Акафист преподобному благоверному великому князю Даниилу Московскому

Великий князь Даниил - первый в истории России правитель, носивший звание Московского. При нем началось возвышение Москвы и развитие Московского княжества.

О чем молятся

Благоверного князя Даниила Московского просят о вразумлении правителей, прекращении войн и междоусобиц. Также к нему обращаются правители с просьбой вразумить их как правильно управлять государством.

Святой князь Даниил Московский помогает и всем верующим, кто ищет его помощи и заступления различных бедах и напастях.

Мощи благоверного князя Даниила Московского находится основанном им Даниловом монастыре. Святому благоверному князю Даниилу можно молиться как храме, так и дома, в путешествии и в любом месте. Можно читать акафист, можно заказать молебен с акафистом или водосвятием. Заказать молебен можно не только в Даниловом монастыре, где находятся мощи святого, но и в любом храме или монастыре. Желательно при этом и самому присутствовать на молебне и молиться о своих нуждах. Но если такой возможности нет, то нужно хотя бы помолиться дома, на работе или том месте где вы сейчас находитесь. Не важно сколько молитв вы прочитаете и какие они длинные, важно ваше искреннее усердие и твердая вера.

Краткое жизнеописание

Князь Даниил Московский родился в 1261 году в семье великого князя Александра Ярославича, названного за свою блестящую победу на Чудском озере Невским, и Александры Брячиславны, дочери князя Полоцкого. В семье великого князя Александра было четверо детей. Из них Даниил был самым младшим.

В 1263 году умер Александр Невский, а вскоре отошла в мир иной и княгиня Александра. Юный Даниил остался сиротой и долгое время находился в зависимости от своих старших братьев. Они же не спешили делиться наследством с младшим братом.

Даниил рос богобоязненным, кротким и милосердным. Как и его отец, Даниил любил молитву и церковное Богослужение, помогал нищим, защищал слабых и обиженных. Как будущий правитель, он с детства изучал воинское искусство, светские науки, искусство управления государством.

В 1272 году братья дали Даниилу в удел Московское княжество. В те времена это было наиболее бедное княжество на Русской земле. Но князь Даниил был доволен назначенным ему уделом и не предъявил братьям никаких претензий. Москва понравилась молодому князю. Здесь можно было развернуть широкую хозяйственную и торговую деятельность. Не хватало Москве только хорошего хозяина. Дело в том, что до Даниила князья не жили в Москве. Город находился под управлением наместников. Поэтому в городе процветало казнокрадство и воровство. Переехав в Москву, князь Даниил первым делом построил монастырь в честь преподобного Даниила Столпника, своего небесного покровителя, а также расширил Кремль. Князь лично руководил строительством стен и укреплений.

Его усердием появилась в Москве Красная площадь и Торговые ряды - визитная карточка Москвы до наших дней. Именно благодаря князю Даниилу, Москва из маленького городка превратилась в столицу России. А князь Даниил стал первым великим князем с титулом Московский.

Время, когда великий князь Даниил правил на Руси, было тяжелым. Русь ещё не восстановилась после разрушительного монголо-татарского нашествия, а изнутри ее раздирали споры князей. В это непростое время князь Даниил Московский показал свою мудрость и рассудительность. Он стремился к объединению русских земель, понимая, что раздробленная Русь снова станет легкой добычей врагов. Князь старался предотвратить кровопролитные войны между удельными князьями Русского государства.

Особенно тяжело для Даниила было поведение старшего брата Андрея. Тот привел на русские земли татарскую орду, разграбившую и разрушившую Муром, Тверь, Коломну, Можайск и другие города. Князю Даниилу пришлось пустить татар в Москву, поскольку возможности для борьбы не было. После того как захватчики покинули Москву, великий князь раздал собственное имущество пострадавшим от пожаров и грабежа жителям.

В 1301 году в Дмитрове состоялся съезд русских князей. Он стал переломным моментом в истории России. Даниилу удалось убедить князей прекратить внутренние междоусобицы.

На следующий год умер князь Переяславля-Залесского Иван Дмитриевич, племянник великого князя Даниила. Он был бездетным и очень уважал своего дядю, которому и завещал свое княжество. В результате Московское княжество стало одним из самых крупных на Руси. Таким образом началось объединение русских земель вокруг Москвы. В 1301 году рязанский князь Константин вместе с татарами напал на Московское княжество. Даниилу удалось победить врага, а рязанского князя взять в плен. Это была первая за долгое время победа русских войск над татарами. Она имела огромное значение для поднятия духа русского народа. Отношением к побежденному князю рязанскому великий князь Даниил показал свое милосердие и бескорыстие. Он не воспользовался победой чтобы присоединить земли противника.

В 1303 году великого князя Даниила постигла тяжелая болезнь. Накануне своей кончины он принял монашеский постриг. Великого князя похоронили в основанном им Даниловом монастыре.

Через 30 лет после смерти великого князя Даниила, монастырь был переведен в Кремль, храм стал приходским, а на кладбище стали хоронить мирских людей. Но во время правления князя Ивана Третьего святой благоверный князь Даниил явился одному из юношей, назвал себя и велел сказать князю: «Ты сам утешаешься, а меня забыл». Тогда князь Иоанн приказал совершать панихиды по умершим князьям.

При царе Иване Четвертом Грозном произошло первое исцеление от гроба святого князя Даниила Московского. Сын коломенского купца, лежавший на смертном одре, получил полное исцеление. После этого случая царь Иван Грозный приказал совершать крестный ход на могилу князя Даниила и служить там панихиды.

В 1562 году при царе Алексее Михайловиче были обретены нетленные мощи великого князя Даниила Московского и положены в раку в храме Святых Отцов Семи Вселенских Соборов.

Жизнеописание благоверного князя Даниила Московского было составлено митрополитом Московским Платоном.

Иконописные изображения

На иконах святой благоверный князь Даниил Московский изображается в монашеском облачении, поскольку к концу жизни он принял иноческий постриг. Часто в одной из рук князя изображается макет Данилова монастыря. Реже на иконах святой Даниил изображен в княжеском одеянии.

День памяти

Память святого благоверного князя Даниила Московского святая Церковь совершает три раза в год:

• первый раз - 17 марта,
• второй раз - 12 сентября (обретение мощей)
• и третий раз - в день памяти Собора Московских святых.

Акафист святому благоверного князю Даниилу Московскому

Кондак 1

Избранный чудотворче и предивный угодниче Христов, града Москвы и державы Российския крепкое ограждение, раздоров и нестроений искоренителю, благоверный княже Данииле, похвальная восписуем ти, к раце мощей твоих притекающе. Ты же, яко имеяй дерзновение ко Господу, от всяких нас бед свободи, зовущих:

Радуйся, преподобне княже Данииле, Московский чудотворче.

Икос 1

Ангелов Творец и Господь во дни великих бед и напастей, обышедших страну нашу от нечестиваго царства агарянскаго, восхотев людем страждущим утешение даровати, яви тя, княже Данииле, яко плод красен от чресл великаго князя Александра; людие же, о рождении твоем радости исполнившеся, взываху ти сицевая:

Радуйся, корене благочестиваго прозябение; радуйся, добродетелей отца твоего и матере наследниче.

Радуйся, рождением твоим люди града Владимира возвеселивый; радуйся, грядущую славу Москвы предвозвестивый.

Радуйся, избранниче Божий; радуйся, правило веры благочестивыя.

Радуйся, образе кротости духовныя; радуйся, Бога, яко истиннаго Отца нашего, издетска познавый.

Радуйся, яко Иосиф, от братии твоея досаждения сладце претерпевый; радуйся, последи и братию свою в любовь себе призвавый.

Радуйся, преподобне княже Данииле, Московский чудотворче.

Кондак 2

Видяще ближнии твои, блаженне, день от дне во благочестии тя возрастающа, и не точию млеком матерним, но паче благодатию Божиею питаема, радовахуся и, Господа о сем хваляще, взываху: Аллилуиа.

Икос 2

Разум богопросвещен имея, уразумел еси, всехвальне, по словеси апостольскому, яко нужнейши всего есть благочестие, имже и потщался еси обогатити душу твою, в молитвах и научении словеси Божию всеусердно пребывая. Того ради людие ублажаху тя сице:

Радуйся, молитвенниче теплейший; радуйся, послушниче Евангелия усерднейший.

Радуйся, добродетели высокия в сердце твоем вкоренивый; радуйся, в заповедех Господних вся дни живота твоего ходивый.

Радуйся, образом жития твоего мир посреде братии водворивый; радуйся, Господа твоего паче всех возлюбивый.

Радуйся, положити душу свою за други своя непрестанное желание имевый; радуйся, благодать Господню в сердце свое заключивый.

Радуйся, и тело свое тою просветивый; радуйся, оное и по смерти нетленно сохранивый.

Радуйся, преподобне княже Данииле, Московский чудотворче.

Кондак 3

Сила Вышняго укрепляше тя, блаженне, егда в кротости и в смирении души твоея возрастая, уготовлял еси себе на служение княжеское и о помощи небесней молился еси, взывая Богу: Аллилуиа.

Икос 3

Имея присно в души твоей глагол Господень, пророку реченный: «На кого воззрю, токмо на кроткаго и смиреннаго, и трепещущаго словес Моих», потщался еси, святе, оными добродетельми себя украсити. Того ради ублажаем тя сице:

Радуйся, подвижниче доблий, на высоту добродетелей возшедый; радуйся, нищетою духовною Царствие Небесное стяжавый.

Радуйся, кротости ради землю обетования наследивый; радуйся, правды и истины паче всего искавый.

Радуйся, чистотою сердца твоего Господа созерцавый; радуйся, миротворец нарочит в житии своем явивыйся.

Радуйся, изгнания правды ради смиренно претерпевый; радуйся, мзду вечную добродетельми стяжавый.

Радуйся, чистоты душевныя и телесныя сокровище; радуйся, любве и кротости Христовы вместилище.

Радуйся, преподобне княже Данииле, Московский чудотворче.

Кондак 4

Бурею агарянскаго нашествия людие российстии потрясаеми, на тя, всечестне, яко на избранника Божия, взираху и, под кров твой державный прибегающе, защищение и утешение приимаху, вкупе с тобою взывающе Богу: Аллилуиа.

Икос 4

Видяще, святе, братия твоя отрока тя еще мала суща, наследия отча лишити тя умыслиша и удел малейший, Московский, точию вдати ти изволиша; ты же, кроток сый и незлобив, ничтоже противовещал еси и за обидящих тя Господеви молился еси. Сего ради ублажаем тя сице:

Радуйся, кротости Христовы подражателю; радуйся, предивный нестяжателю.

Радуйся, удел твой малейший возвеличивый; радуйся, всего себе воле Божией предавый.

Радуйся, от Него токмо единаго помощи искавый; радуйся, богатство тленное презревый.

Радуйся, сокровища духовная возлюбивый; радуйся, от юности в благодати у Бога и человек возраставый.

Радуйся, яко и по скончании земнаго жития твоего тую же благодать сугубо восприявый; радуйся, яко и мы благодати Божия по молитвам твоим сподобляемся.

Радуйся, преподобне княже Данииле, Московский чудотворче.

Кондак 5

Боготечней звезде подобяся, на земли течение твое светло совершил еси, благоверный княже Данииле, лучи святости и потоцы милости всем изливая; ихже ради и в сонме святых пребываеши, поя с ними: Аллилуиа.

Икос 5

Слышавше ближнии и дальнии, яко в малем еще граде Москве на высоте стола княжескаго возоблистал еси, преславне княже Данииле, под сень крилу твоею притекаху, похвалы таковыя ти приносяще:

Радуйся, княже благосердый, любовию своею вся покрываяй; радуйся, владыко прелюбимый, бедствующия защищаяй.

Радуйся, мудрость отца твоего, князя Александра, восприявый; радуйся, страны Московския утверждение.

Радуйся, державы Российския украшение; радуйся, Церкве Христовы похвало высокая.

Радуйся, людей российских упование благонадежное; радуйся, тобою бо во едино братство совокупляемся.

Радуйся, яко твоим научением от распрей свобождаемся; радуйся, заповедей Божиих верный исполнителю.

Радуйся, преподобне княже Данииле, Московский чудотворче.

Кондак 6

Проповедник Царствия Божия явился еси, благоверный княже Данииле: над людьми бо своими царствуя, слезу всяку от лица страждущих отымал еси, подвизая звати всех: Аллилуиа.

Икос 6

Возсиял еси, яко пресветлое солнце, на престоле Московстем, благоверный княже Данииле, величием души твоея и добродетельми всю землю Российскую озаряя и подвизая всех ублажати тя сице:

Радуйся, мужу желаний духовных; радуйся, стяжателю даров небесных.

Радуйся, милосердия сокровище неисчерпаемое; радуйся, кротости наставниче.

Радуйся, заповедей евангельских делателю неленостный; радуйся, нищету вольную Христа ради возлюбивый.

Радуйся, сиротам и вдовицам отче благосердый; радуйся, людем твоим помощниче богодарованный.

Радуйся, в чине властителя кротость детскую проявивый; радуйся, душу твою в храм Божий добре претворивый.

Радуйся, преподобне княже Данииле, Московский чудотворче.

Кондак 7

Хотяй Всевидец Господь прославити тя, блаженне, постави тя владыку преславна во смирении людем Своим, иже и взирающе на тя, и добродетелей твоих богатству чудящеся, пояху Ему: Аллилуиа.

Икос 7

Новаго и дивнаго устроителя земли Российския вемы тя, княже Данииле, кротостию бо, смиренномудрием, братолюбием и мудростию небесною княжение Московское возвеличил еси и сильно сотворил еси е. Сего ради приими от нас сицевая:

Радуйся, мудрость Соломонову стяжавый; радуйся, кротость Давидову восприявый и тою враги твоя победивый.

Радуйся, многия други себе стяжавый; радуйся, стольный град твой храмы Божиими украсивый.

Радуйся, величию Москвы тем послуживый; радуйся, воине Христов неодоленный.

Радуйся, от бед и скорбей всем скорое прибежище; радуйся, от всех зол твердое защищение.

Радуйся, унывающим доброе вразумление; радуйся, всем братолюбцем присное ободрение.

Радуйся, преподобне княже Данииле, Московский чудотворче.

Кондак 8

Странника и пришельца себе на земли быти помышляя, час кончины твоея пред очима твоима присно имел еси и сего ради обитель иноком во славу тезоименитаго ти преподобнаго Даниила возградил еси, идеже молитвы твоя Господеви возсылал еси, поя Ему: Аллилуиа.

Икос 8

Всего себе от юности Господу возложив, вся дни живота твоего, благоверный княже. Тому усердно работал еси и, ко блаженному успению достиг, в мире глубоце дух свой Ему предал еси. Людие же княжения твоего, окрест гроба твоего собравшеся, пояху ти сицевая:

Радуйся, княже наш превожделенный, ко Господу отошедый; радуйся, нетленное тело твое нам оставивый.

Радуйся, ароматы добродетелей твоих нам благоухаяй; радуйся, сиянием небеснаго света озаренный.

Радуйся, обилием любве твоея вся удививый; радуйся, и врагом твоим благое упокоение у себе устроявый.

Радуйся, крепость державы твоея тем созидавый; радуйся, наследником твоим присное научение.

Радуйся, гроб твой, аки краеугольный камень, граду Москве положивый; радуйся, яко молитва твоя о людех и по смерти не оскудевает.

Радуйся, преподобне княже Данииле, Московский чудотворче.

Кондак 9

Вси небеснии чини и святых собори радостно тя прияша, богомудре, подвиг земнаго течения своего добре совершивша и к вечному животу пресельшася, идеже с ними поеши: Аллилуиа.

Икос 9

Витий человеческих уста не возмогут изрещи пречуднаго прославления памяти твоея, угодниче Божий, егда бо гроба твоего место забвению предадеся, сам яве предстал еси юноше благочестивому, господина месту тому себе нарицая, и князя Иоанна обличая, и глаголя: «Чесо ради предал мя еси забвению? Аще же и забвен аз тобою, не забы мя Господь». Мы же, явление Твое благоговейно почитающе, сице вопием:

Радуйся, града нашего Москвы Богом данный покровителю; радуйся, обители твоея неусыпный хранителю.

Радуйся, яко и по успении твоем нас не оставляеши; радуйся, яко милосердие Божие о гресех наших умоляеши.

Радуйся, мзду трудов твоих восприявый; радуйся, небесною славою душу твою осиявый.

Радуйся, наследников твоих добрый учителю; радуйся, к добродетели твердый тем наставниче.

Радуйся, всем людем благий пред Богом предстателю; радуйся, молитвы их к престолу Его возносяй.

Радуйся, преподобне княже Данииле, Московский чудотворче.

Кондак 10

Спастися всем хотяй Господь вельможу некоего, гроб твой, святе, поправша, недугом порази, обаче согрешение свое познавша и прощение от тебе приемша помилова, да и мы вси, достойно почитающе тя, благодарно вопием: Аллилуиа.

Икос 10

Стену необоримую и забрало крепкое граду Москве и всей державе Российстей Господь дарова тя, блаженне, верным в скорбех и нуждах пребыстрое заступление, да зовем ти сице:

Радуйся, призывающим тя во благое скорый помощниче; радуйся, чистоты душевныя и телесныя сокровище.

Радуйся, душевных и телесных недугов целителю; радуйся, державы нашея утверждение.

Радуйся, Церкве Российския украшение; радуйся, яко отец чадолюбивый, чада твоя назираяй.

Радуйся, яко воевода непобедимый пределы земли нашея ограждаяй; радуйся, небрегущия о святыне страхом вразумляяй.

Радуйся, яко кающимся скорое прощение испрошаеши; радуйся, яко благим подвигом тех научаеши.

Радуйся, преподобне княже Данииле, Московский чудотворче.

Кондак 11

Пение всеумиленное приими от нас, прехвальне, и молитвы, приносимыя тебе, не презри: к тебе бо в скорбех прибегаем и пред гробом твоим слезы проливаем, зовуще: Аллилуиа.

Икос 11

Светозарна светильника благодати яви тебе всех Творец, силою бо, данною ти свыше, юношу при гробе твоем от одра смерти возставил еси. Сего ради ублажаем тя сице:

Радуйся, милостивый скорбящим помощниче; радуйся, сосуде, Святаго Духа исполненный.

Радуйся, дарами Того обогащенный; радуйся, сими дарами и молящихся тебе обогащаяй.

Радуйся, ко Святей Троице дерзновение велие стяжавый; радуйся, дерзновение сие на помощь людем направляяй.

Радуйся, силу чудес от Бога приявый; радуйся, за грешныя Господа умоляяй.

Радуйся, любве и кротости Христовы вместилище; радуйся, безпомощных скорый помощниче.

Радуйся, преподобне княже Данииле, Московский чудотворче.

Кондак 12

Благодатию, данною ти свыше, недуги исцеляеши, враги и супостаты от нас отгоняеши, жизнь нашу умиряеши и душам нашим полезная подаеши, да благодарственно взываем Богу: Аллилуиа.

Икос 12

Поем честныя подвиги твоя, ублажаем чистое житие твое, восхваляем священную память твою, Данииле благоверне, и, прославляюще Господа всех, вопием ти сице:

Радуйся, яко крест богоугоднаго жития до конца понесл еси; радуйся, яко о скорбех твоих Бога благодарил еси.

Радуйся, всяку добродетель в себе изобразивый; радуйся, иго Христово возлюбивый.

Радуйся, немощи немощных на себе носивый; радуйся, благоволение Божие людем твоим испросивый.

Радуйся, присно на Небеси торжествуяй; радуйся, на земли преславно чудодействуяй.

Радуйся, людем твоим помощниче богодарованный; радуйся, ангелом собеседниче достойный.

Радуйся, преподобне княже Данииле, Московский чудотворче.

Кондак 13

О преславный угодниче Христов и чудотворче, преподобне княже Данииле, отрадо и утешение всех с верою к тебе прибегающих! Приими от нас, недостойных, сие малое моление, с любовию тебе приносимое, и теплым ходатайством твоим ко Господу огради святую обитель твою, умири жизнь нашу и даруй нам покаяние совершенное, избави нас от бед и вечныя муки, да купно с тобою благодарственно вопием: Аллилуиа.

Этот кондак читается трижды.

Икос 1

Ангелов Творец и Господь во дни великих бед и напастей, обышедших страну нашу от нечестиваго царства агарянскаго, восхотев людем страждущим утешение даровати, яви тя, княже Данииле, яко плод красен от чресл великаго князя Александра; людие же, о рождении твоем радости исполнившеся, взываху ти сицевая:

Радуйся, корене благочестиваго прозябение; радуйся, добродетелей отца твоего и матере наследниче.

Радуйся, рождением твоим люди града Владимира возвеселивый; радуйся, грядущую славу Москвы предвозвестивый.

Радуйся, избранниче Божий; радуйся, правило веры благочестивыя.

Радуйся, образе кротости духовныя; радуйся, Бога, яко истиннаго Отца нашего, издетска познавый.

Радуйся, яко Иосиф, от братии твоея досаждения сладце претерпевый; радуйся, последи и братию свою в любовь себе призвавый.

Радуйся, преподобне княже Данииле, Московский чудотворче.

Кондак 1

Избранный чудотворче и предивный угодниче Христов, града Москвы и державы Российския крепкое ограждение, раздоров и нестроений искоренителю, благоверный княже Данииле, похвальная восписуем ти, к раце мощей твоих притекающе. Ты же, яко имеяй дерзновение ко Господу, от всяких нас бед свободи, зовущих:

Радуйся, преподобне княже Данииле, Московский чудотворче.

Молитва первая

Церкве Христовы похвало высокая, града Москвы стено необоримая, державы Российския Божественное утверждение, преподобне Данииле. К раце мощей твоих притекающе, усердно молим тя: призри на нас, память твою воспевающих и с верою под кров молитв твоих прибегающих. Пролей теплое твое ходатайство ко Спасу всех, яко да утвердит миром страну нашу, грады и веси ея и обитель сию добре да сохранит, благочестие и любовь в людех твоих насаждая, злобу же, междоусобие и нравов развращение искореняя; всем же нам вся благая ко временному животу и вечному спасению даруй молитвами твоими, яко да прославляем дивнаго во святых Своих Христа Бога нашего во веки веков. Аминь.

Молитва вторая

О угодниче Божий, святый благоверный княже Данииле, сада Христова благовонный цвете, неба церковнаго кроткая звездо, земли нашея небесный уме, града Москвы и державы нашея мудрый здателю. Теплый к Богу молитвенниче, скорый в помощи, милостивый в нуждах, к тебе припадаем и тебе молимся: буди предстатель наш пред Престолом Божией славы неусыпный. Собери нас друг ко другу, да печали ближняго своего кийждо любовию нелицемерною приобщается. Онебеси ум наш, да, иго тяжкое земных попечений отвергше, бремя легкое Христова Евангелия возлюбим. Открый очи наши, да узрим нетленную красоту Господню и да не отчуждени будем жизни Божией. Тихость Духа Божия да соблюдет сердце наше. Весна покаяния да украсит дела наша.

Княже милостивый и щедрый, сохрани страну нашу, град твой и зде молящихся тебе от всякия напасти, от враг видимых и невидимых, от губительства и глада, от междоусобныя распри и внезапныя смерти. Отверзи нам двери милосердия Божия и избави нас от всякаго зла. Под крепкий покров благостыни твоея прибегающе, молим: буди нам тихое пристанище в скорбех. Остени нас молитвами твоими. Соблюди нас от падений греховных и заблуждений, да сердцем сокрушенным, духом смиренным в печали и радости выну зовем: Господи, предстательством преподобнаго Твоего помилуй нас. Аминь.

Молитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.