Акафист преподобному Иосифу, игумену Волоцкому, чудотворцу

В истории Православной Русской Церкви было немало расколов и разногласий. Важное место среди них занимает конфликт между последователями двух старцев: преподобного Иосифа Волоцкого и преподобного Нила Сорского - сторонников противоположных взглядов на наличие имущества у монастырей. Несмотря на эти противоречия, оба старца прославлены в лике святых, а монастыри придерживаются их правил ведения монастырского хозяйства до сих пор.

О чем молятся

В декабре 2009 года Патриарх Руси Кирилл объявил святого Иосифа Волоцкого небесным покровителем православного предпринимательства, а в 2019 - специалистов материально-технического обеспечения Вооруженных Сил России. Таким образом, ему нужно молиться тем, кто несет военную службу, занимается предпринимательством, техникам. Также можно и нужно обращаться к преподобному за помощью в иных нуждах, особенно материальных, вообще всем верующим.

Чтобы обратиться с молитвенной просьбой к святому Иосифу Волоцкому можно заказать в храме молебен. Если возможности посетить храм нет, можно передать записки на молебен онлайн, а дома самому почитать акафист или молитвы. Акафист – это краткое хвалебное песнопение в честь священного события, иконы Божией Матери или святого. Акафисты состоят из 12 икосов и 13 кондаков (небольших хвалебных молитв). Их принято читать стоя перед иконами дома или в храме в день памяти святого или тогда, когда хочется особо помолиться угоднику Божьему или своему небесному покровителю. В храмах акафисты обычно читают во время молебна, или отдельно, перед иконой или святыми мощами.

Жизнеописание

Иосиф Волоцкий родился 14 ноября 1439 года, в миру носил имя Иоанн. Родители его, Иоанн и Мария Санины, принадлежали к дворянскому роду и состояли на службе у князя Волоцкого Бориса. О происхождении рода Саниных известно только то, что они были выходцами из Литвы. Кроме Иоанна в семье было еще три сына. Все они получили хорошее по тем временам образование. Иоанн владел тремя иностранными языками. Грамоте он с семилетнего возраста обучался в Волоцком Крестовоздвиженском монастыре. В первый год своего пребывания в обители, отрок изучил всю Псалтирь, а за второй год - все Священное Писание. Благодаря превосходной памяти, мальчик свободно цитировал обширные отрывки из Евангелия, Апостольских посланий и Псалтири.

Пребывание в обители повлияло на выбор Иоанном жизненного пути. В двадцатилетнем возрасте он, по благословению своего наставника, старца Арсения, поступил послушником в Саввин монастырь в Твери, под начало игумена Варсонофия. Но прожил там немного времени и перешел в Пафнутьев Боровский монастырь, где в 1460 году принял иноческий постриг с именем Иосиф. Инок Иосиф нес послушание на подворье Рождества Пресвятой Богородицы, где его духовным наставником был старец Пафнутий.

В скором времени тяжело заболел отец Иосифа, который тоже принял ангельский чин с именем Иоанникий. По благословению своего старца, Иосиф стал заботиться о больном отце и ухаживал за ним в течение пятнадцати лет.

Из семьи Саниных многие послужили Церкви. Один из братьев отца Иосифа стал архиепископом Ростовским, другой - епископом Тверским, а племянники прославились как иконописцы Досифей и Вассиан (Топорковы).

Кроме послушаний, назначаемых старцем, и ухода за парализованным отцом, инок нес послушание чтеца и певца, поскольку имел музыкальные способности. Благодаря отличной памяти, инок хорошо знал церковный устав и поэтому был назначен еще и уставщиком, то есть в его обязанности входило следить за ходом службы. Так, в трудах и молитвах отец Иосиф провел на подворье восемнадцать лет.

