Акафист всем святым, от века Богу благоугодившим

Акафист всем святым, от века Богу благоугодившим
Акафист и молитва по соглашению Всем Святым о здравии

Всем святым, по традиции, молятся и читают акафист в любой нужде:

  • о здравии;
  • о даровании истинной веры в Бога и покаяния;
  • об исправлении своей жизни;
  • об исцелении различных болезней телесных и душевных;
  • в унынии, скорбях, печали;
  • о мире, любви и согласии в семье, с близкими;
  • о детях, помощи и покровительстве им;
  • о прибавлении ума, помощи в учебе, благополучной сдаче экзаменов, поступлении в вуз;
  • о создании семьи, замужестве, женитьбе;
  • о даровании детей;
  • о путешествующих;
  • от внезапной смерти без покаяния, о находящихся в опасностях, на войне;
  • в жизненных трудностях, при материальных, жилищных проблемах, поиске работы;
  • о находящихся в заключении, плену, тюрьме, сизо;
  • об Отечестве, мире и благополучии народа, прекращении стихийных бедствий, эпидемий;
  • о защите от врагов видимых и невидимых, бесовских сил, колдунов, экстрасенсов, "порчи" и т.д.;
  • об избавлении от зависимостей - пьянства, алкоголизма, наркомании;
  • о помощи в работе, торговле, предпринимательстве.

  • Расписание
  • Житие
  • Акафист
Вместе с Вами молится:
Расписание:
В честь Новомучеников и исповедников Церкви Русской Храм р.п.Чегдомын Хабаровского края Амурской епархии (Россия)

В честь Новомучеников и исповедников Церкви Русской Храм р.п.Чегдомын Хабаровского края Амурской епархии (Россия)

воскресенье , в 11:00 (по Москве)

воскресенье , в 11:00 (по Москве)

В память о святых, которые своими подвигами и страданиями заслужили достойные венцы славы небесной, нам явлены святые иконы с изображениями ликов и событий тех времён. Празднование собора Всех Святых отмечается Православной Церковью в первое воскресение после праздника Святой Троицы (переходящее празднование). Главное предназначение иконы и одноименного праздника - это почитание Всех Святых и молитвенное обращение к ним.

О чем молятся

Каждый святой, своей жизнью угодивший Богу, обладает Божественной силой и имеет дерзновение пред Богом просить милости для обращающихся к нему за помощью. А когда все святые собраны воедино - это уже великая сила! Поэтому молиться пред иконой Всех Святых можно во всех бедах и нуждах, обращаясь к одному из них или ко всему Собору сразу. И по вере вашей, молитва будет услышана.

Для особой молитвы в храмах можно заказать Литургию, сорокоуст, молебен о здравии Всем Святым со своими именами. Святой водой, освященной на молебне, можно окроплять жилище и пить во исцеление души и тела, с надеждой на помощь Божью.

История праздника

История доносит до нас сведения, что первый образ Всех Святых написан был на Афоне в 5 - 7 веке. В центре иконы изображен Бог Отец, Бог Сын и, написанный в виде голубя, Дух Святый. Поодаль - Богородица с Младенцем. И далее в иерархической последовательности - ангелы, мученики, преподобные и т.д. С начала пятого века праздник отмечается в православных храмах с особым торжеством, установил празднование дня Всех Святых святитель Иоанн Златоуст. В Русской Церкви довольно сложной была история становления праздника. С 1700 по 1917 год праздник не вспоминался Русской Церковью. И, как ни странно, с 1918 года (начало богоборчества), началось его празднование. Видимо, глядя на тяжелые для христиан времена, святые пришли на помощь, чтобы помочь сохранить веру православную. Но началась революция и праздник Всем Святым вновь отодвинулось на неопределенное время. И, только по окончании ВОВ, в 1946 году впервые в храмах снова вознеслись молитвы Всем Святым от века благоугодившим Богу.

