Акафист святителю Николаю Чудотворцу

Акафист святителю Николаю Чудотворцу
Молитва по соглашению и акафист святителю Николаю Чудотворцу о здравии и в любой нужде
Акафист читают:
  • о здравии, исцелении больных;
  • в материальных трудностях, поиске работы, об избавлении от долгов;
  • о счастливом замужестве;
  • о помощи в торговле, бизнесе, предпринимательстве;
  • в проблемах с жильем, об успешной продаже, покупке, аренде, строительстве дома или квартиры;
  • при беспокойстве о детях, покровительстве им;
  • о путешествующих, водителях, моряках;
  • о помощи в суде, разрешении судебных тяжб, о пребывающих в тюрьмах и СИЗО;
  • в смертельной опасности, от внезапной смерти без покаяния.

Конечно, к святому Николаю Угоднику можно обращаться тем, кто крещен с его именем и абсолютно с любой молитвенной просьбой.


  • Расписание
  • Чудеса
  • Житие
  • Акафист
Вместе с Вами молится:
Расписание:
Богородице-Рождественский мужской монастырь г. Владимира

Богородице-Рождественский мужской монастырь г. Владимира

четверг , в 17:00 (по Москве)

четверг , в 17:00 (по Москве)

Пророка Илии Храм, с.Амурзет, Октябрьского района, Еврейской автономной области

Пророка Илии Храм, с.Амурзет, Октябрьского района, Еврейской автономной области

четверг , в 16:00 (по Москве)

четверг , в 16:00 (по Москве)

Храм Николая Чудотворца г.Улан-Удэ Республики Бурятия

Храм Николая Чудотворца г.Улан-Удэ Республики Бурятия

четверг , в 10:00 (по Москве)

четверг , в 10:00 (по Москве)

Богородице-Тихвинский женский монастырь

Богородице-Тихвинский женский монастырь

среда , в 17:00 (по Москве)

среда , в 17:00 (по Москве)

Храм прп. Серафима Саровского с. Красная речка Кыргызская республика

Храм прп. Серафима Саровского с. Красная речка Кыргызская республика

четверг , в 09:00 (по Москве)

четверг , в 09:00 (по Москве)

Кто такой святитель Николай?
Николай Чудотворец

Святой угодник Божий Николай родился в III веке в римской провинции Ликия в благочестивой христианской семье. Во время крещения новорожденный младенец простоял в купели три часа, никем не поддерживаемый, а молоко матери не вкушал по средам и пятницам. Родители дали обет посвятить мальчика Богу – и тот с юности преуспевал в изучении Священного Писания, вел благочестивую и целомудренную жизнь. Его дядя, епископ Николай Пинарский, видел духовные успехи юноши, и поставил его во чтеца, а затем возвел в сан священника.

Унаследовав состояние после смерти родителей, святой отдал все нуждающимся. Во времена гонений императоров-язычников святого Николая неоднократно запирали в темнице за проповедь Слова Божьего. С честью претерпевая страдания, голод и жажду, он продолжал исповедовать Христа, облегчал страдания другим узникам и ободрял идущих на смерть. После освобождения святителя, он вернулся на место епископа Мир Ликийского – Господь, за его мучения и лишения, наградил святого даром исцелять больных и страждущих.

Во время правления богобоязненного и христолюбивого императора Константина Великого, закончилось время власти язычников. Архиепископ Николай стал уничтожать богопротивные капища, очищать город Миры от языческой скверны. Некоторые храмы и капища святой разрушил до самого основания, а бесы, обитавшие там, в страхе бежали, гонимые молитвой святителя.

Праведный угодник Христов дожил до преклонных лет и с миром отошел ко Господу. Святое его погребение посетило множество людей, пастырей и епископов, и многие стали свидетелями великих чудес – тело святого Николая мироточило, благоухало и приносило исцеление.

О чём принято просить в молитвах у святителю Николаю?

Святой угодник Божий – один из самых почитаемых православных святых, и есть множество свидетельств его помощи в самых различных нуждах. Его помощи просят о путешествующих, мореплавающих, о благополучном замужестве и финансовом благополучии, об избавлении от голода и умирении враждующих, о заключенных в темницах и невинно осужденных.

Святого считают покровителем детей, к нему обращаются за помощью в учении. Ходатайством святителя Николая исцеляются многие болезни.

Что делать, если у вас другая проблема?
Знак Вопрос

Вы можете обратиться к Николаю Угоднику и с любой другой просьбой, не из перечисленных.