После смерти игумена, по его предсмертному завещанию, Иосиф становится настоятелем обители. Новый игумен захотел ввести во вверенном ему монастыре общежительный устав, по образцу уставов Киево-Печерской и Троицкой Лавры. Он хотел чтобы у обители были большие владения, которые позволили бы строить больницы и богадельни, помогать нуждающимся. Однако братия была против этого и через два года, из-за разногласий, игумен Иосиф покинул монастырь вместе со своими единомышленниками.

Несколько месяцев он прожил в Кирилло-Белозерской лавре, где, предположительно, познакомился с Нилом Сорским. Но через два года, по приказанию князя Московского Ивана III он вновь возглавил Боровский монастырь. Однако братия упорно противилась желанию игумена и, чтобы не вносить в обитель смуты, игумен добровольно отказался от должности.

Удалившись из Боровского монастыря, Иосиф Волоцкий основал в 113 верстах от Москвы обитель в честь успения Пресвятой Богородицы, впоследствии названную по имени основателя Иосифо-Волоцким монастырем. В основании обители принимал участие Московский князь Иван III. В новооснованной обители игумен ввел общежительный устав. Иосифо-Волоцкий мужской монастырь сейчас - одна из самых красивых и древних обителей Русской Церкви.

Старец Иосиф был покровителем слабых и обездоленных, пастырем для всех, ищущих спасения. Знатные люди не хотели иметь для своих детей другого учителя кроме отца Иосифа, они сами исповедовались у старца и просили его советов. Многие князья также часто приезжали и писали старцу, ища его совета в важных делах.

Преподобный Иосиф Волоцкий умер в сентябре 1515 года. Перед смертью он записал Устав, принятый в монастыре и завещал инокам не отступать от него. Старец был похоронен в монастырском храме. От могилы преподобного стали происходить исцеления и чудеса.

Канонизация святого состоялась в 1579 году. Его святые мощи до настоящего времени находятся в Успенском храме Иосифо-Волоцкого монастыря. Там же хранятся и вериги, которые при жизни носил преподобный. В 2009 году на подворье Рождества Богородицы, где долгое время подвизался преподобный Иосиф, был поставлен ему памятник.

Память святого Иосифа Волоцкого (Волоколамского) отмечается Православной Церковью 9 сентября и 18 октября.

Акафист святому преподобному Иосифу Волоцкому, Чудотворцу

Кондак 1

Избранный угодниче Христов и дивный благочестия подвижниче, преподобне отче Иосифе, иже сугубый свыше дар приемый боговедения же и исцелений, яко имеяй дерзновение ко Святей Троице моли избавитися нам от находящих бед и скорбей и болезней, да любовию зовем ти:

Радуйся, преподобне отче Иосифе, богомудре, чудотворче.

Икос 1

Ангела во плоти тя ведуще, преподобне Иосифе, посланна от Бога, да явит тобою в человецех образ истиннаго благочестия и добрых дел, чудящеся путем Его, во временнем житии твоем явленным, и величие благоутробия Его прославляюще, во умилении сердечнем взываем ти сице:

Радуйся, добраго корене отрасле благородная; радуйся, лозо винограда Христова многоплодная.

Радуйся, чадо молитвы родителей благочестивых; радуйся, надеждо и утешение сердец их боголюбивых.

Радуйся, издетска страх Господень стяжавый; радуйся, семя слова Божия от юности восприявый.

Радуйся, измлада смирения и молчания хранителю; радуйся, молитвы и воздержания ревнителю.

Радуйся, преподобне отче Иосифе, богомудре, чудотворче.

Кондак 2

Видя Христос благое сердца твоего изволение и рачение, яко от юности немолчно прославлял еси Имя Господне чтением и пением псалмов и песней священных во святем храме Его, в скинии небесней вчини тя, преподобне, в лице праведник совершенных возносити ему купно с ними ангельское пение: Аллилуиа.

Икос 2

Разумев от писаний отеческих благих мира сего тщету, исход же от временнаго сего жития непрестанно помышляя и пребывая присно в сокровеннем подвизе молитвы, никакоже сердцем прилепился еси к сущим от мира, разве точию к единому достойнейшему от сверстник твоих, с нимже и путь богоугоднаго иноческаго жития от дней отрочества предъизбрал еси, преподобне. Темже ублажаем тя сице:

Радуйся, цвете благоуханный добраго воспитания; радуйся, сосуде Божественнаго избрания.

Радуйся, в разуме Богом просвещенный; радуйся, сердцем в Бозе утвержденный.

Радуйся, образе содружества непорочнаго и нелестнаго; радуйся, вседушевне взыскавый Царствия Небеснаго.

Радуйся, преподобне отче Иосифе, богомудре, чудотворче.

Кондак 3

Бурю помышлений мирских препобеждая благодатию Христовою, помыслом лучшим востекл еси к Небесным, преподобне, в Горняя вперив ум твой безмятежный и безстрастный, и волю всецело покорив под иго Христово, тело же твое соделал еси жилищем Духа Святаго, отнюдуже и в телеси, яко безплотен, со безплотными взывал еси Богу: Аллилуиа.

Икос 3

Ревность имеяй о совершеннем житии христианстем и от писаний отеческих научен, еже вдати себе в послушание искусну руководителю и наставнику нелестну, в юности родители твоя оставил еси, преподобне, и положил еси в сердцы твоем вопросити духовнаго старца Варсонофия, да еще что речет, буди то тебе, яко слово Самаго Бога, еже и свершися во благое Божиим устроением; сего ради, толикое веры твоея упование ублажающе, взываем ти:

Радуйся, яко любезная и красная мира сего презрел еси; радуйся, яко Небесных и нетленных желанием вожделел еси.

Радуйся, внутреннею Креста Христова красотою восхищенный; радуйся, силою Свыше на труд крестоношения облеченный.

Радуйся, волею твердою воли своея отрекийся; радуйся, отсечением страстей угодивый Богу и спасыйся.

Радуйся, преподобне отче Иосифе, богомудре, чудотворче.

Кондак 4

Силою любве Божия влеком к вящшему жития иноческаго совершенству и мудре последуя совету и благословению прозорливаго и святаго старца Варсонофия, пришел еси во обитель преподобнаго Пафнутия и того умолил еси прияти тя в послушание, да купно с ним в трудех и подвизех выну благоугождаяй Богу, воспеваеши: Аллилуиа.

Икос 4

Провидя духом благое произволение юноши, чистоту же душевную и благодатное призвание его, преподобный Пафнутий абие облече его во иноческий образ и возложи нань иго послушаний, яже со усердием в простоте и в терпении мнозе исполняше, яко быти ему образом безпрекословнаго повиновения, труда и благочестия; темже ныне зовем ему сице:

Радуйся, тесный путь спасения от юности возлюбивый; радуйся, ярем Господень на выю свою возложивый.

Радуйся, священными обеты волю свою связавый; радуйся, себе и весь живот свой Господеви предавый.

Радуйся, коемуждо во благо усердный служителю; радуйся, болящих и немощных успокоителю.

Радуйся, помыслы плотския силою молитвы прогоняяй; радуйся, сомнящихся в вере словом Божиим утверждаяй.

Радуйся, преподобне отче Иосифе, богомудре, чудотворче.

Кондак 5

Божественною любовию распалаем и ближних твоих, иже в мире, не отверглся еси сердцем, преподобне: слышав бо старца отца твоего в разслаблении телеснем суща, умолил еси преподобнаго Пафнутия во обитель того прияти и надолзе послужил еси болящему родителю твоему, со всяким рачением призирая его и питая телесне рукама твоима и духовне словом Божиим до самыя кончины, яко тому взывати к тебе: Не аз ти отец, но ты ми отец еси. Сей убо труд любве твоея сыновния восхваляюще, яко жертву богоприятну, поем: Аллилуиа.

Икос 5

Имый во обители осмьнадесять лет жития в послушании, бдении, пощении и научении писанием святых и духоносных отец, егда наста час блаженныя кончины преподобнаго Пафнутия, начальствовати по нем, аще и не хотяй, призван был еси и во пресвитера поставлен, да управиши добре собранное им стадо Христово; ты же вмале начальствовав, паки управляем восхотел еси быти, да приумножиши добродетелей нетленная сокровища. Темже, дивящеся ревностному добротолюбию и смиренномудрию твоему, вопием ти:

Радуйся, лишении телесными многа блага духовная собравый; радуйся, нищетою дарования Небесная стяжавый.

Радуйся, молчания изрядный хранителю; радуйся, строгий уставов иноческих блюстителю.

Радуйся, болящим, яко братии Христовой, послуживый; радуйся, высокий образ любве сыновния явивый.

Радуйся, власти над другими и чести уклонивыйся; радуйся, паки, яко слуга незнаемь, во обитель Кириллову вселивыйся.

Радуйся, тамо брашна уготовляти определенный; радуйся, и в рубище рабстем познанный и обличенный.

Радуйся, преподобне отче Иосифе, богомудре, чудотворче.

Кондак 6

Купцу уподобился еси, ищущему добраго бисера, Иосифе преподобне, егда в послушании и всяцем подвизе духовнем благоискусен быв, обители иноческия посещал еси: да испытно познаеши в тех лучшая и совершеннейшая и приусвоиши на пользу душ стада твоего словеснаго, еже радостию велиею возрадовася возвращению твоему, благодарственне взывая Пастыреначальнику Христу: Аллилуиа.

Икос 6

Слышав благоверный князь Борис о пришествии преподобнаго Иосифа в его пределы, изшед усердно моляше и, да изберет в его наследии место, да соградит на нем святую обитель и пребывает в ней со иноки, еже и свершися, дыханию бурну указующу место, и устройся рачением князя, паче же благословением Божиим по молитвам преподобнаго, емуже с любовию взываем сице:

Радуйся, высоких подвигов жития христианскаго ревнителю; радуйся, новоначальных искусный руководителю.

Радуйся, неизменное правило поста и покаяния; радуйся, хранителю непрестаннаго воздержания.

Радуйся, мирским наставниче жизни богоугодныя; радуйся, основателю обители благоплодныя.

Радуйся, яко благая начинания твоя Христос благослови; радуйся, яко сотрудника тебе в лице державнаго яви.

Радуйся, преподобне отче Иосифе, богомудре, чудотворче.

Кондак 7

Велие стяжав сокровище любве, преподобне, якоже во дни первых христиан, имже бе сердце и душа едина и от нихже никтоже от имений глаголаше что свое быти, судил еси и во иноцех обители твоея, яко изволением сердца отвергшихся мира и его стяжаний, уставити сицеваго жительства образ, да вси вкупе едино взыщут стяжание вечное, Бога, Емуже и да взывают выну: Аллилуиа.

Икос 7

Новаго Феодосия, общих житий начальника, зрит в тебе страна Российская, преподобне отче Иосифе, якоже бо той, иноческия обеты восприяв, всем сердцем и душею уставом общаго иноческаго жития предан бяше, сице и ты, сим шествуяй путем, в терпении мнозе заповедем общежития святых отец неуклонно последовал еси, темже от чтущих тя слышиши таковая:

Радуйся, общее житие монашествующих основавый; радуйся, тем всеоружие благочестия им подавый.

Радуйся, общими труды праздных помыслов шатания упразднивый; радуйся, теми, яко бронею, страстей разжженныя стрелы отразивый.

Радуйся, вселивый во обители дух общаго воздержания; радуйся, потребивый в ней плевелы любостяжания.

Радуйся, бодрствованию духовному многи иноки научивый; радуйся, до конца жития первый в труждающихся бывый.

Радуйся, преподобне отче Иосифе, богомудре, чудотворче.

Кондак 8

Странник пришел еси в пустыню отечествия твоего, преподобне, и абие домовладыка явился еси Богу, преклоньшу сердце во власти сущаго благовернаго князя Бориса еже послужити от имений своих на созидание церкве каменныя на месте сем, благоукрасити же ю боголепно, и келлии воздвигнути множащимся братиям, да и зде сими, яко на небеси святыми Ангелы, возносится Богу песнь: Аллилуиа.

Икос 8

Видяще ревностное по Бозе и жестокое житие преподобнаго Иосифа и братии, непрестанно в трудех и пощении подвизающихся и ходящих в рубищных и худых одеждах, нецыи от инок и всякаго чина мирских людей и князей не точию сих не отвращахуся, но паче равностию духовною горяще и во обители купно с ними подвизатися желающе, приношаху ту имения своя на пользу общую; темже здателю той возглашаем тако:

Радуйся, мудре предначертавый обитель нову; радуйся, поревновавый нищетолюбному житию Христову.

Радуйся, святыя храмы во обители создивый; радуйся, мног собор монашествующих собравый.

Радуйся, яко труд твой свыше благословися; радуйся, яко святое желание сердца твоего совершися.

Радуйся, яко во обители твоей мнози души своя спасоша; радуйся, яко из нея пастыреначальницы изыдоша.

Радуйся, преподобне отче Иосифе, богомудре, чудотворче.

Кондак 9

Всем сердцем возлюбивый Бога и многа дарования духовная от Него восприемый, преподобне Иосифе, и пред человеки толику благодать обрел еси, яко не точию мнози от простых, но и князи, требующе твоих наставлений, в послушание тебе вдаяху себе совершенно, имже миротворец был еси, исходатайствовав благоволение самодержца князю Юрию, иже неповинне оклеветан под страхом смертным бяше, избавлен же быв в радости душевней возопи Богу: Аллилуиа.

Икос 9

Благодать Божественная, привлекаемая молитвами преподобнаго, яве знаменася в нем даровании чудотворений и ведением сокровенных: умерша бо благочестиваго князя Иоанна молитвою своею возбуди, да конечне предуготовится покаянием и восприимет залог жизни вечныя, и тако да отыдет ко Господу; темже во гресех живущии и действеннаго возбуждения на покаяние требующии возопиим к нему:

Радуйся, благочестивых отрадо и утешение; радуйся, колеблющихся в вере твердое ограждение.

Радуйся, отчаявающихся утверждаяй во уповании; радуйся, просветивый многих твоими писании.

Радуйся, мир посреде враждующих устрояяй; радуйся, неповинныя от смерти избавляяй.

Радуйся, умирающия возставляяй на покаяние: радуйся, всем внушаяй жизни вечныя взыскание.

Радуйся, шествовавый путем трудным и тесным; радуйся, возводяй других к обителем небесным.

Радуйся, преподобне отче Иосифе, богомудре, чудотворче.

Кондак 10

Новоустроенну обитель преподобнаго Иосифа испыта Господь посещением гнева Своего, купно же и милости: за грехи бо людския глад крепок наведе на землю Волоколамску и на вся окрестныя веси, яко многим людем безгодно погибати. Преподобный же, уведев сия, усугуби во обители моление и отверзе житницы тоя алчущим; раздав же вся сущая и не могий ктому не точию тысящ пришедшаго народа, но ниже братии своея препитати, посла заимовати на обитель сребро и куплю деяй семен хлебных, никакоже остави требующия погибати гладом, детем же их малым особь созда дом, дондеже державный благочестивый царь Василий, слышав сия, внезапу прииде во обитель и дарова довольная ко призрению бедствующих, иже, видяще в сем милосердующую руку Божию, во умилении сердец вознесоша хвалебный глас Богу: Аллилуиа.

Икос 10

Благому изволению державнаго последующе, мнози от военачальник и князей удельных и иных христолюбцев богатая даяния в обитель Иосифову приношаху, яко всем пришедшим к ней глада ради безбедно в домы своя возвратитися и новым изобилием благословитися обители преподобнаго, к немуже взываем ныне:

Радуйся, надеждо светлая в нужде и обстоянии сущих; радуйся, покровителю сирых и крова неимущих.

Радуйся, гладом погибающих питателю; радуйся, чадом их виталища созидателю.

Радуйся, милости источниче неистощимый; радуйся, скорбящих утешителю незримый.

Радуйся, последняя твоя взаим Богови давый; радуйся, добрым расточением сущих богатая собравый.

Радуйся, преподобне отче Иосифе, богомудре, чудотворче.

Кондак 11

Ведый от Божественных писаний, яко един уповающий на Господа поженет тысящи, и два двигнета тмы, не убоялся еси, преподобне, един со святым Геннадием сонмищу сильных поборников суетных лжеучений противустати; и оружием истины в конец сих поразил еси: вси бо разсеяшася, яко прах пред лицем ветра, тебе же благодарственно сердцем и усты взывающу: Аллилуиа.

Икос 11

Веруяй в Мя,— рече Господь,— реки от чрева его истекут воды живы. Сия убо в тебе оправдишася, досточудне Иосифе, не бо священным догматом богословия во училищи некоем наставлен был еси, но сам живою верою сердца взыскуяй Бога, истину обрел еси в слове Божии и писаниих отеческих и явился еси оплот необорим Православия. Темже взываем ти:

Радуйся, лжеучителей злых лукавство разоривый; радуйся, сомнящихся в православней вере утвердивый.

Радуйся, бодрый учения Христова защитниче; радуйся, боголюбивою ревностию возжженный светильниче.

Радуйся, благопотребне во отечествии твоем возсиявый; радуйся, веру в делех жития твоего показавый.

Радуйся, разумных и препростых благоискусный учителю; радуйся, ближних и дальних россиан просветителю.

Радуйся, преподобне отче Иосифе, богомудре, чудотворче.

Кондак 12

Миру водворившуся в Церкви дух злобы паки, пакости дея, подвигну сердце волоцкаго владетеля корысти ради многа смущения и утеснения творити обители, еще же и осуждение неправедно воздвигнути на преподобнаго, еже и паде на главу осудившаго; собором бо священным преподобный Иосиф с великою честию оправдан бысть, присно воспеваяй Богу: Аллилуиа.

Икос 12

Течение жития скончавая в трудех и молитвах, и подвизех благочестия, завеща преподобный неизменно хранити преданный им устав знаменательне прирек: аще получу от Бога милость, то обитель сия ничимже скудна будет, и тако, завесу плоти отложив, отыде ко Господу и по сих исцеления подаваше больным, приходящим с молитвою к его мощем. Сего ради приносим ему похваления таковая:

Радуйся, чистоты душевныя хранителю нелицемерный; радуйся, истинный рабе Христов благий и верный.

Радуйся, стрелами вражиих навет неуязвимый; радуйся, спасаемых вождю непобедимый.

Радуйся, досточудный образе терпения; радуйся, наставниче нелестнаго благоговения.

Радуйся, и по отшествии обитель твою соблюдаяй; радуйся, молящимся благопотребная подаваяй.

Радуйся, от Господа венец правды восприявый; радуйся, славою чудотворений просиявый.

Радуйся, преподобне отче Иосифе, богомудре, чудотаорче.

Кондак 13

О преподобне и богоносне отче Иосифе! Воспоминающе ныне подвиги и труды твоя, яже о Христе содеянная, мы, грешнии и недостойнии раби твои, смиренно просим тя: моли милостиваго Бога, да дарует мир жительству нашему и Церкви Своей Святей, да оградит ю от всех душепагубных и безбожных учений, да подаст же нам вся благопотребная в житии сем, и в будущем веце да сподобит нас воспевати Ему: Аллилуиа.

Этот кондак читается трижды.

Икос 1

Ангела во плоти тя ведуще, преподобне Иосифе, посланна от Бога, да явит тобою в человецех образ истиннаго благочестия и добрых дел, чудящеся путем Его, во временнем житии твоем явленным, и величие благоутробия Его прославляюще, во умилении сердечнем взываем ти сице:

Радуйся, добраго корене отрасле благородная; радуйся, лозо винограда Христова многоплодная.

Радуйся, чадо молитвы родителей благочестивых; радуйся, надеждо и утешение сердец их боголюбивых.

Радуйся, издетска страх Господень стяжавый; радуйся, семя слова Божия от юности восприявый.

Радуйся, измлада смирения и молчания хранителю; радуйся, молитвы и воздержания ревнителю.

Радуйся, преподобне отче Иосифе, богомудре, чудотворче.

Кондак 1

Избранный угодниче Христов и дивный благочестия подвижниче, преподобне отче Иосифе, иже сугубый свыше дар приемый боговедения же и исцелений, яко имеяй дерзновение ко Святей Троице моли избавитися нам от находящих бед и скорбей и болезней, да любовию зовем ти:

Радуйся, преподобне отче Иосифе, богомудре, чудотворче.

Молитва первая

О великий наставниче, ревнителю и учителю православныя веры, святе премудре Иосифе! Приими моление нас, грешных, тебе приносимое, и теплым предстательством умоли в Троице славимаго Бога, да ниспослет богатыя Своя милости нам, грешным, да утвердит во Святей Своей Православней Церкви правую веру и благочестие: пастырем ея да подаст святую ревность о спасении словеснаго стада, яко да верующих соблюдут, неверующих же и отпадших от истинныя веры вразумят и обратят. Всем же нам испроси вся благопотребная во временнем сем житии и полезная к вечному спасению нашему. Помяни стадо твое, еже собрал еси, не забуди посещати чад твоих и, яко чадолюбивый отец, не презри, ниже отрини моления наша, но воздежи руце твои молитвеннеи ко Господу Богу, да отложит праведный гнев Свой, движимый на ны, и избавит нас от враг видимых и невидимых, от глада, потопа, меча, смертоносныя язвы, нашествия иноплеменных и междоусобныя брани. Ей, премилосердый заступниче наш, преславный чудотворче, всех нас управи в мире и покаянии скончати живот наш и преселитися со упованием в блаженная селения райския, идеже непрестанно славословится всепетое Имя Отца и Сына и Святаго Духа. Аминь.

Молитва вторая

О преблаженне и приснославне отче наш Иосифе! Ведуще твое велие к Богу дерзновение и к твоему твердому заступлению прибегающе, в сокрушении сердца молим тя, озари нас светом дарованныя тебе благодати и молитвами твоими помози нам бурное море жития сего прейти безмятежно и пристанища спасения неблазненно достигнути: порабощени бо суще суетными, и грехолюбиви, и немощни еже от обышедших нас зол возникнути, к кому прибегнем, аще не к тебе, явившему неоскудеваемое богатство милости в земнем житии твоем? Веруем же, яко и по отшествии твоем множайшее стяжал еси дарование милосердовати бедствующим. Темже убо, припадающе ныне к цельбоносней иконе твоей, умиленно просим тя, святче Божий: сам искушен быв, помози и нам, искушаемым; постом и бдением поправый силу демонскую, и нас от нападений вражиих защити; препитавый гладом погибающих, и нам испроси у Господа изобилие плодов земных и вся яже ко спасению потребная; посрамивый еретическая мудрования, Церковь Святую от ересей и расколов, и смущений молитвами твоими огради: да тожде мудрствуем вси, единем сердцем славяще Святую, Единосущную, Животворящую и Нераздельную Троицу, Отца и Сына и Святаго Духа, во вся веки. Аминь.

Молитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.