Святой апостол Павел учит нас почитать всех, кто получил дар Святого Духа, потрудившись во славу Божию своей праведной жизнью, либо через мучения за Христа. И поэтому мы должны прославлять не только широко известных подвижников и мучеников, но и бесчисленный сонм малоизвестных святых, которые до последнего своего часа были верны Господу нашему Иисусу Христу.

Христиане с первых веков почитали своих мучеников и исповедников. За много веков росло число святых подвижников Христовых, это число умножилось и на святой Руси, где у нас появилось много своих православных святых, а также праздник Всех Святых, в земли Российстей просиявших.

Часто случается, что человек назван крайне редким именем, и икону с изображением святого с этим именем невозможно найти. И вот здесь открывается возможность обратиться с молитвой к образу Всех Святых и помолиться одновременно своему святому и всем святым угодникам Божиим.

Вси Святии, молите Бога о нас!

Акафист всем святым, от века Богу благоугодившим

Кондак 1

Избранным угодником Божиим, всем святым, от века во всем мире просиявшим и на небеси венцы славы приявшим, похвальное приносим пение. Вы же, яко имущии велие дерзновение ко Господу, от всяких нас бед свободите, да зовем вам хвалебно: Радуйтеся, вси святии, теплии о всем мире Богу молитвенницы.

Икос 1

Ангельский собор, умаленный падением гордых ангел и вами, всеми святыми, восполняемый, светло торжествует в день памяти вашей, и всю вселенную созывает на веселие духовное. Мы же, им подражающе, зовем вам радостно: Радуйтеся, святии, от века Богом предуведеннии и предуставленнии к славе небесней. Радуйтеся, от всех родов, мест и времен в служение Господу избраннии. Радуйтеся, избрание ваше подвигами благочестия оправдавшии. Радуйтеся, образом добрых дел ваших правый путь к небеси нам показавшии. Радуйтеся, прежде писаннаго закона Божия по закону совести праведно пожившии. Радуйтеся, в законней сени благочестно житие свое совершившии. Радуйтеся, в новей благодати светло добродетельми просиявшии. Радуйтеся, в последняя сия времена Богу благоугодившии и мзду с первыми получившии. Радуйтеся, от земных скорбей прешедшии к небесному покою. Радуйтеся, сподобльшиися зрети неисповедимую славу Божию. Радуйтеся, с лики безплотных непрестанно хвалящии Пресвятую Троицу. Радуйтеся, всегда молящиися Ей о всех почитающих вас. Радуйтеся, вси святии, теплии о всем мире Богу молитвенницы.

Кондак 2

Видящи Православная Христова Церковь, многочисленными лики святых, яко прекрасными райскими цветы себе украшену, светло почитает память их и Пречистую Богоматерь с Рождшимся от Нея Христом Богом величает, вопиющи Тому хвалебную песнь: Аллилуиа.

Икос 2

Разуму нашему просвещение у Господа испросите, святии угодницы Божии, да отрясше земное пристрастие, вознесемся сердцем и мыслию в наследованная вами и нам обещанная селения райская, и возопием вам радостно: Радуйтеся, ветхозаветнии праотцы и патриарси, родоначальницы по плоти Христа Сына Божия. Радуйтеся, яко благословением Божиим умножишася роды ваша, яко звезды небесныя. Радуйтеся, среди мрака древняго нечестия правую вашу веру во истиннаго Бога сохранившии. Радуйтеся, с надеждою чаявшии обетованного Искупителя. Радуйтеся, яко от вашего племене возсия пресветлая свеща — Богородица Мария. Радуйтеся, яко от Нея родися Победитель смерти и ада. Радуйтеся, верою во грядущаго Христа спасение улучившии. Радуйтеся, вместо древния клятвы благословение тем получившии. Радуйтеся, и во аде Христова пришествия ожидавшии. Радуйтеся, адских мучений Им избавленнии. Радуйтеся, на небеса со славою возведеннии. Радуйтеся, с лики ангельскими в вечныя обители Отца Небеснаго вселеннии. Радуйтеся, вси святии, теплии о всем мире Богу молитвенницы.

