​Акафист Пресвятой Богородице пред иконой «Слово плоть бысть» Албазинская

Икона Божией Матери “Албазинская” или “Слово плоть бысть”

Как известно, самые почитаемые среди православных икон - это иконы Богоматери. В месяцеслове упоминается около 300 иконографий Пресвятой Богородицы. Одним из редких образов является Албазинская икона, которая носит ещё одно название: "Слово плоть бысть". Эти слова - цитата из Евангелия от Иоанна (Ин. 1:14).

Кто и когда написал эту икону - неизвестно. Предположительно, она была написана в 16 веке, прославилась с 17 века. На иконе Царица Небесная изображена с еще нерожденным Младенцем Христом на лоне и покровом в руках.

Значение иконы

В переводе евангельская фраза "Слово плоть бысть" означает “слово стало плотью”. Это - предзнаменование новой жизни, обновление, добрая весть к спасению; слово, ставшее реальностью. В Евангелии эти слова сказаны о Богомладенце Христе - Слове Божьем, родившемся и ставшем Человеком. Богородица очень близка к людям, особенно к тем, кто познал Бога в ходе своей жизни. Это образ безграничной матерней любви, ибо Она считается Матерью всего человечества. Молясь перед сим чудотворным образом, мы обретаем надежду на то, что всё тайное, о чем просим, обязательно сбудется, и Царица Небесная не оставит нас сирых.

История образа

Образ Богоматери "Слово плоть бысть" находится в кафедральном соборе города Благовещенска. Матерь Божья явила особенную милость жителям Приамурья, стала Защитницей этих мест. Как рассказывают жители тех краев, Богородица не раз спасала их от моров и эпидемий. В 1895 году, во время повальной эпидемии моровой язвы, священники обошли крестным ходом с иконой и молитвой вокруг города, окропляя все вокруг святой водой. И чудо произошло - болезнь остановилась.

Главная же история иконы связана с одноименным названием крепости Албазин (сейчас - село Албазино). Именно в летописях об этой крепости и упоминается впервые эта чудотворная икона. Ерофей Хабаров - первопроходец амурских земель, остановившись на новом месте (бывшее поселение даурского князя Албазы), основал село, которое назвали Албазин. А после неоднократного нападения китайцев, там построили оборонительную крепость с тем же названием. Россия и Китай вели постоянную борьбу за крепость Албазин. Китайцы вредили ей, то сжигали, то громили, но русские не раз ее восстанавливали буквально из пепла, не без помощи Божией Матери. Образ Богородицы в крепость принёс старец Ермоген, основатель Усть-Киренского монастыря. Во время нашествия китайцев образ переезжал вместе со старцем Ермогеном из одного места в другое. И в 1865 году икона обрела свое постоянное место в Благовещенском Кафедральном соборе. Икону украсили специально изготовленным серебряным окладом и оформили памятной надписью “Сия Албазинская икона Божией Матери принесена из Сретенска в Благовещенск преосвященнейшим Вениамином, епископом Камчатским, Курильским и Алеутским в июне 1860 года при первом вступлении его в свой епархиальный город”.

В 1902 году, в Духов день, был учрежден крестный ход Албазинской иконы по Дальневосточной епархии - от Благовещенского собора до Зейской переправы. Процессию возглавлял епископ Камчатский. Затем икону поднимали на теплоход и отправляли по реке Амур с заездами во многочисленные населенные пункты, в том числе, город Николаев-на-Амуре, и добирались до Сахалина. Крестный ход длился около 2 месяцев и возвращался обратно в Благовещенск.

Во времена гонений на святую Церковь в начале XX века, Благовещенский собор был разрушен. Икону местные священники сохранили, она находилась в часовне Ильинского храма. В 1938 году поместили образ, как историческую ценность, в Амурский областной краеведческий музей. И только в 1991 году она вернулась во вновь отстроенный собор в Благовещенске, где находится и доныне.