Как обратиться с молитвой к Николаю Чудотворцу?
Знак Вопрос

Это можно делать самостоятельно, келейно. Часто православные включают тропарь или молитву этому святому в свое ежедневное правило. В православной Церкви память святителя чествуется еженедельно, каждый четверг.

Молитва по соглашению – это вид особой, соборной молитвы. Как сказал Господь, «где двое или трое собраны во имя Мое, там Я посреди них». Чтобы организовать молитву по соглашению, православные договариваются молиться одной молитвой в одно и то же время, где бы ни находился каждый из них в этот момент. Такие молитвы с акафистом Святителю Николаю читают во многих храмах и монастырях, ведь множество церквей носят имя святителя Николая, и у многих православных святой является небесным покровителем.

Молитва по соглашению святителю Николаю.
Батюшка

Двое или более верующих договариваются просить в молитве об исполнении аналогичного прошения одному и тому же святому. Важно, чтобы они молились в одно время. Тогда молящиеся станут духовно ближе друг к другу, несмотря на километры, разделяющие их.

Найти со-молитвенников трудно. Можно попросить знакомых молиться вместе, можно попробовать найти тех, кто молится святому в интернете. Гораздо проще – присоединиться к тем, кто уже молится тому или иному святому, тогда вы сэкономите массу времени на поиски людей с той же проблемой, согласных читать молитву. Для этого надо найти храм, в котором читается акафист святителю Николаю и передать туда записку с именами тех, кому нужна молитвенная помощь, а самому молиться в то время, которое указано в расписании.

Акафист святителю и чудотворцу Николаю, архиепископу Мир Ликийских

Кондак 1

Возбранный Чудотворче и изрядный угодниче Христов, миру всему источаяй многоценное милости миро и неисчерпаемое чудес море, восхваляю тя любовию, Святителю Николае; ты же, яко имеяй дерзновение ко Господу, от всяких мя бед свободи, да зову ти:

Радуйся, Николае, великий Чудотворче.

Икос 1

Ангела образом, земнаго суща естеством яви тебе всея твари Создатель; благоплодную бо доброту души твоея провидев, преблаженне Николае, научи всех вопити тебе сице:

Радуйся, от утробы матерния очищенный; радуйся, даже до конца освященный.

Радуйся, рождением своим родителей удививый; радуйся, силу душевную абие по рождестве явивый.

Радуйся, саде земли обетования; радуйся, цвете Божественнаго саждения.

Радуйся, лозо добродетельная винограда Христова; радуйся, древо чудоточное рая Иисусова.

Радуйся, крине райскаго прозябения; радуйся, миро Христова благоухания.

Радуйся, яко тобою отгонится рыдание; радуйся, яко тобою приносится радование.

Радуйся, Николае, великий Чудотворче.

Кондак 2

Видяще твоих мир излияние, богомудре, просвещаемся душами и телесы, дивнаго тя мироточца живоносна, Николае, разумеюще: чудесы бо яко водами, благодатию Божиею изливающимися, напаяеши верно во­пиющих к Богу: Аллилуиа.

Икос 2

Разум неуразуменный вразумляя о Святей Троице, был еси в Никеи со святыми отцы поборник исповедания православныя веры: равна бо Отцу Сына исповедал еси, соприсносущна и сопрестольна, Ариа же безумнаго обличил еси. Сего ради вернии научишася воспевати тебе:

Радуйся, великий благочестия столпе; радуйся, верных прибежища граде.

Радуйся, твердое Православия укрепление; радуйся, честное Пресвятыя Троицы носило и похваление.

Радуйся, Отцу равночестна Сына проповедавый; радуйся, Ариа возбесившагося от Собора святых отгнавый.

Радуйся, отче, отцев славная красото; радуйся, всех богомудрых премудрая доброто.

Радуйся, огненная словеса испущаяй; радуйся, добре стадо свое наставляяй.

Радуйся, яко тобою вера утверждается; радуйся, яко тобою ересь низлагается.

Радуйся, Николае, великий Чудотворче.

Кондак 3

Силою, данною ти свыше, слезу всяку отъял еси от лица люте страждущих, богоносе отче Николае: алчущим бо явился еси кормитель, в пучине морстей сущим изрядный прави­тель, недугующим исцеление и всем всяк помощник показался еси, вопиющим Богу: Аллилуиа.

Икос 3

Имеяше воистинну, отче Николае, с Небесе песнь тебе воспеваема быти, а не от земли: како бо кто от человек возможет твоея святыни величия проповедати? Но мы, любовию твоею побеждаеми, вопием ти сице:

Радуйся, образе агнцев и пастырей; радуйся, святое очистилище нравов.

Радуйся, добродетелей великих вместилище; радуйся, святыни чистое и честное жилище.

Радуйся, светильниче всесветлый и вселюбимый; радуйся, свете златозарный и непорочный.

Радуйся, дос­тойный Ангелов собеседниче; радуйся, добрый человеков наставниче.

Радуйся, правило веры благочестивыя; радуйся, образе кротости духовныя.

Радуйся, яко тобою от страстей телесных избавляемся; радуйся, яко тобою сладостей духовных исполняемся.

Радуйся, Николае, великий Чудотворче.

Кондак 4

Буря недоумения смущает ми ум, како дос­тойно есть пети чудеса твоя, блаженне Николае; никтоже бо может я исчести, аще бы и многи языки имел и глаголати восхотел; но мы дивно Богу, в тебе прославляющемуся, дерзаем воспевати: Аллилуиа.

Икос 4

Слышаша, богомудре Николае, ближнии и дальнии величие чудес твоих, яко по воздуху легкими благодатными крилами навыкл еси сущих в бедах предваряти, скоро от тех избавляя всех, вопиющих к тебе таковая:

Радуйся, избавление от печали; радуйся, подаяние благодати.

Радуйся, нечаемых зол прогонителю; радуйся, желаемых благих насадителю.

Радуйся, скорый утешителю в бе­де сущих; радуйся, страшный наказателю обидящих.

Радуйся, чудес пучино, Богом излиянная; радуйся, закона Христова скрижали, Богописанныя.

Радуйся, крепкое падающих возведение; радуйся, право стоящих утверждение.

Радуйся, яко тобою вся­кая лесть обнажается; радуйся, яко тобою всякая истина сбывается.

Радуйся, Николае, великий Чудотворче.

Кондак 5

Боготечная звезда явился еси, наставляя по морю плавающих люте, имже смерть предстояще вскоре иногда, аще не бы ты предстал еси призывающим тя в помощь, Чудотворче святый Николае; уже бо нестыдно бесом ле­тающим и погрузити корабли хотящим за­претив, отгнал еси их, верныя же научил еси спасающему тобою Богу взывати: Аллилуиа.

Икос 5

Видеша отроковицы, на брак скверный ни­щеты ради уготованныя, великое твое к нищим милосердие, преблаженне отче Николае, егда старцу родителю их нощию узельцы три злата таяся подал еси, самаго со дщерьми избавляя от падения греховнаго. Того ради слышиши от всех се:

Радуйся, милости превеликия сокровище; радуйся, промышления о людех приятелище.

Радуйся, пище и отрадо к тебе прибегающих; радуйся, хлебе неснедаемый алчущих.

Радуйся, богатство, бедне жи­вущим на земли Богом данное; радуйся, воздвижение скорое убогих.

Радуйся, быстрое нищих услышание; радуйся, скорбящих приятное попечение.

Радуйся, триех дев непорочный невестителю; радуйся, чистоты усердный хранителю.

Радуйся, ненадежных надеяние; радуйся, всего мира наслаждение.

Радуйся, Николае, великий Чудотворче.

Кондак 6

Проповедует мир весь тебе, преблаженне Николае, скораго в бедах заступника, яко многажды во едином часе по земли путешествующим и по морю плавающим, предваряя, пособствуеши, купно всех от злых сохраняя, вопиющих к Богу: Аллилуиа.

Икос 6

Возсиял еси свет животный, избавление нося воеводам, неправедную смерть прияти имущим, тебе, добрый пастырю Николае, призывающим, егда вскоре явлься во сне цареви, устрашил еси его, сих же неврежденных отпустити повелел еси. Сего ради с ними купно и мы благодарственно вопием ти:

Радуйся, усердно призывающим тя помогаяй; радуйся, от неправеднаго убиения избавляяй.

Радуйся, от лестныя сохраняяй клеветы; радуйся, неправедныя разрушаяй советы.

Радуйся, растерзаяй лжу яко паучину; радуйся, возношаяй славно истину.

Радуйся, неповинных от уз разрешение; радуйся, и мертвецев оживление.

Радуйся, проявителю правды; радуйся, помрачителю неправды.

Радуйся, яко тобою неповиннии избавлены от меча; радуйся, яко тобою насладишася света.

Радуйся, Николае, великий Чудотворче.

Кондак 7

Хотя богохульное еретическое отгнати злосмрадие, миро воистинну благовонное, та­инственное явился еси, Николае; люди мирейския упасл еси и весь мир своим благодатным миром исполнил еси. И от нас убо богомерзкое греховное злосмрадие отжени, да благоприятно Богу вопием: Аллилуиа.

Икос 7

Новаго тя Ноя, наставника ковчега спасительнаго разумеем, отче святый Николае, бурю всех лютых разгоняющаго направле­нием своим, тишину же Божественную приносящаго вопиющим таковая:

Радуйся, обуреваемых тихое пристанище; радуйся, утопающих известное хранилище.

Радуйся, плавающих посреде пучин добрый кормчий; радуйся, треволнения морская уставляющий.

Радуйся, превождение сущих в вихрех; радуйся, согреяние сущих во мразех.

Радуйся, сияние, скорбный мрак разгоняющее; радуйся, светило, вся концы земли просвещающее.

Радуйся, от бездны греховныя человеки избавляяй; радуйся, в бездну адскую сатану ввергаяй.

Радуйся, яко тобою дерзновенно бездну милосердия Божия призываем; радуйся, яко тобою от потопа гнева избавльшеся, мир с Богом обретаем.

Радуйся, Николае, великий Чудотворче.

Кондак 8

Странное чудо является притекающим к те­бе, блаженне Николае, священная твоя церковь: в ней бо и малое моление приносяще, велиих недугов приемлем исцеление, аще токмо по Бозе упование на тя возложим, верно вопиюще: Аллилуиа.

Икос 8

Весь еси всем воистинну помощник, богоносе Николае, и собрал еси вкупе вся прибегающия к тебе, яко свободитель, питатель и врач скорый всем земным, на похвалу всех подвизая вопити к тебе сице:

Радуйся, всяких исцелений источниче; радуйся, люте страждущим помощниче.

Радуйся, заре, сияющая в нощи греховной блуждающим; радуйся, росо неботочная в знои трудов сущим.

Радуйся, подаваяй требующим благостроение; радуйся, уготовляяй просящим изобилие.

Радуйся, многажды прошение предваряяй; радуйся, старым сединам силу обновляяй.

Радуйся, многих заблуждших от пути истиннаго обличителю; радуйся, таин Божиих верный служителю.

Радуйся, яко тобою зависть попираем; радуйся, яко тобою благонравное житие исправляем.

Радуйся, Николае, великий Чудотворче.

Кондак 9

Всякия утоли болезни, великий наш заступниче Николае, растворяя благодатная врачевания, услаждающая души наша, сердца же веселящая всех усердно к помощи твоей притекающих, Богу же вопиющих: Аллилуиа.

Икос 9

Ветия суемудренныя нечестивых видим тобою посрамленныя, богомудре отче Николае: Ариа бо хульника, разделяюща Божество, и Савеллиа, смешающа Святую Троицу, препрел, нас же во Православии укрепил еси. Сего ради вопием ти сице:

Радуйся, щите, защищаяй благочестие; радуйся, мечу, посекаяй злочестие.

Радуйся, учителю Божест­венных велений; радуйся, губителю богопротивных учений.

Радуйся, лествице, Богом утвержденная, еюже восходим к небеси; радуйся, покрове, Богом зданный, имже покрываются мнози.

Радуйся, немудрых умудривый твоими словесы; радуйся, ленивых подвигнувый твоими нравы.

Радуйся, свет­лосте заповедей Божиих неугасимая; радуйся, луче оправданий Господних пресветлая.

Радуйся, яко учением твоим сокрушаются еретическия главы; радуйся, яко тобою вернии сподобляются славы.

Радуйся, Николае, великий Чудотворче.

Кондак 10

Спасти хотя душу, плоть твою духови по­корил еси воистинну, отче наш Николае: молчаньми бо прежде и бореньми с помыслы, деянию богомыслие приложил еси, богомыслием же разум совершен стяжал еси, имже дерзновенно с Богом и Ангелы беседовал еси, всегда вопиющи: Аллилуиа.

Икос 10

Стена еси похваляющим, преблаженне, чудеса твоя и всем к заступлению твоему прибегающим; темже и нас, в добродетели убогих, от нищеты, напасти, недугов и нужд различных свобождай, вопиющих ти с любовию таковая:

Радуйся, от убожества вечнаго изымаяй; радуйся, богатство нетленное подаваяй.

Радуйся, брашно негиблющее алчущим правды; радуйся, питие неисчерпаемое жаждущим жизни.

Радуйся, от мятежа и брани соблюдаяй; радуйся, от уз и пленения свобождаяй.

Радуйся, преславный в бедах заступниче; радуйся, превеликий в напастех защитниче.

Радуйся, многих от поги­бели исхитивый; радуйся, безчисленных неврежденно сохранивый.

Радуйся, яко тобою лютыя смерти грешнии избегают; радуйся, яко тобою Жизнь Вечную кающиися получают.

Радуйся, Николае, великий Чудотворче.

Кондак 11

Пение Пресвятей Троице паче иных принесл еси, преблаженне Николае, умом, словом и делом: многим бо испытанием правоверная повеления уяснил еси, верою, надеждою и любовию наставляя нас в Троице Единому Богу воспевати: Аллилуиа.

Икос 11

Светозарную лучу во мраце жития сущим неугасимую видим тя, Богом избрание отче Николае: с невещественными бо ангельски­ми светы беседуеши о несозданном Троическом свете, верных же души просвещавши, вопиющих ти таковая:

Радуйся, озарение Трисолнечнаго света; радуйся, деннице незаходимаго солнца.

Радуйся, свеще, Божест­венным пламенем возжженная; радуйся, яко угасил еси бесовский пламень нечестия.

Радуйся, светлое правоверия проповедание; радуйся, доброзрачное света евангельскаго сияние.

Радуйся, молние, ереси пожигающая; радуйся, громе, устрашающий соблазняющия.

Радуйся, истиннаго научителю разума; радуйся, таинственнаго изъявителю ума.

Радуйся, яко тобою попрася поклонение твари; радуйся, яко тобою научихомся поклонятися Творцу в Троице.

Радуйся, Николае, великий Чудотворче.

Кондак 12

Благодать, данную ти от Бога, сведущии, радующеся твою память празднуем по долгу, преславный отче Николае, и к чудному заступлению твоему вседушно притекаем; преславных же твоих деяний, яко песка морскаго и множества звезднаго исчести не могуще, недоумением объяти бывше, вопием к Богу: Аллилуиа.

Икос 12

Поюще твоя чудеса, восхваляем тя, всехвальне Николае: в тебе бо Бог, в Троице прославляемый, дивно прославися. Но аще и попремногу составленныя от души псалмы и песни приносим ти, Чудотворче святый, ничтоже творим равно дарованию чудес твоих, имже удивляющеся, вопием к тебе таковая:

Радуйся, Царя царствующих и Господа господствующих служителю; радуйся, служителей Его небесных сожителю.

Радуйся, людем верным поможение; радуйся, рода христианскаго возвышение.

Радуйся, побе­ды тезоименитый; радуйся, венченосче нарочитый.

Радуйся, всех добродетелей зерцало; радуйся, всех притекающих к тебе крепкое забрало.

Радуйся, по Бозе и Богородице все наше упование; радуйся, телес наших здравие и душ спасение.

Радуйся, яко тобою от вечныя смерти свобождаемся; радуйся, яко тобою безконечныя жизни сподобляемся.

Радуйся, Николае, великий Чудотворче.

Кондак 13

О пресвятый и пречудный отче Николае, утешение всех скорбящих, нынешнее наше приими приношение и от геенны избавитися нам Господа умоли богоприятным твоим хо­датайством, да с тобою воспеваем: Аллилуиа.

Этот кондак читается трижды

Икос 1

Ангела образом, земнаго суща естеством яви тебе всея твари Создатель; благоплодную бо доброту души твоея провидев, преблаженне Николае, научи всех вопити тебе сице:

Радуйся, от утробы матерния очищенный; радуйся, даже до конца освященный.

Радуйся, рождением своим родителей удививый; радуйся, силу душевную абие по рождестве явивый.

Радуйся, саде земли обетования; радуйся, цвете Божественнаго саждения.

Радуйся, лозо добродетельная винограда Христова; радуйся, древо чудоточное рая Иисусова.

Радуйся, крине райскаго прозябения; радуйся, миро Христова благоухания.

Радуйся, яко тобою отгонится рыдание; радуйся, яко тобою приносится радование.

Радуйся, Николае, великий Чудотворче.

Кондак 1

Возбранный Чудотворче и изрядный угодниче Христов, миру всему источаяй многоценное милости миро и неисчерпаемое чудес море, восхваляю тя любовию, Святителю Николае; ты же, яко имеяй дерзновение ко Господу, от всяких мя бед свободи, да зову ти:

Радуйся, Николае, великий Чудотворче.

Молитва

О всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози ми, грешному и унылому, в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога, всея твари Содетеля, избавити мя воздушных мытарств и вечнаго мучения, да всегда прославляю Отца и Сына и Святаго Духа и твое милостивное предстательство, ныне и присно и во веки веков. Аминь.

Mолитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.

Скачайте мобильное приложение

Молитвослов, Календарь, Библия 540 текстов акафистов всегда с собой
Картинка с телефоном
Картинка с телефоном

«Не вы Меня избрали, а Я вас избрал» Евангелие от Иоанна, 15:16

Акафист святому

Сделайте выбор: