Акафист Пресвятой Богородице в честь иконы Ее «Тихвинская»

В середине XV столетия, рыбаки, ловившие рыбу на Ладожском озере заметили сияние. Присмотревшись, они увидели икону Пресвятой Богородицы, плывущую по воде. Попытки поднять икону не увенчались успехом. Богоматерь Сама знала где место Ея иконы. Наконец около небольшого городка Тихвин, стоящего на берегу одного из притоков, икона остановилась. Так на Руси был явлен еще один образ Богоматери.

Сейчас это одна из наиболее известных и почитаемых икон. Списки с нее находятся во всех храмах страны. Люди часто обращаются к Пречистой Деве за помощью и заказывают перед Тихвинской молебны. Заказать молебен можно в каждом православном храме или монастыре. Молебен может быть как простым, так и с добавлением чтения акафиста или водоосвящения.

О чем молятся перед иконой

Считается, что Тихвинская икона особо помогает во всех случаях, связанных с чадородием и воспитанием детей. Поэтому образ особо почитается женщинами, которые прибегают к помощи Богородицы в следующих случаях:

• При проблемах с зачатием или вынашиванием младенца.
• При болезнях и бессоннице маленьких детей.
• Просят оградить старших детей от дурного влияния, даровать им разум и веру.
• Просят наставить детей на правильный путь, помочь им выбрать свое место в жизни.
• Молятся об укреплении духовной связи между матерью и ребенком, установлении между ними мира и взаимопонимания.
• Перед этой иконой молятся о разрешении сомнений, о защите от обмана и клеветы.
• Через свой образ Богоматерь защищает молящихся Ей от пожаров, войн и других несчастий.

История иконы

По преданию, Тихвинская икона Божией Матери относится к числу икон, написанных святым апостолом и евангелистом Лукой. Впоследствии он подарил этот образ вместе с рукописью Евангельского текста Феофилу Антиохийскому.

Спустя несколько времени икона попала в Византию. Известная каждому из христиан Влахернская церковь была построена специально для пребывания этой иконы. Этот факт подтверждает то, что образ Богоматери был весьма почитаем.

В 1383 году Пресвятая Богородица соблаговолила явить Свою честную икону в пределах Русских. Согласно церковному преданию, ангелы Божии взяли икону из Влахернского храма и несли по воздуху до самой Руси.

Первыми, кто сподобился увидеть чудотворный образ в Русской земле, были простые люди – рыбаки, подобно тому, как и Христос первыми призвал рыбаков. Икона была замечена ими с берега Ладоги в 200 км. от Петербурга. Рыбаки хотели взять икону, но попытка не увенчалась успехом. Наконец, после усердных молитв икона остановилась у берега около города Тихвин. Все жители вместе с духовенством вышли на берег, чтобы помолиться Пресвятой Богородице. После молитвы икону взяли и перенесли в город. Таким образом Богоматерь Сама назначила место пребывания Своей иконы.

Образ поместили в деревянном храме в честь Успения Пресвятой Богородицы. Место для храма также было указано Самой Пречистой Девой. Вскоре деревянная церковь была заменена каменной, а еще через время по приказу Ивана Грозного там был основан мужской монастырь в честь Тихвинской иконы.

Богоматерь не раз спасала город своим заступлением. Так, во время нападения шведов, жители города опасались разорения и хотели бежать, взяв с собой икону Богоматери. Но попытки сдвинуть ее с места оказались безуспешными. Тогда люди поняли, что Богородица велит им оставаться на месте и защитит город, что и случилось.

После заключения Шведского мира, список с Тихвинской иконы был принесен в Москву и поставлен в Успенском соборе Кремля. Через короткое время жители Новгорода выпросили икону в свой город и поставили в Софийском соборе. С этого времени образ становится известным и почитаемым во всей Русской земле.

В годы советских гонений на Церковь Тихвинский монастырь был закрыт. Икону спас от поругания будущий ар­хи­епи­скоп Чи­каг­ский и Мин­неа­по­лис­ский Иоанн (Гарк­лавс) и ми­ря­нин Сер­гий, которые в 1944 году вывез­ли её в Ев­ро­пу, а оттуда – в США.

В 1981 году, чувствуя приближение кончины, архиепископ Иоанн завещал Сергию, к тому времени уже ставшему протоиереем, хранить икону. А когда в России прекратится гонение на веруЮ и Тихвинский монастырь будет открыт, вернуть икону на место ее пребывания.

Возвращение святыни в Россию произошло 8 июля 2004 года. Сейчас икона находится в месте своего изначального пребывания – в Тихвинском монастыре, который Богородица избрала домом 600 лет назад.

Акафист Божией Матери перед образом Ее "Тихвинская"

Кондак 1

Взбранной Воеводе, Владычице нашей Богородице благодарственная пения восписуем о явлении чудныя Ея иконы, к нейже притекающии присно избавляются от враг видимых и невидимых. Ты же, Госпоже неба и земли, яко милосердная Мати, приими ныне малое сие моление наше и неотступну никогда же сотвори милость Твою от нас и заступление, охраняющи от всех бед и напастей нас, зовущих Ти:

Радуйся, Владычице, милостивая о нас пред Богом Заступнице.

Икос 1

Ангелов лицы ликовствующе служат Тебе, Владычице, и почитающе Тя, на руку Твоею носившую Творца видимыя и невидимыя твари, икону Твою с места на место преносят. Мы же, земнороднии, дивящеся чудному явлению иконы Твоея, Ангелы носимыя, вопием Ти сице:

Радуйся, всех Небесных Сил высшая; радуйся, вся ангельския чины превосходящая.

Радуйся, честнейшая Херувим; радуйся, славнейшая без сравнения Серафим.

Радуйся, радование Ангелов; радуйся, похваление ликов небесных.

Радуйся, от Ангелов воспеваемая; радуйся, от Серафимов прославляемая.

Радуйся, от Архангел поклоняемая; радуйся, от воинств небесных почитаемая.

Радуйся, в иконе Твоей от Ангел чтимая; радуйся, в видимем образе Твоем от невидимых сил носимая.

Радуйся, Владычице, милостивая о нас пред Богом Заступнице.

Кондак 2

Видяще рыбарие над пучиною вод носимую невидимою силою и светом подобно солнцу сияющую Твою, Богомати, икону с Предвечным Младенцем, рыбарей призвавшим на уловление мира в сети спасения, возопиша: Аллилуиа.

Икос 2

Разум недоразуменный дивнаго явления иконы Твоя разумети людие ищуще, уведеша, яко чтимая в Цареграде пречестная икона в наследие Российскому роду даровася. Темже мы благодаряще за милость Твою к роду нашему вопием Ти:

Радуйся, Мати истинныя Жизни; радуйся, послушанием Твоим преслушание Евы исцелившая.

Радуйся, затворенный Эдем отверзшая; радуйся, миру явившая Сокрушителя главы змиевы.

Радуйся, ковчеже Умирителя мира носивший; радуйся, мир спасшая от потопления греховнаго.

Радуйся, лествице, Еюже сниде Бог; радуйся, земных возводящая на небо.

Радуйся, море фараона мысленнаго потопившее; радуйся, купино неопалившаяся всельшимся в Тя огнем Божества.

Радуйся, скрижале Богописанная; радуйся, каменю, воду жизни источивший жаждущим.

Радуйся, Владычице, милостивая о нас пред Богом Заступнице.

Кондак 3

Сила Вышняго осеняше страну Тихвинскую егда икона Пречистыя Богоматере, многочастне являющися и временным пребыванием освящающи землю, к воздвизанию храмов святых возбуждаше, да славится имя Владычицы во славу Триипостаснаго Бога, Емуже вопием: Аллилуиа.

Икос 3

Имуще благоутробное изволение, да людие страны Тихвинския вожделеют пребывания Твоего с ними да памятуют выну покров Твой, икону Твою являла еси многочастне, дондеже указала еси богоизбранное место вселения ея. Темже чудящеся вопием Ти:

Радуйся, скиние, в Нейже вселися Божество телесне; радуйся, святая святых, в Неюже единою вниде вечный Архиерей.

Радуйся, кивоте позлащенный Духом, Законодателя носивший; радуйся, светильниче, огнем Божественным возженный.

Радуйся, стамно, носившая манну жизни Христа; радуйся, трапезо, Хлеб животный вместившая.

Радуйся, кадильнице угль Божества имущая, мир весь облагоухавшая; радуйся, жезле, Цвет прозябший Христа.

Радуйся, столпе, к вечному наследию руководяй; радуйся, облаче, от враг видимых и невидимых покрываяй.

Радуйся, земле обетования; радуйся, руно, на негоже Христос, яко дождь сниде с небесе.

Радуйся, Владычице, милостивая о нас пред Богом Заступнице.

Кондак 4

Бурю смущения и скорби утолити тщащеся, благовернии людие взываше ко Господу: яви нам божественный дар, егоже человеколюбне стране Российстей послал еси, не скрый сокровища, имже душевную нищету нашу обогатити надеяхомся, претвори печаль нашу в радость, отри слезы и рыдания. И улучивше желаемое, возопиша: Аллилуиа.

Икос 4

Слышав пастырь паствы своея радостное обретение и Матерь Пастыреначальника упасшуюся в странах Тихвинских, устрояет храм в честь новоявленныя иконы Ея, и пресвитеры учреждает, да выну прославляя Богоматерь, вопиют Ей:

Радуйся, Дщи, приклонившая ухо ко гласу Отца Небеснаго; радуйся, яко праматернее сетование разрушися рождеством Твоим.

Радуйся, Невесто, Еяже доброты вожделе Царь Небесный; радуйся, Царице, одесную Царя представшая.

Радуйся, рясны златыми украшенная и всю славу внутрь имущая; радуйся, вводящая многих в чертог Царства Небеснаго.

Радуйся, яблоко, егоже благовоние обоняет весь мир; радуйся крине чистоты, блистанием светяйся.

Радуйся, миро благовонное, всему миру излиянное; радуйся, царскую порфиру, плоть Творца всех, из девственных кровей Твоих исткавшая.

Радуйся, живый запечатленный источниче, источивший Воду жизни; радуйся, мысленный винограде, Гроздь Божественный возрастивый.

Радуйся, Владычице, милостивая о нас пред Богом Заступнице.

Кондак 5

Боготечная звезда явися икона Твоя, Богомати, вся страну Тихвинскую обтекающи и сущих во тьме невежествия светом боговедения озаряющи, скорбящих радостию осиявающи, заблуждающих же на путь делания заповедей Сына Твоего и Бога наставляющи, Ему же благодарственне вопием: Аллилуиа.

Икос 5

Видев Георгий на кладе древа седящу Жену, жезл червленный в руках имущу и светом неизреченным сияющу, Ейже, предстоя, беседоваше дивный Святитель, позна чрез благоухание благодати Тя, Богородицу, чувственный зрак приимшую и Святителя Николая предстояща Тебе, и возопи со трепетом:

Радуйся, доме, егоже созда Себе для вселения Премудрость Божия; радуйся, Дево, Еммануила родившая.

Радуйся, жезле Иессеов, от негоже прозябе Цвет Христос Бог; радуйся, Неневестная Невесто, осенением Духа заченшая Сына.

Радуйся, свитче, в немже перстом Отчим написася Слово; радуйся, книго девства запечатленная, Иосифу на хранение врученная.

Радуйся, клеще таинственная, угль Божества во чреве приемшая; радуйся, престоле превознесенный, на немже плотию возседе Христос.

Радуйся, облаче легкий, на немже прииде Господь славы; радуйся, врата затворенная, имиже един Христос пройде.

Радуйся, горо несекомая, от неяже краеугольный камень отсечеся, Христос; радуйся, огнеросная пеще, неопально приимшая огнь Божества.

Радуйся, Владычице, милостивая о нас пред Богом Заступнице.

Кондак 6

Проповедник быв видимаго Твоего пребывания в стране Тихвинстей и дивиаго промьшления о ней, благочестивый Георгий явление Твое и волю Твою людем возвести, ейже неповинующиися чудесы вразумляются славити Тя, Владычице, и пети Богу: Аллилуиа.

Икос 6

Возсияти свету Богопознания явлением иконы Твоея изволившая, и свет иноческия жизни возжещи благоволила еси, Богомати, на месте явления Твоея иконы, да иноков лицы вопиют Ти непрестанно:

Радуйся, неплоднаго корене благоплодное прозябение; радуйся, от младенчества Богу посвященная.

Радуйся, во святем храме воспитавшаяся; радуйся, Богу уневестившаяся.

Радуйся, всеми добродетельми преукрашенная; радуйся, светоносная палато, Владыце уготованная.

Радуйся, благодатию Божиею предочищенная; радуйся, от начала веков во главизну нашего спасения предъизбранная.

Радуйся, Невесто Архитектона небеснаго, земному тектону на хранение врученная; радуйся, малый Назарет Своим пребыванием возвеличившая.

Радуйся, горних сил похвало; радуйся, всех земнородных славо.

Радуйся, Владычице, милостивая о нас пред Богом Заступнице.

Кондак 7

Хотящим преподобным Мартирию и Кириллу во уединении подвизатися и труды и подвиги иноческими Богу угождати, путь в место вожделеваемаго подвига в столпе огненнем и гласе указала еси. Они же познавше Тя, яко Одигитрию благую, спутешествующую им, возопиша Богу: Аллилуиа.

Икос 7

Новый источник чудес в стране северней явися икона Твоя Тихвинская, Пресвятая Владычице, независтно точащий изцеления всем притекающим с верою: слепии бо прозирают, немии благоглаголиви бывают, глусии слышат, разслаблении востают, бесноватии от уз демонских свобождаются. Темже славяще Тя, возопием:

Радуйся, яко на Тебе почи благоволение Отчее; радуйся, Духом Святым осененная.

Радуйся, яко в Тебе воплотися Сын Божий, Спас миру; радуйся, совета неизреченнаго Таиннице.

Радуйся, от Ангела благовестие приимшая; радуйся, ангельским, еже радуйся, весь мир обрадовавшая.

Радуйся, яко Господь с Тобою; радуйся, яко Тобою вси земнороднии Богу приближишася.

Радуйся, Благословенная в женах; радуйся, всем женам благословение даровавшая.

Радуйся, Мати, до рождества и по рождестве пребывшая Девою; радуйся, начаток чести и славы девства.

Радуйся, Владычице, милостивая о нас пред Богом Заступнице.

Кондак 8

Странно чудо явления образа Твоего, Владычице, и несказанно, удивляет премирная и ужасает земная, вкупе же и просвещает благодатию рождшагося от Тебе Христа Бога нашего. Странно и заступление обители от врагов, хвалившихся разорити достояние Твое. Сего ради вопием Богу: Аллилуиа.

Икос 8

Вся еси в вышних, Владычице, но и нижних не оставляеши, защищающи, аки стеною и забралом, честною иконою Твоею обитель Твою. Рекла бо еси, егда бысть нашествие вражие, да возмут людие икону Твою и обыдут по стенам окрест, и узрят милость Божию. Темже избавлении Тобою от враг возопиша Тебе:

Радуйся, Мати Творца и Господа Своего; радуйся, Еяже ради младенец Иоанн взыграся во чреве Елисаветы.

Радуйся, от всех родов ублажаемая; радуйся, смирением возвышенная.

Радуйся, небесным радование и земным мир рождением Твоим даровавшая; радуйся, от Ангелов славословие, от пастырей величание, от волхвов поклонение о рождении Твоем приимшая.

Радуйся, млеком питавшая горняя и дольняя благодатию Своею Питающаго; радуйся, пеленами повившая Одевающагося светом, яко ризою.

Радуйся, носившая на руку Твоею Носящаго весь мир дланию; радуйся, во храм принесшая Священие храма.

Радуйся, Симеоном благословенная; радуйся, Анною пророчицею возвеличенная.

Радуйся, Владычице, милостивая о нас пред Богом Заступнице.

Кондак 9

Всякаго естества ангельскаго чистейши сущи, Владычице, обитель, ради пришествия Твоея иконы созданную, от нечистоты греховныя близ погибели бывшую, но покаянием очистившуюся, яко общая Молебница о роде христианском, избавила еси от врагов, по подобию нечистых животных подкопати ю трудившихся. Темже вопием Богу: Аллилуиа.

Икос 9

Витии многовещаннии недоумеют воспети по достоянию множество чудес Твоих, Владычице, и тайны Твоего строения спасения человеков: ово бо благостию, ово же посещением наказаний руководиши люди на путь спасения. Зане необориму обитель сохранивши от врагов видимых, огненным очищением благоволила еси очистити от уязвлений врага невидимаго, вразумляя, яко чистота, воздержание и молитвы сердечныя угоднее Тебе паче хвалы единых точию уст. Темже вопием Ти:

Радуйся, Египет освятившая пришествием Твоим; радуйся, Галилейскую страну прославившая пребыванием Твоим.

Радуйся, по всему Иерусалиму искавшая Отроча Твое, Егоже возлюби душа Твоя; радуйся, в дому Отца Его обретшая Его.

Радуйся, вся глаголы о Сыне Твоем слагавшая в сердце Своем; радуйся, в Сыне Твоем прежде всех познавшая Бога.

Радуйся, Сыну Твоему послужившая в земнем житии Его; радуйся, страданием Его спострадавшая.

Радуйся, при Кресте Сына Твоего усыновление Иоанна апостола и всех верующих приимшая; радуйся, Матерински возлюбившая искупленных кровию Его.

Радуйся, первее всех уразумевшая тайну воскресения Сына Твоего; радуйся, премногия радости насладившаяся в вознесении Сына Твоего на небеса.

Радуйся, Владычице, милостивая о нас пред Богом Заступнице.

Кондак 10

Спасти хотящи многия люди от обдержащих их скорбей и болезней и веру их утвердити во всесильное заступление Твое, Владычице, во многих градех, обителех, весех православныя страны силу чудотворения даровала еси изображением честныя иконы Твоея, да видяще являемую Тобою милость, вопиют со умилением Богу: Аллилуиа.

Икос 10

Стена и щит была еси, Владычице, православному воинству, под знамением Твоея иконы противу дванадесяти язык воинствовавшему, сохраняя его от стрел вражиих. Темже буди стена и покров от всех врагов видимых и невидимых и нам, ко пречестней иконе Твоей с верою и любовию припадающим и вопиющим Тебе:

Радуйся, утешение верным по вознесении Сына Твоего; радуйся, учительнице и споспешнице Апостолом.

Радуйся, извещением Твоего к Богу отшествия обрадованная; радуйся, лик ученический облаком к погребению Ти совокупльшая.

Радуйся, от земли дланьми Сына Твоего восприемлемая; радуйся, от всех ангельских чиноначалий провождаемая.

Радуйся, земное небо к горнему селению возвышенное; радуйся, престоле Господень, от земли вознесенный в Царствие Небесное.

Радуйся, воздух освятившая восхождением Твоим; радуйся, чрез Фому уверившая Твое на небо с плотию преселение.

Радуйся, ученическому лику обещание хранити его исполньшая; радуйся, присещением Твоим от Сына Твоего и Бога мир тому подавшая.

Радуйся, Владычице, милостивая о нас пред Богом Заступнице.

Кондак 11

Пение всякое побеждается, спростретися тщащеся ко множеству чудес, приснобываемых от святыя Твоея и чудотворныя иконы. Якоже бо скорая Помощница недуги исцеляеши, от бед избавляеши, от мучения демонов свобождаеши, на всяком месте с верою Тя призывающих и вопиющих Богу: Аллилуиа.

Икос 11

Светоприемную свещу зрим святую икону Твою, Богомати, во странах Тихвинских благодатию Твоею возженную, всю страну просвещающую и многих ко свету своему привлекающую на спасение душ. Темже вопием Ти:

Радуйся, сохраняти и спасати всех призывающих Тя обещавшая; радуйся, прославляющих Тя прославляющая.

Радуйся, к Сыну Твоему и Богу молитвы верных приносящая; радуйся, и Сама непрестанно у престола Сына Твоего и Бога молящаяся о всех.

Радуйся, благодать Твою иконам Твоим честным даровавшая; радуйся, всю вселенную лучами Твоея благодати озарившая.

Радуйся, честнейшая Херувим и славнейшая Серафим; радуйся, всея твари высшая.

Радуйся, Царице Неба и земли; радуйся, яко много может молитва Твоя пред Сыном Твоим.

Радуйся, всего рода христианскаго скорое заступление; радуйся, всех верных твердое упование.

Радуйся, Владычице, милостивая о нас пред Богом Заступнице.

Кондак 12

Благодати Твоея новое знамение дати восхотев, Петрову граду источник чудес отверзла еси, Богомати, в иконе Твоей, да верующии вразумляются, труждающиися и скорбящии обретают готовое прибежище и заступление и, прославляющи Бога даровавшаго таковая, вопиют Ему: Аллилуиа.

Икос 12

Поюще чудеса Твоя и милости роду нашему явленныя, умильно припадаем к пречистому образу Твоему, Владычице, и лобызающе, со страхом и любовию молим Тя: настави нас на путь спасения, да достойни будем выну Твоего милостиваго заступления, буди присно Заступница и Ходатаица о нас, вопиющих Ти:

Радуйся, верных утверждение и защищение; радуйся, неверных вразумление и просвещение.

Радуйся, отчаянных надеждо; радуйся, грешных спасение.

Радуйся, печальных утешение; радуйся, больных исцеление.

Радуйся, вдов и сирот покрове; радуйся, обидимых прибежище.

Радуйся, царей укрепление; радуйся, святителей удобрение.

Радуйся, девствующих похвало; радуйся, всех благочестивых веселие.

Радуйся, Владычице, милостивая о нас пред Богом Заступнице.

Кондак 13

О Всепетая Мати, рождшая всех святых Святейшее Слово, буди нам покров и защищение в жизни сей от врагов видимых и невидимых, от бед и скорбей, сохрани от искушений и грехопадений, и в будущей жизни, на суде Сына Твоего и Бога нашего, буди Заступница и Ходатаица, избавляющи нас от вечнаго осуждения, да спасеннии Тобою, с лики ангельскими вопием Богу: Аллилуиа.

Этот кондак читается трижды.

Икос 1

Ангелов лицы ликовствующе служат Тебе, Владычице, и почитающе Тя, на руку Твоею носившую Творца видимыя и невидимыя твари, икону Твою с места на место преносят. Мы же, земнороднии, дивящеся чудному явлению иконы Твоея, Ангелы носимыя, вопием Ти сице:

Радуйся, всех Небесных Сил высшая; радуйся, вся ангельския чины превосходящая.

Радуйся, честнейшая Херувим; радуйся, славнейшая без сравнения Серафим.

Радуйся, радование Ангелов; радуйся, похваление ликов небесных.

Радуйся, от Ангелов воспеваемая; радуйся, от Серафимов прославляемая.

Радуйся, от Архангел поклоняемая; радуйся, от воинств небесных почитаемая.

Радуйся, в иконе Твоей от Ангел чтимая; радуйся, в видимем образе Твоем от невидимых сил носимая.

Радуйся, Владычице, милостивая о нас пред Богом Заступнице.

Кондак 1

Взбранной Воеводе, Владычице нашей Богородице благодарственная пения восписуем о явлении чудныя Ея иконы, к нейже притекающии присно избавляются от враг видимых и невидимых. Ты же, Госпоже неба и земли, яко милосердная Мати, приими ныне малое сие моление наше и неотступну никогда же сотвори милость Твою от нас и заступление, охраняющи от всех бед и напастей нас, зовущих Ти:

Радуйся, Владычице, милостивая о нас пред Богом Заступнице.

Молитва первая

О Пресвятая Дево, Мати Господа вышних сил, Небесе и земли Царице, града и страны нашея Всемощная Заступнице. Приими хвалебноблагодарственное пение сие от нас, недостойных раб Твоих, и вознеси молитвы наша ко престолу Бога Сына Твоего, да милостив будет неправдам нашим и пробавит благость Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостививши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей: услыши нас молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя, разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша к зрению спасения, милостива нам буди зде и тамо, в стране земнаго пришельствия и на Страшнем Суде Сына Твоего; преставльшияся же в вере и покаянии от жития сего отцы и братию нашу в вечней жизни со ангелы и со всеми святыми жити сотвори. Ты бо еси, Госпоже, слава небесных и упование земных, Ты по Бозе наша Надежда и Заступница всех притекающих к Тебе с верою. Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.

Молитва вторая

Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниях Твоих, яже показала еси роду человеческому, наипаче же нам, христоименитым людем Российскаго народа, о нихже ниже самый ангельский язык к похвалению доволен будет, якоже и ныне удивила еси неизреченную Свою милость на нас, недостойных рабех Твоих, преестественным самопришествием пречистыя Твоея иконы, еюже всю просветила еси Российскую страну. Темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй Святейшаго Патриарха Московскаго и всея Руси, архиереи же и вся люди, и подаждь стране победы на вся враги, и сохрани вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и покланяющимся пресвятому образу Твоему, яко благословенна еси с рождшимся от Тебе Сыном и Богом ныне, и присно, и во веки веков. Аминь.

Тропарь, глас 4

Днесь, яко солнце пресветлое, возсия нам на воздусе всечестная икона Твоя, Владычице, лучами милости мир просвещающи, юже великая Россия, яко некий дар Божественный свыше благоговейне восприемши, прославляет Тя, Богомати, всех Владычицу, и от Тебе рождшагося Христа Бога нашего величает радостно. Емуже молися, о Госпоже Царице Богородице, да сохранит вся грады и страны христианския невредимы от всех навет вражиих и спасет верою покланяющихся Его Божественному и Твоему пречистому образу, Дево Неискусобрачная.

Кондак, глас 8

Притецем, людие, к Деве Богородице Царице, благодаряще Христа Бога, и, к Тоя чудотворней иконе, умильно взирающи, припадем и возопием Ей: о Владычице Марие, присетивше страну сию Твоего честнаго образа явлением чудесно, спасай в мире и благовременстве отечество наше и вся христианы, наследники показующи Небесныя жизни, Тебе бо верно зовем: радуйся, Дево, мира спасение.

Mолитва по соглашению