Кондак 3

Силою Вышняго осенени бывше, святии, дерзновенно ополчистеся противу начал и властей злобы поднебесныя, и победивше тех коварства, вся благая начинания ваша добре совершисте, воспевающе всесильному человеколюбцу Богу: Аллилуиа.

Икос 3

Имуще святии пророцы преславная селения во обителех дому Отца Небеснаго и присносущным светом лица Божия просвещаеми, неизреченнаго воистину со всеми святыми наслаждаетеся блаженства, егоже мы земнии причастницы быти желающе, воспеваем вам сице: Радуйтеся, святии пророцы, Богом избраннии прежде вашего рождения. Радуйтеся, верно поработавшии Ему прежде Христова воплощения. Радуйтеся, от младенчества благодатию Святаго Духа освященнии. Радуйтеся, посланнии от Господа вразумляти заблуждшия сыны Израилевы. Радуйтеся, предвозвестившии Христово от Девы славное рождение. Радуйтеся, звезды, предварившии пришествие истиннаго Солнца. Радуйтеся, законопреступных царей Израилевых дерзновенно обличившии. Радуйтеся, всякое людское нечестие мечем слова Божия нещадно посекшии. Радуйтеся, вернии раби Господни, вся хотения Его исполнившии. Радуйтеся, истину небоязненно пред властьми вещавшии. Радуйтеся, многи скорби в мире претерпевшии. Радуйтеся, со всеми избранными торжествующии на небеси в славе вечней. Радуйтеся, вси святии, теплии о всем мире Богу молитвенницы.

Кондак 4

Бури житейския избавльшеся, вси святии, преидосте в небесный покой, на места злачна и прохладна, идеже потоцы сладости неисповедимыя, пища славы Божия нетленная, пения и гласы празднующих, тамо убо торжествуете со всеми ангельскими силами, поюще Богу: Аллилуиа.

Икос 4

Око не виде и ухо не слыша, и на сердце земнаго человека не взыдоша радости и сладости, ихже вы ныне наслаждаетеся, Апостоли святии. Сего ради благоговейно взываем вам: Радуйтеся, святии Апостоли, с Предтечею Иоанном ближайшии друзи Христовы. Радуйтеся, по Пресвятой Деве Марии, первостоятелие у Престола Святыя Троицы. Радуйтеся, возвестившии миру таинство нашего искупления. Радуйтеся, светом веры Христовы омраченныя люди просветившии. Радуйтеся, семя слова Божия в сердца человеческая всеявшии. Радуйтеся, плоды трудов ваших в небесном вертограде пожинающии. Радуйтеся, святии отцы, седмию вселенскими соборы исповедание православныя веры утвердившии. Радуйтеся, утишившии бурю еретическаго нечестия. Радуйтеся, изъяснившии нам догматы православныя веры. Радуйтеся, и доныне учением вашим ограждающии Церковь Христову от ересей и расколов. Радуйтеся, святии иерарси, словом и житием светло просиявшии. Радуйтеся, во свете невечернем с духовными вашими чады ныне обитающии. Радуйтеся, вси святии, теплии о все мире Богу молитвенницы.

Кондак 5

Боготочною, Спасе, Кровию Твоею искупленнии и верно Тебе на земли послужившии вси святии, ныне на тверди церковней яко звезды пресветлыя сияют, и всех нас, по морю страстнаго сего жития плавающих, на путь правый, к небесному отечеству ведущий, наставляют, о сем убо с радостию благодарно поем Богу: Аллилуиа.

