Акафист Пресвятой Богородице в честь иконы Ея «Утоли моя печали»

Православные люди особенно любят и почитают Матерь Божию. К Ней прибегают с различными прошениями. Она – посредница между Богом и людьми. Царица Небесная являет нам грешным свою милость через свои иконы. Есть много икон Пресвятой Богородицы и об одной из них мы расскажем в данной статье

История иконы «Утоли моя печали»

Икона Пресвятой Богородицы «Утоли моя печали» издавна почитается святой Церковью. Уже с 1760 года встречаются упоминания о ней в различных источниках.

Первая икона Божией Матери под названием «Утоли моя печали» появилась в Москве при царе Михаиле Федоровиче в XVII веке - в 1640 году. Привезли её казаки из города Шклова (современная Белоруссия). Икона находилась в храме в честь Святителя и Чудотворца Николая на Пупышах, в Замоскворечье. К сожалению, спустя время, икона оказалась в забвении и небрежении. Вероятно это произошло по причине многократных перестроек храма и пожаров. Она лежала на колокольне храма среди разных ненужных вещей.

Празднование в честь этой иконы установлено в 1760 году в память о чудесном исцелении одной знатной женщины.

Вот как это произошло. Женщина лежала в тяжелой болезни и не могла даже пошевелить ни рукой, ни ногой. Однажды во сне болящая увидела Пресвятую Богородицу. Царица Небесная приказала ей ехать в Москву и там, в храме в честь святителя Николая Чудотворца, что на Пупышах, найти икону с надписью “Утоли моя печали”.

Женщину привезли в храм и стали подносить к ней все иконы, которые были там. И как только ей дали приложиться к иконе Божией Матери, которую нашли на колокольне, женщина смогла пошевелить рукой. А после того, как женщина помолилась на молебне перед обретенной иконой, она стала совершенно здоровой. Чудотворную икону поместили в храме, а впоследствии устроили и придел в ее честь.

От иконы совершилось великое множество чудес и исцелений. К сожалению, письменные свидетельства о чудесной помощи Богоматери не сохранились: они сгорели во время пожара. Из сохранившихся преданий известно что очень много чудесных исцелений произошло во время чумы 1771 года.

В середине 20 века икону Божией Матери «Утоли моя печали» отреставрировала раба Божия Ирина Ватагина – иконописец и художник-реставратор.

В годы гонений на Церковь при советской власти, пострадал храм Святителя Николая в Замоскворечье, где хранилась икона. Его попросту снесли, как поступали тогда со многими церквями. Чудотворная икона была перенесена в Кузнецкую слободу, в храм, также посвященный Святителю Николаю, как и предыдущее место её пребывания. Здесь образ был поставлен в приделе в честь Введения Пресвятой Богородицы. Чин освящения этого придела некогда совершил святитель Филарет (Дроздов), митрополит Московский.

В Николо-Кузнецком храме образ Пресвятой Богородицы «Утоли моя печали» находится и по настоящее время. Ежегодно, 7 февраля по новому стилю, в Никольском храме совершается торжественное архиерейское Богослужение в честь чудотворной иконы.

О чем молятся

Само название иконы взято из молитвенного обращения к Божией Матери. Уже из него видно, что перед образом молятся об утолении различных печалей. Печаль может быть разной. Как сказал кто-то из святых отцов, есть печаль греховная, приводящая к унынию. Именно от такой печали мы просим Богоматерь избавить нас. Ведь уныние – это один из смертных, то есть самых тяжелых, грехов.

Также у Божией Матери перед иконой Ея «Утоли моя печали» просят помощи в различных делах, избавления от бед, исцеления от душевных и телесных болезней, защиты от врагов видимых и невидимых. Просят и укрепления в вере, даровании терпения в несении испытаний, избавления от греховных привычек.

Перед образом Пресвятой Богородицы “Утоли моя печали” читают акафист, служат молебны. Акафист это хвалебное песнопение в честь Господа, Божией Матери, святых угодников или Небесных Сил Бесплотных. Акафист состоит из двенадцати кондаков и икосов. Акафист читается или поётся нараспев в любое время и в любом месте. По Уставу положено читать его стоя (слово «акафист» переводится с греческого как «неседален»). Однако в немощи, в дороге и при других обстоятельствах можно почитать или послушать акафист и сидя.

Молебен – это краткое Богослужение и совершается он священником. Заказать молебен можно за свечным ящиком храма или монастыря. Сейчас также появилась возможность заказать требы онлайн, если нет возможности приехать. Молебен бывает простой, с акафистом или водосвятием.

На молебне необходимо присутствие того, кто заказал его. Этот человек должен и сам молиться о своей нужде. Если нет возможности присутствовать в храме по уважительной причине (болезнь, работа, дальнее расстояние и т.д.), нужно помолиться самому: почитать акафист или просто молитву, а если совсем нет времени, можно читать про себя краткие молитвы «Богородице Дево, радуйся», «Пресвятая Богородице, спаси нас!» или молитву конкретной иконе.

Иконография

Иконография образа Пресвятой Богородицы “Утоли моя печали” очень интересна. Рука у Богородицы поднята к лицу, а голова немного наклонена. Эта поза как бы говорит, что Царица Небесная внимает нашим мольбам. На коленях Пресвятой Богородицы сидит Предвечный Младенец. В руке у Него свиток с надписью: “Суд праведен судите, милость и щедроты творите кийждо ко искреннему своему; вдовицу и сира не насильствуйте и злобу брату своему в сердце не творите”.

В настоящее время существует много списков иконы Пресвятой Богородицы “Утоли моя печали”. И хотя их иконография чаще всего совпадает с оригиналом, встречаются иконы с небольшими отличиями. Иногда несколько отличаются положения рук Богоматери, либо лик Ея обращен в другую сторону.

Пресвятая Богородице, избави нас от всякого зла и утоли наша печали!

