Акафист Святой великомученице Варваре

О чем молятся святой великомученице Варваре

К великомученице особенно молятся о том, чтобы не умереть без Причастия Святых Христовых Тайн. Считается, что она избавляет от внезапной смерти без христианского приготовления.

Один из участников Великой Отечественной войны вспоминает такой случай. Накануне ответственного сражения он задремал и увидел, что к каждому солдату подходит девица с чашей в руках и что-то кладет им в рот. К этому солдату она не подошла и он даже обиделся. Наутро состоялся бой, в котором чудом выжил только очевидец чудного явления.

Явившаяся дева и была святая великомученица Варвара, которая пришла причастить идущих в последний бой солдат.

Житие святой великомученицы Варвары

Святая Варвара родилась в городе Илиополе Финикийском в богатой и знатной языческой семье. Мать ее рано умерла, а отец, которого звали Диоскор, души не чаял в любимой дочери.

Варвара росла необыкновенно красивой девушкой, и отец захотел скрыть ее от посторонних глаз. Он приказал построить высокую башню, в которой поселил дочь. Там с девушкой занимались учителя, которые учили ее различным наукам.

Из окон башни открывался прекрасный вид на быстрые реки, покрытые лесом горы, усыпанные цветами луга. По ночам взор пленяло усыпанное звездами небо.

Глядя на все это великолепие, Варвара однажды спросила у своих учителей: «Кто же сотворил всю эту красоту?». Ей ответили, что это дело рук богов, которым поклоняется ее отец. Но мудрая дева не удовлетворилась этим ответом. Она прекрасно понимала, что идолы сами сделаны руками людей, а значит никак не могут быть создателями этого дивного мира.

Несмотря на затворничество Варвары, слава о ее красоте распространилась по всему городу и за его пределами. Богатые и знатные женихи стали просить ее руки, но девица не соглашалась стать женой никого из них.

Диоскор подумал, что затворничество плохо повлияло на дочь, разрешил ей выходить в город и заводить знакомства с кем пожелает, а сам по делам отлучился из города.

Во время одной из прогулок Варвара встретила юных христианок. Они научили ее вере в Единого Истинного Бога, рассказали о сотворении мира, грехопадении первых людей, вочеловечении Христа, Его страданиях, смерти и воскресении. Варвара с радостью приняла христианское учение и хотела принять святое Крещение. Вскоре в Илиополь пришел под видом купца христианский пресвитер, который крестил ее во имя Святой Троицы.

В то время в доме ее отца строили баню. В ней, по приказанию Диоскора, сделали два окна с южной стороны. Варвара же попросила рабочих сделать и третье окно в честь Святой Троицы. А над дверью она пальцем нарисовала крест, который прочно отпечатался на камне, как будто был вырезан. А на ступенях, где стояла дева, отпечатался след ее ноги, из которого забил чудотворный источник.

Вернувшись домой и видя, что его приказание нарушено, Диоскор разгневался на рабочих. Но те сказали ему, что сделали так по приказу его дочери. Тогда Диоскор потребовал от Варвары объяснений. Девица рассказала ему о том, что стала христианкой, что три окна приказала сделать в честь Триединого Бога, а также показала крест над входом. Эти слова привели Диоскора в неописуемую ярость. Забыв свою любовь к дочери, он обнажил меч и хотел убить ее. Варвара кинулась бежать. Вскоре путь преградила гора, но после молитвенного воззвания святой она расступилась и скрыла деву. Из расселины Варвара выбралась наверх и спряталась в пещере. Но один из пастухов выдал Диоскору ее местонахождение. Как дикий волк на овцу набросился он на святую, жестоко избил ее и заключил под стражу, приказав не давать ей пищи. Убедившись вскоре, что все эти меры не заставят Варвару отречься от Христа, он отдал ее на суд правителю города Мартиану.

Мартиан также стал склонять святую к отречению, но получил отказ. Тогда деву подвергли жестоким истязаниям. Ее били воловьими жилами и растирали раны грубой власяницей. Наконец святую отправили в темницу, где ей явился Сам Христос и исцелил раны.

Наутро Варвару снова подвергли пыткам. Среди толпы, пришедшей посмотреть на страдания Варвары, была одна молодая христианка по имени Иулиания. Глядя на Варвару, она исполнилась жалости к ней и загорелась желанием пострадать за Христа.

Исполнившись ревности, Иулиания стала громко порицать мучителей за их жестокость и прославлять Христа. По приказу правителя ее схватили и стали пытать. Святых мучениц повесили на дереве и рвали тело железными крючьями, им отрезали сосцы и водили в обнаженном виде по городу, подвергая побоям. Но по молитве мученицы Варвары, Господь послал им Ангела, который покрыл тела святых девственниц небесной одеждой.

Наконец, убедившись в том, что никакие мучения не смогут заставить мучениц отречься от веры в Единого Бога, правитель приказал усечь их мечом.

Варвару вел к месту казни сам жестокий и нечестивый ее отец. Он же своими руками усек честную главу Христовой Агницы.

Суд Божий немедленно настиг мучителей: Мартиниан и Диоскор были сожжены молнией.

Нетленные мощи святой великомученицы Варвары были перенесены в Константинополь в VI столетии. А еще век спустя, византийская царевна Варвара, дочь императора Алексея Комнина, вступая в брак с русским князем Михаилом Изяславичем, перевезла их в Киев. В Киевском Владимирском соборе они покоятся и до настоящего времени.

Праздник

День памяти святой празднуется 17 декабря по новому стилю.

Акафист святой Великомученице Варваре

Кондак 1

Из­бра́н­ной Бо́­гом от идолослужи́тельнаго ро́­да и призва́нной во язы́к свят, в лю́­ди обновле́ния, неве́сте Христо́ве, я́ко избавля́ющиися то­бо́ю от разли́чных зол и об­стоя́­ний, бла­го­да́р­ствен­ная пе́­ния и хвале́ния воспису́ем ти моли́твенницы твои́, свя­та́я и всехва́льная великому́ченице: ты же, иму́­щи дерз­но­ве́­ние ко Го́с­по­ду, от вся́­ких нас бед сво­боди́, да с ра́­дос­тию зо­ве́м ти:

Ра́­дуй­ся, Варва́ро, не­ве́с­то Хри­сто́­ва прекра́сная.

Икос 1

А́н­ге­лом чест­ну́ю и вселюбе́зную чис­то­ту́ непоро́чно сохра́нши, честна́я Варва́ро, А́н­ге­лом сожи́тельница бы­ти сподо́билася еси́, с ни́миже ег­да́ пое́ши тро́ическую песнь Бо́­гу на Не­бе­си́, услы́­ши нас, пою́щих те­бе́ на зем­ли́ по­хва́ль­ная пе́­ния сия́:

Ра́­дуй­ся, от­ро­ко­ви́­це, Бо́­гом От­це́м предуста́вленная бы­ти сообра́зна в страда́нии о́б­ра­зу Сы́­на Его́; ра́­дуй­ся, Сы́­ном Бо́­жи­им, Све́­том от Све́­та, призва́нная из тьмы в чу́д­ный свет ве́­ры и бла­го­да́­ти Его́.

Ра́­дуй­ся, я́ко позва́вшему тя Свя­то́­му Ду́ху, и сама́ те́­лом и ду́­хом свя́та еси́; ра́­дуй­ся, я́ко от скве́р­ны пло́­ти и ду́­ха непоро́чну се­бе́ соблюла́ еси́.

Ра́­дуй­ся, рожде́нному от Де́­вы Жениху́ Хри­сту́ де́ву тя чи́стую обручи́вшая; ра́­дуй­ся, зем­на́­го обру́чника па́­че Не­бе́с­на­го зна́ти не восхоте́вшая.

Ра́­дуй­ся, кри́не де́вст­ва, посреде́ те́рния и́дольскаго прора́стший до́ле; ра́­дуй­ся, цве́­те чис­то­ты́, в неувяда́емой сла́­ве цвету́щий го­ре́.

Ра́­дуй­ся, в Небе́сном вертогра́де Хри­сто́­ва благоуха́ния наслажда́ющаяся; ра́­дуй­ся, Красне́йшаго па́­че сыно́в че­ло­ве́­чес­ких зре́нием та́­мо утеша́ющаяся.

Ра́­дуй­ся, убели́вшая ри́зы твоя́ в Кро́ви А́гнчей на зем­ли́; ра́­дуй­ся, в ли́це де́вственном после́дующая Бо́жиему А́гнцу на Не­бе­си́.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 2

Ви́­дя­щи свя­та́я Варва́ра се­бе́ на высо́ком стол­пе́ от от­ца́ поста́влену, помышля́ше се­бе́ ма́нием Бо́­жи­им к Не­бе­си́ бы­ти возводи́му. Разу́мная у́бо вос­хож­де́­ния в се́рд­це сво­е́м положи́ши, те́ми от тьмы к Све́­ту и от преле́стных и́долов ко и́стинному Бо́­гу у́м­не восхожда́ше, пою́щи Ему́: Алли­лу́иа.

Икос 2

Ра́­зум не­ура­зу­ме́н­ный о Еди́ном всея́ тва́­ри Творце́ ра­зу­ме́­ти де́ва свя­та́я Варва́ра и́щу­щи, бесе́доваше со сво­и́м си ра́­зу­мом, глаго́лющи: «От те́мных куми́ров чу́дным свети́лам не­бе́с­ным ка́­ко бе созда́тися мо́щно, рцы ми». К ней­же он со Псало́мником ре­че́: «Вси бо́­зе язы́к бе́сове, Еди́н же есть Бог и Гос­по́дь, И́же не­бе­са́ и вся свети́ла их со­тво­ри́». Таково́му тво­ему́, му́д­рая де́­во, ра́зуму ди­вя́­ще­ся, гла­го́­лем:

Ра́­дуй­ся, па́­че ста́рец идолослужи́тельных разу́мнейшая; ра́­дуй­ся, па́­че мудреце́в ми́­ра се­го́ мудре́йшая.

Ра́­дуй­ся, я́ко те­бе́ безве́стная и та́йная пре­му́д­ро­сти Своея́ Бог яви́л есть; ра́­дуй­ся, я́ко те­бе́ и́с­тин­на­го бо­го­сло́вия Сам Бог Сло́­во научи́л есть.

Ра́­дуй­ся, всех звездоче́тцев умо́м Хри­сто́­вым превозше́дшая; ра́­дуй­ся, я́вственнее па́­че о́ных Не­бе́с­ный круг прозре́вшая.

Ра́­дуй­ся, я́ко в тва́­ри, а́ки в зерца́ле, Самаго́ Творца́ усмотре́ла еси́; ра́­дуй­ся, я́ко в созда́нных свети́лах Несозда́нный Свет узре́ла еси́.

Ра́­дуй­ся, ны́­не уже́ кроме́ зерца́ла свет ли­ца́ Бо́­жия на Не­бе­си́ зря́щая; ра́­дуй­ся, тем све́­том неизрече́нно веселя́щаяся.

Ра́­дуй­ся, у́м­ная звез­до́, ея́­же озаре́нием лице́ Бо́­жие, я́ко со́лн­це, све́т­ло нам явля́­ет­ся; ра́­дуй­ся, мы́сленная луно́, е́ю­же нощь заблужде́ния я́ко день просвеща́ется.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 3

Си́­ла Вы́ш­ня­го даде́ тог­да́ свя­те́й Варва́ре, я́ко­же дре́в­ле проро́ку Иезекии́лю, лице́ адама́нтово, си́льно пред все́­ми идолослужи́тельми, во е́же не убоя́тися ей от зве́рскаго ли­ца́ их, ни ужаса́тися лю́таго пре­ще́­ния. Те́м­же со дерз­но­ве­ни­ем мужему́дренная де́ва взыва́ше: «Тро́ицу чту, Еди́но Бо­жест­во́, и Той ве́­рою покланя́ющися, велегла́сно пою́: Алли­лу́иа».

Икос 3

Иму́­щи свя­та́я Варва́ра свы́­ше да́н­ную се­бе́ му́дрость, востече́ к де́лателем ба́ни оте́ческия, и о́нем проявля́я та́й­ну Свя­ты́я Тро́ицы, по­ве­ле́ три окна́ в ба́­не устро́ити. «А́ще,— ре­че́,— идолослужи́телие ус­та́ и́мут и не глаго́лют сла́­вы и́с­тин­на­го Бо́­га, то ка́менныя в сей ба́­не сте́ны треми́ окна́ми, а́ки треми́ уст­на́­ми, да свиде́тельствуют, я́ко Еди́н есть Бог, в Тро́­ице Свя­те́й от всея́ тва́­ри сла́вимый и покланя́емый». За та­ко­во́е у́бо мудрова́ние, свя­та́я Варва́ро, при­ими́ по­хва­лу́ сию́:

Ра́­дуй­ся, в треоко́нной ба́­не ку­пе́ль Свя­та́­го Креще́ния, во и́мя Тро́ицы Пре­свя­ты́я, изобрази́вшая; ра́­дуй­ся, в купе́ли воды́ и Ду́­ха, к сим же и кро́­ве твоея́ му́ченическия, те­бе́ измы́вшая.

Ра́­дуй­ся, я́ко треми́ окна́ми тьму мно­го­бо́­жия, Тро́­ице Свя­те́й проти́внаго, прогнала́ еси́; ра́­дуй­ся, я́ко окна́ми треми́ Свет Тро́ический я́сно узре́ла еси́.

Ра́­дуй­ся, я́ко те́ми треми́ окна́ми призре́ на тя Со́лн­це Пра́в­ды, тридне́вно возсия́вшее от гро́­ба; ра́­дуй­ся, я́ко те́ми те­бе́ воз­сия́ день Тро́и­чес­ка­го спа­се́­ния.

Ра́­дуй­ся, се́рд­це твое́ Еди́­но­му в Тро́­ице Бо́­гу всег­да́ отве́рсто име́вшая; ра́­дуй­ся, чу́вства твоя́ пред бра́нию трие́х вра­го́в, пло́­ти, ми́­ра и диа́вола, кре́пко заключи́вшая.

Ра́­дуй­ся, я́ко в ду́­ши тво­е́й три мы́сленная окна́, ве́­ры, на­де́ж­ды и люб­ве́, устро́ила еси́; ра́­дуй­ся, я́ко те́ми треми́ окна́ми при Тро́ическом Бо­же­стве́ треми́ де́ньми воздви́женную Те́­ла Хри­сто́­ва Це́р­ковь усмотре́ла еси́.

Ра́­дуй­ся, я́ко те­бе́ Не­бе­са́ от трие́х иера́рхий а́нгельских отверзо́шася; ра́­дуй­ся, я́ко те­бе́ Го́рния оби́­те­ли Тро́ическия ра́­дост­но прия́ша.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 4

Бу́ря я́рости ве́лия от­ца́ тво­его́, ды́шущаго преще́нием и уби́йством, возшуме́ на храм ду́­ши твоея́, свя­та́я Варва́ро, но того́ не возмо́же поколеба́ти: основа́н бо бе на тве́рдом ве́­ры Хри­сто́­вы ка́мени, на не́м­же ты, му́д­рая де́­во, неподви́жимо стоя́щи, укрепля́ющему тя Иису́­су Хри­сту́ песнь воспева́ла еси́: Алли­лу́иа.

Икос 4

Слы́шав от те­бе́, му́дрыя дще́ри, оте́ц твой Диоско́р неслы́шанная о Свя­те́й Тро́­ице словеса́, я́ко а́спид глухи́й затка́ у́ши своя́ и по подо́бию змии́ну с жа́лом ядоно́сным устреми́ся со острие́м ме­ча́ на твое́ уби́йство; но ты, не­ве́с­то Хри­сто́­ва Варва́ро, подража́ющи Жениха́ тво­его́ Иису́­са, бежа́вшаго от ме­ча́ И́родова, бе́гала еси́ от ме­ча́ Диоско́рова, жела́ющи се́рд­це его́ от зве́рския я́рости в лю­бо́вь оте́ческую обрати́ти. Мы же разу́мное твое́ бе́гство зва́­нии по­чи­та́­ем си́­ми:

Ра́­дуй­ся, блаже́нная, изгна́нная из до́­му зем­на́­го Пра́в­ды ра́­ди; ра́­дуй­ся, бога́тая в Бо́­га, лише́нная оте́ческих бога́тств Хри­ста́ ра́­ди.

Ра́­дуй­ся, я́ко тво­его́ обнища́ния есть Ца́рст­вие Не­бе́с­ное; ра́­дуй­ся, я́ко те­бе́ угото́вася ве́ч­ных благ со­кро́­ви­ще.

Ра́­дуй­ся, слове́сная а́гнице, от зла́­го во́лка мучи́теля к До́б­ро­му Па́­сты­рю Хри­сту́ прибе́гшая; ра́­дуй­ся, во двор пра́­вед­ных ове́ц Его́, одесну́ю стоя́щих, вше́дшая.

Ра́­дуй­ся, незло́бивая голуби́це, от зем­на́­го вра́на в по­кро́в Не­бе́с­на­го Орла́ прелете́вшая; ра́­дуй­ся, в кро́­ве крилу́ Его́ до́б­рый се­бе́ по­кро́в об­ре́т­шая.

Ра́­дуй­ся, Не­бе́с­на­го От­ца́ дщи честна́я, я́ко от зем­на́­го роди́теля с безче́стием на смерть гони́ма была́ еси́; ра́­дуй­ся, я́ко от безсме́ртнаго Го́с­по­да Сла́­вы в Жизнь Ве́ч­ную со сла́­вою прия́та еси́.

Ра́­дуй­ся, тоя́ж­де и нам жи́з­ни присножела́ющая хо­да́­таи­це; ра́­дуй­ся, приле́жная о нас к Бо́­гу моли́твеннице.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 5

Боготе́чной звез­де́ была́ еси́ подо́бна, свя­та́я великому́ченице Варва́ро: бежа́щи бо пред от­це́м тво­и́м, наставля́ла еси́ того́ таи́нственне на путь, веду́щий ко Пра́­вед­но­му Со́лн­цу, от Де́­вы возсия́вшему, Хри­сту́ Бо́­гу. Оба́­че он душе́вныма ослепле́н очи́­ма, а́бие и те­ле́с­ны­ма не узре́ тя пред со­бо́ю бежа́щую: ты бо сквозе́ ка́менную, те­бе́ веле́нием Бо́­жи­им разступи́вшуюся гору́ проше́дши, скры́лася еси́ от о́чию его́ в ка́менней пеще́ре, да от среды́ ка́мения, я́ко пти́ца, да́си глас Бо́­гу, вос­пе­ва́ющи: Алли­лу́иа.

Икос 5

Ви́­дев­ше тя па́стырие, верху́ горы́ о́в­цы пасу́щии, в ка́мени кры́ющуюся, дивля́хуся, гла­го́­лю­ще: что сия́ слове́сная а́гница? Ко́его во́лка бе́гает? И се Диоско́р, па́­че во́лка люте́йший, востече́ на гору́, и те­бе́, та́­мо кры́ющуюся об­ре́т, и похи́тив за деви́ческия твоя́ власы́, влеча́ше ко сво­ему́ до́­му по жесто́кому пу­ти́, на не́м­же тя ве́рнии срета́ем приве́тствии си́­ми:

Ра́­дуй­ся, младо́му еле́ню на гора́х арома́тских уподо́бившаяся; ра́­дуй­ся, го́рняя па́­че до́льних вос­хож­де́­ния в се́рд­це тво­е́м полага́ющи, возлюби́вшая.

Ра́­дуй­ся, избы́вшая поги́бельнаго идолослуже́ния ро́ва; ра́­дуй­ся, на гору́ Тро́и­чес­ка­го поклоне́ния восте́кшая. Ра́­дуй­ся, сквозе́ ка́мение проше́дшая, от каменносе́рдаго бе́гающи гоне́ния; ра́­дуй­ся, среде́ ка́мения Ка́­мень Хри­ста́, утвержда́ющаго тя, об­ре́т­шая.

Ра́­дуй­ся, в пеще́ру ка́менную вше́дшая, ви́дети Иису́­са во гро́бе ка́менном бы́вша положе́нна; ра́­дуй­ся, уже́ Того́ ви́дящая на Престо́ле Сла́­вы седя́ща.

Ра́­дуй­ся, я́ко власы́ главы́ твоея́ за Хри­ста́, храня́щаго, да и влас главы́ челове́ческия не поги́бнет, исто́ржени суть на зем­ли́; ра́­дуй­ся, я́ко ти́и от Хри­ста́ изочте́ни суть ко увенча́нию тво­ему́ на Не­бе­си́.

Ра́­дуй­ся, власы́ твоя́ кро́­вию до́ле, я́ко цвета́ми, обагри́вшая; ра́­дуй­ся, заплете́ние власо́в тво­и́х окрова́вленных в ве­не́ц те­бе́ златы́й обрати́вшая.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 6

Пропове́дником богоно́сным, апо́с­то­лом Хри­сто́­вым поревнова́вши дерз­но­ве́н­но, пред ли­це́м му­чи́­те­лей пропове́дала еси́ Хри­ста́ И́с­тин­на­го Бо́­га; и Его́ ра́­ди лю́тыя ра́­ны, власяны́ми ру́бы и о́стрым чре́пием боле́зненно потира́емыя, му́жественно претерпе́ла еси́, свя­та́я Варва́ро. Та́же в темни́цу всажде́на, в ней а́ки в черто́зе о Хрис­те́ Иису́­се ликова́ла еси́, пою́щи Ему́: Алли­лу́иа.

Икос 6

Возсия́вый в се́рд­це тво­е́м про­све­ще́­ние и́с­тин­на­го богоразу́мия, воз­сия́ и во очесе́х тво­и́х свет Бо­же́ст­вен­на­го ли­ца́ Сво­его́ Хрис­то́с Гос­по́дь: Той бо, я́ко возлю́бленный твой Жени́х, в полу́нощи к те­бе́, непоро́чней Свое́й неве́сте, в темни́цу при­ше́д, лю­бе́з­но тя посети́, от ран ис­це­ли́, и све́тлостию ли­ца́ Сво­его́ неизрече́нно ду́­шу твою́ возвесели́, нас же ве́р­ных нау­чи́ пе́­ти те­бе́ си­це­ва́я:

Ра́­дуй­ся, за страда́вшаго бие́ние Хри­ста́ не­ща́д­но бие́нная; ра́­дуй­ся, бие́ния тер­пе́­ни­ем неви́димаго вра­га́ уби́вшая.

Ра́­дуй­ся, я́з­вы Го́с­по­да тво­его́ на те́ле тво­е́м носи́вшая; ра́­дуй­ся, от всех язв, Те́мжде Го́с­по­дем, на те́ле тво­е́м исцеле́вшая.

Ра́­дуй­ся, я́ко Сам Гос­по́дь, Свет ми́­ра, те­бе́ в темни́це бы́вшей Се­бе́ яви́л есть; ра́­дуй­ся, я́ко Сам души́ и те́­ла Врач те­бе́ бо́льную посети́л есть.

Ра́­дуй­ся, чрез зем­ну́ю темни́цу в Не­бе́с­ный Черто́г све́т­ло вше́дшая; ра́­дуй­ся, от крове́й тво­и́х бра́чную те­бе́ оде́жду истка́вшая.

Ра́­дуй­ся, я́ко то­бо́ю от мно́гих ран гре́ш­нии ис­це­ля́­ют­ся; ра́­дуй­ся, я́ко то­бо́ю от всех бо­ле́з­ней с ве́­рою тя призыва́ющии уздравля́ются.

Ра́­дуй­ся, уз гре­хо́в­ных ско́­рая реши́тельнице; ра́­дуй­ся, язв многозло́бных до́б­рая целе́бнице.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 7

Хо­тя́­щу безу́мному мучи́телю же­ла́­ние свое́ улу­чи­ти и еще́ покуша́ющемуся ласка́тельными сло­ве­сы́ те­бе́, свя­та́я Варва́ро, от И́с­тин­на­го Бо́­га отврати́ти ко преле́стным и́долом, ты, я́ко му́д­рая де́ва, отвеща́ла еси́ тому́: «Пе́рвее тве́р­дый адама́нт в мя́гкий воск претвори́ши, не́жели ме­не́ отврати́ши от Хри­ста́ Бо́­га мо­его́: Того́ бо, со От­це́м и Свя­ты́м Ду́­хом, Еди́­на­го И́с­тин­на­го Бо́­га испове́дую, сла́в­лю, хвалю́ и пою́ Ему́: Алли­лу́иа».

Икос 7

Но́вую по­ка­за́ безчелове́чия я́рость зверообра́зный му­чи́­тель, ег­да́ те­бе́, свя­та́я великому́ченице Варва́ро, по­ве­ле́ на дре́­ве пове́сити и ноготьми́ желе́зными те́­ло твое́ строга́ти, и свеща́ми горя́щими твоя́ опаля́ти ре́бра, еще́ же и мла́том во гла­ву́ тя́жко би́ти. Сие́ пачеесте́ственное терпе́ние твое́ бла­го­го­ве́й­но воспомина́юще, похвала́ми блажи́м тя си́­ми:

Ра́­дуй­ся, я́ко пове́шена была́ еси́ на дре́­ве Хри­ста́ ра́­ди, на Кре­сте́ распя́таго; ра́­дуй­ся, я́ко стро́гана по ребро́м Иису́­са ра́­ди, копие́м в ре́бра прободе́ннаго.

Ра́­дуй­ся, я́ко огнь люб­ве́ к Бо́­гу в се́рд­це тво­е́м возжегла́ еси́; ра́­дуй­ся, я́ко за Того́ о́гненными свеща́ми пали́ма была́ еси́.

Ра́­дуй­ся, тверде́йшая адама́нта в тер­пе́­нии невреди́мом; ра́­дуй­ся, крепча́йшая ка́меннаго столпа́ в му́­же­стве не­по­ко­ле­би́­мом.

Ра́­дуй­ся, я́ко мла́том, би́вшим тя по главе́, ве­не́ц Ца́рст­вия те­бе́ искова́ся; ра́­дуй­ся, я́ко те́м­же мла́том глава́ вра­га́ тво­его́ со­кру­ши́ся.

Ра́­дуй­ся, я́ко со Хри­сто́м, Его́ ра́­ди, на зем­ли́ страда́ла еси́; ра́­дуй­ся, я́ко с Ним и о Нем на Не­бе­си́ прославля́ешися.

Ра́­дуй­ся, всех вра­го́в на́­ших кре́п­кая победи́тельнице; ра́­дуй­ся, во всех бе­да́х на́­ших ско́­рая по­мо́щ­ни­це.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 8

Стра́н­ное и стра́ш­ное свя­ты́я Ва́рвары страда́ние ви́­дя­щи, благове́рная в же­на́х Иулиа́ния уди­ви́­ся зело́, ка́­ко мла́да от­ро­ко­ви́­ца в ю́ностнем те­ле­си́ та­ко­вы́я му́жественно за Хри­ста́ терпи́т му́­ки; та́же, сле́знаго испо́лнившися умиле́ния, бла­го­да́р­ствен­но и та возо­пи́ Хри­сту́ Бо́­гу: Алли­лу́иа.

Икос 8

Весь Сладча́йший Иису́с сла́­дость, весь же­ла́­ние те­бе́ бысть, свя­та́я Варва́ро; сла́дце бо Его́ ра́­ди го́рькия терпе́ла еси́ му́­ки, глаго́лющи: «Ча́шу страда́ний, ю́же даде́ ми Возлю́бленный мой Жени́х, не и́мам ли пи́ти?» Те́м­же и сама́ показа́лася еси́ ча́ша, сла́­дость чуде́сных ис­це­ле́­ний излива́ющая всем во­пию́­щим к те­бе́ си­це­ва́я:

Ра́­дуй­ся, отве́ргшая во а́дское го­ре́ и́доль­скую го́ресть; ра́­дуй­ся, возлюби́вшая Не­бе́с­ную Иису́сову сла́­дость.

Ра́­дуй­ся, мы́сленная ста́мно, ма́нну бра́шна творе́ния во́ли Бо́­жия в се­бе́ иму́щая; ра́­дуй­ся, ве́р­ных во бла­ги́х же­ла́­ние исполня́ющая.

Ра́­дуй­ся, ре­ко́, испо́лненная бла­го­да́­ти Бо́­жия вода́ми; ра́­дуй­ся, ис­то́ч­ни­че, кипя́щий чу­де́с излия́нии.

Ра́­дуй­ся, я́ко пчела́, от злово́ннаго и́дольских жертв ды́ма отлете́вшая; ра́­дуй­ся, во благоуха́нную ми́­ра Хри­сто́­ва воню́ сла́дце прите́кшая.

Ра́­дуй­ся, я́ко тво­и́ми по всем те́ле я́з­вами была́ еси́ подо́бна со́ту; ра́­дуй­ся, я́ко кро́­ве твоея́ ка́пли сладча́йшия па́­че ме́да бы́ша Пресла́дкому Иису́­су.

Ра́­дуй­ся, я́ко всем ве́р­ным вос­по­ми­на́­ние твое́ пре­сла́д­ко; ра́­дуй­ся, я́ко всей Це́рк­ви Хри­сто́­вой и́мя твое́ пре­че́ст­но.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 9

Все ес­тес­тво́ а́н­гель­ское ве́­лиею возра́довася ра́­дос­тию, узре́вши му́жественную кре́­пость твою́, свя­та́я и не­по­бе­ди́­мая му́ченице Варва́ро: ви́­дев­ше бо А́нгельстии чи́нове ве́тхаго вра­га́, прего́рдаго кня́зя тьмы, со всем его́ бесо́вским и и́дольским по́лчищем от те­бе́, еди́ныя млады́я де́­вы, посра́мленнаго, побежде́ннаго же и под но́зе твои́ пове́рженнаго, ве́лиим гла́сом возо­пи́­ша Бо́­гу: Алли­лу́иа.

Икос 9

Вити́и мно­го­ве­ща́н­нии ри́торскими свои́ми язы́ки не воз­мо́­гут изрещи́ вели́чества тво­и́х боле́зненных страда́ний, о Варва́ро: кто бо ска́жет бо­ле́знь твою́, коли́ка бе, ег­да́ сосца́ твоя́ уре́зана бы́ша? Кто изрече́т студ ли­ца́ деви́ческаго, ег­да́ обнаже́на по все­му́ гра́­ду от беззако́нных му­чи́­те­лей води́ма была́ еси́? Сицеву́ю бо­ле́знь и безче́стие твое́ мы то́­чию воспомяну́вше, содрога́емся и со уми­ле́­нием гла­го́­лем си́­це:

Ра́­дуй­ся, до́б­рая ле́торасле са́да Иису́сова; ра́­дуй­ся, и́стинная лозо́ виногра́да Хри­сто́­ва.

Ра́­дуй­ся, два сосца́ твоя́ отре́занная, а́ки два гре́зна в честь Го́сподеви тво­ему́ прине́сшая; ра́­дуй­ся, кровь твою́, а́ки вино́ умиле́ния, от тех источи́вшая.

Ра́­дуй­ся, я́ко Хри­ста́ ра́­ди об­на­же́н­на­го и ты риз тво­и́х совлече́на была́ еси́; ра́­дуй­ся, я́ко Его́ ра́­ди, во Иеру­са­ли́­ме руга́тельне води́маго, и ты по гра́­ду на поруга́ние води́ма была́ еси́.

Ра́­дуй­ся, от А́н­ге­ла све́тлою оде́ждою в наготе́ тво­е́й оде́янная; ра́­дуй­ся, то́ю от сту́дных оче́с неви́димо покрове́нная.

Ра́­дуй­ся, чу́д­ный А́н­ге­лом и че­ло­ве́­ком позо́р бы́в­шая; ра́­дуй­ся, и саме́х му­чи́­те­лей тер­пе́­ни­ем тво­и́м удиви́вшая.

Ра́­дуй­ся, я́ко Сам Гос­по́дь свы́­ше призре́ на твоя́ стра­да́­ния; ра́­дуй­ся, я́ко Сам Той Подвигополо́жник похвали́ по́д­ви­ги твоя́.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 10

Спас­ти́ хо­тя́ ду́­шу твою́, о те́ле тво­е́м вся́чески неради́ла еси́, свя­та́я Варва́ро: ег­да́ бо на тя ме́ч­ное на смерть осужде́ние изы́де, ты под меч о́стрый, а́ки под ве­не́ц кра́сный, ра́­дост­но иду́щи, Бо́­гу, в му́ченическом по́двизе те­бе́ укрепля́ющему, воспева́ла еси́ песнь: Алли­лу́иа.

Икос 10

Сте́ны ка́менныя тверде́е окамене́нный се́рд­цем бысть Диоско́р, твой, свя­та́я Варва́ро, не уже́ роди́тель, но лю́тый му­чи́­тель: той бо, я́ко услы́ша твое́ ме́ч­ное на смерть осужде́ние, не то́­чию о сме́р­ти тво­е́й не поболе́, но и сам сво­и́м ме­че́м на ме́сте осужде́ния твою́ свя­ту́ю усече́ гла­ву́, и та́­ко, по предрече́нию Госпо́дню, окая́нный оте́ц предаде́ на смерть свое́ ча́до. В той у́бо блаже́нней тво­е́й кончи́не при­ими́ от нас пе́­ния сия́:

Ра́­дуй­ся, за гла­ву́ Це́рк­ве — Хри­ста́ под меч гла­ву́ твою́ прекло́ншая; ра́­дуй­ся, за лю­бо́вь к Небе́сному человеколюби́вому Отцу́ Безсме́ртному на смерть от зем­на́­го безчелове́чнаго от­ца́ тле́н­на­го преда́нная.

Ра́­дуй­ся, те­че́­ние му́ченическаго пу­ти́ сконча́вшая до́б­ре; ра́­дуй­ся, ве́­ру безсме́ртному Обру́чнику Хри­сту́ до сме́р­ти сохра́ншая бо́дре.

Ра́­дуй­ся, си́­лою свы́­ше на брань про­ти́­ву сил пре­ис­по́д­них препоя́санная; ра́­дуй­ся, победоно́сною сла́­вою в Вы́ш­них от Хри­ста́ Победи́теля оде́янная.

Ра́­дуй­ся, ору́­жи­ем бла­го­во­ле́­ния Бо́­жия венча́нная на зем­ли́; ра́­дуй­ся, цве́том не­тле́­ния украше́нная на Не­бе­си́.

Ра́­дуй­ся, де́­вам добро́то и похвале́ние; ра́­дуй­ся, му́чеником кра­со­то́ и ра́­до­ва­ние.

Ра́­дуй­ся, христиа́ном кре́п­кое при­бе́­жи­ще; ра́­дуй­ся, ве́р­ным тве́р­дое за­ступ­ле́­ние.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 11

Пе́­ние на́­ше похва́льное, а́ще бы и тьмочи́сленное, ве́­мы, я́ко несть дово́льно по до­стоя́­нию вос­хва­ли́­ти тя, свя­та́я и всехва́льная му́ченице Варва́ро: оба́­че мы, Бо́­жи­их то­бо́ю нам оби́ль­но подава́емых да­ро­ва́­ний благода́рни су́ще, Бо́­гу, в те­бе́ Свои́ми благодея́нии прославля́емому, благода́рственными ус­ты́ по­е́м: Алли­лу́иа.

Икос 11

Све­то­при­е́м­ную све­щу́, на Небе́снем све́щнице пред Пре­сто́­лом Свя­ты́я Тро́ицы поста́вленную, зрим у́мныма очи́­ма те­бе́, свя­та́я де́­во Варва́ро: отону́дуже, ег­да́ нощны́й гре­хо́в на́­ших мрак лу­ча́­ми мо­ли́тв тво­и́х просвеща́еши и нас на све́тлую спа­се́­ния стезю́ наставля́еши, по до́лгу досто́йна еси́ от нас зва́нием бы­ти почита́ема сим:

Ра́­дуй­ся, светоу́мная луче́, во све́тлость немерца́ющую прилуче́нная; ра́­дуй­ся, мы́сленная денни́це, день не­ве­че́р­ний озаря́ти возше́дшая.

Ра́­дуй­ся, благово́нная сми́рно, Це́р­ковь Христо́ву благоуха́ющая; ра́­дуй­ся, злата́я кади́льнице, фимиа́м мо­ли́т­вы о нас к Бо́­гу принося́щая.

Ра́­дуй­ся, мирополо́жнице ис­це­ле́­ний неоску́дная; ра́­дуй­ся, со­кро́­ви­ще Бо́­жи­их да­ро́в неиждиви́тельное.

Ра́­дуй­ся, ча́ше, от оби́­лия до́­му Бо́­жия че́рплющая ра́­дость; ра́­дуй­ся, со­су́­де, от ис­пол­не́­ния Хри­сто́­ва прие́млющий всех благ Не­бе́с­ных сла́­дость.

Ра́­дуй­ся, ада­ма́н­те, пе́рстень безсме́ртнаго со Хри­сто́м обруче́ния украси́вый; ра́­дуй­ся, ве́н­че добро́ты, в руце́ Госпо́дней держи́мый.

Ра́­дуй­ся, я́ко на тя Царь Сла́­вы, Гос­по́дь Сил, сла́­ву и велеле́пие возложи́л есть; ра́­дуй­ся, я́ко те­бе́ Царь ца́рст­вую­щих и Гос­по́дь госпо́дствующих Ца́рст­во Свое́ и госпо́дствие дарова́л есть.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 12

Бла­го­да́ть от Бо́­га дана́ ти есть, храни́ти и соблюда́ти от внеза́пныя бо­ле́з­ни и на́глыя сме́р­ти вся́­ка­го че­ло­ве́­ка, ве́­рою, лю­бо́­вию и благогове́нием честна́я твоя́ стра­да́­ния воспомина́ющаго и почита́ющаго; тоя́ бла­го­да́­ти не лиши́ и нас, до́б­рая де́­во Варва́ро, да и мы, здра́ви су́ще те́­лом и ду́­хом в ны́нешней и бу́­ду­щей жи́з­ни о те­бе́ по­е́м Бо́­гу: Алли­лу́иа.

Икос 12

По­е́м твоя́ кре́пкия по́д­ви­ги, по­чи­та́­ем стра­да́­ния, хва́­лим дол­го­тер­пе́­ние, убла­жа́­ем свя­ту́ю твою́ кон­чи́­ну, сла́­вим твое́ в не́мощнем те́ле показа́вшееся не­по­бе­ди́­мое му́жество, и́м­же на зем­ли́ и на Не­бе­си́ просла́вилася еси́, свя­та́я и добропобе́дная великому́ченице Варва́ро, и в честь тво­и́х победоно́сных подвиго́в и страда́ний по­хва́ль­ная воспису́ем ти сия́:

Ра́­дуй­ся, от а́нгельских чино́в в сожи́тельство их лю­бе́з­но прия́тая; ра́­дуй­ся, от де́в­ствен­ных лико́в в черто́г Не­бе́с­ный ра́­дост­но введе́нная.

Ра́­дуй­ся, от му́ченических полко́в под ве­не́ц сла́­вы провожда́емая во гла́се ра́дования; ра́­дуй­ся, от всех жи́телей Не­бе́с­ных прие́мшая о Го́с­по­де целова́ние.

Ра́­дуй­ся, я́ко мзда твоя́ мно́га есть на Небесе́х; ра́­дуй­ся, я́ко ра́­дость твоя́ ве́чна есть во све́тлости свя­ты́х.

Ра́­дуй­ся, от враг ви́­ди­мых и не­ви́­ди­мых кре́п­кая нам за­сту́п­ни­це; ра́­дуй­ся, ра́­дос­ти нам, бла­го­да́­ти же и сла́­вы ве́ч­ныя хо­да́­таи­це.

Ра́­дуй­ся, ду­ше́в­ных и те­ле́с­ных не­ду́­гов на́­ших цели́тельнице; ра́­дуй­ся, спаси́тельных благ зем­ны́х и не­бе́с­ных пода́тельнице.

Ра́­дуй­ся, я́ко то­бо́ю от неча́янныя и ве́ч­ныя сме́р­ти сохране́ни бы­ти упо­ва́­ем; ра́­дуй­ся, я́ко то­бо́ю ве́ч­ную жизнь улу­чи­ти благонаде́жно ча́ем.

Ра́­дуй­ся, Варва́ро, не­ве́с­то Хри­сто́­ва прекра́сная.

Кондак 13

О многострада́льная и всехва́льная свя­та́я великому́ченице Варва́ро! Ны́нешнее на́­ше мо­ле́­ние прие́мши, от вся́­ких бо­ле́з­ней ду­ше́в­ных и те­ле́с­ных и враг ви́­ди­мых и не­ви́­ди­мых нас из­ба́­ви, и от ве́ч­на­го му­че́­ния тво­и́м бо­го­приятным хо­да́­тай­ством со­хра­ни́, да с то­бо́ю на зем­ли́ жи­вы́х во ве́­ки по­е́м Бо́­гу: Алли­лу́иа.

Этот кондак чи­та­ет­ся трижды, за­те́м 1-й икос «А́н­ге­лом чест­ну́ю...» и 1-й кондак «Из­бра́н­ной Бо́­гом...».

Мо­ли́т­ва пер­вая

Свя­та́я сла́вная и всехва́льная великому́ченице Варва́ро! Собра́ннии днесь в хра́­ме тво­е́м Боже́ственном лю́­ди, ра́це мо­ще́й тво­и́х поклоня́ющиися и лю­бо́­вию целу́ющии, стра­да́­ния же твоя́ му́ченическая, и в них Самаго́ Страстополо́жника Хри­ста́, да́вшаго те­бе́ не то́­чию е́же в Не­го́ ве́ровати, но и е́же по Нем страда́ти, похвала́ми убла­жа́­юще, мо́­лим тя, из­ве́ст­ная жела́ния на́­ше­го хо­да́­таи­це: мо­ли́ с на́­ми и о нас умоля́емаго от Сво­его́ бла­го­утро́­бия Бо́­га, да ми́лостивно услы́­шит нас, прося́щих Его́ благосты́ню, и не отста́вит от нас вся ко спа­се́­нию и жи­тию нуж­ная про­ше́­ния, и да́­ру­ет хри­сти­ан­скую кон­чи́­ну животу́ на́­ше­му — без­бо­лез­нен­ну, не­пос­тыд­ну, ми́­рну, Бо­же́ст­вен­ных Тайн прича́стну, и всем, на вся́ком ме́сте, во вся́­кой ско́р­би и обстоя́нии тре́­бую­щим Его́ че­ло­ве­ко­лю́­бия и по́­мо­щи, вели́кую Свою́ по­да́ст ми́­лость, да бла­го­да́­тию Бо́­жиею и тво­и́м те́п­лым пред­ста́­тель­ством, ду­ше́ю и те́­лом всег­да́ здра́ви пребыва́юще, сла́­вим ди́в­на­го во свя­ты́х Сво­и́х Бо́­га Изра́илева, не удаля́ющаго по́­мо­щи Своея́ от нас всег­да́, ны́­не и при́с­но, и во ве́­ки ве­ко́в. Ами́нь.

Мо­ли́т­ва вто­рая

Прему́драя и всекра́сная свя­та́я великому́ченице Хри­сто́­ва Варва́ро! Блаже́нна еси́, я́ко Преми́рная му́дрость Бо́­жия плоть и кровь не яви́ те­бе́, но Сам Бог, Оте́ц Не­бе́с­ный, И́же те­бе́, ве́­ры ра́­ди от неве́рнаго от­ца́ оста́вленную, изгна́нную и умерщв­ле́н­ную, в дщерь Се­бе́ возлю́бленную прия́т; за тле́нное зем­на́­го име́ния насле́дие пло́­ти нетле́ние да­ро­ва́; тру­ды́ му́ченическия упокое́нием Не­бе́с­на­го измени́ Ца́рст­вия; вре́менное твое́ жи­тие́, сме́р­тию Его́ ра́­ди пресече́нное, сицево́ю воспросла́ви по́честию, я́ко ду́­шу с ли́ки Не­бе́с­ных вчини́ ду­хо́в, те́­ло же, на зем­ли́ в хра́­ме их а́нгельском положе́нное, А́н­ге­лом запове́да сохрани́ти це́ло, че́стно и многочуде́сно. Блаже́нна еси́, Хри­сту́ Сы́­ну Бо́­жию, Жениху́ Небе́сному, уневе́щанная де́­во, Его́­же добро́ты твоея́ Рачи́теля име́ти жела́ющи, всю се­бе́ страда́нием, ра́­на­ми, у́дов ре́занием и са́мыя главы́ усече́нием, а́ки у́тварьми дража́йшими, потща́лася еси́ украси́ти: да та́­ко, я́ко жена́, ве́рна главе́ свое́й — му́­жу, Хри­сту́ ду́­хом и те́­лом соедини́шися неразлу́чно, глаго́лющи: «Обрето́х, Его́­же воз­лю­би́ душа́ моя́, удержа́х Его́ и не оста́вих Его́». Блаже́нна еси́, я́ко Свя­ты́й Дух на те­бе́ почи́л есть, и́м­же духо́вными ду­хо́в­ная разсужда́ти науче́на, вся ду́хи лука́вствия во и́долех я́ко па́губныя отри́нула еси́ и Еди́­на­го Бо́­га Ду́­ха позна́вши, я́ко и́стинная покло́нница, ду́­хом и и́с­ти­ною кла́нятися изво́лила еси́, пропове́днически глаго́лющи: «Тро́ицу чту, Еди́но Бо­жест­во́». Сию́ Свя­ту́ю Тро́ицу, Ю́же в жи­во­те́ и сме́р­ти испове́данием и страда́нием сво­и́м просла́вила еси́, умо­ли́ о мне, предста́тельнице моя́, я́ко да и аз всег­да́ тро́йственною ве́­ры, люб­ве́ и на­де́ж­ды доброде́телию, Ту́южде Свя­ту́ю Тро́ицу по­чи­та́ю. И́мам свети́льник ве́­ры, но пра́зден бла­ги́х дел еле́а; ты, му́д­рая де́­во, страда́льческую плоть твою́, кро́­ве испо́лненную и ра́­на­ми прелива́ющуюся, а́ки свети́льник иму́щая, даждь от еле́а тво­его́, да тем ду­ше́в­ную мою́ све­щу́ украси́вши, сподо́блюся по те­бе́ в Черто́г Не­бе́с­ный вни́ти. Пресе́льник аз есмь на зем­ли́ и пришле́ц, я́ко­же вси отцы́ мои́; благ ве́ч­ных насле́днице и блаже́нныя ве́чери в Ца́рст­вии Небе́снем прича́стнице, я́ко в стра́нствии жи­тия́, Трапе́зы Бо­же́ст­вен­ныя угоще́ния, си́­це и во исхо́де от ми́­ра жела́емаго спо­до́­би мя напу́тствования; и ег­да́ в ко­не́ц сном сме́р­ти начну́ усыпа́ти, косни́ся тог­да́ изнемога́ющия пло́­ти моея́, я́ко иногда́ А́н­гел Илии́, глаго́лющи: воста́ни, яждь и пий; я́ко да бла­го­да́­тию Бо­же́ст­вен­ных Те́­ла и Кро́­ве Тайн укрепле́н, преиду́ в кре́­пос­ти я́ди тоя́ дале́кий путь сме́р­ти, да́же до Горы́ Не­бе́с­ныя: и та́­мо, Его́­же ты чрез три окна́ ба́нныя пре́ж­де ве́­рою Бо́­га Тро́ицу узре́ла еси́, Се­го́ ку́п­но с то­бо́ю ли­це́м к ли­цу́ да удосто́юся ви́дети и сла́­ви­ти Его́ в неконча́емыя ве́­ки. Ами́нь.

Mолитва по соглашению

Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.