Икос 5

Видевши святии мученицы, яко в мире сем вся суетна суть и тлению причастна, потщастеся предвечному Богу благоугодити и претерпением лютых мук тленная на нетленная пременити, за еже сподобистеся предстояния у страшнаго Престола Владычня в славе вечней, в нейже не забудите и нас, память вашу совершающих и вопиющих вам таковая: Радуйтеся, святии страстотерпцы, кровию своею запечатлевшии правую вашу во Христа веру. Радуйтеся, не убоявшиися убивающих тело, души же не могущих убити. Радуйтеся, претерпевшии страшная мучения. Радуйтеся, явльшии на себе Христовых страстей изображения. Радуйтеся, победившии лютых мучителей свирепства. Радуйтеся, чрез огнь и воду прошедшии и в покой вечный вшедшии. Радуйтеся, исповедницы и священномученицы, пострадавшии за благочестие и почитание святых икон. Радуйтеся, преподобномученицы, в молитве Богу собеседовавшии и страданием диавола поправшии. Радуйтеся, за славу и честь Царя Небеснаго мужественно воинствовавшии. Радуйтеся, победную почесть от Христа на небеси приимшии. Радуйтеся, велию благодать от Господа получившии. Радуйтеся, многая и различная чудеса в славу Божию в поднебесней содевающии. Радуйтеся, вси святии, теплии о всем мире Богу молитвенницы.

Кондак 6

Проповедуют христианстии роди славу вашу, вси святии, вы бо яко рай насажденный явистеся посреде Церкве, имущии древо жизни Самаго Господа, от него же вкусивше сладости райския, вся скорогибнущая в мире сем презресте, и радостно в небесный вертоград внидосте, поюще: Аллилуиа.

Икос 6

Правоверие и добродетели преподобных отец, яко солнце, всему миру сияют и нам мрачный путь жизни сея просвещают, да не заблудим в пустыни греха и душепагубных ересей. Сего ради хвалебно им воспеваем: Радуйтеся, преподобнии отцы, мир и яже в мире любве ради Божия волею оставившии. Радуйтеся, преподобнии матери, в подвизех дневных и нощных земное течение совершившии. Радуйтеся, пустынницы, в пещерах и горах со зверьми пожившии. Радуйтеся, постницы, в алчбе и жажде временное житие препроводившии. Радуйтеся, столпницы, мраз и зной Царствия ради Небеснаго претерпевшии. Радуйтеся, затворницы, в сердечней тишине Бога взыскавшии. Радуйтеся, девственницы, целомудрие сохранившии и непорочному Агнцу Христу пoследовавшии. Радуйтеся, послушницы, Христово смирение стяжавшии. Радуйтеся, в общежитиих во взаимной братской любви ангельски пожившии. Радуйтеся, мудрии и кротции монахов наставницы бывшии. Радуйтеся, вси трудолюбцы, добродетелей совершенство стяжавшии. Радуйтеся, в покой Господа своего вшедшии. Радуйтеся, вси святии, теплии о всем мире Богу молитвенницы.

Кондак 7

Хотя Всеблагий Господь явити миру, яко не всуе труждаются вси благоугождающии Ему, но яко велия мзда уготовася им в Царствии Небеснем, сего ради прослави сонмы святых угодник Своих, различне тому на земли послуживших, да и мы поревнуем тех житию, и тоя же вечныя славы чающе, поем Ему: Аллилуиа.

Икос 7

«Веруяй в Мя, аще и умрет жив будет»,— рече Господь. Вам же, святии вси, изрядно приличествуют сии Владычни глаголы, вы бо аще и умросте на земли плотию, но душами в вышнем селении всегда живи суще, многая и неизреченная совершаете в мире чудеса, и теплым вашим к Богу ходатайством пособствуете нам, сице возглашающим вам: Радуйтеся горняя мудрствующим вашим умом истиннаго Бога познавшии. Радуйтеся, правую вашу в Святую Троицу веру непорочно сохранившии. Радуйтеся, Христа Сына Божия, истиннаго Бога и совершеннаго человека исповедавшии. Радуйтеся, в спасительныя Его страсти несумненно веровавшии. Радуйтеся, православием, яко звезды, блистающии. Радуйтеся, праведностию, яко финикс процветающии. Радуйтеся, плотию на земли, умом же на небеси пожившии. Радуйтеся, временною смертию на безконечную жизнь прешедшии. Радуйтеся, тесным путем евангельски шествовавшии. Радуйтеся, узкими враты Царствия Небеснаго достигшии. Радуйтеся, вечных благ наследницы. Радуйтеся, о спасении нашем теплии к Богу ходатаи. Радуйтеся, вси святии, теплии о всем мире Богу молитвенницы.

Кондак 8

Страну ону горнюю, идеже вси святии по трудех земных почивают, умным очесем своим представляюще, аще и не можем постигнути сущаго тамо блаженства, мы земнии и плотию обложеннии, обаче, верою сие проразумевающе и сердцем предвкушающе, поем дивному во святых Своих Богу: Аллилуиа.

Икос 8

Исчитаяй множество звезд и всем им имена нарицаяй, Вседержителю Господи, Ты един веси по имени всех благоугодивших Тебе. Мы же, дело суще руку Твоею, якоже песка морскаго исчести, сице и всех святых по имени нарещи не могуще, токмо изряднейшия рабы Твоя, от начала мира Тебе благоугодившия, именуем, глаголюще: Радуйтеся, Адаме и Ево, праотцы всего рода человеческаго. Радуйтеся, Авеле и Сифе, первии в мире благочестия рачителие. Радуйтеся, Ное, вторый рода нашего родоначальнице, и Аврааме, завета Божия приемниче. Радуйтеся, Моисее боговидче и Аароне, первый ветхозаветный священниче. Радуйтеся, Еноше и Илие, плотию смерти невкусившии и на небо восхищеннии. Радуйтеся, Исаие, Давиде и Данииле, зрителие таин Бога Вседержителя. Радуйтеся, Иоакиме и Анно, родившии Деву Марию, Матерь Христа Бога нашего. Радуйтеся, Петре, Павле, Иакове и Иоанне, избраннейшии Апостоли Христовы. Радуйтеся, Николае, Василие, Григорие, Иоанне и Афанасие, непоколебимии столпи церкве Христовы. Радуйтеся, Антоние, Пахомие, Евфимие, Иларионе и Савво, великие монахов наставницы. Радуйтеся, Георгие, Димитрие, Евстратие и Пантелеимоне, велиции мученицы Христовы. Радуйтеся, Варваро, Ирино, Параскево, Екатерино и вси мученицы, кровию своею торжество веры возвеличившии. Радуйтеся, вси святии, теплии о всем мире Богу молитвенницы.

Кондак 9

Вси святии Твои, Господи, ангельский подражая чин, безпрестани славят Пресвятое Имя Твое на небеси, «Свят, свят, свят», — вопиюще, с ними же и мы грешнии на земли бренными устнами вопием: Аллилуиа.

Икос 9

Витии суемудрыя недоумеют глаголати: како вы, вси святии, подобострастии нам бывше человецы, непреодолени страстьми бысте, мужеством вашим безплотныя враги победисте. Мы же, прославляюще укрепившаго вас Господа, хвалим доблести ваша и умиленно вопием: Радуйтеся, святии, вседушно Господа возлюбившии. Радуйтеся, любве Его ради живота своего не щадившии. Радуйтеся, мир и миродержителя победившии. Радуйтеся, вся сети древняго змия яко паучину разорившии. Радуйтеся, смирившиися под крепкую руку всеблагаго промысла Божия. Радуйтеся, покорившии волю свою воле Отца Небеснаго. Радуйтеся, прославившии Господа в душах и телесех ваших. Радуйтеся, возвеличившии Его во всех делех ваших. Радуйтеся, воздвизавшии руце ваши на творение дел благих. Радуйтеся, направлявшии стопы ваша на путь правый. Радуйтеся, не приложившии сердец ваших к земному богатству и наслаждению. Радуйтеся, всегда помышлявшии о благах небесных и вечном веселии. Радуйтеся, вси святии, теплии о всем мире Богу молитвенницы.

Кондак 10

Спасения путем право шествующе и о судьбах правды Божия поучающеся, вси святии, явистеся яко древеса благоплодная при исходищах вод, и принесосте Богу плод добродетелей ваших во время свое. Ныне же в горнем Едеме неизреченнаго наслаждающеся блаженства, помяните и нас, чад ваших, отеческое ваше о спасении нашем попечение восхваляющих, Богу же поющих: Аллилуиа.

Икос 10

Стена тверда нам противу лица вражия вы есте, вси святии, и теплии молитвенницы ко Христу о всем роде христианстем. Темже от стрел невидимаго борителя присно вами защищаеми, радостно взываем: Радуйтеся, рода человеческаго велие украшение. Радуйтеся, в странствии земном присная нам отрада и утешение. Радуйтеся, в брани со врагами спасения нашего сильнии нам помощницы. Радуйтеся, от меча гнева Божия молитвами вашими нас защищающии. Радуйтеся, сами искушени бывше, и нам во искушениих помогающии. Радуйтеся, покаянию нас грешных зело радующиися. Радуйтеся, на различных местех земли во вся времена праведно пожившии. Радуйтеся, аще и согрешившии, обаче истинным покаянием и слезами скверну грехов омывшии. Радуйтеся, от Адама даже до днесь в надежди жизни вечныя скончавшиися. Радуйтеся, от Востока и Запада пришедшии и на лоне Авраамли почившии. Радуйтеся, яко сонм ваш новыми с земли пришельцами всегда умножается. Радуйтеся, яко вами место падших духов в соборе ангельском восполняется. Радуйтеся, вси святии, теплии о всем мире Богу молитвенницы.

Кондак 11

Песни наша хвалебныя, аще бы и тмочислени были, не довлеют к прославлению добродетелей ваших, вси святии, и нам немощным удобее любити молчание, но да не явимся лениви и неблагодарни за полученныя вас ради милости и благодеяния Божия, поем прославльшему вас Владыце: Аллилуиа.

Икос 11

Светильницы света невечерняго вы есте, вси святии, у Престола Пресвятыя Троицы с ангельскими чинми в молитве о нас присногорящии, и на светлую спасения стезю наставляющии вопиющих вам сице: Радуйтеся, светильницы огня невещественнаго. Радуйтеся, насельницы обителей Отца Небеснаго. Радуйтеся, гроздие винограда Христова. Радуйтеся, благоуханнии цвети райстии. Радуйтеся, животочнии реки, в жажде духовней нас напояющии. Радуйтеся, дожденоснии облацы, в знои искушений нас прохлаждающии. Радуйтеся, духовнии ветри, зиму уныния от сердец наших прогоняющии. Радуйтеся, сладкопеснивии славии, духовную весну вечнаго блаженства нам возвещающии. Радуйтеся, мысленныя горы, к небеси нас возводящии. Радуйтеся, умнаго Солнца лучи, милость Его на нас изливающии. Радуйтеся, добрии кормчии, от потопления греховнаго нас спасающии. Радуйтеся, вернии путевождие, в небесное отечество нас путеводящии. Радуйтеся, вси святии, теплии о всем мире Богу молитвенницы.

Кондак 12

Благодать, от Бога данную вам в воздаяние многих добродетелей ваших, кто от земнородных исповести возможет, о святии! Якоже бо капли морския по единой исчерпати, сице чудодействий ваших и подаваемых вами нам благодеяний несть мощно исчести. Сего ради радостно совершаем славное ваше торжество, и вся действующему в вас Господу зовем: Аллилуиа.