Икона "Утоли моя печали" в храме Святителя Николая в Кузнецкой слободе, Москва

Акафист Божией Матери перед иконой "Утоли моя печали"

Кондак 1

Взбра́нное нам и ди́в­ное из­бав­ле́­ние да­ро­ва́­ся, Твой о́б­раз чест­ны́й, Преблагослове́нная Де́­во Вла­ды́­чи­це Бо­го­ро́­ди­це, я́ко из­ба́вль­ше­ся от злых яв­ле́­ни­ем его́ и к не­му́ взи­ра́ю­ще, воспису́ем Ти бла­го­да́р­ствен­ная раби́ Твои́, Бо­го­ро́­ди­це; но я́ко иму́щая держа́ву непобеди́мую, от вся́­ких нас бед сво­бо́­ди, да зо­ве́м Ти:

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Икос 1

А́н­гел мно́­жест­во и вся Не­бе́с­ная Во́­ин­ства сла́вят Те­бе́, Цари́цу всех Богоро́дицу, Ты же испо́лнила еси́ ра́­дос­ти ду́­ши на́­ша ми́лостивым яв­ле́­ни­ем нам о́браза Тво­его́ свя­та́­го, Бо­го­из­бра́н­ная Де́­во Вла­ды́­чи­це, к нему́же кла́няющеся, Те­бе́ умиле́нная мо­ле́­ния возсыла́ем, милосе́рдому Тво­ему́ к нам зас­туп­ле­нию со стра́­хом зо­ву́­ще та­ко­ва́я:

Ра́­дуй­ся, От­ца́ Безнача́льнаго благослове́ние; ра́­дуй­ся, Сы́­на Преве́чнаго жи­ли́­ще.

Ра́­дуй­ся, Ду́­ха Свя­та́­го пребыва́ние; ра́­дуй­ся, я́ко Те­бе́ сла́вят многоочи́тии херуви́ми.

Ра́­дуй­ся, я́ко Те­бе́ по­хва́ль­ная при­но́­сят шестокрила́тии серафи́мы; ра́­дуй­ся, я́ко Те­бе́ вся не­бе́с­ная во́­ин­ства велича́ют.

Ра́­дуй­ся, я́ко Те­бе́ вся коле́на зем­на́я Ма́­терь Бо́­жию испове́дуют; ра́­дуй­ся, я́ко То­бо́ю вся вселе́нная ве­се́­лия ис­пол­ня́­ет­ся.

Ра́­дуй­ся, я́ко То­бо́ю вся бо­ле́з­ни на́­ша ис­це­ля́­ют­ся; ра́­дуй­ся, Тво­и́ми бо мо­ли́т­ва­ми пе­ча́­ли на́­ша утоля́ются.

Ра́­дуй­ся, Тво­и́ми бо хода́тайствы вся про­ше́­ния на́­ша исполня́ются; ра́­дуй­ся, я́ко Те­бе́ и Сы́­ну Тво­ему́ в Тво­е́й чест­не́й ико­не бла­го­да́р­но по­кло­ня́­ем­ся.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 2

Ви́дят Тя, Бо­го­из­бра́н­ная От­ро­ко­ви́­це, вся не­бе́с­ныя си́­лы предстоя́щу всег­да́ Пре­сто́­лу Сла́­вы Не­бе́с­на­го Ца­ря́ и за христиа́ны к Сы́­ну и Бо́­гу моля́щуюся, Не­бе́с­ная Ца­ри́­це; мы же гре́ш­нии на зем­ли́, зря́ще Твою́ свя­ту́ю ико́­ну и к ней при­па́­даю­ще, Те­бе́ ра́­дост­но по­кло­ня́­ем­ся, зо­ву́­ще: Алли­лу́иа.

Икос 2

Ра́­зум по­да́ждь нам, Всеусе́рдная Предста́тельнице на́­ша, Не­бе́с­ная Ца­ри́­це, из уст бо нас скве́рных, ка́­ко мо́щно пе́­ти Тво­ему́ и́мени? Я́ко бла­ги́х еси́ нам Хода́таица, си́льна еси́ вспомоществова́ти во вся́­кой на́­ми тре́буемой по́­мо­щи, да Те­бе́ со уми­ле́­нием зо­ве́м си́­це:

Ра́­дуй­ся, мо­ли́т­вы о нас к Сы́­ну и Бо́­гу во уте­ше́­ние принося́щая; ра́­дуй­ся, Тво­и́ми мо­ли́т­ва­ми о́чи на́­ша от ве́ч­на­го рыда́ния из­бав­ля́ю­щая.

Ра́­дуй­ся, Тво­и́ми Ма́­тер­ни­ми мо­ли́т­ва­ми Сы́­на и Бо́­га на ми́­лость к нам приклоня́ющая; ра́­дуй­ся, Тво­и́ми мо­ли́т­ва­ми пра́ведный на нас гнев Бо́­жий утоля́ющая.

Ра́­дуй­ся, Тво­и́ми хода́тайствы гре­хи́ на́­ша проща́ющая; ра́­дуй­ся, Твое́ю по́­мо­щию стра́с­ти на́­ша истребля́ющая.

Ра́­дуй­ся, Тво­и́м пред­ста́­тель­ством вре́­мен­ная на́­ша ско́р­би раз­ру­ша́ю­щая; ра́­дуй­ся, Ты во вся́­ких бе­да́х и ну́ж­дах нам помога́ющая.

Ра́­дуй­ся, Тя сла́вящих всег­да́ про­слав­ля́ю­щая; ра́­дуй­ся, Твое́ю ра́­дос­тию пе­ча́­ли на́­ша утоля́ющая.

Ра́­дуй­ся, непреста́нное нам ве­се́­лие подава́ющая; ра́­дуй­ся, нам ра́йс­кия две́ри отверза́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 3

Си́­ла Вы́ш­ня­го осени́ Тя к ско́рому и те́п­ло­му зас­туп­ле­нию ве́р­но при­те­ка́ю­щих к Те­бе́ и честно́му Тво­ему́ о́б­ра­зу поклоня́ющихся, еди́ней бо то́кмо Те­бе́, нетле́нней и Пре­чи́с­тей Бо­го­ма́­те­ри, да­де­ся дар вся́­кое благо́е на́­ше про­ше́­ние исполня́ти, и еди́на Ты мо́жеши нам по́­мо­щи, ели́ко хо́щеши. Тем всяк во́зраст славосло́вит Сы́­на Тво­его́ и Бо́­га на́­ше­го, зо­вы́й: Алли­лу́иа.

Икос 3

Иму́­щи бо­га́т­ство ми­ло­се́р­дия не­ос­ку́д­ное, всем конце́м земны́м простира́еши ру­ку́ по́­мо­щи и подае́ши боля́щим ис­це­ле́­ние, стра́­жду­щим осла́бу, сле­пы́м про­зре́­ние и всем вся по потре́бе исполня́еши. Мы же Те­бе́ бла­го­да́р­но си́­це по­е́м:

Ра́­дуй­ся, еди́на Ма́­ти, ми­ло­се́р­дие нам яв­ля́ю­щая; ра́­дуй­ся, ми́­лос­ти со­кро́­ви­ще мно­го­це́н­ное нам от­кры­ва́ю­щая.

Ра́­дуй­ся, безчи́сленныя щед­ро́­ты всем подава́ющая; ра́­дуй­ся, сло́­во пре­му́д­ро­сти про­ся́­щим да́­рую­щая.

Ра́­дуй­ся, пре­спе­яние ра́­зу­ма ю́ным подава́ющая; ра́­дуй­ся, ра́­ны на́­ша гре­хо́в­ныя истребля́ющая.

Ра́­дуй­ся, пра́­вед­ных в ра́йс­ких селе́ниих насажда́ющая; ра́­дуй­ся, отча́янным бу́дущих благ На­де́ж­до и Укреп­ле́­ние.

Ра́­дуй­ся, всех па́дших ско́ро к бла­го­да́­ти возставля́ющая; ра́­дуй­ся, всем вся́­кую тре́буемую от Те­бе́ по́­мощь подава́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 4

Бу́­рею мно́гих бед одержи́мым нам всег­да́ по­мо­га́е­ши, Не­бе́с­ная Ца­ри́­це, с ве́­рою при­бе­га́ю­щим к Те­бе́ и поклоня́ющимся цель­бо­но́с­ней Тво­е́й ико­не, е́йже первопи́санней иногда́ рекла́ еси́: С сим о́б­ра­зом бла­го­да́ть Моя́ и си́­ла. И мы и́стинно ве́­ру­ем, я́ко послу́шаеши про­ше́­ния при­зы­ва́ю­щих и́мя свято́е Твое́ и Сы́­ну Тво­ему́ зо­ву́­щих: Алли­лу́иа.

Икос 4

Слы́­ша Гос­по́дь Твоя́ на не­бе­си́ о нас хода́тайства, избра́нная Па­ла́­то Ду́­ха Свя­та́­го, исполня́ет Твоя́ про­ше́­ния, мы же гре́ш­нии на зем­ли́, ви́­дев­ше свя­ту́ю Твою́ ико́­ну, я́ко светоза́рное со́лн­це нам светя́щуюся, Те­бе́, я́ко Бо­жией Ма­те­ри, дерза́ем гла­го́­ла­ти:

Ра́­дуй­ся, Со́лн­це мы́сленное нам яв­ля́ю­щая; ра́­дуй­ся, Све́­том не­мер­ца́ю­щим нас про­све­ща́ю­щая.

Ра́­дуй­ся, умерщвле́нных греха́ми нас ожив­ля́ю­щая; ра́­дуй­ся, непло́дным ма́терем ложесна́ разреша́ющая.

Ра́­дуй­ся, неча́янно на­ходя́­щих на нас злых вра­го́в ско́ро про­го­ня́ю­щая; ра́­дуй­ся, жела́емых благ всег­да́ нас наслажда́ющая.

Ра́­дуй­ся, ско́ро в бе­да́х и в пе­ча́­лех нас утеша́ющая; ра́­дуй­ся, ве́­рою и́мя Твое́ при­зы­ва́ю­щих от неча́янныя сме́р­ти спа­са́ю­щая.

Ра́­дуй­ся, на Тя упова́ющим безконе́чный жи­во́т да́­рую­щая; ра́­дуй­ся, ве́­ру и лю­бо́вь к Те­бе́ иму́­щих к не­бе­си́ возводя́щая.

Ра́­дуй­ся, Предста́тельство на́­ше кре́п­кое; ра́­дуй­ся, во вся́­ких обстоя́тельствах нас защища́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 5

Боготе́чную звезду́, чест­ну́ю Твою́ ико́­ну, Ты нам показа́ла еси́, Вла­ды́­чи­це ми́­ра, к ней­же мы зря́ще и ве́­рою серде́чною мо­ля́­ще­ся, Те­бе́, Бо­го­ро́­ди­це, гла­го́­лем: Ты еси́ нам щит не­по­бе­ди́­мый и сте­на́ не­обо­ри́­мая, во­пию́­щим Бо́­гу: Алли­лу́иа.

Икос 5

Ви́деша си́­лы не­бе́с­ныя на ру­ку́ Твое́ю Со­зда́в­ша­го Свои́ма рука́ма че­ло­ве́­ки и Вла­ды́­ку разумева́юще Его́; мы же гре́ш­нии на зем­ли́, зря́ще изображе́нную Те­бе́, Пречи́стую Ма́­терь Его́, лю­бе́з­но Свои́ ру́­це к нам простира́ющую, к Те­бе́ уми́ль­но зо­ве́м:

Ра́­дуй­ся, на ру­ку́ Твое́ю Огнь Бо­же́ст­вен­ный неопа́льно держа́щая, И́м­же гре­хи́ на́­ша попаля́ются; ра́­дуй­ся, на ру­ку́ Твое́ю Све́­та Неприкоснове́ннаго носи́вшая, И́м­же ду́­ши на́­ша просвеща́ются.

Ра́­дуй­ся, вра­го́в на́­ших ви́­ди­мых и не­ви́­ди­мых побежда́ющая; ра́­дуй­ся, лю­бо́вь и ми­ло­се́р­дие к нам яв­ля́ю­щая.

Ра́­дуй­ся, ру́­це Твои́ в поруче́ние о нас к Бо́­гу принося́щая; ра́­дуй­ся, вход в Ца́рст­вие Не­бе́с­ное нам отверза́ющая.

Ра́­дуй­ся, Твое́ю по́­мо­щию нас защища́ющая; ра́­дуй­ся, Тво­и́м хо­да́­тай­ством гре­хи́ на́­ша проща́ющая.

Ра́­дуй­ся, Тво­и́м мо­ле́­ни­ем пе­ча́­ли на́­ша утоля́ющая; ра́­дуй­ся, я́ко Тво­и́м пред­ста́­тель­ством вся́­ких благ наслажда́емся.

Ра́­дуй­ся, я́ко То­бо́ю вся во бла­ги́х жела́ния на́­ша исполня́ются, ра́­дуй­ся, я́ко во́лю Сы́­на Тво­его́ твори́ти нас подвиза́еши.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 6

Пропове́дницы Богоно́снии апо́столи, по вознесе́нии Госпо́дни, хра́­му Тво­ему́ освеща́ему, неви́димою ру­ко́ю изображе́нный шаро́вными подо́бии на стене́ обре́тше о́б­раз Твой, Вла­ды́­чи­це, рожде́нному от Те­бе́ Бо́­гу воспе́ша: Алли­лу́иа.

Икос 6

Возсия́ла еси́ прему́дростию от И́с­тин­на­го Со́лн­ца Пра́в­ды, Бо­го­из­бра́н­ная От­ро­ко­ви́­це, и, лучи́ и́с­тин­на­го Богоразу́мия испуща́ющи, те́ми освеща́еши всех ве́­рою ис­по­ве́­даю­щих Тя и́стинную Ма́­терь Бо́­жию бы­ти, во­пию́­щих си́­це:

Ра́­дуй­ся, всех на не­бе­си́ сла́­вою Твое́ю про­све­ща́ю­щая; ра́­дуй­ся, на­ча́­ло че­ло­ве́­чес­ка­го спа­се́­ния устроя́ющая.

Ра́­дуй­ся, ковче́же жи́з­ни на́шея, от по­то́­па сме́ртнаго нас сохраня́ющий; ра́­дуй­ся, в ра́йс­ких селе́ниих жи́ти нам да́­рую­щая.

Ра́­дуй­ся, Предста́тельнице на́­ша к Бо́­гу, мир спа­са́ю­щая; ра́­дуй­ся, в бе­да́х су́­щих ско́ро заступа́ющая.

Ра́­дуй­ся, вся́­кия бо­ле́з­ни челове́ческия, те­ле́с­ныя и ду­ше́в­ныя, исцеля́ющая; ра́­дуй­ся, немы́м и косноязы́чным словеса́ отверза́ющая.

Ра́­дуй­ся, вся́­ка­го бла́га про­ся́­щим у Те­бе́ пода́тельнице; ра́­дуй­ся, уче́ние бла­го­да́­ти всем ис­то­ча́ю­щая.

Ра́­дуй­ся, тем вся́кий чин и во́зраст дово́льно услажда́ющая; ра́­дуй­ся, всех бла­га́я жела́ния исполня́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 7

Хо­тя́ дол­го­тер­пе­ли́­вый Всеви́дец Гос­по́дь яви́­ти Сво­его́ че­ло­ве­ко­лю́­бия и щед­ро́т бе́зд­ну, избра́ Те­бе́ Се­бе́ в Ма́­терь, ми́­лос­ти неисчерпа́емый ис­то́ч­ни­че, да а́ще кто пра́ведным судо́м Бо́­жи­им осужде́ния досто́ин, Тво­и́м всемо́щным хо­да́­тай­ством сохране́н бу́дет и Сы́­ну Тво­ему́ и Бо́­гу на́­ше­му велегла́сно зо­ве́т: Алли­лу́иа.

Икос 7

Ди́вна показа́л еси́ де́ла Твоя́ в Пре­чи́с­тей Ма­те­ри Тво­е́й, Го́с­по­ди, и ди́вну дарова́л еси́ нам Ея́ ико́­ну, па́­че луче́й со́лнечных просвеща́ющую лю­де́й, я́ко Са́мую зря́щих Богоро́дицу и ве́­рою серде́чною от ду́­ши лю­бо́­вию во­пию́­щих та­ко­ва́я:

Ра́­дуй­ся, ико́­ну Твою́ на зем­ли́, я́ко о́блак, всем распростира́ющая; ра́­дуй­ся, то́ю па́­че наде́яния милосе́рдое к нам за­ступ­ле́­ние яв­ля́ю­щая.

Ра́­дуй­ся, Твое́ю ико́­ною исто́чники чу­де́с всю́ду ис­то­ча́ю­щая; ра́­дуй­ся, яв­ле́­ни­ем Твоея́ ико́­ны вся лю́­ди про­све­ща́ю­щая.

Ра́­дуй­ся, то́ю но́вое зна́­ме­ние бла­го­да́­ти в Це́рк­ви яв­ля́ю­щая; ра́­дуй­ся, я́ко, на ико́­ну Твою́ взи­ра́ю­ще, Само́й Те­бе́, и́стинней Бо­го­ро́­ди­це, по­кло­ня́­ем­ся.

Ра́­дуй­ся, ико́­ною Твое́ю, я́ко столпо́м о́гненным, мрак греха́ от­го­ня́ю­щая; ра́­дуй­ся, то́ю пе­ча́­ли на́­ша утоля́ющая.

Ра́­дуй­ся, Це́р­ковь освяти́вшая тоя́ яв­ле́­ни­ем; ра́­дуй­ся, я́ко мы, гре́ш­нии, сохраня́емся Тво­и́м заступле́нием.

Ра́­дуй­ся, вре́тище ско́р­би на́шея рас­тер­за́ю­щая; ра́­дуй­ся, ве́чною ра́­дос­тию нас одева́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 8

Стра́нну и пресла́вну в Це́рк­ви я́вльшуюся свя­ту́ю Твою́ ико́­ну а́нгели воспе́ша, апо́столи просла́виша, лик свя­ти́­те­лей поклони́шася, мы же, гре́ш­нии, при­па́­даю­ще, ожида́ем Твоея́ ве­ли́­кия и бо­га́­тыя ми́­лос­ти, с ве­се́­ли­ем во­пию́­ще: Алли­лу́иа.

Икос 8

Все́­ми вы́шними и ни́жними влады́чествуяй Гос­по́дь, ви́­дев Тя, Ма́­терь Свою́, всег­да́ предстоя́щу Ему́ и со уми­ле́­нием Ему́ принося́щу мо­ле́­ние о нас гре́ш­ных, обеща́ испо́лнити вся про­ше́­ния Твоя́. Мы же, гре́ш­нии, наде́ющеся на Твоя́ Ма́терния о нас мо­ли́т­вы, бла­го­да́р­ствен­ная Те­бе́ при­но́­сим си́­це:

Ра́­дуй­ся, с Сы́­ном Тво­и́м и Бо́­гом веч­но ца́рствующая; ра́­дуй­ся, Ему́­же всег­да́ о нас мо­ле́­ния принося́щая.

Ра́­дуй­ся, всех к Те­бе́ при­бе­га́ю­щих Твое́ю ми́­лос­тию покрыва́ющая; ра́­дуй­ся, всех Ра́­дос­те, пе­ча́­ли на́­ша утоля́ющая.

Ра́­дуй­ся, при­ми­ре́­ние на́­ше с Бо́­гом соде́лавшая; ра́­дуй­ся, Бо́­га и че­ло­ве́­ка соедини́вшая.

Ра́­дуй­ся, спа­се́­ние челове́ческое устро́ившая; ра́­дуй­ся, прароди́тельнаго греха́ кля́тву разруши́вшая.

Ра́­дуй­ся, сме́ртное на́­ше ес­тес­тво́ безсме́ртием просвети́вшая; ра́­дуй­ся, жесто́кость серд­ца́ на́­ше­го умили́вшая.

Ра́­дуй­ся, от­ча́­ян­ных к Бо́­гу возводя́щая; ра́­дуй­ся, сосу́ды сме́ртныя, на нас угото́ванныя, сокруши́вшая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 9

Все ес­тес­тво́ а́н­гель­ское похва́льныя пе́сни прино́сит Те­бе́, Бо­жией Ма­те­ри и За­сту́п­ни­це всех при­па́­даю­щих Те­бе́ и прося́щих Твоея́ по́­мо­щи, я́ко тве́рдым и кре́п­ким Тво­и́м пред­ста́­тель­ством пра́­вед­ных весели́ши, гре́ш­ных заступа́еши и от бед избавля́еши, и пе­ча́­ли утоля́еши, и мо́лишися о всех ве́­рою зо­ву́­щих: Алли­лу́иа.

Икос 9

Ви­ти́я мно­го­ве­ща́н­нии, я́ко ры́­бы без­гла́с­ныя, не­до­уме́­ют хвали́ти сла́в­ный, Вла­ды́­чи­це, ико́­ны Твоея́ праз́дник, ни­же́ от скве́рных усте́н на́­ших приноси́мыя Ти похвалы́ досто́йны, оба́­че неисче́тная благодея́ния, ико́­ною Твое́ю нам явля́емая, ви́­дев­ше, ду­ше́ю и се́рд­цем ра́дующеся, Те­бе́ гла­го́­лем:

Ра́­дуй­ся, от гла́­да нас Хле́бом жи́з­ни пита́ющая; ра́­дуй­ся, от губи́тельства сме́ртнаго безсме́ртием нас соблюда́ющая.

Ра́­дуй­ся, от тру́­са грехо́внаго нас сохраня́ющая; ра́­дуй­ся, от по­то́­па сме́ртнаго ру­ко́ю Твое́ю кре́пкою нас из­бав­ля́ю­щая.

Ра́­дуй­ся, от ог­ня́ росо́ю мо­ли́тв Тво­и́х нас восхища́ющая; ра́­дуй­ся, от бед си́льным Тво­и́м пред­ста́­тель­ством нас защища́ющая.

Ра́­дуй­ся, от ме­ча́ си́­лою Твое́ю нас охраня́ющая; ра́­дуй­ся, от на­ше́ст­вия иноплеме́нник нас спа­са́ю­щая.

Ра́­дуй­ся, от меж­до­усо́б­ныя бра́­ни и́стинным ми́­ром нас огражда́ющая; ра́­дуй­ся, от смер­то­но́с­ныя ра́­ны при­бе­га́ю­щих к Те­бе́ исцеля́ющая.

Ра́­дуй­ся, от належа́щаго пра­вед­на­го пре­ще́­ния Бо́­жия Тво­и́м мо­ле́­ни­ем нас свобожда́ющая; ра́­дуй­ся, от вся́­кия нас я́з­вы Тво­и́м честны́м хо­да́­тай­ством изъима́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 10

Спас­ти́ хо­тя́ род челове́ческий от пре́­лес­ти вра́­жия, Человеколю́бец Гос­по́дь Те­бе́, Ма́­терь Свою́, да­ро­ва́ земны́м на по́­мощь, глаго́ля: сы́нове челове́честии, се Ма́­ти Моя́ по­кро́в и при­бе́­жи­ще вам да бу́дет, печа́льным уте­ше́­ние, скор­бя́­щим ра́­до­ва­ние, оби́димым за­сту́п­ни­ца, да всех из глу­би­ны́ гре­хо́в­ныя воздви́гнет, во­пию́­щих: Алли­лу́иа.

Икос 10

Ца­рю́ Не­бе́с­ный, — та́­ко мо́лит за ны всег­да́ Не­бе́с­ная Цари́ца, — при­ими́ вся́­ка­го че­ло­ве́­ка, сла́вящаго Тя и призыва́ющаго и́мя Твое́, иде́­же бы­ва́­ет па́­мять свя­то́­му и́мени Тво­ему́, и про­слав­ля́ю­щих Мя име́­не Тво­его́ ра́­ди, и не от­ри́­ни их от ли­ца́ Тво­его́, но благоволи́ в них и при­ими́ от них вся́­кое мо­ле́­ние, и всех от бед из­ба́­ви. Мы же, гре́ш­нии, наде́ющеся на Твоя́ Ма́терния мо­ли́т­вы, зо­ве́м си́­це:

Ра́­дуй­ся, Моли́твеннице на́­ша к Бо́­гу те́плая; ра́­дуй­ся, я́ко Твоя́ Ма́терняя мо­ли́т­ва мно́­го мо́­жет, Вла­ды́­ку умилостивля́ющи.

Ра́­дуй­ся, от­ча́­ян­ных На­де́ж­до, пе­ча́­ли их утоля́ющая; ра́­дуй­ся, Твое́ю бла­го­да́­тию на́­ше недосто́инство осия­ва́ю­щая.

Ра́­дуй­ся, на́­шу скве́рну Твое́ю чис­то­то́ю очища́ющая; ра́­дуй­ся, мо­ле́­ния на́­ша Тво­и́м бла­го­уха́­ни­ем исправля́ющая.

Ра́­дуй­ся, бре́ние на́­ше тле́нное в нетле́ние обраща́ющия; ра́­дуй­ся, неможе́ние на́­ше врачу́ющая.

Ра́­дуй­ся, вся на́­ша бо­ле́з­ни ду­ше́в­ныя и те­ле́с­ныя исцеля́ющая; ра́­дуй­ся, наше́дший на нас о́блак страс­те́й, скор­бе́й и пе­ча́­лей ско́ро разгоня́ющая.

Ра́­дуй­ся, си́льным Тво­и́м проше́нием вся по­ле́з­ная да́­рую­щая; ра́­дуй­ся, пред Пре­сто́­лом Сы́­на Тво­его́ за моля́щих Ти ся хо­да́­тай­ствую­щая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 11

Пе́­ние все­уми­ле́н­ное при­ими́ от нас, Не­бе́с­ная Ца­ри́­це, и мо­ли́т­ву, приноси́мую Те­бе́, Де́­во Бо­го­ро́­ди­це, услы́­ши, к Те­бе́ бо в на­па́с­тех, ско́р­бех и пе­ча́­лех при­бе­га́­ем и пред То­бо́ю в бе­да́х на́­ших сле́зы пролива́ем и мо́­лим: утоли́ на́­ша пе­ча́­ли и при­ими́ сию́ же́ртву Тво­и́х ра­бо́в, зо­ву́­щих: Алли­лу́иа.

Икос 11

Светоприе́мная свеща́ и́с­тин­на­го Све́­та су́­щим на зем­ли́ я́вльшися, ду́­ши просвеща́еши чту́­щих Твоея́ ико́­ны яв­ле́­ние и к ра́зуму боже́ственному наставля́еши пою́щих Ти си­це­ва́я:

Ра́­дуй­ся, свеще́ неугаси́мая Ог­ня́ невеще́ственнаго, нас про­све­ща́ю­щая; ра́­дуй­ся, заре́ незаходи́маго Све́­та Бо­же́ст­вен­на­го, нас оза­ря́ю­щая.

Ра́­дуй­ся, Со́лн­це пра́в­ды нам яв­ля́ю­щая; ра́­дуй­ся, Ис­то́ч­ник жи́з­ни ра́йс­кия нам ис­то­ча́ю­щая.

Ра́­дуй­ся, Ма́­ти Све́­та И́с­тин­на­го, бла­го­чес­ти́­вых ду́­ши про­све­ща́ю­щая; ра́­дуй­ся, Ма́­ти всех Бо́­га, озло́бленных всех ду́­ши утеша́ющая.

Ра́­дуй­ся, Тя на по́­мощь при­зы­ва́ю­щих и и́мя Твое́ сла́вящих спа­са́ю­щая; ра́­дуй­ся, упова́ющим на Тя жи­во­та́ непосты́дный ко­не́ц да́­рую­щая.

Ра́­дуй­ся, всем родо́м, Тя Ма́­терь Бо́­жию по­чи­та́ю­щим и Богоро́дицу имену́ющим, непреста́нно помога́ющая; ра́­дуй­ся, осе­не́­ни­ем свя­ты́я Твоея́ ико́­ны злых ду­хо́в мечта́ния от нас про­го­ня́ю­щая.

Ра́­дуй­ся, во внеза́пных на нас на­ходя́­щих ско́р­бех и пе­ча́­лех ско́ро нас утеша́ющая; ра́­дуй­ся, все­му́ ми́­ру ра́­дость да́­рую­щая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 12

Бла­го­да́ть Боже́ственную ис­про­си́ нам у Не­бе́с­на­го Влады́ки, Сы́­на Тво­его́ и Бо́­га, и про­стри́ нам ру­ку́ по́­мо­щи, и мо­ли́т­ва­ми Тво­и́ми утоли́ на́­ша пе­ча́­ли, по­кры́й нас кро́вом крилу́ Твое́ю, от­же­ни́ от нас вся́­ка­го вра­га́ и супоста́та, умири́ на́­шу жизнь, да не поги́бнем лю́­те, но при­ими́ нас в ве́ч­ныя кро́вы, Покрови́тельнице на́­ша, да, ра́дующеся Те­бе́, зо­ве́м: Алли­лу́иа.

Икос 12

Пою́­ще Тя, держа́вную По­мо́щ­ни­цу, хва́­лим Тя и, мо­ля́­ще­ся Те­бе́ со уми­ле́­нием, ве́­ру­ем и ис­по­ве́­ду­ем, я́ко испро́сиши бла­га́я вре́­мен­ная и ве́ч­ная воспева́ющим Ти:

Ра́­дуй­ся, мо­ли́т­ва­ми Тво­и́ми весь мир спа­са́ю­щая; ра́­дуй­ся, всю вселе́нную хо­да́­тай­ством Тво­и́м заступа́ющая.

Ра́­дуй­ся, правосла́вным на ва́рвары по­бе́­ды подава́ющая; ра́­дуй­ся, на­ше́ст­вия на христиа́ны ино­пле­ме́н­ных побежда́ющая.

Ра́­дуй­ся, в ве́­ре благочести́выя сохраня́ющая; ра́­дуй­ся, не по­чи­та́ю­щих ико́­ны Твоя́ свя­ты́я, я́ко прах, от ли­ца́ зем­ли́ развева́ющая.

Ра́­дуй­ся, поклоня́ющимся ико­не Тво­е́й и Тя на по́­мощь при­зы­ва́­ющим, и в пе­ча́­лех бе́д­ствую­щим ско́ро помога́ющая; ра́­дуй­ся, нас гре́ш­ных ко спа­се́­нию и восприя́тию благ ве́ч­ных нас­тав­ля́ю­щая.

Ра́­дуй­ся, без­ко­неч­на­го ца́рст­вия у Сы́­на Тво­его́ и Бо́­га на́­ше­го всем нам испроша́ющая; ра́­дуй­ся, ве́р­ным безконе́чную жизнь да́­рую­щая.

Ра́­дуй­ся, всем во вся́­кой потре́бе вся по­ле́з­ная и бла­га́я подава́ющая; ра́­дуй­ся, нетле́нная стяжа́ти науча́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 13

О Все­пе́­тая Ма́­ти, Не­бе́с­ная Ца­ри́­це и Вла­ды́­чи­це, Де́­во Бо­го­ро́­ди­це, ро́жд­шая всех свя­ты́х Свя­те́й­шее Сло́­во, ны́нешнее прие́мши при­но­ше́­ние, утоли́ на́­ша пе­ча́­ли и из­ба́­ви нас от вся́­ких на­па́с­тей, бед, скор­бе́й и ве́ч­на­го осужде́ния и гряду́щаго из­ми́ му­че́­ния, и спо­до́­би нас, ра­бо́в Тво­и́х, в ве́ч­ных ра́йс­ких селе́ниях водвори́тися, зо­ву́­щих: Алли­лу́иа.

Этот кондак чи­та­ет­ся трижды.

Икос 1

А́н­гел мно́­жест­во и вся Не­бе́с­ная Во́­ин­ства сла́вят Те­бе́, Цари́цу всех Богоро́дицу, Ты же испо́лнила еси́ ра́­дос­ти ду́­ши на́­ша ми́лостивым яв­ле́­ни­ем нам о́браза Тво­его́ свя­та́­го, Бо­го­из­бра́н­ная Де́­во Вла­ды́­чи­це, к нему́же кла́няющеся, Те­бе́ умиле́нная мо­ле́­ния возсыла́ем, милосе́рдому Тво­ему́ к нам зас­туп­ле­нию со стра́­хом зо­ву́­ще та­ко­ва́я:

Ра́­дуй­ся, От­ца́ Безнача́льнаго благослове́ние; ра́­дуй­ся, Сы́­на Преве́чнаго жи­ли́­ще.

Ра́­дуй­ся, Ду́­ха Свя­та́­го пребыва́ние; ра́­дуй­ся, я́ко Те­бе́ сла́вят многоочи́тии херуви́ми.

Ра́­дуй­ся, я́ко Те­бе́ по­хва́ль­ная при­но́­сят шестокрила́тии серафи́мы; ра́­дуй­ся, я́ко Те­бе́ вся не­бе́с­ная во́­ин­ства велича́ют.

Ра́­дуй­ся, я́ко Те­бе́ вся коле́на зем­на́я Ма́­терь Бо́­жию испове́дуют; ра́­дуй­ся, я́ко То­бо́ю вся вселе́нная ве­се́­лия ис­пол­ня́­ет­ся.

Ра́­дуй­ся, я́ко То­бо́ю вся бо­ле́з­ни на́­ша ис­це­ля́­ют­ся; ра́­дуй­ся, Тво­и́ми бо мо­ли́т­ва­ми пе­ча́­ли на́­ша утоля́ются.

Ра́­дуй­ся, Тво­и́ми бо хода́тайствы вся про­ше́­ния на́­ша исполня́ются; ра́­дуй­ся, я́ко Те­бе́ и Сы́­ну Тво­ему́ в Тво­е́й чест­не́й ико­не бла­го­да́р­но по­кло­ня́­ем­ся.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 1

Взбра́нное нам и ди́в­ное из­бав­ле́­ние да­ро­ва́­ся, Твой о́б­раз чест­ны́й, Преблагослове́нная Де́­во Вла­ды́­чи­це Бо­го­ро́­ди­це, я́ко из­ба́вль­ше­ся от злых яв­ле́­ни­ем его́ и к не­му́ взи­ра́ю­ще, воспису́ем Ти бла­го­да́р­ствен­ная раби́ Твои́, Бо­го­ро́­ди­це; но я́ко иму́щая держа́ву непобеди́мую, от вся́­ких нас бед сво­бо́­ди, да зо­ве́м Ти:

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Мо­ли́т­ва пер­вая

Де́­во Вла­ды́­чи­це Бо­го­ро́­ди­це, па́­че ес­тест­ва́ и сло́ва ро­ди́в­шая Единоро́дное Бо́­жие Сло́­во, Творца́ и Вла­ды́­ку всея́ тва́­ри ви́­ди­мыя и неви́димыя, Еди́­на­го от Тро́ицы Бо́­га, Бо́­га же и Че­ло­ве́­ка, соде́лавшаяся оби́­тель Бо­же­ства́, вмес­ти́­ли­ще вся́­кия свя­ты́­ни и бла­го­да́­ти, в не́м­же бла­го­во­ле́­ни­ем Бо́­га и От­ца́, соде́йствием Свя­та́­го Ду́­ха, те­ле́с­не обита́ше полнота́ Бо­же­ства́, несравне́нно пре­воз­не­се́н­ная боголе́пным досто́инством и преиму́ществующая пред вся́кою тва́рию, сла́­во и уте­ше́­ние, и не­из­ре­че́н­ное ве­се́­лие а́н­ге­лов, ца́рственный ве́н­че апо́с­то­лов и про­ро́­ков, преесте́ственное и чу́дное му́жество му́­че­ни­ков, побо́рнице в по́двизех и пода́тельнице по­бе́­ды, уготовля́ющая подви́жником вен­цы́ и воздая́ния ве́ч­ная и боголе́пная, превы́сшая вся́­кия че́сти, честь и сла́­во пре­по­до́б­ных, непогреши́тельная путеуказа́тельнице и нас­та́в­ни­це без­мо́л­вия, две́ре открове́ний и духо́вных та́­ин, ис­то́ч­ни­че све́­та, врата́ ве́ч­ныя жи́з­ни, неистощи́мая ре­ко́ ми­ло­се́р­дия, не­ис­чер­па́е­мое мо́ре всех боголе́пных да­ро­ва́­ний и чу­де́с! Тя про́­сим и Тя умоля́ем, сострада́тельнейшую Ма́­терь человеколюби́ваго Влады́ки: будь ми́­ло­сти­ва к нам, сми­ре́н­ным и недосто́йным ра­бо́м Тво­и́м, воз­зри́ благосе́рдно на плене́ние и сми­ре́­ние на́­ше, уврачу́й со­кру­ше́­ния душ и теле́с на́­ших, разсе́й ви́­ди­мыя и неви́димыя вра­ги́, бу́­ди нам, недосто́йным, пред ли­це́м вра­го́в на́­ших кре́пкий столп, бра́нное ору́­жие, си́льное ополче́ние, Воево́да и непреобори́мая побо́рница, по­ка­жи́ ны́­не на нас дре́вния и чу́д­ныя ми́­лос­ти Твоя́, да позна́ют беззако́ннии вра­ги́ на́ши, я́ко Сын Твой и Бог Еди́н есть Царь и Вла­ды́­ка, я́ко Ты вои́стину Бо­го­ро́­ди­ца, ро­ди́в­шая по пло́­ти и́с­тин­на­го Бо́­га, я́ко вся Те­бе́ воз­мо́ж­на суть и е́же а́ще восхо́щеши, Вла­ды́­чи­це, и́ма­ши си́­лу все сие́ соверши́ти на не­бе­си́ и на зем­ли́, и на вся́­кое про­ше́­ние дарова́ти коему́ждо на по́ль­зу: боль­ны́м здра́­вие, су́­щим на мо́­ри ти­ши­ну́ и до́б­рое кораблепла́вание. Путеше́ствующим спутеше́ствуй и охраня́й их, пле́нныя спаса́й от го́рькаго ра́бства, утеша́й печа́льныя, облегча́й нищету́ и вся́­кое друго́е теле́сное злострада́ние; всех сво­бож­да́й от ду­ше́в­ных не­ду́­гов и страс­те́й, неви́димыми Тво­и́ми предста́тельствы и внуше́ньми, я́ко да, до́б­ре и непреткнове́нно соверши́в путь сея́ вре́менныя жи́з­ни, улучи́м То­бо́ю и о́ная ве́ч­ная бла­га́я в Ца́рст­вии Небе́снем.

Ве́р­ных, почте́нных стра́шным и́ме­нем Единоро́днаго Сы́­на Тво­его́, упова́ющих на Твое́ предста́тельство и на ми́­лость Твою́ и во всем иму́­щих Тя хода́таицу и побо́рницу, укрепля́й неви́димо про­ти́­ву обстоя́щих вра­го́в, разсе́й о́блак уны́ния, из­ба́­ви я от душе́внаго утружде́ния и пода́й им све́т­лое благоду́шие и ра́­дость, и обнови́ мир и без­мя­те́­жие в сердца́х их.

Спа­си́ мо­ли́т­ва­ми Тво­и́ми, Вла­ды́­чи­це, сию́ Те­бе́ посвяще́нную па́ству, весь град и стра­ну́ от гла́­да, тру́­са, по­то́­па, ог­ня́, ме­ча́, на­ше́ст­вия ино­пле­ме́н­ных и меж­до­усо́б­ныя бра́­ни и вся́кий пра́ведно подви́гшийся на нас гнев обрати́, по благоволе́нию и бла­го­да́­ти Единоро́днаго Сы́­на и Бо́­га Тво­его́, Ему́­же по­до­ба́­ет вся­кая сла́­ва, честь и по­кло­не­ние, со Без­на­ча́ль­ным Его́ От­це́м, с Сове́чным и Жи­во­тво­ря́­щим Его́ Ду́­хом, ны́­не и при́с­но и во ве́­ки ве­ко́в. Ами́нь.

Мо­ли́т­ва вто­рая

На­де́ж­до всех конце́в зем­ли́, Пре­чи́с­тая Де́­во, Гос­по­же́ Бо­го­ро́­ди­це, уте­ше́­ние мое́! Не гнуша́йся ме­не́, гре́ш­на­го, на Твою́ бо ми́­лость упова́ю: угаси́ ми пла́мень грехо́вный и покая́нием ороси́ изсо́хшее мое́ се́рд­це, очи́с­ти ум мой от гре­хо́в­ных по­мыс­ло́в, при­ими́ мольбу́, от ду́­ши и серд­ца́ со воздыха́нием приноси́мую Те­бе́. Бу́­ди о мне Хода́таица к Сы́­ну Тво­ему́ и Бо́­гу и укро­ти́ гнев Его́ ма́­тер­ни­ми Тво­и́ми мо­ли́т­ва­ми, ду­ше́в­ныя и те­ле́с­ныя я́з­вы ис­це­ли́, Гос­по­же́ Вла­ды́­чи­це, утоли́ бо­ле́з­ни ду́­ши и те́­ла, утиши́ бу́­рю злых нападе́ний вра́жеских, отъими́ бре́мя гре­хо́в мои́х, и не оста́­ви ме­не́ до кон­ца́ поги́бнути, и печа́лию сокруше́нное се́рд­це мое́ уте́ши, да сла́в­лю Тя до после́дняго издыха́ния мо­его́. Ами́нь.

Молитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.