Акафист святителю Иоанну, архиепископу Константина града, Златоустому

Святая Церковь называет святителя Иоанна “Златоустом” за его поистине “золотые” уста, из которых изливаются реки славословия Господу, наставлений в добродетельной жизни. В житии святого говорится о том, что одна простая женщина, слушая проповедь епископа, в восхищении назвала его уста златыми.

Каждый день, кроме Великого поста и некоторых других праздников, в храмах совершается Божественная Литургия, составленная святителем Иоанном Константинопольским. Также ему принадлежит множество проповедей, поучений и толкований Священного Писания. Например, его «Огласительное слово на Святую Пасху» много столетий читается на Пасхальной заутрени.

О чем молятся святителю Иоанну Златоусту

Святителю особенно молятся те, чья профессия связана с непосредственным общением с людьми, публичными выступлениями. Это адвокаты, дикторы, ведущие, преподаватели и т.д.

Святого просят помочь в устранении дефектов речи, выработке грамотного произношения, умения излагать свои мысли.

Также святитель укрепляет молящихся ему в вере, помогает постичь науку не только светскую, но и духовную.

Его просят помочь в перенесении испытаний, даровать любовь к ближним, помочь детям в учебе.

Святой помогает тем, кто вынужден уехать из родных мест, находится в изгнании, беженцам.

Помогает он и во всех остальных житейских нуждах.

Святителю Иоанну читают акафисты, служат молебны. К раке с его мощами притекают православные со всего мира. Но даже если такой возможности нет, помолиться святителю можно из любой точки мира. Так, в храме или монастыре можно заказать молебен с акафистом или освящением воды, или же без них.

А если нет возможности пойти даже в ближайший храм, что для многих актуально в связи с последними событиями, то можно заказать молебен онлайн. А дома в кругу семьи почитать акафист святому.

Житие святителя Иоанна Константинопольского

Будущий светильник Церкви Христовой происходил из Антиохии. Еще будучи новорожденным он потерял отца. Юная мать его решила не выходить замуж во второй раз, а посвятить жизнь воспитанию сына.

С раннего детства Иоанн проявлял любовь к храму и Богослужению, а когда научился грамоте, то любимым его чтением стало Священное Писание.

Антиохийский пастырь, епископ Мелетий, любил богобоязненного юношу и наставлял его в добродетели.

В 367 году Иоанн принял святое крещение (в те времена было принято крестить совершеннолетними) и вскоре был поставлен чтецом.

Иоанн рвался в обитель, но мать удерживала его. Сохраняя заповедь Божию о послушании родителям, святой остался дома до ее кончины.

После смерти матери Иоанн принял монашеский постриг. Несколько лет он провел в безмолвии, написав за это время множество богословский трудов. Еще два года он прожил в пещере в полном безмолвии.

Но тяжелые условия пустынной жизни пагубно отразились на здоровье монаха и он вынужден был вернуться в родной город. Там его рукоположили в диакона, а спустя немного времени и во священника. Вскоре Иоанн прославился своими блестящими проповедями.

Став архипастырем, Иоанн не утратил прежних добродетелей. Он много помогал нищим и малоимущим. Ежедневно по его указу на церковные средства кормили более трех тысяч человек.

В 397 году святитель по приказу императора переехал в Константинополь. Там он подавал пример пастве своим смирением, милосердием и нестяжанием.

Свои средства он тратил на содержание больниц и домов для паломников.

Огромный вклад внес святитель в благолепие Богослужений. Он составил последование Божественной Литургии, утвердил клиросное пение и составил молитвы, читаемые при совершении таинства Елеосвящения (соборования).

Ревнуя о добродетели, святитель Иоанн строго обличал развращенные нравы столицы, не щадя при этом и царского двора.

Так, царица однажды несправедливо отняла имущество у овдовевшей жены одного вельможи. Святитель смело обличил это поступок и встал на защиту гонимых. Царица затаила гнев и стала ждать удобного случая, чтобы отомстить святому.

Вскоре донесли, что в одной из проповедей святой нелестно отозвался о царице. Состоялся суд, который осудил святителя на смертную казнь. Но император заменил это решение ссылкой.

Когда об этом узнала паства святителя, огромная толпа народа собралась у храма, чтобы защитить любимого пастыря. Но он приказал им подчиниться решению царя. В ту же ночь в городе произошло сильное землетрясение. Испуганная царица Евдоксия написала к святому письмо, умоляя вернуться в город. Но через два месяца она снова разгневалась и отправила его в ссылку.

Едва святитель покинул Константинополь, как нашла полоса страшных бедствий: в столице прошел страшный пожар, унесший множество жизней, на город начали набеги варвары, а сама царица вскоре покинула этот мир.

Даже язычники ясно увидели в этих несчастьях Божие отмщение за несправедливую обиду, нанесенную Его служителю.

В 406 году святой тяжело заболел и был практически прикован к постели. Но ненавистники не желали успокоиться и выхлопотали приказ о переводе его в Абхазию, в город Пинтус. Три месяца длилось путешествие святителя. Наконец в Команах он окончательно слег и причастившись Святых Христовых Таин мирно отошел ко Господу.

Спустя несколько лет после кончины святого, его константинопольская паства просила патриарха перенести мощи святителя в их город. Царь Феодосий разрешил это сделать и послал двух гонцов с серебряной ракой. Но посланники не смогли взять святые мощи.

Тогда император написал святому письмо, как бы живому, где просил прощения за себя и родителей.

Оно было прочитано у гробницы, затем отслужена Литургия. По ее окончании посланники смогли поднять мощи и перенести их на корабль.

В начале 438 года корабль со святыми мощами причалил к берегу Константинополя. Навстречу вышло множество народа во главе с патриархом и императором. Когда первосвятитель открыл гроб, то все увидели, что тело не тронуто тлением, а в воздухе разлилось благоухание.

В настоящее время рака с мощами святителя Иоанна Златоуста находится в Стамбуле (бывший Константинополь).

Праздник

День памяти святого Иоанна Златоуста совершается:

• 27 сентября – Преставление
• 26 ноября - Восшествие на кафедру
• 9 февраля – Перенесение мощей
• 12 февраля – Собор Трех святителей

Акафист святителю Иоанну, архиепископу Константина града, Златоустому

Кондак 1

Возбранный вождю Церкве Христовы, златословесный учителю Иоанне! От юности добродетельми украсився, добре потрудился еси, и за имя Христово гонение претерпев, во изгнании житие скончал еси: сего ради на небесех сугубо прославлен еси, мудрый чина Церковнаго устроителю. Темже и мы умиленне чтим тя, зовуще:

Радуйся, святителю великий Иоанне Златоусте.

Икос 1

Ангельский образ нося, во плоти аки безплотен пожил еси, Иоанне; во спасение бо братий многия труды подъемля, делы добрыми Отца Небеснаго прославил еси. Темже ти глаголем:

Радуйся, Церкве Православныя украшение; радуйся, родителей именитых чадо благословенное.

Радуйся, еще во отрочестве от матере твоея любовию ко слову Божию напоенный; радуйся, от юности разум игу Христову покоривый.

Радуйся, Богови усердно послуживый; радуйся, вселенныя учителю.

Радуйся, христиан всех времен в молитвах наставниче; радуйся, жития иноческаго в Цареграде обновителю.

Радуйся, готфов и скифов просветителю; радуйся, богоукрепленный правды ревнителю.

Радуйся, вшедый в радость Господа твоего; радуйся, усердный о нас предстателю.

Радуйся, святителю великий Иоанне Златоусте.

Кондак 2

Видя Христос родителей твоих Секунда и Анфусы житие чистое, благоволи я прославити, и тя, Иоанне, има во утешение дарова; да вернии, добродетели твоя поминающе, превозносят чету праведную, тя израстившую, и, той ревнующе, поют Богови: Аллилуиа.

Икос 2

Разум учением умудривый, сердцем же во благочестии от младости воспитанный, радость и утешение был еси, Иоанне, матери твоей, егда супруга своего и дщере лишися. Темже приносим тебе хвалы сицевыя:

Радуйся, отроком звездо благонравия; радуйся, ангела хранителя увеселение.

Радуйся, яко того николиже опечалил еси; радуйся, присных любимиче.

Радуйся, во учении преспевавый и тем мудрецы мира сего удививый; радуйся, яко, еще ученик сый, Анфимия богохульника посрамил и вразумил еси.

Радуйся, угнетенных слезы горькия в судех узревый; радуйся, от творящих беззакония уклонивыйся.

Радуйся, пути незлобия спасительнаго взыскавый; радуйся, по успении матере в пустыню заключивыйся.

Радуйся, тамо за родители преставльшияся Богови усердно моливыйся; радуйся, яко тии днесь, со Владычицею и святыми ликующе, от земнородных величаются и хвалятся.

Радуйся, святителю великий Иоанне Златоусте.

Кондак 3

Силы, во еже словом и делом Христу работати, стяжал еси, Иоанне, аки тезоименный ти Предтеча, в пустыни. Тамо бо, постом страсти плотския умертвив, молитвою дух окрилил еси и, яко воин, противу князя власти воздушныя во вся оружия Божия облеклся еси, со упованием поя Богу крепкому: Аллилуиа.

Икос З

Имея власяницу и пояс усмен о чреслех, Крестителя Христова ревнителю, былием питался еси, Иоанне, в пустыни, из неяже, яко муж силы исполнь, изшел еси. Темже вопием ти:

Радуйся, воздержанием Илии Пророку уподобивыйся; радуйся, нищеты Христовы подражателю.

Радуйся, целомудрием неможение телесе укрепивый; радуйся, богомыслием уныние отгнавый.

Радуйся, памятию всеведения Божия сердце непорочно соблюдый; радуйся, бдением козни бесовския посрамивый.

Радуйся, искушения сам победивый и иныя последи томужде научивый; радуйся, в делании духовнем подвизающихся мудрый укрепителю.

Радуйся, друга твоего Феодора от падения греховнаго удержавый; радуйся, друга твоего епископа Василия во служении утвердивый.

Радуйся, от мира изгнанным пристанища тихаго указателю; радуйся, иноческаго жития защитниче.

Радуйся, святителю великий Иоанне Златоусте.

Кондак 4

Бурю искушений новую победил еси, Иоанне, в пещере един вселився; болезни же ради из пустыни изшед во Антиохию, от святаго Мелетия во диакона поставлен был еси и попечению о неимущих ревностно предался еси. Еже видяще, вернии радостно пояху Богови: Аллилуиа.

Икос 4

Слышав от верных о тебе речи хвалебныя, святый Флавиан по достоянию благодать священства низведе на тя, Иоанне. Темже людие антиохийстии веселяхуся и, труды твоя праведно чтуще, тако тя величаху:

Радуйся, о себе попечение всякое отвергий; радуйся, убогим покрове.

Радуйся, теплое сирым прибежище; радуйся, скорбей утолителю.

Радуйся, о людских невежествиих печальниче; радуйся, девственнаго жития сладкогласный ублажателю.

Радуйся, многи иудеи просветивый; радуйся, искавшия спасения правым учением оглашавый.

Радуйся, житием твоим сего учения не посрамивый; радуйся, благочестия светильниче.

Радуйся, апостолом единонравниче; радуйся, яко праведно дадеся ти жребий пастырскаго о душах попечения.

Радуйся, святителю великий Иоанне Златоусте.

Кондак 5

Боготочною кровию от вечныя смерти искупленныя соблюдая, егда сан священства приял еси, Иоанне, дело благовестника трезвяся добре сотворил еси, обличая, запрещая, умоляя со всяким долготерпением и учением и поя Богу: Аллилуиа.

Икос 5

Видя нестроения во граде, скорбя же о сем, покоя не познал еси, Иоанне, неверныя бо благовестием оглашал еси, верныя же таинствы церковными освящая и тайнам веры уча, достойно стяжал еси имя Златая уста, слышав от всех сицевая:

Радуйся, пастырю добрый; радуйся, святым крещением многа чада Церкви Христове породивый.

Радуйся, помазанием мира печать дара Духа Святаго тем даровавый; радуйся, святейшия Трапезы предстоятелю умиленный.

Радуйся, пищею нетления чада твоя питавый; радуйся, покаянием сердец очистителю.

Радуйся, супружеств о Господе сочетателю; радуйся, елеа помазанием целителю.

Радуйся, слова Божия неложный истолкователю; радуйся, ересей мощный обличителю.

Радуйся, глубокий кладязю истиннаго богословия; радуйся, яко притяжал еси паствы сердца, любве к тебе исполненная.

Радуйся, святителю великий Иоанне Златоусте.

Кондак 6

Проповедник покаяния наипаче явился еси, Иоанне, егда людие антиохийстии, царя подобие низвергше, гневу того достойно подпадоша. Божиим бо милосердием утешая, ко исправлению жития словесы твоими влекл еси вся, во еже сердцем чистым пети Богу: Аллилуиа.

Икос 6

Возсия Антиохия радостию, егда по словеси твоему беззакония своя оплакавши, царево прощение получи. Обаче скорбию омрачися вскоре, с тобою разлучаема: во архиепископа бо Царюграду призван был еси, Иоанне. Темже тебе вопием:

Радуйся, аки Исаия, скорбьми града отеческаго поболевый; радуйся, аки Иеремия, злонравие людское оплакавый.

Радуйся, аки Иезекииль, беззаконники ко обращению призывавый; радуйся, молние, гордыню низложившая.

Радуйся, громе, беззаконно жившия устрашивый; радуйся, корыстолюбия обличителю.

Радуйся, пагубу тщеславия показавый; радуйся, студнаго еллинскаго многобожия посрамителю.

Радуйся, смятенных сердец умирителю; радуйся, споспешниче епископу Флавиану, старцу праведному.

Радуйся, со пустынножители царския приставники на милость преклонивый; радуйся, Ионе, Ниневию спасшему, равный.

Радуйся, святителю великий Иоанне Златоусте.

Кондак 7

Хотя церковь Цареградскую, аки невесту Христову, достойно украсити, во благолепие вся привел еси, Иоанне. Всенощными бо бдении от сборищ арианских верныя отвратил еси и чин Божественныя Литургии мудре устроил еси, яко благовонное миро, источив молитвы, имиже назидающеся, о тебе Богови поем: Аллилуиа.

Икос 7

Новое знамение милости Божия бысть о тебе, святителю: молитвами бо твоими вернии всех времен, Богови беседующе, во спасение умудряются. Приими убо от нас сицевыя хвалы:

Радуйся, аки Давид, словесы молитвенными Церковь Божию обогативый; радуйся, аки брат Божий Иаков, чин Божественныя Литургии написавый.

Радуйся, в томже Великому Василию подражавый; радуйся, Духа Святаго приятелище.

Радуйся, тобою бо Дух Святый написа словеса спасительная; радуйся, яко молитвами твоими, от сна воставше, Отца благодарим.

Радуйся, яко твоими словесы, ко сну грядуще, от Духа Святаго прегрешений оставления просим; радуйся, яко усты твоими Сына Божия умоляем, да не в суд причастие Божественных Таин приимем.

Радуйся, рабе Божий, уничиженныя на вечерю Христову глашаяй; радуйся, проповедниче Распятаго на кресте за мирский живот и спасение.

Радуйся, яко в слово твое, аки в ризы позлащены, тайны веры одеяшася; радуйся, песнотворче и вития дивный.

Радуйся, святителю великий Иоанне Златоусте.

Кондак 8

Странник во юдоли земней быв, смирения, воздержания и чистоты образ показал еси, Иоанне, житием во царствующем граде: тамо бо обители иноческия обновил и создал еси и уставы жития монашескаго дал еси девам непорочным; от нихже, аки фимиам благовонный, вознесеся Богови песнь великая: Аллилуиа.

Икос 8

Всею душею Христови работая, человеком угождати не восхотел еси, Иоанне. Именитым бо вечери устрояти престав, убогим трапезы умножил еси, странноприимницы же и безмездныя врачебницы недужным создав, научил еси пети тебе:

Радуйся, Николая, святителя Мирликийскаго, соревнователю; радуйся, стяжавый смирением высокая.

Радуйся, приобретый нищетою богатая; радуйся, сими добродетельми иноком образ бывый.

Радуйся, гладных питателю; радуйся, аки Авраам, странныя приимавый.

Радуйся, безприютных сирот приятелище; радуйся, безпомощных старцев и стариц попечителю.

Радуйся, избытки своя неимущим расточивый; радуйся, яко коемуждо в горестех, аки ангел утешитель, являлся еси.

Радуйся, руки богатых на благодеяния отверзавый; радуйся, яко о глубине милосердия твоего Мати Божия возрадовася.

Радуйся, святителю великий Иоанне Златоусте.

Кондак 9

Всяк язык спасти хотя, проповедники Евангелия ко скифом, праотцем нашим, послал еси, Иоанне, из Константина града, в немже храм во имя Апостола Павла создал еси готфом, да и тии, ересь ариеву отвергше, православными усты поют Богови: Аллилуиа.

Икос 9

Витии православия к неверным послав, к церквам верных, во Асии сущим, сам подвиглся еси, Иоанне, и тыя посещая, нерадивыя обличая, усердныя же похваляя, вся смотрительне устроил еси. Темже тя славим:

Радуйся, православия светило; радуйся, пастырю добрый, о заблуждших овцах попекийся.

Радуйся, яко в земли скифстей днесь имя твое прославляется; радуйся, яко во имя твое церкви Божия зде воздвизаются.

Радуйся, служения апостольскаго причастниче; радуйся, по словеси Апостола Петра стадо Божие пасый.

Радуйся, не нуждею, но волею и по Бозе сие посещавый; радуйся, мздоимства твердый искоренителю.

Радуйся, правил церковных нелицеприятный блюстителю; радуйся, ленйвыя рабы праведно изгнавый.

Радуйся, яко во благое трудившиися от тебе похвалишися и укрепишася; радуйся, Церкве испытанный управителю.

Радуйся, святителю великий Иоанне Златоусте.

Кондак 10

Спасению паствы твоея служити не престал еси, Иоанне, от Асии в Царьград возвратився. Егдаже царицы и именитых злонравное житие обличати безбоязненне начал еси, скорби многи приял еси; тобою бо обличаемии, не могуще абие яве заградити праведная уста твоя, тайно ковы деяху, во еже погубити тя, чисте Богови взывающа: Аллилуиа.

Икос 10

Стена невинно гонимым иноком явился еси, Иоанне: сего ради яве обнажися злоба велия, юже врази на тя имеяху. Льстивый бо Феофил со царицею нечестиво на соборищи оболга и низложи тя, не помянув трудов твоих во благо отечествия. Мы же сия благодарне воспоминаем, глаголюще:

Радуйся, дивную любовь ко отечеству земному показавый; радуйся, Царяграда от варварскаго нашествия свободителю.

Радуйся, Гаины, грознаго вождя готфскаго, укротителю; радуйся, милостей древних, Церкви царьми дарованных, охранителю.

Радуйся, Евтропию властному убежище церковное отъяти не попускавый; радуйся, последи в сем убежищи тогожде Евтропия гонима спасый.

Радуйся, ограждения ради нитрийских иноков неправды соборища беззаконнаго кротце претерпевый; радуйся, яко слово Писания «любы долго терпит», на тебе оправдася.

Радуйся, ополчатися за тя присным воспретивый; радуйся, меча противу врагов не подъемый.

Радуйся, властем повинувыйся и сего ради волею в руки воинов нощию предавыйся; радуйся, из отечествия правды ради изгнанный.

Радуйся, святителю великий Иоанне Златоусте.

Кондак 11

Пением радостным изменися вскоре плачь паствы твоея, доблий страдальче: во изгнание бо влекому ти, внезапу гром возгреме, молния возблиста и, ветром шумящим, земля поколебася. Яже видящи и трепещущи, царица раскаяся и честне тя возврати, смиренно вопиющи Богу: Аллилуиа.

Икос 11

Светлую православия свещу, сугубо царица возненавиде тя вскоре, егда обличил еси ю, подобие свое близ храма поставльшую: сего ради, вторицею осужденный, в Кукузе, веси дальней и малей, заточен был еси, Иоанне. Приими убо от нас сицевыя хвалы:

Радуйся, по словеси Иеремиину от юности ярем Божий подъемый; радуйся, по глаголу Христову, руку делания на рало духовное возложивый.

Радуйся, до конца вспять не отвративыйся; радуйся, противу царицы злонравныя возгремевый.

Радуйся, тою, аки Креститель Иродиадою, возненавиденный; радуйся, от убийц незримо ангелом спасенный.

Радуйся, в дому твоем любовию паствы твоея хранимый; радуйся, клевретами неправедных судей уничиженный.

Радуйся, в заточение со смирением безропотно шедый; радуйся, верными оплаканный.

Радуйся, за Господа распятаго изъязвленный и заушенный; радуйся, яко мученицы со Предтечею на небесех о терпении твоем ликоваху.

Радуйся, святителю великий Иоанне Златоусте.

Кондак 12

Благодать Божия и во изгнании соблюдаше тя, Иоанне, тамо бо, аки Павел святый во узах, финикияном и персом Евангелие возвещал еси, посланьми верныя утешая. И тако упасл еси Церковь даже до дне, воньже златая уста твоя изрекоша словеса последняя: Слава Богу за вся! Душа же твоя на небеса пренесена бысть святыми ангелы, победне вопиющими: Аллилуиа.

Икос 12

Поюще радостно, вернии пренесоша святыя мощи твоя, Иоанне, в Царьград, отнюдуже слава твоя пройде до последних земли и обыде всю вселенную, учащи всех пети тебе сице:

Радуйся, странниче, во отечествие небесное вшедый; радуйся, всех церквей молитвами напутствованный.

Радуйся, на пути в Пифиунт дальний в Команех течение скончавый; радуйся, яко кончину ти предрече священномученик Василиск.

Радуйся, от сего услышавый: Брате, заутра купно обрящемся; радуйся, Святых Таин приятием к восхождению в рай укрепивыйся.

Радуйся, яко душа твоя от многотруднаго телесе тихо разлучися; радуйся, яко тление не прикоснуся костем твоим.

Радуйся, яко на сих во храмех Жертва Безкровная днесь возносится; радуйся, небесных высот обитателю, светом невечерним осиянный.

Радуйся, яко со святыми Василием Великим и Григорием Богословом явлься, восхваляти тя купно со онеми вся научил еси; радуйся, славо Церкве вселенския.

Радуйся, святителю великий Иоанне Златоусте.

Кондак 13

О святителю великий Иоанне Златоусте! Призри с небесных высот на ны, долу поверженныя, и прием сие от любве нашея приносимое ти хваление, умоли Господа Бога, да излиет на ны благодать Свою, немощная врачующую, сущия во православии укрепит, отпадшия же от Церкве паки в лоно тоя приведет, благоутробием Своим оскудевающая восполняя, и всех сподобит с тобою и всеми святыми пети Ему во веки: Аллилуиа.

Этот кондак читается трижды, затем икос 1-й «Ангельский образ нося…» и кондак 1-й «Возбранный вождю…».

Молитва

О святителю великий Иоанне Златоусте! Многая и различная дарования от Господа приял еси и, яко раб благий и верный, вся данныя тебе таланты добре умножил еси: сего ради воистину вселенский учитель был еси, яко всяк возраст и всяко звание от тебе поучается. Ты еси отроком - послушания образ, юным - целомудрия светило, мужем - трудолюбия наставник, старым - незлобия учитель, иноком - воздержания правило, молящимся - вождь от Бога вдохновенный, мудрости ищущим - ума просветитель, витиям доброглаголивым - слова живаго источник неисчерпаемый, благотворящим - милосердия звезда, начальствующим - правления мудраго образ, правды ревнителем - дерзновения вдохновитель, правды ради гонимым - терпения наставник: всем вся был еси, да всяко некия спасеши. Над всеми же сими стяжал еси любовь, яже есть соуз совершенства, и тою, яко силою Божественною, вся дарования во единем лице твоем во едино совокупил еси и туюжде любовь, разделенная примиряющую, в толковании словес апостольских всем верным проповедал еси. Мы же грешнии, по единому кийждо свое дарование имуще, единения духа в союзе мира не имамы, бываем тщеславни, друг друга раздражающе, друг другу завидяще; сего ради дарования наша разделенная не в мир и спасение, но во вражду и осуждение нам являются. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку гордость и зависть, нас разделяющия, да во мнозех удех едино тело церковное будем, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно и во веки веков. Аминь.

Тропарь, глас 8

Уст твоих, якоже светлость огня, возсиявши благодать, вселенную просвети- не сребролюбия мирови сокровища сниска, высоту нам смиренномудрия показа, но твоими совесы наказуя, отче Иоанне Златоусте, моли Слова Христа Бога спастися душам нашим.

Кондак, глас 6

От Небес приял еси Божественную благодать, и твоими устнами вся учиши покланятися в Троице Единому Богу, Иоанне Златоусте, всеблаженне преподобне, достойно хвалим тя: еси бо наставник, яко божественная являя.

Mолитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.