Икос 12

Поюще Тя, Владыко Вседержителю, восхваляем вси Пресвятое Имя Твое, яко от начала мира в различная времена явил еси приснопамятныя святыя Твоя, Тебе единому в Троице славимому Богу благоугодившия, ихже молитвами от всех зол избавляеши вопиющия к ним: Радуйтеся, святии Божии угодницы с Пресвятейшею всея твари Приснодевою Мариею. Радуйтеся, и вы, безплотнии ангели, хранителие рода человеческаго. Радуйтеся, святии царие и князи, на земли благочестиво царствовавшии и Небесное Царствие наследившии. Радуйтеся, добрии градоправителие, в небесном граде обитати сподобльшиися. Радуйтеся, нелицеприятнии земнии судии, у небеснаго Судии оправдание и милость получившии. Радуйтеся, ревностнии словесных овец пастырие, от Пастыреначальника Христа похваленнии и прославленнии. Радуйтеся, праведнии земледелателие, в простоте сердца и незлобии Богу послужившии. Радуйтеся, терпеливии странницы, небеснаго отечества достигшии. Радуйтеся, юродивии, поношения и укорения Христа ради претерпевшии. Радуйтеся, безсребренницы, туне болящим исцеления подававшии и на небеси мзду приявшии. Радуйтеся, во всяком возрасте и звании угодившии Богу мужие и жены, яко вы едино есте о Господе и души ваша в руце Божией. Радуйтеся, яко в будущем веце купно с душами и телеса ваша вечныя славы причастны будут. Радуйтеся, вси святии, теплии о всем мире Богу молитвенницы.

Кондак 13

О всеблаженнии угодницы Божии, вси святии, приявшии наследие благ вечных! Приимите сие наше хвалебное пение, и благоприятными вашими к Богу молитвами испросите нам грехов оставление и вечных мук избавление, да с вами в небесном нашем Отечестве поем Богу: Аллилуиа.

Этот кондак читается трижды.

Икос 1

Ангельский собор, умаленный падением гордых ангел и вами, всеми святыми, восполняемый, светло торжествует в день памяти вашей, и всю вселенную созывает на веселие духовное. Мы же, им подражающе, зовем вам радостно: Радуйтеся, святии, от века Богом предуведеннии и предуставленнии к славе небесней. Радуйтеся, от всех родов, мест и времен в служение Господу избраннии. Радуйтеся, избрание ваше подвигами благочестия оправдавшии. Радуйтеся, образом добрых дел ваших правый путь к небеси нам показавшии. Радуйтеся, прежде писаннаго закона Божия по закону совести праведно пожившии. Радуйтеся, в законней сени благочестно житие свое совершившии. Радуйтеся, в новей благодати светло добродетельми просиявшии. Радуйтеся, в последняя сия времена Богу благоугодившии и мзду с первыми получившии. Радуйтеся, от земных скорбей прешедшии к небесному покою. Радуйтеся, сподобльшиися зрети неисповедимую славу Божию. Радуйтеся, с лики безплотных непрестанно хвалящии Пресвятую Троицу. Радуйтеся, всегда молящиися Ей о всех почитающих вас. Радуйтеся, вси святии, теплии о всем мире Богу молитвенницы.

Кондак 1

Избранным угодником Божиим, всем святым, от века во всем мире просиявшим и на небеси венцы славы приявшим, похвальное приносим пение. Вы же, яко имущии велие дерзновение ко Господу, от всяких нас бед свободите, да зовем вам хвалебно: Радуйтеся, вси святии, теплии о всем мире Богу молитвенницы.

Молитва всем святым и Бесплотным небесным силам

Боже Святый и во святых почиваяй, трисвятым гласом на небеси от ангел воспеваемый, на земли от человек во святых Своих хвалимый; давый Святым Твоим Духом комуждо благодать по мере дарования Христова, и тою поставивый Церкви Твоей святей овы апостолы, овы пророки, овы же благовестники, овы пастыри и учители, ихже словом проповеди, Тебе Самому действующему вся во всех, мнози совершишася святии в коемждо роде и роде, различными добродетельми благоугодившии Тебе, и к Тебе, нам образ добрых подвигов своих оставивше, в радости прешедшии, готови, в немже сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, житию, любви, вере, долготерпению, и их молитвенною помощию, паче же Твоею вседействующею благодатию, небесныя с ними сподобитися славы, хваляще Пресвятое Имя Твое, Отца и Сына и Святаго Духа во веки. Аминь.

Молитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.

Скачайте мобильное приложение

Молитвослов, Календарь, Библия 540 текстов акафистов всегда с собой
Картинка с телефоном
Картинка с телефоном

«Не вы Меня избрали, а Я вас избрал» Евангелие от Иоанна, 15:16

Акафист святому

Сделайте выбор: