Акафист святителю Нектарию, митрополиту Пентапольскому, Эгинскому чудотворцу

Святой Нектарий, Эгинский Чудотворец

Есть много святых, которые вроде бы жили далеко за пределами России, но любимы и почитаемы русскими людьми так, что давно стали родными, русскими. В их числе и святитель Нектарий Эгинский.

О чем молятся

Святитель и Чудотворец Нектарий Эгинский особо почитается как помощник в лечении раковых заболеваний. Также ему молятся об избавлении от одержимости, при параличе и других тяжелых болезнях. Известно также, что Святитель Нектарий помогает людям в денежных затруднениях.

Святителю можно заказать молебен. Это краткое богослужение, за которым можно помолиться святому и попросить его помощи. Можно заказать простой молебен, а также с акафистом или водоосвящением.

Акафист (с греч. “неседален”, то есть он читается стоя) – это похвальное песнопение святому или празднику. Акафист состоит из 12 кондаков и икосов, 13 кондака, который читается трижды, и молитвы святому. Акафисты принято читать в день памяти святого или иконы, а также в тех храмах, где находятся чудотворные образы и святые мощи. Миряне, по традиции, читают акафисты своим небесным покровителям и чтимым святым дома, когда есть желание особо помолиться и попросить о чем-то Господа Бога и Его святых угодников.

Житие святителя Нектария

Будущий святитель родился в благочестивой семье в 1846 году в городе Селиврии Фракийской, недалеко от Константинополя. При Крещении мальчику дали имя Анастасий. Еще в раннем возрасте Анастасий отличался благочестием: любил посещать Богослужения, молиться, читать Священное Писание и духовную литературу.

В четырнадцать лет Анастасий покинул родной город и уехал в Константинополь. Там он учился и одновременно работал, чтобы платить за обучение, так как его родители были людьми бедными.

Работая на табачной фабрике, он получал очень скромное жалованье, да и то почти полностью уходило на оплату обучения, так что зачастую не оставалось средств на самое необходимое.

Понимая, что на земле ему никто не поможет, Анастасий решил написать письмо Господу: “Христос мой, у меня нет фартука, нет обуви. Прошу Тебя послать их мне, Ты знаешь, как я люблю Тебя. На конверте написал адрес: “Господу Иисусу Христу на небеса” и попросил отнести письмо на почту своего соседа торговца. Тот, удивившись необычной подписи на конверте, раскрыл письмо и, увидев такую просьбу и силу веры, отправил мальчику деньги от имени Бога. Так промыслительно Господь не оставлял своего избранника.

В большом городе юношу подстерегали многие искушения, но он как будто не замечал их. Свободное время он проводил в храме или за чтение Евангелия и изучением творений святых отцов. Он очень хотел проповедовать Слово Божие.

Интересен один эпизод из жизни святого в те годы. Как-то раз, он отправился в родной город, посетить своих родителей. В пути корабль, на котором плыл будущий святитель, попал в шторм и всем угрожала гибель. Тогда Анастасий обратился с горячей молитвой к Богу, прося спасения и обещая посвятить свою жизнь проповеди Евангелия. Буря тут же прекратилась и корабль благополучно пристал к берегу.

Когда Анастасию исполнилось 22 года, он стал преподавать в школе на острове Хиос. Ученики и их родители вскоре полюбили нового учителя. Он не только учил, но и воспитывал, рассказывал о Боге, святых, создал из способных к пению учащихся хор, который под его руководством пел в храме.

Однако все это не могло удовлетворить Анастасия. Его душа жаждала монашества. Вскоре он принял иночество с именем Лазарь в монастыре Неа-Мони, а через три года сподобился и монашеского пострига с именем Нектарий и тогда же был рукоположен во диакона.

Монах Нектарий заканчивает обучение на богословском факультете в Афинах. Уже тогда его замечает Патриарх Александрийский Софроний и приближает к себе.

В сорокалетнем возрасте Нектарий был рукоположен Патриархом Софронием в священника и направлен в Никольский храм города Каира. А через несколько лет получает сан епископа Пентапольского.

Быстрое возвышение святителя и всеобщая любовь народа вызвали зависть некоторых людей, опасавшихся, что он может занять пост Патриарха. Святителя обвинили в аморальном образе жизни и вынудили покинуть Египет. Тщетно он пытался восстановить справедливость, нигде его не хотели принять. Но Господь вскоре воздал Своему угоднику за его терпение.

После очередного неудачного визита в министерство, святитель встретил на лестнице мэра города, который вошел в его положение и выхлопотал для него место проповедника в провинции Эвбея. Сначала жители приняли его враждебно, поверив клеветникам, но через время их отношение изменилось по промыслу Божию.

Всю жизнь святителю пришлось нести крест опального епископа. Его надежда на пересмотр дела новым Патриархом Фотием не оправдалась.

Однако любовь народа постепенно возвращалась к святителю. Расположилась к нему и королева Ольга, которая назначила его директором богословской школы имени Ризари в Афинах.

К этому времени вокруг Нектария стали собираться его духовные чада, многие едут к нему за советом и благословением. В их числе было несколько женщин, желающих посвятить себя монашеской жизни, но не решавшихся идти ни в один монастырь, чтобы не лишиться духовного руководства своего наставника. Святитель купил для них на собственные средства землю на острове Эгина, где были развалины древнего монастыря. Здесь поселились первые насельницы и было положено начало основанию монастыря в честь Святой Троицы.

Вскоре святитель почувствовал приближение кончины. Через два месяца, он скончался от тяжелой болезни в день празднования Архистратига Божия Михаила и всех Небесных Сил. Сразу после смерти произошел первый случай исцеления. Парализованный человек, лежавший в одной палате со святителем, исцелился через его рубашку.

Тело святителя мироточило и источало благоухание. Когда гроб с телом святителя привезли на Эгину, то весь остров вышел проводить своего святого со слезами.

Погребен Святитель Нектарий в склепе монастыря, несколько раз склеп открывали по разным причинам и каждый раз убеждались, что тело нетленно. Даже фиалки, положенные в гроб девочкой, не были тронуты тлением.

Праведная кончина святого последовала 9/22 ноября 1920 года. В 1961 году состоялась канонизация Святителя, были подняты его святые мощи.

Особо прославился святой Нектарий благодатной помощью онкологическим (раковым) больным, страдающим параличами и другими тяжкими заболеваниями, одержимым бесами. Известно также, что Святитель Нектарий помогает людям в денежных затруднениях.

Святителю отче Нектарие, моли Бога о нас!

Акафист Святителю Нектарию, Эгинскому чудотворцу

Кондак 1

Православия звезду новосветлую и Церкве новозданное ограждение воспоим в веселии сердечнем Нектария богомудраго. Прославлен бо Духа действом, исцелений точит благодать независтную вопиющим:
Радуйся, Нектарие, Эгинский чудотворче.

Икос 1

Человек небомудренный явился еси в мире, Нектарие, святителю Христов: житие бо преподобное исправив непорочно, свят и богоприятен во всем нареклся еси; сего ради слышиши от нас:
Радуйся, от юности Бога возлюбивый;
Pадуйся, во юдоли плачевней светлое восхождение положивый.
Радуйся, мудрости сосуде златозданный;
Pадуйся, проповедниче благодати невозбранный.
Радуйся, доме святейший действа Божественнаго;
Pадуйся, книго богоизваянная жития новаго.
Радуйся, яко ныне поревновал еси святым;
Pадуйся, яко ангелов исполнил еси веселия.
Радуйся, преподобных отцев прекрасная доброто;
Pадуйся, иерархов Христовых благое украшение.
Радуйся, имже Церковь Христова ликовствует;
Pадуйся, имже остров Эгинский радуется.
Радуйся, Нектарие, Эгинский чудотворче.

Кондак 2

Взором духовным, еще сый юноша, прозрел еси Божественную благодать, еюже объят в душе, свету заповедей Господних, преподобне, избрал еси последовати от юности, Христу поя: Аллилуиа.

Икос 2

Притекше во град Константина, Нектарие, Божественным направляем страхом, в нем лучшым поучашеся. Темже Божественнаго разумения преисполнен явился еси, возвеселяя во учениих твоих вопиющия ти таковая:
Радуйся, Солнца мысленнаго палато благоукрашенная;
Pадуйся, рая словеснаго древо досточудное.
Радуйся, Христа Спасителя служителю богоприятный;
Pадуйся, отцем древним единонравный.
Радуйся, каменю новосечный умнаго наздания;
Pадуйся, венче новоплетенный Святыя Церкве.
Радуйся, непостыдное наше упование;
Pадуйся, светлая наша надеждо.
Радуйся, яко безплотный бывый в телеси;
Pадуйся, даром богомудрия просветивыйся в дусе.
Радуйся, образов небесных сокровище;
Pадуйся, добродетелей ангелоподобных озарение.
Радуйся, Нектарие, Эгинский чудотворче.

Кондак 3

Славныя Божественныя мудрости всеобразно возжелев и тоя измлада взыскав, Христа моляше теплыми слезами улучити краснейшаго желания и, достигнув онаго, верно вопияше: Аллилуиа.

Икос 3

Веселил еси душу твою, якоже древле Отцы Василий со Григорием, стяжанием наук, во Афинах учився, Нектарие; темже твоими богоблагодатными даровании наслаждающеся тебе вопием:
Радуйся, верное послушания чадо;
Pадуйся, твердое благочестия основание.
Радуйся, мира суетнаго превышший;
Pадуйся, миру неложному приложивыйся.
Радуйся, ум богоносный, исполнь Божественных разумений;
Pадуйся, угль, воспламеняяй Божественнаго Духа огнь умный.
Радуйся, началосветлыя образы воистинну прозревый;
Pадуйся, плоды учения земнаго Богу Небесному вознесый.
Радуйся, любовь Христову исполнивый житием;
Pадуйся, добродетелей цветение возобразивый духом.
Радуйся, верных новоутвержденная оградо;
Pадуйся, врагов смертоносное поражение.
Радуйся, Нектарие, Эгинский чудотворче.

Кондак 4

Ревностию исполненный ко Господу Богу нашему, блаженне Нектарие, преподобных Отцев равноангельнаго жития вожделев, на Хиосе облечеся благочестно во иноческий образ небесный и врага низложи во еже пети присно Господеви: Аллилуиа.

Икос 4

Услыша твою молитву Владыка небесе и земли, егда взываше к Нему из сердца, и повеле морю, — и преложися в тишину морское волнение, преподобне: дивящееся же вси спасеннии, верно вопияху:
Радуйся, источниче чудес неисчерпаемый;
Pадуйся, исцелений реко приснотекущая.
Радуйся, света духовнаго преозарение;
Pадуйся, благодати Божественныя доброзрачное сияние.
Радуйся, сосуде многочестный даров небесных;
Pадуйся, саде новосажденный добродетелей райских.
Радуйся, яко морское треволнение утишаеши;
Pадуйся, яко словом любве всякое зло изобличаеши.
Радуйся, Христов новый избранниче;
Pадуйся, благодати усердный провозвестниче.
Радуйся, Духа Истины обретый познание;
Pадуйся, Источника Жизни напоенный струями.
Радуйся, Нектарие, Эгинский чудотворче.

Кондак 5

Дивен явился еси в последния дни, святителю Христов, отче Нектарие, в житии праведнем изобразив явственнейше нравы твоими житие древних богоносных святых, и, прославлен чудесы, от напастей спасаеши всех, вопиющих Богу: Аллилуиа.

Икос 5

Избранием богоразсудным иерарх богомудрый воистинну показался еси во Египте и Пентаполю пастырь явился еси Божественный, аки Павел великий; темже убо житию твоему дивляхуся вернии людие, вопиюще:
Радуйся, за законы отеческия твердо подвизавыйся;
Pадуйся, на камени заповедей Господних стопы твоя утвердивый.
Радуйся, во Египте учение истинное возвестивый;
Pадуйся, паству твою от Египта мысленнаго спасый.
Радуйся, палато кротости и любве сокровище;
Pадуйся, просвещение разума и мудрости вместилище.
Радуйся, яко явился еси Церкве земныя украшение;
Pадуйся, яко показался еси верных благое утверждение.
Радуйся, правило изряднаго жития;
Pадуйся, образе благочестия и мудрости.
Радуйся, иерарше, веру православную возвысивый;
Pадуйся, писаньми твоими зловерие обличивый.
Радуйся, Нектарие, Эгинский чудотворче.

Кондак 6

Украшение Христовы Церкве во Египте явился еси, Нектарие, яко Евангелия делатель истинный; сего ради стяжавше тя водителя Божественнаго, отче, верных лицы лучшему поучахуся, вопиюще с тобою Господеви: Аллилуиа.

Икос 6

Возсиявый яко Апостол иный во стране Эллинстей, озаряеши благочестивых сердца сиянием Божественных учений и светом жития твоего, преподобне; темже убо светлостию твоею световодимии верно вопием:
Радуйся, таинство Триипостаснаго Божества прославивый;
Pадуйся, апостольскую ревность стяжавый.
Радуйся, силу Божию в немощи явивый;
Pадуйся, исцелений благодать показавый.
Радуйся, витие боговещанный глаголов жизни;
Pадуйся, водителю премудрый слова Благодати.
Радуйся, яко очищаеши душевная расположения;
Pадуйся, яко сообразуеши сердечная смотрения.
Радуйся, верных учителю великий;
Pадуйся, Христа таинниче преизрядный.
Радуйся, тайноводителю во Обители Небесныя;
Pадуйся, стяжавый в мире обогащающую нищету.
Радуйся, Нектарие, Эгинский чудотворче.

Кондак 7

Велий во иерарсех и премудрых учителех яко таинник смирения явился еси, Нектарие: твоя богомудрая писания оставил еси Церкви, святе, имиже верно услаждающеся, Прославльшему тя Богу вопием: Аллилуиа.

Икос 7

Нектар праведности и благодати Божия росу, чудотворче святый Нектарие, аки облак духовный во время бездождия нам даровал еси, веселя души наша и подвизая вопити тебе:
Радуйся, росо утешения;
Pадуйся, дыхание нетления.
Радуйся, воду благодати нам источивый;
Pадуйся, исцелений струй отверзый.
Радуйся, весно святости в зиме духовней;
Pадуйся, сияние новопросвещенное во мраце ветсем.
Радуйся, даром чудес обогащенный;
Pадуйся, духом разсуждения преосененный.
Радуйся, исцелителю недугов всехвальный;
Pадуйся, наставниче во благодати преизрядный.
Радуйся, демоны аки пламень пожигаяй;
Pадуйся, страстей душепагубных свобождаяй.
Радуйся, Нектарие, Эгинский чудотворче.

Кондак 8

Странная чудеса, отче, рака твоих мощей источает и спасает яже в трудех скончавающих житие свое: сего ради во обитель твою святую отвсюду стекаются людие, цельбы и избавления многоразличная от тебе получающе и вопиюще Богу: Аллилуиа.

Икос 8

Пристанище необуреваемое, блаженне, на острове Эгинстем явил еси обитель твою Божественную, в нейже инокинь честных окормитель мудрый соделался еси, о Христе сия, преподобне, мудро наставляя, вопиющия:
Радуйся, похвало девства;
Pадуйся, образе монашескаго жития.
Радуйся, смиренномудрия гроздие преукрашенное;
Pадуйся, долготерпения сокровище Божественное.
Радуйся, священнаго безмолвия преосенение;
Pадуйся, трезвения духовнаго благорастворение.
Радуйся, воздержания святилище чистое;
Pадуйся, богоподобия одушевленное изображение.
Радуйся, святолепное осияние целомудрия;
Pадуйся, богоизбранное изваяние чистоты.
Радуйся, оросивый душу твою слезами покаяния;
Pадуйся, тех струями обновивый зрение духовное.
Радуйся, Нектарие, Эгинский чудотворче.

Кондак 9

Исполнена есть благодати Божественныя и обоняния небеснаго рака мощей твоих, Нектарие, угодниче Христов: имже не токмо обитель твоя, но и весь остров Эгинский радуется, и вси освящаются сих благодатию, вопиюще Богу: Аллилуиа.

Икос 9

Струй Божественныя источают многоцелебныя мощи твоя, чудотворче святый Нектарие, богатым даром небесным исцеления многим подают и недугов скверну омывают: темже дивящеся славе твоей, юже стяжал еси, усердно вопием:
Радуйся, проповедниче благодати невозбранный;
Pадуйся, возвестителю истины нелицемерный.
Радуйся, скорый помошниче в бедах;
Pадуйся, велие утешение в напастех.
Радуйся, источник многотекущий милосердия Отчаго;
Pадуйся, гроздие сладчайшее веселия духовнаго.
Радуйся, яко раковаго мучительства прекращаеши недуг;
Pадуйся, яко демонскую разрушаеши дерзость.
Радуйся, мудрецов суетных смущение;
Pадуйся, верных нерушимое единение.
Радуйся, щите веры, имже вернии ограждаются;
Pадуйся, вещание истины, имже буесловы обращаются.
Радуйся, Нектарие, Эгинский чудотворче.

Кондак 10

Покров тя и предстателя всяк верный именует, улучая от тебе помощь: кто бо, призвав тя с верою, не получил еси твоея, отче, благодати? Всем бо скоро просимое подаеши, внегда звати: Аллилуиа.

Икос 10

Многих твоих чудес во вся концы изыде вещание, богоносне и всеблаженне Нектарие, ты бо ближним и дальним поспешаеши на помощь, святе, и спасаеши бедствующия, и предстательствуеши вопиющим:
Радуйся, чудотворяй предивно велия и преславная;
Pадуйся, подаваяй всем яже ко спасению благопотребная.
Радуйся, древняя исполнивый во дни наша;
Pадуйся, пророчески предреченная показавый ныне.
Радуйся, истинныя веры торжество;
Pадуйся, спасительное христиан прибежище.
Радуйся, яко являеши истины славу;
Pадуйся, яко заграждаеши беззакония уста.
Радуйся, радосте верных и утверждение;
Pадуйся, душ смятенных веселие и крепосте.
Радуйся, имже Христос прославися;
Pадуйся, имже сатана посрамися.
Радуйся, Нектарие, Эгинский чудотворче.

Кондак 11

Песнь благодарственную тебе воспеваем, блаженне Нектарие, угодниче Христов, спасаемии твоими предстательствы, во всякой бо нас нужде от нашедших свобождаеши скорбей: темже твое заступление проповедуем, Христу поюще: Аллилуиа.

Икос 11

Попаляеши демонское лютое неистовство огнем священных чудес твоих, чудотворче Нектарие, и скоро помогая верным, тяжких болезней угашаеши зной, исцеляя страждущия, вопиющия ти во умилении:
Радуйся, пучино щедрот неистощимых;
Pадуйся, море чудес недомыслимых.
Радуйся, болящих исцеление;
Pадуйся, разслабленных скорое исправление.
Радуйся, унынием плененных основание;
Pадуйся, отчаянных прибежище.
Радуйся, возстание падших и вразумление;
Pадуйся, заблуждающих наставление.
Радуйся, источниче, благодарования источаяй;
Pадуйся, светильниче, омраченныя просвещаяй.
Радуйся, благочестия богодарованная сило;
Pадуйся, утешителю всех приходящих к тебе.
Радуйся, Нектарие, Эгинский чудотворче.

Кондак 12

Благодать Утешителя богатно излияся от раки честных мощей твоих: гроб бо твой святый, Нектарие, яко приснотекущий источник точит непрестанно исцеления и напояет Божественными струями благодати всех, вопиющих Господеви: Аллилуиа.

Икос 12

Воспевая всесовершенно Трисвятую песнь Богови с лики ангельскими, Нектарие, воззри свыше на нас и даруй, всесвяте, вся потребная верою к тебе притекающим и не престающим вопияти:
Радуйся, отрасле Силиврии благословенная;
Pадуйся, Эгины известная похвало.
Радуйся, Эллады велие украшение;
Pадуйся, чудотворче, во всем мире прославивыйся.
Радуйся, образе иерархов честных;
Pадуйся, монашествующих покрове и спасение.
Радуйся, Церкве светило новосветлое;
Pадуйся, Православия неколеблемое утверждение.
Радуйся, имже страстей очищение приимем;
Pадуйся, имже к Богу восхождения улучим.
Радуйся, возсияваяй в сердцах наших свет Господень;
Pадуйся, и о мне ходатаю ко Творцу.
Радуйся, Нектарие, Эгинский чудотворче.

Кондак 13

О Божественный отче, православных христиан верное упование, Нектарие, святителю Христов, престолу Господню предстоя ныне, испроси нам у Христа Бога прегрешений оставления и всемилостиваго снизхождения, яко да возопием Ему всечестно: Аллилуиа.

Этот кондак читается трижды

Икос 1

Человек небомудренный явился еси в мире, Нектарие, святителю Христов: житие бо преподобное исправив непорочно, свят и богоприятен во всем нареклся еси; сего ради слышиши от нас:
Радуйся, от юности Бога возлюбивый;
Pадуйся, во юдоли плачевней светлое восхождение положивый.
Радуйся, мудрости сосуде златозданный;
Pадуйся, проповедниче благодати невозбранный.
Радуйся, доме святейший действа Божественнаго;
Pадуйся, книго богоизваянная жития новаго.
Радуйся, яко ныне поревновал еси святым;
Pадуйся, яко ангелов исполнил еси веселия.
Радуйся, преподобных отцев прекрасная доброто;
Pадуйся, иерархов Христовых благое украшение.
Радуйся, имже Церковь Христова ликовствует;
Pадуйся, имже остров Эгинский радуется.
Радуйся, Нектарие, Эгинский чудотворче.

Кондак 1

Православия звезду новосветлую и Церкве новозданное ограждение воспоим в веселии сердечнем Нектария богомудраго. Прославлен бо Духа действом, исцелений точит благодать независтную вопиющим:
Радуйся, Нектарие, Эгинский чудотворче.

Молитва святителю Нектарию

О Богомудрый и всесвятый отче Нектарие, святителю Христов, чудотворче великий и преславный. К тебе ныне прибегаем верою и любовию чтущии тя, похвалы сия приносяще от всего сердца и помышления. Ты, угодниче Божий, явился еси ныне яко звезда утренняя, озаряющая мира сего помраченныя концы светом благодати Христовой, юже стяжал еси неложно смиренным житием твоим и кроткими нравы, нетленных и премирных обетований сподобльшеся. Сего ради мы, недостойнии, молим тя прилежно: отче святый Нектарие, не забуди нас, к тебе усердно притекающих. Свет сый ныне, просвети души наша, помраченныя страстьми, озари наш ум и обнови помышления во еже поучатися нам Божественным и священным образом и нектому о суетных пещися. Утверди нас, преподобне отче, в вере, надежде и любви ко Господу Богу нашему, исцели болезни душевныя и телесныя, буди нам покров и прибежище в скорбех и напастех, вразумление и исправление во гресех, благодать независтную подающе всегда, яко да прославим Единаго Истиннаго Бога, дивнаго во святых Своих, Отца и Сына и Святаго Духа, ныне и присно и во веки веков. Аминь.

Молитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.