старице Матроно, предивная чудотворице.
Кондак 7
Хотя спасти творение Свое в последняя сия времена, егда вся сила вражия, за отступление от Бога и нераскаянность во многочисленных гресех, воста на творение Божие, посылает милосердный Господь в грешный мир угодников Своих, таковая бо подвижница и молитвенница явися блаженная старица Матрона. Прославим же милосердие Божие к нам, грешным, благодарно поюще Ему: Аллилуиа.
Икос 7
Новую и дивную дарова Господь людем российским заступницу, молитвенницу, целительницу и ходатаицу за них к Богу по отшедших от мира сего старцех Оптины пустыни, святых Льве, Макарии и Амвросии, и святем праведнем Иоанне Кронштадтстем, подвизая всех угоднице Своей, блаженной старице Матроне, воспевати сице:
Радуйся, спасения нашего к Богу ходатаице; радуйся, о прощении грехов наших Судии Праведнаго умилостивительнице.
Радуйся, святых храмов и монастырей усердная посетительнице; радуйся, безпомощных и безнадежных больных и обидимых низпосланная Богом покровительнице.
Радуйся, с силами бесовскими и козньми их непрестанная воительнице; радуйся, безкровная мученице Христова, злейшаго мучителя, диавола, победительнице.
Радуйся, блаженная старице Матроно, предивная чудотворице.
Кондак 8
Странное чудо бысть неверующим и неразумным, како слепая может видети и знати не точию настоящая, но и будущая, не ведяху бо силы Божия, в немощи человечестей совершаемыя, ни еже пети Богу: Аллилуиа.
Икос 8
Вся бывши святая в Бозе, аще телом и в мире сем грешнем пребываше, многими верными и неверными, благочестивыми и нечестивыми бяше всегда окружаема, никогоже без участия и утешения отрину от себе, терпящи от многих досаждения и обиды, гонения, скорби и укорения, не сетующи о сем, но за вся благодарящи Бога, понуждающи нас терпеливо нести крест свой. Мы же приносим ей благохваления таковая:
Радуйся, многия скорби и болезни за исцеление недужных претерпевшая; радуйся, в борьбе со духи нечистыми все житие свое проводившая.
Радуйся, от злых людей за сие хождения лишившаяся; радуйся, в молитве усердной непрестанно пребывавшая.
Радуйся, на кулачке склонившися, и тако седяши почивавшая; радуйся, бодрствующи духом, вся нощи в молитве проводившая.
Радуйся, блаженная старице Матроно, предивная чудотворице.
Кондак 9
Всякия скорби и болезни претерпела еси, мати Матроно, непрестанно борющися с силами тьмы, изгоняющи их от одержимых нечистыми духи, изобличающи козни и коварства их, и никогдаже пороптала еси, до самыя смерти помогающи страждущим, болящим и скорбящим, выну поющи Господу Богу, укрепляющему тя силою Своею: Аллилуиа.
Икос 9
Ветии многовещаннии не возмогут достодолжно постигнути данных Богом тебе свыше даров благодати Духа Святаго и описати и прославити всю святость жития твоего и чудеса, силою Божиею тобою совершаемая. Тем паче како мы слепотствующая духовными очами можем постигнути судьбы Божия, на тебе совершаемыя, и грешными усты воспети и прославити тя, блаженная мати? Но хотяще, по слову псалмопевца, хвалити Бога во святых Его, водвизаеми сердечною любовию к тебе, дерзаем на сие похваление и зовем ти:
Радуйся, нищая духом, яко таковых есть Царство Небесное; радуйся, узким и тернистым путем шествовавшая.
Радуйся, яко птица небесная, с места на место пролетавшая; радуйся, аще и птицы небесныя гнезда имут, ты же храмины, ниже сокровищ себе на земли не стяжавшая.
