Акафист великомученице Анастасии Узорешительнице

Святая великомученица Анастасия жила в Риме и приняла мученическую кончину во время гонений на христиан, воздвигнутых нечестивым императором Диоклетианом.

О чем молятся

Прежде всего святой великомученице Анастасии молятся о том, чтобы не умереть без Святого Причащения. Так, во время Великой Отечественной Войны было несколько случаев, когда святая являлась воинам и причащала тех, кто должен был погибнуть в бою.

Святой Анастасии Узорешительнице молятся о заключенных в темницах, страдающих в плену. Ее просят об облегчении участи узников, или об освобождении невинно страждущих.

Также нужно молиться святой об избавлении нас из плена страстей, из греховной темницы.

Поскольку святая Анастасия при жизни сохранила девство, несмотря на посягательства нечестивого супруга-язычника и жреца Ульпиана, то ей также следует молиться тем, кто желает сохранить свою чистоту.

Кроме того, великомученице молятся об исцелении болезней, об облегчении состояния болящих. А так как святая при жизни овладела врачебным искусством, то ей молятся и врачи, прося помощи в своем деле.

Краткое жизнеописание святой

Святая великомученица Анастасия была родом римлянка. Отец Анастасии служил языческим богам, а мать втайне чтила Христа. Мать выбрала для дочери и учителя – христианина, благочестивого и образованного Хрисогона. Однако мать Анастасии рано умерла, а отец выдал дочь против ее воли за язычника Помплия. Однако Анастасия, притворившись больной, смогла сохранить себя в девстве.

Одевшись в одежду простолюдинки и взяв с собой служанку, Анастасия посещала томящихся в темницах христиан. Она кормила их, перевязывала раны и даже выкупала узников. Однако служанка донесла Помплию о действиях госпожи. Разъяренный супруг подверг Анастасию мучениям и запер в доме. Святая имела утешение только в тайной переписке со своим учителем Хрисогоном. Он укреплял ее, призывал терпеть и предсказал, что супруг ее вскоре погибнет во время морского путешествия и она снова станет свободна.

Предсказание его вскоре сбылось. Помплий был отправлен с посольством в Персию и утонул во время путешествия.

Обретя свободу и став полной хозяйкой имения, святая Анастасия употребила его на службу бедным и страждущим. Она еще усерднее стала служить узникам, страдающим за Христа, за что и получила имя Узорешительницы.

Вскоре, по приказу Диоклетиана, был схвачен Хрисогон и отправлен в Аквилею, где в то время находился император. Анастасия издали следовала за ним. После казни святого Хрисогона, его тело, брошенное язычниками в море, было выброшено на берег и найдено пресвитером Зоилом, который спрятал мощи в своем доме. Святой Хрисогон явился Зоилу и предсказал, что вскоре пострадают за Христа три девы: Агапия, Хиония и Ирина, которые жили неподалеку. Он велел отправить к ним для наставления и укрепления святую Анастасию. Самому Зоилу святой предсказал скорую мирную кончину.

В тоже время святой мученик Хрисогон явился Анастасии и повелел ей идти к пресвитеру Зоилу. Святая исполнила указание своего учителя. Придя в дом пресвитера, она поклонилась мощам святого Хрисогона, затем укрепила перед мучениями святых дев, а после их блаженной кончины сама предала их тела погребению.

После этого святая отправилась в странствие, везде служила узникам Христовым, облегчая их страдания. К тому времени Анастасия уже владела врачебным искусством.

Во время путешествия Анастасия познакомилась с благочестивой молодой христианкой Феодотией, которая, как и она, была вдовой. Феодотия стала сопровождать Анастасию и помогать ей в служении узникам. Вскоре на обеих донесли правителю, который приказал взять их. В это время святая Анастасия находилась в Илирии. Придя по обычаю в темницу для служения узникам, Анастасия нашла ее совершенно пустой, так как ночью, по приказу Диоклетиана все заключенные христиане были уничтожены.

Анастасия стала горько плакать и темничные стражи поняли, что она христианка. Святую отвели к правителю, который угрожал ей муками, пытаясь заставить отречься от Христа. Не достигнув успеха, он передал ее во власть жреца Ульпиана. Тот положил перед святой с одной стороны роскошные одежды, драгоценные камни, золото и роскошные украшения, а с другой стороны - орудия пыток.

Невеста Христова не колеблясь отвергла богатство и избрала страдание за Христа. Однако Господу было угодно, чтобы она еще потрудилась в этом мире.

Красота Анастасии пробудила в Ульпиане нечистую страсть, и он захотел осквернить ее. Но как только он попытался прикоснуться к ней, как был поражен силой Божией и ослеп. Страдая от боли, он побежал к капищу, прося богов об исцелении, но по пути внезапно скончался. Обретя свободу, святая снова, вместе с Феодотией, продолжила подвиг служения узникам.

Вскоре была схвачена и святая Феодотия с тремя сыновьями. Все они смело исповедали Христа и после жестоких истязаний были брошены в раскаленную печь.

Затем схватили и святую Анастасию. Ее продержали в темнице два месяца без пищи и питья, пытаясь уморить голодом. Однако мученица осталась невредимой. Тогда правитель приказал утопить ее в море вместе с другими узниками.

Среди осужденных преступников на корабле был христианин Евтихиан. Воины вывели корабль в открытое море, просверлили в нем отверстия, а сами пересели в лодки. Но узников спасла святая Феодотия, которая явилась им, и сама вела корабль к берегу. Так 120 человек были чудесным образом спасены от смерти, уверовали во Христа и приняли святое крещение от Анастасии и Евтихиана. Последние вскоре были схвачены и преданы мучениям.

Святую Анастасию растянули крестообразно между четырьмя столбами, а под ней развели костер. Так мученица окончила свой земной путь и увенчалась венцом мученичества от Христа Спасителя нашего.

Тело ее не было тронуто огнем, и благочестивая христианка Аполлинария похоронила его в своем саду. В V веке честные мощи святой Анастасии были перенесены в Константинополь, и положены в храме ея имени.

Когда неподалеку от Афонской горы был основан монастырь в честь святой великомученицы Анастасии, ее глава и десница были перенесены туда.

Память святой Анастасии Узорешительницы празднуется 4 января по новому стилю.

Акафист святой Анастасии Узорешительнице

Кондак 1

Избранней угоднице Христовой, всеблаженней великомученице Анастасии похвальное пение приносим, яко имущей многое дерзновение ко Господу еже от всяких бед, скорбей и болезней свобождати верныя, и с любовию взываем сице:

Радуйся, всеблаженная великомученице Анастасие, узников святая посетительнице и молитвеннице о душах наших.

Икос 1

Ангелом уподобилася еси разумом чистым, познавши Того, Иже есть всего видимаго и невидимаго вечное начало и единый конец желаний всех благочестивых; мы же, восхваляюще мудрое обучение твое от святаго мученика Хрисогона, с любовию вопием ти:

Радуйся, возлюбившая веру Христову; радуйся, последовавшая благочестию матере твоея Фавсты.

Радуйся, соблюдшая чистоту девства твоего; радуйся, всегда невидимо охраняемая Ангелами.

Радуйся, чистотою твоею к Богу приблизившаяся.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 2

Видящи святая Анастасия, яко мнози христиане страждут в темницах за Имя и учение Иисус Христово, начат со усердием служити им, утешати же и целити я, содействующу Богу, со благоговением поющи: Аллилуиа.

Икос 2

Уразуме богомудрая Анастасия, яко вся мира сего красная тлению причастна суть, и того ради презревши светлыя одежды и утвари многоценны, тайно оболкшися во одежды нищих, вхождаше в темницы послужити исповедником Христовым; мы же, мысленно споследствующе ей, взываем к ней с любовию:

Радуйся, посетительнице заключенных в темницах; радуйся, утешительнице исповедников Христовых.

Радуйся, злато и сребро твое на них расточившая; радуйся, теми стяжавшая Царствие Небесное.

Радуйся, руце и нозе святых омывавшая и власы их очищавшая; радуйся, подражательнице Христова.

Радуйся, недуги их врачевавшая; радуйся, телеса их честне погребавшая.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 3

Силою укрепляема свыше, святая мученице, послужи благочестно святым и посрами ненавистника всякия добродетели диавола, наустившаго рабыню открыти деяния твоя пред мужем неверным; мы же, восхваляюще благотворения твоя, Анастасие, поем вкупе с тобою: Аллилуиа.

Икос 3

Имущи великую любовь о Господе ко всем, в темницах страждущим за имя Христово, еяже ради множицею биена бывши от невернаго мужа, напоследок в дому его себе темницу обрете; темже мужеству ея дивящеся, вопием к ней:

Радуйся, заповедей Христовых усердная хранительнице: радуйся, не словом точию, но и делом сия исполнившая.

Радуйся, душу свою за други положити готовая; радуйся, многое озлобление за Христа приявшая.

Радуйся. терпением своим адаманту крепкому уподобившаяся.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 4

Бурю ярости своея воздвиже на тя нечестивый мучитель муж твой, яко пленницу и рабу вмени тя, святая Анастасие; мы же, воспоминающе озлобления от него и страдания твоя, поем укреплявшему тя Господу: Аллилуиа.

Икос 4

Слыша блаженная Анастасия, яко много претерпе святый учитель ея Хрисогон за Христа, ему же и последова страданьми своими и тайно восписа ему сице: "Учителю! Чаю умрети и ничтоже ино остается, точию да испустивши дух, паду мертва". Мы же, чудящеся терпению твоему, глаголем сице:

Радуйся, не пощадившая плоти своея честныя; радуйся, желавшая расточити богатство твое Бога ради неимущим.

Радуйся, мудро куплю деющая; радуйся, едино имущая попечение о страждущих во узах.

Радуйся, с усердием им служившая; радуйся, небоязненно входившая в темницы.

Радуйся, невозбранно вшедшая в Чертог Небесный.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 5

Яко боготечная звезда явилася еси в римстей стране, великомученице Анастасие, посещающи страждущих за Христа в темницах и сердца их в вере утверждающи, да присно взывают с тобою Спасителю всех Богу: Аллилуиа.

Икос 5

Виде тя богоносный учитель твой Хрисогон в смущении и волнении мира сего сущу, повеле с пророком взывати тебе: "Вскую прискорбна еси, душе моя, и вскую смущаеши мя, уповай на Бога», мы же, поминающе скорбь и печаль твою, яже по Бозе, зовем ти:

Радуйся, возложившая все упование твое на Господа; радуйся, претерпевшая тесноту Царствия ради Небеснаго.

Радуйся, чистотою твоею со Ангелы жити на небесех сподобившаяся; радуйся, скорбьми твоими к Богу приблизившаяся.

Радуйся, сподобльшаяся зрети разумными очесы Господа Вседержителя; радуйся, молитвами твоими избавляющая нас от многих скорбей.

Радуйся, ходатайством твоим свобождающая от искушений.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 6

Проповедует весь мир христианский честныя подвиги твоя, великомученице Анастасие, и страдания твоя славит, мученическую кончину твою ублажает и поет Богу: Аллилуиа.

Икос 6

Возсияла еси паче солнца добродетельми твоими в великом граде Риме, егда исполнися предречение учителя твоего святаго Хрисогона о погибели безбожнаго мужа твоего. Свободна бо сущи, с вящшим усердием начала еси пещися о мученицех Христовых; мы же, взирающе с любовию на деяния твоя, глаголем ти сице:

Радуйся, усердная помощнице страждущим; радуйся, божественными словесы утешавшая друзей Христовых.

Радуйся, наставнице, имевшая велие попечение о трех девах: Агапии, Хионии и Ирине; радуйся, тех на подвиг мученичества укрепившая.

Радуйся, честная тела их на избранном месте положившая; радуйся, ум твой горе имевшая.

Радуйся, сердце твое жилище Святаго Духа соделавшая; радуйся, огнем любви к Богу всецело возгоревшая.

Радуйся, в крове крил Его небесный покров обретшая; радуйся, мужеством твоим врага спасения до конца низложившая.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 7

Хотение святаго Хрисогона, еже умрети за Христа, исполнися Божиим Промыслом; егда же узрела еси честныя мощи своего учителя страстотерпца, любезно их лобызающи, восплакалася еси, из глубины души износящи Богу песнь: Аллилуиа.

Икос 7

Новую благодать и силу дарова тебе Господь наш, егда восприяла еси подвиг преходити из града в град, посещающи во узах седящих. Мы же, последующе странствованию твоему, умильно вопием ти:

Радуйся, последовательнице стопам Христовым; радуйся, служительнице многим святым.

Радуйся, отрадо тяжко испытуемых; радуйся, надеждо ненадежных.

Радуйся, златом твоим купующая свободу верным от уз темничных; радуйся, Божественными словесы узы страха разрешающая.

Радуйся, молитвами твоими избавляющая нас уз греховных; радуйся, узорешительнице проименованная.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 8

Странствование твое со святою мученицею Феодотиею многим ослабу подаде: болящим дарова исцеление, многим умершим уготова погребение, живым на вящшия подвиги добродетели укрепление; нас же недостойных сподоби, святая, молитвами твоими пети разумно Богу: Аллилуиа.

Икос 8

Вся храмина темницы исполнися многим плачем и рыданиями твоими, егда рано притекши в ню по обычаю твоему и ни единаго же обретши от узник, за имя Христово всажденных, вси бо в нощь едину повелением злочестиваго царя смерти преданы быша; мы же, вспоминающе скорбь твою о друзех Божиих, взываем тако:

Радуйся, со усердием поискавшая в темницах рабов Христовых; радуйся, паки обретшая тех в небесных селениих.

Радуйся, вземшая с любовию на рамо свое крест Господень; радуйся, сподобльшаяся всюду зрети разумными очесы Господа Вседержителя.

Радуйся, за любовь твою к ближним велие дерзновение к Богу стяжавшая; радуйся, врачевание больным ниспосылающая.

Радуйся, Божиим велением полумертвых возставляющая; радуйся, чистотою уневестившаяся Христу.

Радуйся, великомученице прославленная.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 9

Нечестивии мучителие совет сотвориша на тя, страстотерпице непобедимая, хотяще приклонити тя ко идольскому служению; ты же небоязненно взывала еси к ним: "Раба Христова есмь, и пою Ему день и нощь: Аллилуиа".

Икос 9

Витийствова с тобою начальнейший жрец идольский, хотяй лестию уловити святую душу твою; ты же, познавши всю хитрость вражию, посрамила еси мучителя и пременила вся злая во благая, безтрепетно взирающи на орудия мучительская и на вся муки; мы же, дивящеся мужеству твоему, зовем ти умиленными гласы:

Радуйся, отвергшая вся мира сего красная; радуйся, избравшая прияти различныя муки за Христа.

Радуйся, с любовию на смерть идти возхотевшая; радуйся, и самех мучителей терпением твоим удивившая.

Радуйся, страданиями твоими Церковь Христову украсившая; радуйся, избравшая жизнь вечную - Христа.

Радуйся, жреца идольскаго посрамившая; радуйся, демоны ногама твоима поправшая.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 10

Спастися всем хотящим людям споспешествуй молитвами твоими, великомученице, пред Господем и испроси разрешение грехов почитающим страдания твоя, да вопием с тобою: Аллилуиа.

Икос 10

Царя Небеснаго возлюби всем сердцем своим святая Анастасия и в темницу ввержена бысть за Сладчайшаго Иисуса, надолзе гладом и жаждею истаявающи и молитвою укрепляющися; темже прославляюще тоя честная страдания, возсылаем к ней пение таковое:

Радуйся, последовательнице страстем Христовым; радуйся, украсившаяся победоносною славою.

Радуйся, земною темницею в Небесный Чертог востекшая; радуйся, тамо с мученики водворившаяся.

Радуйся, молитвою твоею у Престола Божия воспоминающая нас; радуйся, узы греховныя скоро разрешающая.

Радуйся, демоны от человек прогоняющая; радуйся, разбойники на путь правды наставляющая.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 11

Пение всеумиленное приносим ти, прославляюще твоя за Христа страдания, и молим тя: святая страстотерпице, испроси у милостиваго Господа всем людем здравие, долгоденствие и на враги победу и одоление. Нам же, восхваляющим мучения твоя, подаждь мир и спасение, да поем Богу во веки: Аллилуиа.

Икос 11

Светлым и радостным лицем последовала еси на страдание, уготованное ти от мучителей, еже помышляюще с радостию зовем:

Радуйся, в темнице Иллиристийстей гладом моримая; радуйся, питавшаяся надеждою своею – Христом.

Радуйся, от потопления на мори Божиим смотрением избавльшаяся; радуйся, меж четырех столпов протяженная.

Радуйся, уподобльшаяся распятому на Кресте Сыну Божию; радуйся, жегомая огнем даже до смерти.

Радуйся, Узорешительнице, от уз и плоти разрешившаяся.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 12

Благодать свыше ниспосли всем нам, притекающим с любовию к иконе твоей, и испроси у Господа прощение согрешений наших, болящим же и страждущим исцеление, да благодарственно вси вопием дивному во святых Богу: Аллилуиа.

Икос 12

Поюще подвиги твоего вольнаго мучения за Христа, покланяемся страданию твоему, великомученице досточудная, почитаем святую кончину твою и молим тя, простри твою с небесе помощь и на нас, живущих во тьме страстей и искушений и вопиющих ти:

Радуйся, великомученице святая; радуйся, принесшая тело свое в богоприятную жертву во многообразных мучениих.

Радуйся, горлице, взлетевшая во Иерусалим Вышний; радуйся, чистая и непорочная невесто Христова.

Радуйся, кадильнице духовная, фимиам молитвы о нас к Богу приносящая; радуйся, сокровищнице исцелений неоскудная.

Радуйся, чаше даров Божиих преизобильная; радуйся, всех благих желаний скорая исполнительнице.

Радуйся, светлый образе жития всем чающим спасения.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 13

О многострадальная и предивная святая великомученице Анастасие! Нынешнее наше малое моление приими от недостойных раб твоих, с любовию приносимое тебе, и испроси нам у Христа Бога греховных уз разрешение, да избавимся молитвами твоими гнева Божия и вечнаго осуждения, и да удостоимся в Небесном Царствии купно с тобою во веки пети Богу: Аллилуиа.

Этот кондак читается трижды.

Икос 1

Ангелом уподобилася еси разумом чистым, познавши Того, Иже есть всего видимаго и невидимаго вечное начало и единый конец желаний всех благочестивых; мы же, восхваляюще мудрое обучение твое от святаго мученика Хрисогона, с любовию вопием ти:

Радуйся, возлюбившая веру Христову; радуйся, последовавшая благочестию матере твоея Фавсты.

Радуйся, соблюдшая чистоту девства твоего; радуйся, всегда невидимо охраняемая Ангелами.

Радуйся, чистотою твоею к Богу приблизившаяся.

Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 1

Избранней угоднице Христовой, всеблаженней великомученице Анастасии похвальное пение приносим, яко имущей многое дерзновение ко Господу еже от всяких бед, скорбей и болезней свобождати верныя, и с любовию взываем сице:

Радуйся, всеблаженная великомученице Анастасие, узников святая посетительнице и молитвеннице о душах наших.

Молитва

О многострадальная и премудрая великомученице Христова Анастасие! Ты душею на Небеси у Престола Господня предстоиши, на земли же данною тебе благодатию различная совершаеши исцеления; призри убо милостивно на предстоящия люди и молящияся пред иконою твоею, просящия твоея помощи, простри ко Господу святыя молитвы о нас и испроси нам оставление согрешений наших, помощи в трудах милосердных, укрепления духа в служении, кротости, смирения и послушания, недужным исцеление, скорбящим и во узах сущим скорую помощь и заступление, умоли Господа, да подаст всем нам христианскую кончину и добрый ответ на Страшнем Судищи Своем, да сподобимся и мы купно с тобою славити Отца и Сына и Святаго Духа. Аминь.

Тропарь, глас 4

Победоноснаго Воскресения истинноименитая наречена еси, мученице Христова, победы на враги поставила еси мук терпением, Христа ради, Жениха твоего, Егоже возлюбила еси. Того моли спасти души наша.

Кондак, глас 2

Во искушениих и скорбех сущии, к твоему храму притекающе, приемлют честная дарования от живущия в тебе Божественныя благодати, Анастасие: ты бо присно миру точиши исцеления.

Молитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.