Акафист святому Апостолу и Евангелисту Иоанну Богослову

Святой апостол Иоанн Богослов – автор Евангелия от Иоанна, трех Посланий и книги “Апокалипсис” (или “Откровение”). Один из четырёх Евангелистов, ближайший и любимый ученик Иисуса Христа.

О чем молиться

Святому апостолу Иоанну Богослову молятся об укреплении в вере, даровании любви к Богу и ближним. Также его просят о обращении отступивших от истины.

Кроме тропарей и молитв, святому апостолу и Евангелисту Иоанну составлен акафист. Его можно читать дома или в храме. Также чтение акафиста включается в чин молебна. Заказать молебен можно почти в любом храме или обители. Сейчас приходы принимают требы онлайн, что очень помогает тем, кто не имеет возможности лично приехать в храм. Но будет лучше если все-таки самим присутствовать на молебне или в это время помолиться дома - хотя бы кратко.

Житие

Святой апостол и евангелист Иоанн Богослов был внуком праведного Иосифа Обручника. Его мать звали Саломией и она была дочерью Иосифа. Отца звали Зеведей. О призвании Господом Иоанна и его старшего брата Иакова говорится в Евангелии (Мк. 1:19–20). Братья рыбачили на Генисаретском озере, когда Христос сказал им следовать за Ним. Братья тут же оставили свои сети и стали последователями Христа. Вместе с апостолом Петром, они были ближайшими Его учениками. Апостола Иоанна Господь особенно любил за чистоту и жертвенную любовь. Вместе с Иаковом и Петром он был в доме Иаира во время воскрешения его дочери Господом. Они же присутствовали в момент Преображения на горе Фавор. Во время Тайной Вечери Иоанн возлежал на персях Спасителя и первым узнал, кто предаст Его.

Иоанн, единственный из учеников, не испугался и не убежал, когда иудеи взяли Спасителя. Он вместе с Матерью Божией стоял у подножия Креста, на котором был распят Спаситель. Здесь он услышал слова Христа: "Жено, се сын Твой" и к нему: "Се Мати твоя" (Ин. 19:26, 27).

С тех пор апостол Иоанн взял Богоматерь в свой дом и заботился о Ней, служил Ей до самого Ея Успения.

После Успения Пресвятой Богородицы апостолы кинули жребий, кому в какую страну идти проповедовать Евангелие. Апостолу Иоанну по жребию достался Ефес и другие города Малой Азии.

Иоанн, вместе со своим учеником Прохором, отправился в указанные места. Во время морского плавания началась сильная буря. Корабль, на котором плыли Иоанн и Прохор, разбился. Все путешественники оказались выброшены на сушу. Только апостол остался в бушующем море.

Прохор горько плакал, считая, что навсегда лишился своего наставника, но пошел в Ефес. Через две недели он проходил по морскому побережью и заметил что волна выбросила на берег человека. К своей радости, он узнал в нем апостола Иоанна, которого Бог чудесно сохранил в море невредимым.

Иоанн и Прохор вместе пришли в Ефес, где апостол много проповедовал о Христе, совершал чудеса. Многих язычников он обратил ко Христу.

В это время император Нерон воздвиг страшное гонение на христиан. Апостола Иоанна также схватили и приговорили к смерти. Но Господь чудесно сохранил его и на этот раз. Иоанн выпил чашу с ядом и остался жив. Ему не повредил и котёл с раскаленным маслом, куда апостола бросили по приказу правителя.

Тогда его отправили в ссылку на остров Патмос. Там он прожил много лет и обратил ко Христу жителей острова. Он изгнал бесов из капищ, исцелял больных. Волхвы возненавидели его и всячески старались навредить. Один из них, именем Кинопс, особенно свирепствовал в желании погубить апостола. Но Иоанн победил все бесовские ухищрения с помощью которых действовал Кинопс. А сам волхв утонул в море.

Во время трехдневного подвига поста и молитвы на пустынной горе, апостол Иоанн получил от Бога откровение о судьбах мира и о Втором Пришествии Спасителя. Все услышанное записано им и содержится в книге “Апокалипсис”.

По окончании срока ссылки, апостол Иоанн вернулся в Ефес. Он продолжал обращать язычников ко Христу и наставлять христиан в вере и любви ко Господу и ближним. В Ефесе он написал свое Евангелие.

Церковь называет Иоанна “Апостолом Любви”. Когда Иоанн был уже стар и не мог проповедовать, он повторял своим ученикам: «Дети мои, любите друг друга».

Узнав о юноше, который отошел от пути истинного и стал главарем разбойников, апостол сам отправился за ним и смог спасти заблудшего.

Апостол Иоанн пережил всех остальных ближайших учеников Христа и умер в возрасте более ста лет.

Зная о приближении своей кончины, апостол взял семь ближайших учеников и вышел с ними за город. Там, по его повелению, ученики выкопали могилу в форме креста. Иоанн лег в неё и велел засыпать себя землёй. Ученики плакали, но не посмели ослушаться.

Когда они вернулись в Ефес и рассказали о происшествии, то остальные ученики пришли и раскопали могилу. Однако тела апостола в ней не было. По преданию, Господь забрал любимого ученика на Небо вместе с телом, так же как Богородицу.

Однако через полгода, весной, на могиле святого появился тончайший прах, от которого стали происходить чудеса и исцеление. Это чудо повторялось несколько столетий.

Иоанн - единственный из апостолов назван Богословом. И единственный, кто умер не мученической смертью. На иконе он изображается с орлом – символом парения духа.

Церковь празднует день памяти святого:

• 9 октября,
• 21 мая,
• 13 июля в Собор Двенадцати Апостолов.

Акафист святому Иоанну Богослову

Кондак 1

Избранный Господем от мрежей рыбарских на проповедь Евангелия и от ловли рыб на уловление человеков во свет истиннаго боговедения, великий Апостоле, учениче, друже и наперсниче Христов, моли единаго истиннаго Человеколюбца, Егоже ты приискренне возлюбил еси, да помилует нас, ищущих твоего к Нему предстательства и зовущих ти:

Радуйся, Иоанне Апостоле, наперсниче Христов и Богослове.

Икос 1

Ангельских сил и всякия твари Творца, Владыку и Господа, восприемшаго плоть нашу и явльшагося на земли спасения нашего ради, узрев ходяща при мори Галилейстем и взывающа тя со братом твоим, Иоанне блаженне, в звание апостольства, оставль мрежи рыбарския и отца твоего в корабли, неуклонно оттоле последовал еси стопам Спасителевым. Сего ради вопием ти сице:

Радуйся, любве ради ко Христу отца по плоти оставивый; радуйся, Христом Небеснаго Отца обретый.

Радуйся, мир и вся его прелести презревый; радуйся, небесная благая в воздаяние получивый.

Радуйся, плоть духу совершенно поработивый; радуйся, дух твой Сладчайшему твоему Учителю Иисусу покоривый.

Радуйся, Иоанне Апостоле, наперсниче Христов и Богослове.

Кондак 2

Видя Христос Господь непорочную чистоту твоего сердца, плотскими сластьми не омраченную, суди тебе достойна быти зрения таинственных откровений, яко да, проницая во глубину богословия, возможеши проповедати тое во услышание всего мира. Сего ради «сын громов» от Господа наречен был еси и Тому возопил еси: Аллилуиа.

Икос 2

Разумом истиннаго богопознания озаряя твою душу, шествовал еси вослед Благаго Учителя твоего, поучаяся из уст Его исходящей премудрости, и совершеннаго ради твоего незлобия и девственнаго целомудрия был еси возлюблен Христом Господем твоим. Услыши убо ны, воспевающия ти сице:

Радуйся, незлобия рачителю; радуйся, девства и чистоты хранителю.

Радуйся, любве к Богу и ближним учителю; радуйся, добрых нравов наставниче.

Радуйся, смиренномудрия зерцало; радуйся, Божественныя благодати светило.

Радуйся, Иоанне Апостоле, наперсниче Христов и Богослове.

Кондак 3

Силу Божества Христова, сокрытую под облаком немощнаго человеческаго естества, познал еси явно, егда Господь наш, воскрешая дщерь Иаирову и последи преображаяся на Фаворе, сподоби тя со инема двема ученикома свидетеля быти таковых преславных чудес. Уведев же, яко Христос есть Бог истинный, из глубины сердца твоего воззвал еси Ему: Аллилуиа.

Икос 3

Имея велие дерзновение к возлюбившему тя Христу Сыну Божию, возлегл еси на персех Его при совершении Тайныя Вечери, и егда прорицаше Господь о предателе Своем, тогда един ты дерзнул еси вопросити о имени его. Сего ради вопием ти:

Радуйся, возлюбленный Христов учениче; радуйся, присный Его друже.

Радуйся, невозбранно на персех Господних возлежавый; радуйся, дерзновенно о имени предающаго вопросивый.

Радуйся, паче иных ко Христу ближайший; радуйся, словеса Господня, якоже сокровище многоценное, слагавый в сердце своем.

Радуйся, Иоанне Апостоле, наперсниче Христов и Богослове.

Кондак 4

Буря ярости и злобнаго неистовства жестокосердых и неблагодарных иудеев, егда воста на Христа Сына Божия, тогда вси ученицы Его, страхом объяти бывше, бежаша; но ты, любовь крепльшую к Нему имея, даже до Креста и смерти не отступил еси от Него, на вся муки Христовы взирая и соболезнуя сердцем Деве Матери Божией, плачущей и рыдающей. Удивляяся же крайнему милосердию и долготерпению Божию, взывал еси к Пострадавшему за род человеческий: Аллилуиа.

Икос 4

Вися на Кресте пригвожденный за грехи наша Спас мира и видев тя и Матерь Свою предстоящия, сына тя Преблагословенней Деве Богородице вдал есть, глаголя Ей: «Жено, се сын Твой, - и тебе паки: - Се Мати твоя». Мы же, дивящеся любви Христове, на тебе явленней, воспеваем сице:

Радуйся, сын Божия Матере быти сподобивыйся; радуйся, того ради наипаче ко Христу, яко некиим духовным родством, присвоивыйся.

Радуйся, Матери Божией достойно послуживый; радуйся, Сию, якоже матерь свою, во всякой чести у себя имевый.

Радуйся, и во Успении честное и святое Ея тело ко гробу проводивый; радуйся, со блистающеюся райскою ветвию, Архангелом Гавриилом принесенною, одру Ея предшедый.

Радуйся, Иоанне Апостоле, наперсниче Христов и Богослове.

Кондак 5

Боготечная звезда явился еси во Асии, отшед в ню на проповедание слова Божия, якоже жребием указася тебе. Но на пути твоем попусти Господь быти тебе ввержену в море: благодать же Божия, всегда с тобою пребывающая, сохрани тя в водах морских жива, и по четыренадесятих днех повеле волне морстей, да воспенившися извержет тя на брег. Егда же узре сия ученик твой Прохор, уже много плакавый о кончине твоей, велиим гласом воззва чудодействующему Богу: Аллилуиа.

Икос 5

Видевше ефесстии жителие преславное чудо, тобою сотворенное, егда отрока Домна, умерщвленнаго от беса, молитвою твоею воскресил еси, воспеша велегласно силу Бога, тобою им проповеданнаго, и избавльшеся от гнуснаго идолослужения, взываху тебе сице:

Радуйся, истиннаго Бога служителю; радуйся, бесов прогонителю.

Радуйся, мертвецы силою Христовою оживляяй; радуйся, тою жизнь и здравие людем возвращаяй.

Радуйся, помраченныя умом к Свету Истины призываяй; радуйся, правыя веры просвещением к добродетели наставляяй.

Радуйся, Иоанне Апостоле, наперсниче Христов и Богослове.

Кондак 6

Проповедник богоносный слова Божия во Ефесе был еси, и, усердствуя о распространении благодати евангельския, утверждал еси твое учение знаменьми великими и чудесами, капище же Артемидино единою молитвою низпровергл еси, да зряще сие, язычницы познают Единаго Бога, Емуже мы вопием: Аллилуиа.

Икос 6

Возсия во Ефесе, якоже солнце, свет веры Христовы, тобою проповеданныя, егда злочестивый Дометиан воздвиже гонение на христианы; тогда и тебе, яко усерднаго исповедника имене Христова, посла епарх в Рим связана, идеже и претерпел еси страшная мучения. Тех ради благочестно возглашаем ти сицевая:

Радуйся, Христова ради исповедания биенный; радуйся, чашу смертоноснаго яда невредно испивый.

Радуйся, в котле елеа кипящаго не сваривыйся; радуйся, силою Христовою в лютых мучениих цел сохранивыйся.

Радуйся, твоим невреждением кесаря, мучащаго тя, устрашивый; радуйся, сим же народ о величествии Бога, от христиан почитаемаго, уверивый.

Радуйся, Иоанне Апостоле, наперсниче Христов и Богослове.

Кондак 7

Егда узре мучитель, яко и лютейшия муки, яже от него претерпел еси, не возмогоша умертвити тебе, тогда, возмнев тя безсмертна быти, во остров Патмос на изгнание осуждает. Ты же, повинуяся Промыслу Божию, тако благоволившему, благодарственно воспевал еси Богу, вся во благое устрояющему: Аллилуиа.

Икос 7

Новая чудеса показал еси язычником, ища обратити их ко спасительной вере Христове, егда плывущу ти во изгнание твое, повелением твоим отрока утопшаго море на корабль жива изверже, буря укротися, вода сланая в сладкую претворися, воин от чревнаго недуга исцелися, и по пришествии твоем в Патмос, бес пытливый, будущая прорицавый, из одержимаго им изгнася. Тогда вси зрящии таковая дивная знамения, тобою совершаемая, прихождаху к познанию Триипостаснаго Бога и крещахуся. Мы же тя ублажаем тако:

Радуйся, морю и бури повелеваяй; радуйся, сатанинския духи от человек изгоняяй.

Радуйся, болезни единым словом исцеляяй; радуйся, всем в нуждах помощь подаваяй.

Радуйся, чудесы твоими идолопоклонники удививый; радуйся, учением твоим неверныя во истенней вере утвердивый.

Радуйся, Иоанне Апостоле, наперсниче Христов и Богослове.

Кондак 8

Странно бе видети жрецем Аполлоновым, яко храм бога их и вся бывшия в нем идолы ты единым словом на землю низпровергл еси. Чудящеся убо о сем и ярящеся на таковое твое дерзновение, идоша к волхву некоему, велию силу от сатаны в себе имевшему, просяще его, да отмстит безчестие бога их; он же, слеп сый душею, не ведая силы, в тебе обитающия, покушашеся привидении различными тебе устрашити и на тя народ подвигнути: обаче сам окаянный погрузися в море и тамо погибе, безсильным бывшим бесом спасти его, ты бо воспретил еси им именем Иисуса Христа Сына Божия, Егоже прослави народ, чудесе свидетель, воспев: Аллилуиа.

Икос 8

Весь исполнен быв любве Божественныя, явился еси вместилище даров Святаго Духа: будущая прорицал еси, отстоящая, яко близ сущая, возвещал еси, недужныя исцелял еси, жене игемона на острове Патмосе, в болезни рождения страждущей, едва на праг дому ея вступив, облегчение даровал еси. Приими убо от нас, грешных, похвалы сицевыя:

Радуйся, благодати Божия вместилище; радуйся, Духа Святаго обиталище.

Радуйся, реко чудоточная цельбоносныя в болезнех силы; радуйся, источниче наставлений, приводящих к познанию правыя веры.

Радуйся, коварства лукаваго сатаны обличаяй; радуйся, верныя от козней его защищаяй.

Радуйся, Иоанне Апостоле, наперсниче Христов и Богослове.

Кондак 9

Всякое беззаконие истребляя ревностно от среды людей, к нимже послан был еси, обличил еси прельщение идолопоклонников, иже почитаху беса, во образе волка превелика людем являвшагося, и многия от них к вере Христове привел еси: таже капище Вакхово молитвою твоею разрушил еси, и волхва Нукиана вкупе с домашними его к покаянию чудесы твоими обратил еси. Тии же, от греха ко спасению обратившеся, немолчно взываху Богу: Аллилуиа.

Икос 9

Витийство мудрости человеческия не возможет изрещи, ниже ум плотскаго человека постигнути, яже ты возвестил еси нам о безначальнем бытии Триипостаснаго Бога: подобно бо Моисею, во громех и блистаниих на горе приял еси от Бога тайну богословия и возгласил еси миру, яко в начале бе Слово, Отцу искони неразлучное и всему сущему виновное, имущее Свет Жизни, Егоже тьма не может объяти. Озаряеми таковым облистанием света Божественныя Истины, почитаем тя яко таинника Безначальныя Троицы и воспеваем тя яко Богослова совершеннейшаго:

Радуйся, орле, воспаривый до самаго огнеобразнаго Престола Божия; радуйся, трубо, возвестившая миру Предвечнаго и Безначальнаго Бога.

Радуйся, человечество и Божество Христово нам изъясняяй; радуйся, дивная словеса и наставления Господня во Евангелии твоем нам возвещаяй.

Радуйся, любви делом и истиною нас научаяй; радуйся, пребывающим в любви пребывание в них Бога обещаваяй.

Радуйся, Иоанне Апостоле, наперсниче Христов и Богослове.

Кондак 10

Спасти хотя души человеческия, всяко поучал еси люди веровати во Христа Сына Божия, имети совесть незазорну и любити друг друга, да возмогут не токмо зде, но и в селениих праведных воспети лепотно Всемогущему Богу: Аллилуиа.

Икос 10

Стены Горняго Иерусалима узрев во откровении, возвестил еси нам, яже тамо видел еси и яже имут быти до скончания мира, сказуя нам сие иносказательными словесы, яже может разумети только ум, имеяй мудрость. Удивляющееся таковому дару пророчествия, тебе от Бога дарованному, воспеваем тя сице:

Радуйся, познанием Сущаго и Иже бе и Грядущаго превозшедый естество человеческое; радуйся, вместилище таинств, невместимых человеческим умом, бывый.

Радуйся, неизреченная Божия откровения узревый; радуйся, сия верным преподавый.

Радуйся, радости святых еще в жизни сей познавый; радуйся, оными ныне в преизбыточествии наслаждаяйся.

Радуйся, Иоанне Апостоле, наперсниче Христов и Богослове.

Кондак 11

Пение благодарственное принесе тебе, святый Апостоле Иоанне, христианин, иже в нищету пришед и не имый чим воздати своим заимодавцем, во отчаяние впаде и искаше сам себе умертвити; ты же, проповедник любве ко ближним сый, желая избавити того от временныя и вечныя смерти, крестным знамением сено во злато претворил еси и сие тому вручил еси, да сим златом и долги отдаст заимодавцем, и дом свой пропитает, Богу же, тобою его облагодетельствовавшему, да поет: Аллилуиа.

Икос 11

Светозарная душа твоя, достигши в меру возраста совершеннаго, познала есть приближение времене, егда подобает тленному наследити нетление и смертному обещанное безсмертие. Скончавая убо земное житие твое, повелел еси учеником твоим землею покрыти до верха тело твое; слышавше же о сем, сущии во граде братия приидоша ко гробу твоему и, откопавше, ничтоже в нем обретоша. Темже познавше, яко изменение твое сотворися не обычным человеческим смертным успением, воспеша тебе тако:

Радуйся, орле, обновивый юность твою приближением к Солнцу Славы Божия; радуйся, таковым изменением превозшедый вся уставы естества человеческаго.

Радуйся, по обетованию Благаго Учителя твоего возседый на единем от дванадесяти престолов; радуйся, творяй на том суд и правду посреде людей Божиих Израиля.

Радуйся, наслаждаяйся лицезрением Сладчайшаго Иисуса, к Немуже на перси прежде Его страсти и Воскресения возлегл еси; радуйся, от Его милосердия ходатайствуяй нам вся благая.

Радуйся, Иоанне Апостоле, наперсниче Христов и Богослове.

Кондак 12

Благодать дана бысть от Бога месту тому, идеже тело твое земли предано бяше, да испускает в день погребения твоего тонкий прах на исцеление болящим, показуя сим чудом, како прославляет Бог любящия Его, да вси, зряще сие, непрестанно сердцем и усты во дни и в нощи вопием Ему: Аллилуиа.

Икос 12

Поюще труды твоя во апостольстве и чудеса и исцеления, яже источал еси и источаеши благодатию Духа Святаго, в тебе обитаюшаго, восхваляем Бога, даровавшаго нам таковаго путеводителя, наставляющаго нас на путь спасения и милосердующаго о немощех наших. Приими убо от нас, святый Апостоле, похвалы сицевыя:

Радуйся, благовестниче веры Христовы усерднейший; радуйся, учителю Церкве Христовы изряднейший.

Радуйся, богословов начало и основание; радуйся, Божественных Таин возвестителю.

Радуйся, девствующих образе и целомудрия правило; радуйся, всех верных, ко твоему заступлению прибегающих, скорый помощниче и покровителю.

Радуйся, Иоанне Апостоле, наперсниче Христов и Богослове.

Кондак 13

О преславный и всехвальный Апостоле и Евангелисте, наперсниче Христов возлюбленный Иоанне! Твоим всесильным ходатайством ко Всеблагому твоему Учителю и нашему Владыце и Господу испроси нам вся благая временная и вечная и христианскую кончину жития нашего, да с тобою и со ангельскими лики в селении праведных воспоем Триипостасному Богу: Аллилуиа.

Этот кондак читается трижды.

Икос 1

Ангельских сил и всякия твари Творца, Владыку и Господа, восприемшаго плоть нашу и явльшагося на земли спасения нашего ради, узрев ходяща при мори Галилейстем и взывающа тя со братом твоим, Иоанне блаженне, в звание апостольства, оставль мрежи рыбарския и отца твоего в корабли, неуклонно оттоле последовал еси стопам Спасителевым. Сего ради вопием ти сице:

Радуйся, любве ради ко Христу отца по плоти оставивый; радуйся, Христом Небеснаго Отца обретый.

Радуйся, мир и вся его прелести презревый; радуйся, небесная благая в воздаяние получивый.

Радуйся, плоть духу совершенно поработивый; радуйся, дух твой Сладчайшему твоему Учителю Иисусу покоривый.

Радуйся, Иоанне Апостоле, наперсниче Христов и Богослове.

Кондак 1

Избранный Господем от мрежей рыбарских на проповедь Евангелия и от ловли рыб на уловление человеков во свет истиннаго боговедения, великий Апостоле, учениче, друже и наперсниче Христов, моли единаго истиннаго Человеколюбца, Егоже ты приискренне возлюбил еси, да помилует нас, ищущих твоего к Нему предстательства и зовущих ти:

Радуйся, Иоанне Апостоле, наперсниче Христов и Богослове.

Молитва первая

О великий Апостоле, Евангелисте громогласный, Богослове изящнейший, тайноведче неизреченных откровений, девственниче и возлюбленный наперсниче Христов Иоанне! Приими нас, грешных, под твое сильное заступление прибегающих. Испроси у Всещедраго Человеколюбца Христа Бога нашего, Иже пред очесы твоими Кровь Свою за ны, непотребныя рабы Своя, излиял есть, да не помянет беззаконий наших, но да помилует нас и сотворит с нами по милости Своей: да дарует нам здравие душевное и телесное, всякое благоденствие и изобилие, наставляя нас обращати оная во славу Его, Творца, Спасителя и Бога нашего, по кончине же временныя жизни нашея от немилосердных истязателей на воздушных мытарствах да избавит нас, и тако да достигнем, тобою водимии и покрываемии, Горняго онаго Иерусалима, егоже славу ты во откровении зрел еси, ныне же нескончаемыя радости наслаждаешися. О великий Иоанне! Сохрани вся грады и страны христианския, храм сей, служащих и молящихся в нем от глада, губительства, труса и потопа, огня и меча, нашествия иноплеменных и междоусобныя брани; избави нас от всякия беды и напасти и молитвами твоими отврати от нас праведный гнев Божий, и Его милосердие нам испроси, да вкупе с тобою сподобимся прославляти в невечернем дни пресвятое имя Отца и Сына и Святаго Духа во веки веков. Аминь.

Молитва вторая

О, великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елика согрешихом от юности нашея во всем житии нашем делом, словом, помышлением и всеми нашими чувствы; во исходе же душ наших помози нам, грешным, избавитися от воздушных мытарств и вечнаго мучения, да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.

Молитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.