В 1990 году китайские бунтари напали на город Благовещенск. Осада длилась 19 дней. В это время во всех храмах города проходили непрерывные божественные службы с чтением молитвы и акафистов. Захватчики отступили. Бытует предание, что китайские воины увидели над берегами Амура женщину в белых одеждах с младенцем на руках, парящую в воздухе. Объятые ужасом и страхом, они прекратили осаду и покинули пределы города. Так Царица Небесная чудесным образом спасла город Благовещенск.

В двухтысячные годы епископ Гавриил возобновил традицию крестных ходов по дальнему Востоку. В 2013 году был проведен воздушный крестный ход во время огромных затоплений - пеший крестный ход был невозможен.

В 2012 году по представлению епископа Лукиана, была утверждена медаль Албазинской иконы Божьей Матери “Слово плоть бысть” 3 степеней. Её вручают за весомый вклад в развитии духовно-нравственных традиций Православной Церкви.

Сейчас известно несколько списков с этой чудотворной иконы. Наиболее известный - это Хабаровский список “Слово плоть бысть”.

Во всех вариантах этой иконографии уникально то, что Пресвятая Дева изображена беременной, еще нерожденный Богомладенец изображен на Ее лоне. В руках Младенца - свиток с библейскими цитатами.

О чём молятся

Так как Пресвятая Богородица помогла в защите Амурской крепости, то сейчас Ей молятся о благополучном возвращении после прохождения воинской службы в армии, особенно тех, кто находится на службе в горячих точках и на границе; о здравии и благополучии воинов и солдатов-призывников.

Женщины, не имеющие детей, либо страдающие какими-то женскими заболеваниями, по причине которых не могут выносить ребёнка, обращаются с верой и молитвой за помощью к Албазинской иконе Божией Матери о рождении ребенка. Действительно помощь приходит, известны истории верующих, получивших благодатную помощь.

Молятся также и о даровании здоровья детям и взрослым, об избавлении от различных недугов.

Пресвятая Богородица, спаси нас!

Акафист Божией Матери перед иконой "Слово плоть бысть" Албазинская

Конда́к 1

Взбра́нной Воево́де и благо́й Засту́пнице земли́ Аму́рской и Оте́чества на́шего, похва́льныя пе́сни прино́сим Ти́, у святы́я ико́ны Твоея́ собра́вшеся. Моле́ния на́шего у чудотво́рнаго о́браза Твоего́ не пре́зри, но моли́твами Твои́ми от вся́ких на́с бе́д свободи́ и вся́ блага́я на́м да́руй, во умиле́нии велегла́сно зову́щим Ти́:

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

И́кос 1

Арха́нгелов и А́нгелов Цари́це и ро́да челове́ческаго Засту́пнице, Пречи́стая Де́во Богоро́дице, явле́нием ико́ны Твоея́ Албази́нския кра́й Аму́рский и страну́ Росси́йскую благода́тию озари́ла еси́, охраня́я преде́лы Оте́чества на́шего и люде́й ве́рных, воспева́ющих Ти́ такова́я:

Ра́дуйся, освяще́нное селе́ние Бо́га Сло́ва;

Ра́дуйся, А́гнице, роди́вшая А́гнца, взе́млющаго грехи́ ми́ра;

Ра́дуйся, раю́ цветоно́сный, Боже́ственное Дре́во произрасти́вшая;

Ра́дуйся, Богообра́дованная Ма́ти, ра́дость не́бу и земли́ роди́вшая;

Ра́дуйся, прароди́тельскаго преступле́ния разреше́ние;

Ра́дуйся, проро́ческих глаго́лов исполне́ние;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 2

Ви́дяще, Преблага́я Влады́чице, усе́рдие ста́рца Ермоге́на, священнои́нока оби́тели Усть-Ки́ренския, благоизво́лила еси́ рука́ма сего́ о́бразу Твоему́ свято́му на зе́млю Аму́рскую принести́ся, у него́ же Вели́кому Промысли́телю Бо́гу пое́м, Аллилу́иа.

И́кос 2

Ра́зум богопросвеще́н име́юще, преподо́бный Ермоге́н му́жественно противостоя́ше беда́м и лише́ниям в земли́ неизве́данной, явле́нными благодея́ниями от ико́ны Твоея́ в ве́ре укрепля́ем, благода́рне подвиза́ет на́с зва́ти Тебе́:

Ра́дуйся, Уте́шительнице на́ша милосе́рдная;

Ра́дуйся, Наде́ждо на́ша непосты́дная;

Ра́дуйся покро́вом Твои́м все́х притека́ющих к ико́не Твое́й осеня́ющая;

Ра́дуйся, бога́тство невесо́мое все́м чту́щим Тя́ подава́ющая;

Ра́дуйся, гла́су моле́ния все́х скорбя́щих послу́шная;

Ра́дуйся, Ма́ти милосе́рдия неоску́дная;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 3

Си́лу сугу́быя благода́ти яви́ Госпо́дь о́бразу Твоему́, Пресвята́я Влады́чице, моля́щимся лю́дем поселе́ния Албази́нскаго в ско́рбных испыта́ниях покро́в и избавле́ние дарова́ла еси́. Ра́дующеся таково́му благоволе́нию Бо́жию, по моли́твам к Тебе́, Преблага́я, восхваля́ем Благопода́теля Бо́га, пою́ще Ему́, Аллилу́иа.

И́кос 3

Име́юще Тя́ вои́стину Вои́тельницу и Засту́пницу, от ико́ны Твоея́ многочи́сленныя зна́мения и чудеса́ явля́ющую, лю́дие Албази́нские поспеши́ша хра́м Воскресе́ния Христо́ва в кре́пости устро́ити, да в не́м поста́вленному о́бразу Твоему́ со вся́ким умиле́нием покланя́ющеся, Тебе́ взыва́ху:

Ра́дуйся, я́ко сте́ну неруши́мую Тебе́ стяжа́хом;

Ра́дуйся, я́ко благомо́щную Покрови́тельницу Тя́ позна́хом;

Ра́дуйся, сокро́вище бога́тное в Твое́й святе́й ико́не на́м препода́вшая;

Ра́дуйся, о́бразом Твои́м Албази́нским зе́млю на́шу освяти́вшая;

Ра́дуйся, сла́ву Бо́жию пе́ти на́с науча́ющая;

Ра́дуйся, с ве́рою моля́щихся Тебе́ проше́ния исполня́ющая;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 4

Бу́рею неи́стовства одержи́ми инове́рнии, противостоя́ше благоустрое́нию в земли́ Дау́рской люде́й ру́сских; моли́тв ра́ди у святы́я ико́ны Твоея́ яви́лася еси́ в виде́нии чу́дном, устраша́я иноплеме́нныя, посе́вы хле́бныя сожещи́ хотя́щия; ра́дующеся таково́му явле́нию ми́лости Твоея́, моля́щиеся благода́рне возопи́ша Бо́гу, Аллилу́иа.

И́кос 4

Слы́шавше от иноплеме́нных о ди́вном явле́нии Твое́м на коне́, Жены́ во одея́ниих бе́лых, красоты́ неизрече́нныя, устраши́вшей злоко́зненное замышля́ющих, таково́му води́тельству Твоему́ о благоустрое́нии земне́м вве́рившеся, с тре́петом благода́рнаго се́рдца у честна́го о́браза Твоего́ взыва́ем:

Ра́дуйся, чи́стых рука́ма и се́рдцем земледе́льцев благослове́нными плода́ми венча́ющая;

Ра́дуйся, Ма́ти милосе́рдия, мо́ре щедро́т христиа́ном излива́ющая;

Ра́дуйся, от гла́да и ну́жды прия́тное попече́ние;

Ра́дуйся, изнемога́ющих засту́пнице и укрепле́ние;

Ра́дуйся, Е́юже ве́ра умножа́ется;

Ра́дуйся, сла́ву Бо́жию пе́ти на́с науча́ющая;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 5

Боготе́чной звезде́ уподо́билася ико́на Твоя́, Влады́чице, явля́я о́браз воплоще́ннаго из Тебе́ Сло́ва Бо́жия. Ви́дяще ю́ моля́щиеся пред не́ю отцы́ на́ша в и́стинней ве́ре укрепля́хуся, испове́дующе Го́спода Иису́са Христа́, Сы́на Твоего́ и Бо́га на́шего, науча́я и на́с воспева́ти Ему́, Аллилу́иа.

И́кос 5

Ви́дяще чудеса́ пресла́вныя, от ико́ны Твоея́ быва́емыя, я́ко многосве́тлый свети́льник в земли́ Дальневосто́чней просия́вший, зри́м святу́ю ико́ну Твою́, Пречи́стая Богома́ти, све́том ве́ры Христо́вой зе́млю на́шу озари́вшая и в пра́вом славле́нии Триипоста́снаго Бо́га ве́рных научи́вшая, зову́щих Ти́:

Ра́дуйся, я́ко тверды́ню Правосла́вия возвели́чившая;

Ра́дуйся, е́юже Правосла́вие в земле́ на́шей утверди́ся;

Ра́дуйся, сию́ на утеше́ние и покро́в лю́дем Твои́м дарова́вшая;

Ра́дуйся, луча́ми ми́лости Твоея́ озаря́ющая;

Ра́дуйся, ди́вная зна́мения ико́нами Твои́ми соверша́ющая;

Ра́дуйся, Богома́терними щедро́тами все́х прибега́ющих к Тебе́ посеща́ющая;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 6

Пропове́дует ми́р ве́сь чудеса́ от ико́ны Твоея́ Албази́нския, излива́емыя в земле́ Дальнеросси́йстей, не́сть бо гра́да или́ ве́си, Влады́чице, иде́же не соверши́ся по моли́твам у о́ной де́йства си́лы Бо́жия, оби́льно то́ки чуде́с умиле́нно припа́дающим излива́ла еси́. Удивля́хуся таково́му усмотре́нию Бо́жию, явле́нию ико́ны Твоея́ чу́дныя, благода́рные лю́дие воспева́ют Бо́гу, Аллилу́иа.

И́кос 6

Возсия́ луча́ми сла́вы во́инству Росси́йскому, Влады́чице, егда́ по моли́твам у ико́ны Твоея́ благополу́чный спла́в каза́чих во́йск по река́м Ши́лки и Аму́ра соверши́ся, гра́фу Никола́ю Муравье́ву споспешеству́я, в де́ле защи́ты рубеже́й Ру́сских в земле́ Камча́тстей, малочи́сленному Петропа́вловскому гарнизо́ну победоно́сное противостоя́ние а́нгло-францу́зской эска́дре дарова́ла еси́, Христоимени́тое Во́инство воспе́ша Ти́ такова́я:

Ра́дуйся, непобеди́мая Воево́до вожде́й и во́инств христиа́нских;

Ра́дуйся, ро́да христиа́нскаго при́сное вспоможе́ние;

Ра́дуйся, лю́ди Твоя́ ди́вною побе́дою увенча́вшая;

Ра́дуйся, ико́ною Твое́ю исто́чники чуде́с вели́ких на́м явля́ющая;

Ра́дуйся, тьму́ лю́тых обстоя́ний от почита́ющих Тя́ отгоня́ющая;

Ра́дуйся, зна́меньми непостижи́мыми моля́щихся Тебе́ ободря́ющая;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 7

Хотя́ Госпо́дь дарова́ти но́выя ми́лости в освое́нии земе́ль Дальневосто́чных, положи́ на се́рдце святи́телю Инноке́нтию Вениами́нову и генера́л-губерна́тору Никола́ю Муравье́ву основа́ти стани́цу У́сть-Зе́йскую и в не́й хра́м пресла́вному Благове́щению сооруди́ти, в не́мже поста́влен бу́дет о́браз Тво́й Албази́нский в па́мять чуде́снаго засту́пничества Твоего́. У него́ же собра́вшеся, благода́рно воспева́ем Бо́гу, Аллилу́иа.

И́кос 7

Но́вую показа́ ми́лость все́х Творе́ц и Влады́ка по моли́твам у ико́ны Твоея́ Албази́нския, Влады́чице, егда́ на ве́чныя времена́ и по о́бщему согла́сию Айгу́нский догово́р заключе́н бы́сть. Под покро́вом Твои́м и води́тельством, Пресвята́я Де́во, ми́р и согла́сие Росси́и и Кита́я установи́ся, миролюби́вые лю́дие, с ра́достию припа́дающе к чудотво́рному о́бразу Твоему́, еди́ными усты́ и се́рдцем возгласи́ша:

Ра́дуйся, ми́р, тишину́ и благоде́нствие на́м явля́ющая;

Ра́дуйся, земли́ Ру́сския утвержде́ние;

Ра́дуйся, кре́пкая защи́то возложи́вших на Тя́ упова́ние;

Ра́дуйся, земли́ на́шея несокруши́мое огражде́ние;

Ра́дуйся, раздо́ры и нестрое́ния умиря́ющая;

Ра́дуйся, омофо́ром Твои́м светоза́рным вся́ покрыва́ющая;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 8

Стра́нное чу́до яви́ся, Богома́ти, от ико́ны Твоея́ Албази́нския, егда́ лю́дие новоучрежде́ннаго гра́да Благове́щенска, многоле́тне обурева́еми эпиде́мией и я́звой всегуби́тельной, целова́нием ико́ны Твоея́ и кропле́нием воды́ освяще́нныя исцеля́хуся. Восприе́млюще от Тебе́, Цели́тельнице Блага́я, такову́ю благода́ть, лю́дие хвале́бно воспе́ша пе́снь Бо́гу, Аллилу́иа.

И́кос 8

Вся́ объе́млющая любо́вию Твое́ю, Пречи́стая, ко ико́не Твое́й приснопокланя́емей притека́ющих усе́рдно, я́коже дре́вле отце́м на́шим по́мощь Твою́ держа́вную явля́ла еси́, та́ко и на́с, смире́нных, не лиши́ Твоего́ благода́тного заступле́ния, зову́щих Ти́ такова́я:

Ра́дуйся, от я́звы и всегуби́тельства сме́ртнаго на́с соблюда́ющая;

Ра́дуйся, от разлия́ния во́д и потопле́ния руко́ю кре́пкою возводя́щая;

Ра́дуйся, от запале́ния о́гненнаго росо́ю моли́тв Твои́х избавля́ющая;

Ра́дуйся, уда́ры мо́лнии и гро́мы от главы́ на́шея отводя́щая;

Ра́дуйся, безнаде́жных изве́стное наде́яние;

Ра́дуйся, ма́терей детородя́щих ско́рое и безболе́зненное разреше́ние;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 9

Вся́к во́зраст и чи́н славосло́вит Тя́ и Сы́на Твоего́, Влады́чице, притека́я ко о́бразу Твоему́, в земле́ Приаму́рстей просла́вленному, име́я ико́ну Твою́ чудотво́рную я́ко щи́т и огражде́ние от враго́в ви́димых и неви́димых, благоде́евшему на́м Бо́гу воспева́ем, Аллилу́иа.

И́кос 9

Вети́и многовеща́нныя умолко́ша, и недоумева́ет вся́к у́м о пресла́внем заступле́нии Твое́м Собо́рныя це́ркви и жи́телем гра́да Благове́щенска, егда́ восста́вшии Ихэтуа́ни ви́дяху Тя́ на возду́се, Жену́ чуде́сную во оде́ждах бе́лых, со Младе́нцем на рука́х носи́мым, ополче́ние и стрельбу́ воспреща́ющую. Ра́дуяся ви́димому предста́тельству Твоему́, ве́рнии у ико́ны Твоея́ возопи́ша:

Ра́дуйся, Твои́ми моли́твами пред Бо́гом на́ша Засту́пнице;

Ра́дуйся, в напа́стех превели́кая Защи́тнице;

Ра́дуйся, ско́рбных утеше́ние;

Ра́дуйся, ненаде́янных наде́яние;

Ра́дуйся, в беда́х су́щих ру́ку по́мощи подаю́щая;

Ра́дуйся, ма́тернюю любо́вь и милосе́рдие на́м явля́ющая;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 10

Спасти́ся хотя́щим на́м и под кро́в Тво́й прибега́ющим бу́ди Блага́я Помо́щнице, Пресвята́я Де́во. В земле́ Приаму́рстей живу́щих и во тьме́ неве́рия пребыва́ющих, и от и́стинной Це́ркви Христо́вой отпа́вших, в ра́зум И́стины приведи́ и в ло́но Це́ркви Сы́на Твоего́ возврати́, да Твои́м Богома́терним предста́тельством поми́лует на́с Судия́ Пра́ведный и в де́нь о́ный Стра́шнаго Суда́ сподо́бит со избра́нными пе́ти Ему́, Аллилу́иа.

И́кос 10

Стено́ необори́мая и исто́чник чуде́с в земле́ Аму́рской яви́ся ико́на Твоя́, Богоро́дице Де́во, о́браз бо Тво́й во дни́ тя́жких отступле́ний и вели́ких испыта́ний наро́да на́шего сокры́т бы́сть. Да по ле́тех мно́гих со сла́вою возврати́ся, мглу́ безбо́жия кра́я на́шего заре́ю све́та Христо́вой И́стины просвеща́юще, ра́достно Ти́ зову́щих:

Ра́дуйся, Купино́ неопали́мая, неопа́льно во огне́ пречестны́й о́браз Тво́й сохра́ншая;

Ра́дуйся, ско́рбныя лю́ди Твоя́ чудотво́рной ико́ны не лиши́вшая;

Ра́дуйся, святы́х оби́телей Христо́вых покро́в и снабде́ние;

Ра́дуйся, ве́рных па́стырей Це́ркви бо́дрость и вразумле́ние;

Ра́дуйся, и́стинныя ве́ры утвержде́ние;

Ра́дуйся, от па́губных уче́ний на́ше охране́ние;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 11

Пе́ние хвале́бное прино́сим Ти́, Пресвята́я Де́во, пред свято́ю и чудотво́рною ико́ною Твое́ю, Влады́чице. Сохрани́ от вся́каго зла́го обстоя́ния гра́д на́ш и зе́млю Дальневосто́чную, да ти́хое и безмо́лвное житие́ поживе́м во вся́ком благоче́стии и чистоте́, Сы́ну Твоему́ и Бо́гу на́шему воспева́я, Аллилу́иа.

И́кос 11

Светоза́рная ико́на Твоя́ «Сло́во пло́ть бы́сть», Влады́чице, я́ко светоприе́мная свеща́, невеще́ственный о́гнь благода́ти Твоея́ восприе́мши, в подо́биих ея́ но́вых возжига́ет свети́льники, прича́стны то́ежде благода́тныя си́лы, и озаря́ет чудесы́, наставля́ющи на́с на пу́ть спасе́ния, зову́щих:

Ра́дуйся, подо́бием ли́ка Твоего́ на́с утеша́ющая;

Ра́дуйся, на́с неви́димо благословля́ющая;

Ра́дуйся, песносло́вящих Тя́ неизрече́нно умиля́ющая;

Ра́дуйся, я́ко отсту́пницы от ве́ры оте́ческия Тобо́ю вразумля́ются;

Ра́дуйся, я́ко Тобо́ю и́стинная ве́ра в земле́ на́шей насажда́ется;

Ра́дуйся, я́ко Тобо́ю ко́зни враго́в Правосла́вия посрамля́ются;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 12

Благода́ть и ми́лость пода́ждь на́м, Влады́чице, от ико́ны Твоея́ Албази́нския мно́гими зна́мениями и чудесы́ просла́вленной, никто́ же бо притека́яй с ве́рою, то́щь и неуслы́шан от нея́ исхо́дит. Те́мже и мы́ покланя́емся Тебе́ и мо́лимся: в Правосла́вии на́с соблюди́ и сподо́би до после́дняго издыха́ния на́шего ве́рно пе́ти Бо́гу, Аллилу́иа.

И́кос 12

Пою́ще Твоя́ дре́вния и но́выя ми́лости, Влады́чице, явля́емыя ве́рным рабо́м Твои́м, покланя́емся пречу́дному о́бразу Твоему́, на Аму́рской земле́ явле́нному, хва́лим Тя́, Честне́йшую Херуви́м, и велича́ем Тя́, Сла́внейшую Серафи́м, и припа́дающе честно́му о́бразу Твоему́, я́ко Тебе́ Само́й с на́ми су́щей, уми́льно глаго́лем:

Ра́дуйся, ико́ною Твое́ю чудеса́ и ми́лости на́м явля́ющая;

Ра́дуйся, тьму́ лю́тых обстоя́ний от почита́ющих Тя́ отгоня́ющая;

Ра́дуйся, Твои́м хода́тайством от все́х бе́д на́с избавля́ющая;

Ра́дуйся, боле́зни на́ша душе́вные и теле́сные исцеля́ющая;

Ра́дуйся, свяще́нное прибе́жище ве́рных;

Ра́дуйся, пода́тельнице бла́г ве́чных;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 13

О, Всепе́тая Ма́ти, ро́ждшая все́х святы́х Святе́йшее Сло́во, при́зри на смире́нная моле́ния на́ша и похвалу́ пред пречи́стым о́бразом Твои́м возноси́мая, От вся́ких на́с бе́д и скорбе́й изба́ви и насле́дниками Ца́рствия Сы́на Твоего́ соде́лай, да просла́вим безме́рное милосе́рдие Твое́, воспева́я Бо́гу на́шему Херуви́мскую пе́снь, Аллилу́иа.

Этот конда́к чита́ется три́жды.

И́кос 1

Арха́нгелов и А́нгелов Цари́це и ро́да челове́ческаго Засту́пнице, Пречи́стая Де́во Богоро́дице, явле́нием ико́ны Твоея́ Албази́нския кра́й Аму́рский и страну́ Росси́йскую благода́тию озари́ла еси́, охраня́я преде́лы Оте́чества на́шего и люде́й ве́рных, воспева́ющих Ти́ такова́я:

Ра́дуйся, освяще́нное селе́ние Бо́га Сло́ва;

Ра́дуйся, А́гнице, роди́вшая А́гнца, взе́млющаго грехи́ ми́ра;

Ра́дуйся, раю́ цветоно́сный, Боже́ственное Дре́во произрасти́вшая;

Ра́дуйся, Богообра́дованная Ма́ти, ра́дость не́бу и земли́ роди́вшая;

Ра́дуйся, прароди́тельскаго преступле́ния разреше́ние;

Ра́дуйся, проро́ческих глаго́лов исполне́ние;

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Конда́к 1

Взбра́нной Воево́де и благо́й Засту́пнице земли́ Аму́рской и Оте́чества на́шего, похва́льныя пе́сни прино́сим Ти́, у святы́я ико́ны Твоея́ собра́вшеся. Моле́ния на́шего у чудотво́рнаго о́браза Твоего́ не пре́зри, но моли́твами Твои́ми от вся́ких на́с бе́д свободи́ и вся́ блага́я на́м да́руй, во умиле́нии велегла́сно зову́щим Ти́:

Ра́дуйся, Преблагослове́нная Богоро́дице Де́во, Аму́рская Похвало́ и ми́ра Засту́пнице.

Тропа́рь, гла́с 3

Всеми́лостивая на́ша Засту́пнице, / Ма́ти воплоти́вшагося Бо́га Сло́ва, / явле́й чудото́чный о́браз Сво́й на Аму́рской земли́, / из него́ же благода́ть оби́льно излива́еши, / подава́я исцеле́ние неду́гов душе́вных и теле́сных. / О, Всеблага́я Богороди́тельнице, / непра́здных же́н в рода́х Помо́щнице, / и Взбра́нной Воево́де победи́тельная, / от наше́ствия иноплеме́нных Кре́пкий Щи́те, / Правосла́вие в конце́х земли́ Росси́йстей укрепи́, / и пода́й душа́м на́шим ве́лию ми́лость.

Конда́к, гла́с 6

Предста́тельство христиа́н непосты́дное, / хода́тайство ко Творцу́ непрело́жное, / не пре́зри гре́шных моле́ний гла́сы, / но предвари́, я́ко Блага́я, на по́мощь на́с, ве́рно зову́щих Ти́: / ускори́ на моли́тву и потщи́ся на умоле́ние, / предста́тельствующи при́сно, Богоро́дице, чту́щих Тя́.

Моли́тва

Mолитва по соглашению