Акафист Пресвятей Богородице в честь иконы Ея «Владимирская»

Владимирская икона Божией Матери считается покровительницей Руси. Действительно, чтобы перечислить все случаи помощи, поданной Пречистой Девой через этот образ, нужно написать целую книгу. А возможно и не одну. Многие важнейшие исторические события происходили с ее участием: икону проносили перед войсками, выступавшими в поход, перед ней молились жители осажденного города, венчали на царство государей, давали клятву верности Богу, Царю и Отечеству. И сейчас православные христиане прибегают с молитвой к Пречистой Деве, прося Ее помощи и заступления.

История иконы

По преданию, Владимирская икона была написана святым апостолом и евангелистом Лукой. Материалом для нее послужила доска от стола, за которым собиралось на трапезу Святое Семейство.

Увидев этот образ, Богородица благословила его и сказала: "Отныне ублажат Меня все роды. Благодать Рождшегося от Меня и Моя с этой иконой да будет".

Образ после написания хранился у иерусалимских христиан, а в 450 году был перенесен в Константинополь. В Россию он попал в первой половине 12 века, как дар Великому князю Юрию Долгорукому от патриарха Константинопольского Луки Хризоверха. Местопребыванием иконы была избрана девичья обитель в Вышгороде, недалеко от Киева. В 1155 году город стал уделом сына Юрия Долгорукого, князя Андрея Боголюбского. Последний, желая переселиться в Суздаль, взял с собой и икону. По дороге он постоянно молился перед ней Пречистой Деве.

После остановки в городе Владимире-на-Клязьме, князь хотел было продолжить путь в Ростов. Однако, не успел он проехать и десяти вёрст, как лошади встали, будто удержанные невидимой силой, и не могли тронуться с места.

Князь Андрей стал горячо молиться перед иконой Божией Матери. Тогда явилась ему Сама Богородица и сказала, что икона должна остаться во Владимире. А на месте Ея чудесного явления должно построить обитель, посвященную Ея Рождеству.

Князь исполнил повеление Богоматери. С тех пор икона получила название Владимирской.

В 1395 году хан Тамерлан вторгся в русские пределы и уже направлялся к Москве. У Коломны, на берегу реки Оки остановился князь Василий со своим войском. Он просил помощи у святителей московских и Преподобного Сергия Радонежского. Также князь послал московскому митрополиту Киприану указ, чтобы Успенский пост, как раз наступивший в то время, был посвящен молитве и покаянию. В праздник Успения Пресвятой Богородицы во Владимире была отслужена Божественная Литургия и молебен перед иконой Божией Матери. Затем духовенство Крестным ходом понесло образ к Москве. Толпы народа стояли вдоль дороги и все на коленях молили: "Матерь Божия, спаси землю Русскую!"

На Кучковом поле образ встретили жители Москвы.

В это время во вражеском стане произошло чудо. Тамерлан увидел во сне Величественную Жену, которая грозно приказала ему покинуть пределы русской земли. Проснувшись, хан спросил у своих приближенных, что могло значить это видение. Те объясняли ему, что явившаяся Жена – Матерь Иисуса Христа, Помощница и Заступница христиан. Тогда войско по приказу хана повернуло обратно.

В память об этом чудесном заступничестве Богоматери за землю Русскую, на месте встречи иконы был основан монастырь в честь Сретения Господня. А 26 августа, то есть в день, когда Пречистая повернула войско Тамерлана обратно, было установлено празднование в честь Владимирской иконы.

Образ Богородицы находился в Успенском соборе Московского Кремля. Ещё не раз являла Божия Матерь свою помощь России. Ее заступлением Москва была спасена от разорения во время набегов хана Едигея в 1408 году, ногайского царевича Мазовши в 1451 году, хана Седи-Ахмета в 1459 году.

В 1480 году на Москву двинулись полчища ордынцев во главе с ханом Ахматом. Русские и татарские войска встретились в калужских пределах и стояли против друга на берегах реки Угры. Внезапно необъяснимый страх заставил татар повернуть обратно.

Русские люди поняли, что здесь не обошлось без помощи Богоматери. Это событие вошло в историю, как «Стояние на реке Угре», а река стала именоваться в народе «поясом Богородицы».

В 1521 году Богородица чудесно спасла Москву от хана Махмет-Гирея. Врагам почудилось, что против них вышло огромное войско и они в страхе бежали.

В память о чудесных спасениях Москвы от разорения было установлено три праздника в честь Владимирской иконы:

21 мая – в честь спасения от нашествия хана Махмет-Гирея

23 июня – в память об избавлении от разорения ханом Ахматом

26 августа – в честь избавления от Тамерлана.

В 1918 году Владимирскую икону Божией Матери изъяли из Успенского собора большевики. В 1926 году она поступила на хранение в Государственный исторический музей. В 1930 году стала достоянием Третьяковской галереи.

С 1999 года и до настоящего времени икона находится в храме-музее Святителя Николая в Толмачах при Третьяковской галерее в Москве, где к ней приложиться и помолиться может любой желающий.

Иконография

Владимирская икона, написанная евангелистом Лукой, имеет сравнительно небольшие размеры: 104/69,78 см.

Образ относится к иконографическому типу Елеуса (Умиление). Богоматерь изображена по пояс. На правой руке Она держит Богомладенца, Который прижимается к Ней щекой. Левая рука Спасителя обвивает шею Пречистой Матери, а правая касается Ее плеча.

На обратной стороне доски изображен Престол и орудия Крестных страданий Господа Иисуса Христа.

Акафист Пресвятей Богородице в честь иконы Ея «Владимирская»

Кондак 1

Взбранной Воеводе, Заступнице нашей, взирающе на первописанный образ Твой, хвалебное пение воспеваем Ти раби Твои, Богомати. Ты же, яко имущая державу непобедимую, сохрани и спаси благодарне Тебе вопиющия:

Радуйся, Пречистая, от иконы Твоея милости нам источающая.

Икос 1

Ангельския Силы на Небеси немолчно воспевают Тя, Пречистая, зряще Славу Пребожественную, еюже Сын Твой прослави Тя; но и нас, земных, не оставила еси, яко некую лучу, низпославши нам икону Твою, святым Лукою первописанную. О ней бо некогда изрекла еси: «С сим образом благодать Моя и сила да пребудут». Темже вернии раби Твои, по вся дни и на всяком месте сбытие словес Твоих зряще, ко образу Твоему цельбоносному притекаем и, якоже Самой Ти, с нами сущей, вопием:

Радуйся, Ангелов Царице; радуйся, всего мира Владычице.

Радуйся, на Небеси присно славимая; радуйся, и на земли величаемая.

Радуйся, благодать Твою иконе Твоей сей даровавшая; радуйся, на спасение человеков тую поставившая.

Радуйся, Божия благости скорая Подательнице; радуйся, молений наших усердная послушнице.

Радуйся, Пречистая, от иконы Твоея милости нам источающая.

Кондак 2

Видя чудес множество, от принесенныя в Вышград святыя иконы Твоея бываемое, благоверный князь Андрей возгореся духом и умоляше Тя, да скажеши святую волю Твою и да благословиши его в пределы Ростовския отъити. Темже улучив желаемое и икону Твою взем, идяше в путь свой, радуяся и поя Богу: Аллилуиа.

Икос 2

Разумеша вси людие дивное шествие Твое, Царице Небесная, от Киева в землю Ростовскую, болящии бо исцеляхуся и ина знамения и чудеса бываху всем с верою притекающим ко образу Твоему. Сего ради воспеша Тебе:

Радуйся, чудесы шествие иконы Твоея знаменавшая; радуйся, многи немощныя исцелившая.

Радуйся, воздыхания наша не отвергающая; радуйся, недостойныя молитвы наша приемлющая.

Радуйся, Матерния щедроты Твоя на нас изливающая; радуйся, иконою Твоею нам благодеющая.

Радуйся, во обстоянии сущим скорую помощь дарующая; радуйся, отчаянным надежду возвращающая.

Радуйся, Пречистая, от иконы Твоея милости нам источающая.

Кондак 3

Силою Твоею ограждаемь, благоверный князь Андрей предел Владимирских достиже и зде благую волю твою, Владычице, позна. В нощном бо видении тому явльшися, повелела еси от места сего не отходити и чудотворную икону Твою зде, во граде Владимире, поставити, да будет северней стране нашей в благословение и людем Твоим в покров, вопиющим Богу: Аллилуиа.

Икос 3

Имея в себе благодатное сокровище, икону Твою Владимирскую, преуспеваше от силы в силу Отечество наше. Во дни бо обстояний и напастей не оставила еси род наш, Владычице, и во благовремении близ была еси, всесильным предстательством Твоим верныя люди Твоя заступающи, поющия Ти:

Радуйся, гнев Божий, праведно на ны движимый, утоляющая; радуйся, на милость к нам, грешным, Господа преклоняющая.

Радуйся, яко смиренным мольбам рабов Твоих внемлеши; радуйся, яко утешение Твое нам подати поспешаеши.

Радуйся, яко иконою Твоею от всяких нас бед ограждаеши; радуйся, яко тою козни вражия разрушаеши.

Радуйся, в час скорби люди Твоя укрепляющая; радуйся, тихое и безмятежное житие тем дарующая.

Радуйся, Пречистая, от иконы Твоея милости нам источающая.

Кондак 4

Бурю помышлений сумнительных пройде благоверный князь Андрей, от множества врагов некогда обстоимь; Ты же, Всепетая, дивным от иконы Твоея знамением славную победу тому предвозвестила еси. Темже верою обновився и о имени Твоем дерзая, воспе Богу: Аллилуиа.

Икос 4

Слышавше мятежницы убиение благовернаго князя Андрея, град Владимир расхитити устремишася, но икону Твою чудотворную, на стогны града изнесенную, внезапу узревше, умилишася сердцем и, на колена падше, во гресе своем покаяшася. Благочестивии же людие, таковому от иконы Твоея благодатному явлению радующеся, песнь благодарственную воспеша Тебе:

Радуйся, междоусобных браней утоление; радуйся, ожестевших сердец умягчение.

Радуйся, яко заблуждшия на путь правый возвращаеши; радуйся, яко от соблазнов суетных нас ограждаеши.

Радуйся, пагубы вседушевныя низлагающая; радуйся, душевредная научения обличающая.

Радуйся, к Царствию Небесному путь невозбранный нам указующая; радуйся, мир вечный и радость нам подающая.

Радуйся, Пречистая, от иконы Твоея милости нам источающая.

Кондак 5

Боготечная звезда отцем нашим бысть икона Твоя, Владычице, еяже светом ведоми, многажды побеждаху царствия, возмогаху от немощи, обращаху в бегство полки чуждих и путь к земному преуспеянию и небесному спасению обретаху. Сего ради по долгу славит Тя земля Российская, поющи Богу: Аллилуиа.

Икос 5

Видевше некогда людие владимирстии в чуднем видении град свой на воздусе вознесен, и икону Твою верху его, якоже солнце, сияющу, со умилением разумеша, Владычице, неотступный покров Твой граду их и, Твое милостивое промышление о них славяще, воспеша Ти:

Радуйся, Мати милосердия; радуйся, источниче чудес.

Радуйся, бодрая наша Хранительнице; радуйся, граду нашему Покрове.

Радуйся, горе к Небеснем сокровищем ум наш возводящая; радуйся, любовь к Богу в сердцах верных насаждающая.

Радуйся, маловерныя вразумляющая; радуйся, неверных смыслы просвещающая.

Радуйся, Пречистая, от иконы Твоея милости нам источающая.

Кондак 6

Проповедник неизреченных чудес Твоих, Владычице, явися соборный храм Твой во граде Владимире, святою иконою Твоею украшенный. Попущением бо Божиим все благолепие его некогда во огни погибе, икона же святая Твоя, якоже купина неопалима пребысть, да и видевше и осязавше присутствие Твое, вернии воспоют: Аллилуиа.

Икос 6

Возсия паки свет иконы Твоея, Богородице, во дни лютаго нашествия Батыева. Аще бо нечестивии агаряне и пожгоша огнем соборный храм Твой, и святителя Владимирскаго и люди, молящияся в церкви, умертвиша, и вся конечному истреблению предаша, обаче икона Твоя и паки невреждена обретеся, подвизающи пети Тебе:

Радуйся, Купино Неопалимая; радуйся, Сокровище неиждиваемое.

Радуйся, Стено несокрушимая; радуйся, прибежище всем уповающим на Тя.

Радуйся, икону Твою и во пламени целу сохранившая; радуйся, нам во утешение и спасение тую оставившая.

Радуйся, Ты бо еси наше защищение; радуйся, Ты бо еси всех благочестивых непрестанное радование.

Радуйся, Пречистая, от иконы Твоея милости нам источающая.

Кондак 7

Хотя великий князь Василий защищение стяжати стольному граду своему, повеле Владимирскую икону Твою в Москву пренести. И во сретение ея усердно изшедше князь и святитель московский Киприан со освященным собором и всем множеством людей, до земли пред нею поклонишася, якоже бо Самую Тя, Пречистая, к ним приходящую, сретаху, зовуще Тебе: «О Мати Божия, спаси землю Русскую», вкупе же и поюще Богу: Аллилуиа.

Икос 7

Новое знамение сотворила еси, Пренепорочная, в день празднования сретения иконы Твоея Владимирския в Москве: в грозном бо видении, яко всемогущая Царица, множеством воинств Небесных обстоима, со святители Московскими явилася еси нечестивому агарянскому хану и от предел земли Русския отъити повелела еси. Тогда вернии людие Твои, врага видевше посрамлена и бежавша, с веселием пояху Тебе:

Радуйся, Победо непобедимая; радуйся, Царице Небесных Сил.

Радуйся, врага грозное посрамление; радуйся, рабов Твоих Радосте нечаянная.

Радуйся, Надеждо всех лишенных надежды; радуйся, спасение во дно адово низшедших.

Радуйся, пришествием иконы Твоея Москву возвеселившая; радуйся, заступлением Твоим и град Владимир не оставившая.

Радуйся, Пречистая, от иконы Твоея милости нам источающая.

Кондак 8

Странную победу всесильною помощию Твоею, Владычице, без брани совершившуюся, и до ныне Церковь Православная светло прославляет, сретение иконы Твоея Владимирския празднующи и вся верная чада Своя созывающи милости Твоя благодарне исповедати, Сыну же Твоему и Богу пети: Аллилуиа.

Икос 8

Всю Тя Бог освяти, Пренепорочная, и, яко Матерь Свою, в готовое прибежище и теплый покров всем нам дарова. Темже от меньших земли и незнаемых возвеличися благословенный Тобою град Москва, благочестно икону Твою почитаяй; вся бо племена русская воедино собра и область свою над окрестными языки от моря и до моря и даже до конец земли распростре, всем веру Христову возвещаяй, Тебе же вопия:

Радуйся, земли нашея забрало; радуйся, Церкве утверждение.

Радуйся, молитвенников наших похвало; радуйся, людей Твоих спасение.

Радуйся, враги наша устрашающая; радуйся, полки чуждих далече отгоняющая.

Радуйся, яко Тобою Русь православная содержится; радуйся, яко Тобою род христианский хвалится.

Радуйся, Пречистая, от иконы Твоея милости нам источающая.

Кондак 9

Всякое естество ангельское восхваляет Тя, Богородительнице, у престола Сына Твоего предстоящую и за страну нашу и вся христианы молящуюся. Мы же, людие Твои, молитв Твоих действо разумевающе, к чудотворней иконе Твоей с любовию притекаем и Богу прилежно вопием: Аллилуиа.

Икос 9

Витий земных художество не довлеет по достоянию благохвалити Тя, Пресвятая Всенепорочная, и иконы Твоея чудеса исчислити, имиже Церковь Православная величается, гради наши утверждаются и вси христиане Божественне веселятся. Темже, за премногую любовь Твою к нам и вся милости Твоя, приими от нас сие хвалебное пение:

Радуйся, собором святых, в стране нашей просиявших, окружаемая и славимая; радуйся, предстателей наших, чудотворцев российских, моления приемлющая.

Радуйся, ходатайством Твоим о нас Бога умилостивляющая; радуйся, честным покровом Твоим нас присно осеняющая.

Радуйся, страны нашея преславная Защитнице; радуйся, призывающим Тя скорая Помощнице.

Радуйся, труждающихся благодатное укрепление; радуйся, кающихся грешников несумненное спасение.

Радуйся, Пречистая, от иконы Твоея милости нам источающая.

Кондак 10

Спасения ищуще, к Тебе прибегаем, Милосердная Мати, и, чудотворную Твою икону ныне обстояще, вся милости Твоя, тою отцем нашим явленныя, с любовию воспоминаем. Да не тщетна будет, Владычице, и наша надежда на Тя, на немощь нашу умилосердися и спаси вопиющия Богу: Аллилуиа.

Икос 10

Стена еси и заступление всем с верою прибегающим к Тебе, Всеблаженная Отроковице; всегда бо милости Твоя роду христианскому являла еси и отцем нашим многочастне и многообразне благодеяла еси, от нашествия иноплеменник и от всякия беды и нужды тех избавляющи. Не оскудей и ныне, Владычице, утоляющи лютыя на ны возстания греховныя, и облак искушений отжени, Тебе бо навыкохом пети:

Радуйся, Мати Божия, Матернюю любовь к нам, грешным, простирающая; радуйся, силою Твоею нашу немощь восполняющая.

Радуйся, милосердие Божие разумети нас научающая; радуйся, к делом милосердия и нас возбуждающая.

Радуйся, страх Божий в сердца верных влагающая; радуйся, грешники к покаянию призывающая.

Радуйся, невниманию нашему долготерпящая; радуйся, от сна лености нас возставляющая.

Радуйся, Пречистая, от иконы Твоея милости нам источающая.

Кондак 11

Пение похвальное воспеша московстии людие, спасение Твое некогда улучивше; верху бо явльшися, светозарною одеждою одеяна, храм Твой и град Москву от запаления огненнаго ризою Твоею защитила еси. Неотступна пребуди, Всемощная, от места сего и ныне, и нам избавление Твое видети даруй, да веселящеся воспоем: Аллилуиа.

Икос 11

Свет радости возсияла еси, Владычице, и во дни тыя, егда смотрением Божиим древняя красота церковная к нам паки возвратися и священный собор граду Москве Патриарха, всей же стране нашей единаго пастыря и молитвенника утверди. Ты же, Пречистая, от иконы Твоея Владимирския жребий первосвятительства сего избраннику Твоему даровала еси, да расточенныя овцы словеснаго стада Церкве Российския паки воедино соберет. Сего ради вопием Тебе:

Радуйся, скорбящих радосте; радуйся, обуреваемых пристанище.

Радуйся, в напастех нас не оставившая; радуйся, во уничижении нашем свет надежды нам возсиявшая.

Радуйся, на смиренныя призревшая; радуйся, низшедшия возвеличившая.

Радуйся, Церкве нашея Похвало; радуйся, людей Твоих веселие.

Радуйся, Пречистая, от иконы Твоея милости нам источающая.

Кондак 12

Благодать Твою не отъими от нас, милости Источниче, якоже во дни лихолетия святителей наших Иова и Ермогена услышала еси и землю Русскую от конечнаго расхищения, православную же веру в ней от истребления спасла еси, да избавленнии Тобою Богу воспоем: Аллилуиа.

Икос 12

Поюще неисчетныя милости Твоя, от лет древних роду нашему явленныя и доныне не оскудевающия, хвалим Тя, Пречистая, яко неусыпную Хранительницу нашу и заступление, и, Матернюю любовь Твою к стаду Сына Твоего ведуще, со дерзновением, аще и раби неключими есмы, вопием Тебе:

Радуйся, Русь Православную возлюбившая; радуйся, веру истинную в ней утвердившая.

Радуйся, отцы наша во благочестии сохранившая; радуйся, и наше неможение не отринувшая.

Радуйся, утверждение наше незыблемое; радуйся, Надеждо наша непостыдная.

Радуйся, Молитвеннице наша теплая; радуйся, Заступнице усердная.

Радуйся, Пречистая, от иконы Твоея милости нам источающая.

Кондак 13

О Всепетая Мати, Заступнице Всемилостивая, Дево Богородице, обычным Твоим милосердием малое моление сие наше приемлющи, якоже древле, тако и ныне помилуй землю нашу Русскую и от всяких бед рабы Твоя избави, о Тебе вопиющия: Аллилуиа.

Этот кондак читается трижды.

Икос 1

Ангельския Силы на Небеси немолчно воспевают Тя, Пречистая, зряще Славу Пребожественную, еюже Сын Твой прослави Тя; но и нас, земных, не оставила еси, яко некую лучу, низпославши нам икону Твою, святым Лукою первописанную. О ней бо некогда изрекла еси: «С сим образом благодать Моя и сила да пребудут». Темже вернии раби Твои, по вся дни и на всяком месте сбытие словес Твоих зряще, ко образу Твоему цельбоносному притекаем и, якоже Самой Ти, с нами сущей, вопием:

Радуйся, Ангелов Царице; радуйся, всего мира Владычице.

Радуйся, на Небеси присно славимая; радуйся, и на земли величаемая.

Радуйся, благодать Твою иконе Твоей сей даровавшая; радуйся, на спасение человеков тую поставившая.

Радуйся, Божия благости скорая Подательнице; радуйся, молений наших усердная послушнице.

Радуйся, Пречистая, от иконы Твоея милости нам источающая.

Кондак 1

Взбранной Воеводе, Заступнице нашей, взирающе на первописанный образ Твой, хвалебное пение воспеваем Ти раби Твои, Богомати. Ты же, яко имущая державу непобедимую, сохрани и спаси благодарне Тебе вопиющия:

Радуйся, Пречистая, от иконы Твоея милости нам источающая.

Молитва

О Всемилостивая Госпоже Богородице, Небесная Царице, Всемощная Заступнице, непостыдное наше Упование! Благодаряще Тя о всех великих благодеяниях, в роды родов людем российским от Тебе бывших, пред пречистым образом Твоим молим Тя: сохрани град сей (или: весь сию, или: святую обитель сию) и предстоящия рабы Твоя и всю Землю Русскую от глада, губительства, земли трясения, потопа, огня, меча, нашествия иноплеменных и междоусобныя брани. Сохрани и спаси, Госпоже, Великаго Господина и Отца нашего (имя рек), Святейшаго Патриарха Московскаго и всея Руси, и Господина нашего (имя рек), Преосвященнейшаго епископа (или: архиепископа, или: митрополита) (титул), и вся Преосвященныя митрополиты, архиепископы и епископы православныя. Даждь им Церковь Российскую добре управити, верныя овцы Христовы негиблемы соблюсти. Помяни, Владычице, и весь священнический и монашеский чин, согрей сердца их ревностию о Бозе и достойно звания своего ходити коегождо укрепи. Спаси, Госпоже, и помилуй и вся рабы Твоя и даруй нам путь земнаго поприща без порока преити. Утверди нас в вере Христовой и во усердии ко Православней Церкви, вложи в сердца наша дух страха Божия, дух благочестия, дух смирения, в напастех терпение нам подаждь, во благоденствии — воздержание, к ближним любовь, ко врагом всепрощение, в добрых делех преуспеяние. Избави нас от всякаго искушения и от окамененнаго нечувствия, в страшный же день Суда сподоби нас ходатайством Твоим стати одесную Сына Твоего, Христа Бога нашего, Емуже подобает всякая слава, честь и поклонение со Отцем и Святым Духом, ныне и присно и во веки веков. Аминь.

Mолитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.