Радуйся, яко Сыну Божию, не имевшему где главу подклонити, уподобилася еси на земли; радуйся, яко с Ним ныне в обителех райских вселилася еси на Небеси.
Радуйся, блаженная старице Матроно, предивная чудотворице.
Кондак 10
Спасти хотящи многия люди от страданий телесных и душевных недуг, вся нощи проводила еси, праведнице Божия, в молитве коленопреклоненно, просящи помощи и укрепления у Господа нашего Иисуса Христа, в земнем странствии Своем преклонявшаго колена в молитве пред Отцем Небесным, поющи со Ангелы Ему: Аллилуиа.
Икос 10
Стена и покров была еси при жизни, блаженная мати, всем к тебе в нуждах и скорбех прибегающим, но и по смерти не престала еси ходатайствовати пред Богом о людех, с верою приходящих к тебе. Услыши, благая мати, ныне и нас, многогрешных, скорбьми, болезньми и многими печальми одержимых, и потщися на помощь к нам святыми своими молитвами, умилостивляющи благоутробнаго Господа о всех, к тебе вопиющих:
Радуйся, теплая за нас Богу молитвеннице; радуйся, усердная о нас, грешных, к Богу предстательнице.
Радуйся, болезни и скорби терпети благодарно нас вразумляющая; радуйся, мысли благия в недоумениих наших на сердце нам полагающая.
Радуйся, молитвою твоею спастися нам помогающая; радуйся, далече телом от тебе сущих, но от души усердно тебе призывающих не оставляющая.
Радуйся, блаженная старице Матроно, предивная чудотворице.
Кондак 11
Пение неземное, ангельское слышаши ныне, мати честная Матроно, еще на земли живущи сподобившаяся, невидимо окружающим, беседовати со Ангелы небесными. Научи и нас, недостойных, како подобает славити Бога, в Троице почитаемаго, Отца и Сына и Святаго Духа, Емуже непрестанно на Небеси воинства небесная велегласно поют: Аллилуиа.
Икос 11
Светозарным светом сияет житие твое, блаженная старице Матроно, освещающе мрак многосуетнаго мира сего, и влечет к себе души наша, да озарятся и они хотя малою лучею благодати Божия, ивозмогут проити богоугодно скорбный и тесный жизненный путь, и достигнути врат Царствия Божия, идеже ты, мати, ныне, веруем, вселилася еси. Услыши глас тебе зовущих:
Радуйся, светильниче Божий, нас и по смерти просвещаяй; радуйся, бисере честный, блистанием святыни твоея нас озаряяй.
Радуйся, светом дел твоих добрых в православии нас укрепляющая; радуйся, цвете благовонный, Духом Святым души наша облагоухаяй.
Радуйся, яко все житие твое свято и праведно; радуйся, яко и смерть твоя пред Богом честна.
Радуйся, блаженная старице Матроно, предивная чудотворице.
Кондак 12
Благодать Божию обильно еще от пелен восприяла еси, мати блаженная, сия же выну пребысть с тобою по вся дни: ты же недуги исцеляла еси, бесов изгоняла еси, невидимая и далече сущая предсказующи и на спасение всех наставляющи. Веруем несомненно, яко по смерти благодать сия наипаче пребывает с тобою, сего ради припадающе молимся: не лиши и нас, еще странствующих на земли, помощи твоея и заступления, просящи Господа помиловати и спасти всех, усердно Ему возносящих во святых храмех наших торжественное пение: Аллилуиа.
Икос 12
Поюще чудеса твоя, мати Матроно, восхваляем Бога, даровавшаго тебе благодать таковую, и с пророком Давидом псаломски вопием, правым бо подобает похвала:
Радуйся, яко Господь любит праведники; радуйся, яко Господь умудряет слепцы.
Радуйся, яко хранит Господь вся любящия Его; радуйся, яко Господь благоволит в людех Своих.
Радуйся, яко Господь волю боящихся Его сотворит и молитву их услышит и спасет их; радуйся, яко восхвалятся преподобнии во славе и возрадуются на ложах своих.
Радуйся, блаженная старице Матроно, предивная чудотворные.
Кондак 13
О блаженная мати, услыши ныне воспеваемое тебе хвалебное пение и моление, обещавшая и по смерти слышати вопиющих к тебе, и испроси у Спасителя нашего Господа Иисуса Христа грехов наших прощения, христианския кончины жизни нашея и добраго ответа на Страшнем Судищи Его, да и мы со всеми помилованными Богом сподобимся в селениих райских славити Святую Троицу красным пением: Аллилуиа.
Этот кондак читается трижды
Икос 1
Ангел во плоти в рождестве твоем явилася еси на земли; аще и без телесных очес узрелася еси от всех, но Господь, умудряяй слепцы и праведных любяй, просвети духовная очеса твоя, да явишися предвидящая будущая, яко настоящая, и от всяких многообразных болезней страждущих исцеляющая. Мы же за сие зовем ти, мати, таковая:
Радуйся, от младенчества Богом избранная; радуйся, благодатию Духа Святаго от пелен осиянная.
Радуйся, дарованием чудотворения измлада наделенная; радуйся, премудростию от Бога свыше одаренная.
Радуйся, телесных очес лишенная, очесы душевными просвещенная; радуйся, паче зрящих и мудрецов века сего Богом умудренная.
Радуйся, блаженная старице Матроно, предивная чудотворице.
Кондак 1
Избранной Богом от младенческих пелен и даром прозорливости, чудотворения и исцеления благодатию Духа Святаго одаренной, блаженной старице Матроне, нетленным венцем от Господа на Небеси увенчанной, соплетаем и мы, православнии, на земли венец похвальный из песней духовных, ты же, блаженная мати, приими сие от наших сердец благодарных, и яко имущая дерзновение пред Господем, от всяких нас бед, скорбей, болезней и козней вражиих избавиви, да с любовию поем ти:
Радуйся, блаженная старице Матроно, предивная чудотворице.
Молитва первая
О блаженная мати Матроно, услыши и приими ныне нас, грешных, молящихся тебе, навыкшая во всем житии твоем приимати и выслушивати всех страждущих и скорбящих, с верою и надеждою к твоему заступлению и помощи прибегающих, скорое поможение и чудесное исцеление всем подавающи; да не оскудеет и ныне милосердие твое к нам, недостойным, мятущимся в многосуетнем мире сем и нигдеже обретающим утешения и сострадания в скорбех душевных и помощи в болезнех телесных: исцели болезни наша, избави от искушений и мучительства диавола, страстно воюющаго, помози донести житейский свой Крест, снести вся тяготы жития и не потеряти в нем образ Божий, веру православную до конца дней наших сохранити, упование и надежду на Бога крепкую имети и нелицемерную любовь к ближним; помози нам по отшествии из жития сего достигнути Царствия Небеснаго со всеми угодившими Богу, прославляюще милосердие и благость Отца Небеснаго, в Троице славимаго, Отца и Сына и Святаго Духа, во веки веков. Аминь.
Молитва вторая
О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различныя чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам вся наша согрешения, беззакония и грехопадения, имиже мы от юности нашея даже до настоящаго дне и часа согрешихом, да твоими молитвами получивше благодать и велию милость, прославим в Троице Единаго Бога, Отца, и Сына, и Святаго Духа, ныне и присно и во веки веков. Аминь.
Mолитва по соглашению
Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.
Скачайте мобильное приложение
Молитвослов, Календарь, Библия 540 текстов акафистов всегда с собой
«Благодать Родившегося от Меня и Моя с этими иконами да пребудет»
Молебен перед образом Божией МатериСделайте выбор:
«Не вы Меня избрали, а Я вас избрал» Евангелие от Иоанна, 15:16
Акафист святомуСделайте выбор:
