Акафист преподобному Моисею Угрину

Преподобный Моисей Угрин – инок Киево-Печерской Лавры. Он особо почитается за свой подвиг хранения чистоты и является для многих верующих образцом целомудрия. Угрином называется он по своему происхождению, так как родом он происходил из угров (венгров).

О чем молятся

Святому преподобному Моисею Угрину молятся, прежде всего, об избавлении от блудной страсти. Также у него просят помощи люди, находящиеся в плену или заточении, страдающие от жестокого обращения.

Святому можно заказать молебен в храме или читать дома акафист, а можно делать и то, и другое. Также в некоторых храмах и обителях есть возможность заказать молебен с акафистом и водосвятием. Освященную на молебне воду можно пить ежедневно, окроплять ею себя, дом, домочадцев, пищу и т.д.

Краткие сведения о житии святого

Святой Моисей был родом венгр. Он, вместе с братом Георгием, был слугой (отроком) князя Бориса. У Моисея был и второй брат, прославленный в лике святых как преподобный Ефрем Новоторжский.

Когда присланные окаянным Святополком убийцы умертвили князя Бориса и вместе его верных слуг, в том числе и Георгия, который пытался закрыть господина своим телом, Моисей один остался в живых.

Спасшись от рук убийц, Моисей отправился в Киев, где нашел пристанище в доме сестры князя Ярослава – Предиславы.

Князь Ярослав, воспламенившись праведным гневом на братоубийцу, пошел на него с войском и Святополк вынужден был бежать в Польшу. Однако там он нашел поддержку у короля Болеслава, вернулся с его войском и занял Киев. Моисей же попал в плен к королю Владиславу. В Польше его купила некая вдова. Она пленилась красотой святого Моисея и предложила ему жить с ней в разврате, а взамен обещала сделать его богатым и известным человеком. Однако мудрый Моисей отверг предложение женщины. Он рассудительно говорил ей, что никто из послушавшихся жену не сохранил закона. Адам послушал Еву и был изгнан из рая; Самсон победил льва, но сам был побежден коварством женщины; премудрый Соломон послушал женщину и поклонился идолам; Ирод, исполняя желание жены, умертвил пророка Иоанна. «Так и я не хочу быть рабом жены», - говорил Моисей.

Напрасно нечестивая вдова пыталась соблазнить его то ласками, льстивыми речами и обещанием богатств и славы, то устрашить муками. Святой смело говорил ей, что готов пожертвовать не только свободой, но и самой жизнью ради того, чтобы сохранить в чистоте душу и тело.

Моисей, подобно библейскому Иосифу, отражал стрелы соблазна и только усиливал пост и молитву. Госпожа была разъярена непокорностью раба и велела бросить его в темницу и не давать пищи, желая уморить его голодом. Но Всемилостивый Господь не оставил своего верного раба и вложил в сердце одного из слуг вдовы жалость к узнику. Этот слуга стал тайно от всех приносить Моисею пищу. Друзья советовали святому послушаться госпожи и вступить с ней в брак, чтобы избежать гибели. Они приводили в пример ветхозаветных патриархов, которые имели жен и детей, говорили, что только монахи дают обет безбрачия. Однако святой не поддавался этим советам и говорил, что решил полностью посвятить себя Богу и ради Него хранить чистоту.

Видя, что заключение не сломило Моисея, женщина решила добиться своего другим способом. Она приказала посадить его на коня и так возить по своим имениям, а всем крестьянам объявила, что это ее муж и их новый господин. Однако святой лишь жалел несчастную ослепленную духовно женщину и говорил ей, что ничто не заставит его изменить свое решение.

В то время один из афонских монахов проездом посетил места, где подвизался святой. Этот монах тайно постриг Моисея в иночество. В иноческих одеждах и явился святой к своей госпоже. Увидев его иноком, женщина воспылала гневом и велела жестоко мучить святого. Его терзали железными орудиями так, что вся земля вокруг была залита кровью. Даже палач жалел страдальца и уговаривал его исполнить волю хозяйки. Однако святой Моисей терпеливо сносил страдание, говоря, что не может изменить иноческим обетам.

Эта история дошла до самого Болеслава. Король лично пытался убедить Моисея оказать послушание госпоже. Но не достигнув успеха, он разрешил вдове делать с ним все, что ей угодно, так как опасался, что если такое неповиновение оставить безнаказанным, то и другие слуги станут проявлять строптивость.

Получив полную волю над телом святого (ибо дух его был во власти Божией), злая женщина велела оскопить святого и давать ему ежедневно по сто ударов кнутом. И страдалец Христов долгое время терпел эти мучения.

Но правосудие Божие не замедлило свершиться. Король Болеслав, ненавидевший иноков и гнавший их, внезапно заболел и на следующую ночь скончался. В королевстве начались восстания, крестьяне убивали своих господ. Во время этих волнений была убита и госпожа Моисея.

Так, через шесть лет неволи и жестоких испытаний, которые, впрочем, только укрепили дух воина Христова, святой Моисей наконец обрел свободу. Вернувшись в Киев, он поступил насельником в Киево-Печерскую обитель. Здесь, под руководством преподобного Антония, святой подвизался в течение десяти лет в молитве, посте, безмолвии и послушании.

В июле 1043 года, после многих трудов и подвигов, святой окончил свой земной путь и перешел в небесные обители. Честные мощи его пребывают нетленными в Ближних пещерах Киево-Печерской лавры.

Память преподобного Моисея Угрина совершается святой Церковью трижды в год:

• 8 августа,
• в Собор всех преподобных отцов Киево-Печерских,
• и в Собор преподобных в Ближних пещерах почивающих.

Акафист святому Моисею Угрину, Печерскому

Кондак 1

Возбранный чудотворче и Духа Святаго исполненный, преподобный отче Моисее, дивный подвижниче и недугов душевных и телесных целебниче, яко имеяй дерзновение ко Господу, от всяких нас бед свободи да в радости сердца зовем ти: Радуйся, преподобне отче Моисее, дивный чудотворче и чистоты поборниче.

Икос 1

Ангелов Творец и Господь сил яви тя, досточудне, Ангела во плоти и верных предстателя. Прибегающе убо к заступлению твоему, сицевая радостная тебе приносим: Радуйся, ангельския чистоты ревнителю; радуйся, предобрый иноков наставниче. Радуйся, целомудрия дивное светило; радуйся, усердный исполнителю поста и воздержания. Радуйся, светлый образе кротости и смирения; радуйся, утешение верным являяй. Радуйся, обителей земных покровителю небесный; радуйся, ярем благий на ся вземший. Радуйся, преподобне отче Моисее, дивный чудотворче и чистоты поборниче.

Кондак 2

Видя Господь чистоту сердца твоего, избра тя зрети славу небесную. Егда с двумя братиями твоими во град Киев преселился еси и святым страстотерпцем Борису и Глебу усердно поработал еси, тогда ты, блаженне, в молитвах потщался еси, елико бе мощно юноше святым подражати. Сего ради с веселием возопиял еси Богу: Аллилуиа.

Икос 2

Разум богодухновен имея, о преподобне отче Моисее, дивным смотрением Божиим, егда на реце Альте брата твоего Георгия вои Святополка погубиша вкупе со святыми страстотерпцами Борисом и Глебом, ты же един избавився убиения, пришел во град Киев к Предиславе сестре Ярославлей и был тамо моляся ко Господу прилежно, темже похваляюще Бога, спасшаго тя, глаголем ти сице: Радуйся, начало премудрости страх Божий правилом жизни себе предизбравый; радуйся, яко Ангела хранителя николиже опечалил еси. Радуйся, лучу Божественного света; радуйся, благоуханный крине девства и нетления. Радуйся, яко благочестием твоим угодил еси Христу Богу; радуйся, к Богородице молитвенниче наш неусыпный. Радуйся, немощей наших изрядный целебниче. Радуйся, избранный сосуде Духа Святаго. Радуйся, преподобне отче Моисее, дивный чудотворче и чистоты поборниче.

Кондак 3

Силою Вышняго, дарованною тебе, и долготерпением твоим был еси вельми преукрашен, егда же ведоша тя по руку и ногу железы тяжкими окована и твердо стрежаху, любовию к Богу выну пламенея, вопиял еси: Аллилуиа.

Икос 3

Имея благоприятную по благочестии ревность, был еси искушаем от некия жены младыя, имущей богатство многое, ея же муж с Болеславом идый не возвратися; та убо приемши во ум видения, доброту уязвися вожделением плотским к преподобному, он же вся терпя моляшеся. Сему убо благоговейно удивляющеся, с радостию вопием тебе: Радуйся, от млада возраста вдавый себя на служение Господу; радуйся. Того Единого паче всего возлюбивый. Радуйся, плоть духу покоривый; радуйся, вся по Бозе терпети изволивый. Радуйся, козни вдовы бодро отразивый; радуйся, тесным путем евангельским шествовавший. Радуйся, Киево-Печерския Лавры священное украшение; радуйся, яко тобою Господь прославляется. Радуйся, преподобне отче Моисее, дивный чудотворце и чистоты поборниче.

Кондак 4

Бурею одержима помышлений, восшуме нечестивая вдова на храм души твоея, преподобне, уведев же тя верного быти раба Христова, зело смятеся, темже и мы, зря житейское море воздвигаемое бурею страстей и напастей, притекаем к тихому пристанищу молитв твоих, вопия Христу Богу: Аллилуиа.

Икос 4

Слышавше и видевше святое житие твое, удивляхуся силе благодати, из уст твоих исходящей, и прославляху Бога, сего ради и мы радостно ублажаем тя: Радуйся, дивный избранниче Божий; радуйся, суетную славу мира сего во уметы вменивый; радуйся, за Сладчайшаго Иисуса душу твою положивый; радуйся, у престола Божия предстояй с горними силами; радуйся, на высоту безстрастия возшедый; радуйся, преподобне отче, в терпении неодоленный. Радуйся, Света Невечерняго причастниче. Радуйся, велию благодать от Господа стяжавый. Радуйся, преподобне отче Моисее, дивный чудотворче и чистоты поборниче.

Кондак 5

Боготечною звездою яви тя миру житие твое, преподобне отче Моисее, яко всего паче возлюбил еси чистоту душевную и телесную и ради мук временных уповая избавлен быти вечных мук, воспевал еси благодарне Богу: Аллилуиа.

Икос 5

Видя враг рода человеческаго чистое и святое житие твое, паче распаляет вдову, яже облече тя во ризы многоценныя и сладкими брашны питаше, безстудно влачаше на дело непреподобное, ты же, отче святый, прилежаше паче посту и молитве. Сего ради воспеваем ти сице: Радуйся, добрый воине Христов; радуйся, Святыя Церкве похвало и радование. Радуйся, дарами благодатными преисполненный; радуйся, не словом точию, но множае паче делом нас поучаяй. Радуйся, различными напастьми и искушеньми отягченных скоро пособствующий; радуйся, избранниче Христов, чудесы свидетельствованный. Радуйся, в подвигах земное течение совершивый; радуйся, сподобившийся зрети славу Божию. Радуйся, преподобне отче Моисее, дивный чудотворче и чистоты поборниче.

Кондак 6

Проповедуется во всем мире доблесть подвига твоего, блаженне, ибо ни во что же вменял еси житие мира сего. Гладом умысли злая жена уморити тя, вверженного в темницу. Друзии же увещаваху тя, глаголюще: кто не посмеется твоему безумию; уне ти есть покоритися жене сей. Ты же, блаженне, рече: вышняго ради Царства вся сия преобидех, поя Богу: Аллилуиа.

Икос 6

Возсиял еси в бренной плоти светом небесным, глаголя слова Евангельския: не оженивыйся печется о Господних, како угодити Господеви. Тем же вопием ти: Радуйся, отче, светом добродетелей твоих мир озаривый; радуйся, огнь любве Христовы в себе носивый. Радуйся, в бедах скорый помощниче; радуйся, ангельское житие являяй. Радуйся, не приложивый сердца к земному наслаждению; радуйся, молитвенниче о чтущих святую память твою. Радуйся, покоя вечного достигнувый. Радуйся, неизреченных благ наследниче. Радуйся, преподобне отче Моисее, дивный чудотворче и чистоты поборниче.

Кондак 7

Хотяй непрестанно житием и верою Господу благоугождати, был еси от черноризца святыя Афонския горы облечен во святый, ангельский, иноческий образ, тем же сиянием подвигов твоих просвещенни усердно величаем тя прославльшему тя Христу Богу вопием: Аллилуиа.

Икос 7

Новое показа зло оная лукавая жена егда в безумии своем оскопити тя повелела, ты же яко мертв лежал еси от течения крове, едва мало в себе дыхания имея. Благоговейне убо вспоминая долготерпение твое, блажим тя похвалами сими: Радуйся, яко огнь любве к Богу в сердце твоем непрестанно сохранивый; радуйся, бодрости и трезвения предобрый учителю. Радуйся, верных ко спасению наставляющий, Радуйся, твердее адаманта в терпении явивыйся, ибо кровию твоею, яко багряницею Церковь украсися. Радуйся, к преподобному Антонию работати Господеви пришедый. Радуйся, чудесы твоими обитель Печерскую прославивый. Радуйся, покоривый волю свою воле Отца Небесного. Радуйся, преподобне отче Моисее, дивный чудотворче и чистоты поборниче.

Кондак 8

Странное чудо является притекающим к тебе, блаженне Моисее, ибо дарова тебе Господь побеждати страсти. Таже подражая первому Моисею, творящему жезлом чудеса, жезлом страсть братнюю исцелил еси. Мы же, благодаря о сем Бога, даровавшему тебе таковую крепость, с любовию взываем: Аллилуиа.

Икос 8

Весь благодатных дарований исполненный, десятолетным безмолвием пещерным равноангельским просиял еси светом небесным и сподобился еси боговидец быти, обретеся бо достоин блаженства чистых сердцем, преподобне отче Моисее. Сего ради по долгу зовем ти: Радуйся, яко тобою Господь от страстей исцеление дарует; радуйся, блаженне, заповедь чистым сердцем быти верно исполнивый. Радуйся, яко свет Божественный зрети сподобился еси; радуйся, о душах наших непрестанный молитвенниче. Радуйся, древних, святых, богоносных отец нравы себе усвоивый; радуйся, высокая преподобных похвало. Радуйся, во смирении зело преуспевый; радуйся, яко успение твое прославляет Святая Церковь. Радуйся, преподобне отче Моисее, дивный чудотворче и чистоты поборниче.

Кондак 9

Все естество ангельское удивися высоте чистоты твоея, Церковь же паки прославляет тя, яко великий таинник Божия благодати был еси и зрети лицем к лицу Господа удостоился еси, да и мы с тобою выну вопием: Аллилуиа.

Икос 9

Витии многовещаннии не возмогут изрещи чистоту твою, блаженне, мы же любовию побеждаеми дерзаем воспети тебе похвалы таковая: Радуйся, немощных укрепление; радуйся, скорбных и печальных утешение; радуйся, добрых насадителю; радуйся, за девственную чистоту от Господа венчанный. Радуйся, Божия славы теплый рачителю, радуйся, талант врученный ти умноживый. Радуйся, Христа Бога всем сердцем возлюбивый; радуйся, светильниче, просвещающий сердца память твою чтущих. Радуйся, преподобне отче Моисее, дивный чудотворче и чистоты поборниче.

Кондак 10

Спасти хотя твою душу, нерадил еси о твоей плоти и в Лавре Печерстей святаго Антония конец странствия земнаго совершил еси, почив о Господе кончиною праведною и святою, яко победитель не с человеки, но со Ангелы воспевал еси Богу: Аллилуиа.

Икос 10

Стеною терпения оградився, Царя Небеснаго Христа верный служитель был еси, житие твое тесною стезею прошел еси. Мы же чтуще любовию память твоего преставления и мощей твоих честных обретения, ублажаем тя, вопиюще таковая: Радуйся, преславный наш заступниче; радуйся, предваряющий прошения призывающих тя во искушениях; радуйся, многими скорбьми в радость Господа вшедый; радуйся, слез излияньми душу твою омывый; радуйся, слово апостольское: любы долготерпит, исполнивый. Радуйся, блаженство райское со святыми унаследовавый; радуйся, богоугодным житием веру утвердивый. Радуйся, ближним и дальним помощь свою подаваяй; радуйся, мира горняго блаженный обитателю. Радуйся, преподобне отче Моисее, дивный чудотворче и чистоты поборниче.

Кондак 11

Пением акафиста чествуем тя и величаем, преподобне отче Моисее, ревностно совершающе святую память твою. Ты же, милостиво приимше малое моление наше, нам поборником, предстателем и молитвенником ко Господу. Мы же, поминая житие твое богоугодное и подвиги твоя многотрудныя, воспеваем прославльшему тя Творцу: Аллилуиа.

Икос 11

Светоподательному светильнику подобны честныя и цельбоносныя мощи твоя, досточудне отче Моисее, свет бо невечерний возсиявает от них чрез чудесы обильныя, тем же от любве сердечныя восклицаем тебе радостно: Радуйся, смертию временной прешедый в живот вечный; радуйся, Иоанна Многострадального чудесно уврачевавый. Радуйся, крине возращенный на земли для райских селений; радуйся, делателю добрый винограда небеснаго. Радуйся, маслино многоплодная сада Иисусова; радуйся, преподобных Печерских отцев величание. Радуйся, тихое пристанище обуреваемых страстьми; радуйся, во всем мире Богом прославленный. Радуйся, преподобне отче Моисее, дивный чудотворче и чистоты поборниче.

Кондак 12

Благодать дана ти от Бога соблюдати от нечистыя страсти всякаго человека, с верою и любовию к заступлению твоему прибегающего. Мы же Господу, даровавшему нам тебе, скорого, милостиваго врачевателя, благодарственне воспеваем: Аллилуиа.

Икос 12

Поюще равноангельское житие твое, ублажаем тя, отче Моисее, яко молитвенника о нас пред Господем, заступника и наставника ко спасению, и со умилением возглашаем ти таковая: Радуйся, о мире молитвенниче преизрядне; радуйся, не точию иноком, но и миряном путь к небу озаряющий. Радуйся, всех сердца любовию твоею к себе привлекающий; радуйся множеством чудес от Бога прославленный. Радуйся, странниче, отечествия небеснаго достигнувый; радуйся, терпением скорбей древнему Иову подражавый. Радуйся, во искушениях присный помощниче; радуйся, миро целебное Божия благодати. Радуйся, о тебе бо радуются Ангели и Бога славят человецы. Радуйся, преподобне отче Моисее, дивный чудотворче и чистоты поборниче.

Кондак 13

О, предивный угодниче и святый чудотворче, преподобне отче Моисее, малое сие песнословие, с любовию в похвалу тебе приносимое, от нас милостивно приемши, умоли всех Творца и Господа даровати нам душевное спасение и телесное здравие, верно воспевающих Богу: Аллилуиа.

(Этот кондак читается трижды)

Икос 1

Ангелов Творец и Господь сил яви тя, досточудне, Ангела во плоти и верных предстателя. Прибегающе убо к заступлению твоему, сицевая радостная тебе приносим: Радуйся, ангельския чистоты ревнителю; радуйся, предобрый иноков наставниче. Радуйся, целомудрия дивное светило; радуйся, усердный исполнителю поста и воздержания. Радуйся, светлый образе кротости и смирения; радуйся, утешение верным являяй. Радуйся, обителей земных покровителю небесный; радуйся, ярем благий на ся вземший. Радуйся, преподобне отче Моисее, дивный чудотворче и чистоты поборниче.

Кондак 1

Возбранный чудотворче и Духа Святаго исполненный, преподобный отче Моисее, дивный подвижниче и недугов душевных и телесных целебниче, яко имеяй дерзновение ко Господу, от всяких нас бед свободи да в радости сердца зовем ти: Радуйся, преподобне отче Моисее, дивный чудотворче и чистоты поборниче.

Молитва преподобному Моисею Угрину

О, пречудный и богоносный отче Моисее, изрядный угодниче Христов и великий чудотворче, к тебе смиренно припадаем и молимся: даждь нам быти причастником любве твоея ко Богу и ближнему, помози нам творити волю Господню в простоте сердца и смирении, заповеди Господни совершати непогрешительно, призри благоутробно на всякую душу верных твоих чтителей, милости и помощи твоея ищущих. Ей, всеблагий угодниче Божий, услыши нас, молящихся тебе, и не презри нас, требующих твоего заступления и достойную песнь тебе приносящих, тебе ублажаем, отче Моисее, тя воспеваем, чистоты светильниче, прославляюще милостиваго Бога, во Святей Безначальней Троице славимаго Отца и Сына и Святаго Духа, ныне и присно и во веки веков. Аминь.

Молитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.